Dagblaðið Vísir - DV - 25.02.2011, Síða 50

J
ohn Wolfgang Alexander
Auson ius fæddist 12. júlí 1953 í
Lidingö, austur af Stokkhólmi.
Faðir hans var svissneskur og
móðir hans þýsk, bæði innflytjend-
ur, og bjó fjölskyldan í Vällingby,
verkamannahverfi í Stokkhólmi.
Wolfgang, sem var skírður Wolf-
gang Alexander Zaugg, var ekki ljós
á brún og brá og sökum þess og er-
lends bakgrunns síns varð hann
skotspónn illkvittinna skólafélaga í
bernsku. Þegar hann komst á full-
orðinsár litaði hann hár sitt ljóst
og notaði bláar augnlinsur og til að
bæta um betur breytti hann nafni
sínu, fyrst í John Wolfgang Alexand-
er Stannerman og síðar í John Wolf-
gang Alexander Ausonius, með það
fyrir augum að hylja erlendan bak-
grunn sinn.
Skólaganga Wolfgangs gekk
brösulega og nám virtist ekki eiga
vel við hann. Kvikmyndir áttu hug
hans allan og einkum og sér í lagi
voru myndir Monty Python-hópsins
í miklu uppáhaldi hjá honum, sér-
staklega Life of Brian.
Grunaður í morðinu á
Olof Palme
En annars konar kvikmyndir heill-
uðu hann einnig og eina kvikmynd
horfði hann ítrekað á og það var
Death Wish með Charles Bronson
í aðalhlutverki. Sú kvikmynd fjall-
ar um mann sem leitar hefnda eftir
að fjölskylda hans er myrt af ódæð-
ismönnum. Í sænskum fjölmiðlum
var leitt getum að því að kvikmynd-
in hefði ýtt undir áform hjá Wolf-
gang um að myrða innflytjendur
sem höfðu komist í kast við lögin í
Svíþjóð.
Í kjölfar morðsins á Olof Palme,
forsætisráðherra Svíþjóðar, varð
Wolfgang þess vafasama heið-
urs aðnjótandi að vera einn þeirra
sem lögreglan grunaði upphaflega
um morðið. Það verður þó að telj-
ast undarlegt ekki síst í ljósi þess að
John Wolfgang Alexander Stanner-
man, eins og hét þá, var á bak við lás
og slá vegna fjölda líkamsárása þeg-
ar Palme var ráðinn af dögum.
Í fangelsinu komst Wolfgang í
kynni við Ustasa-hryðjuverkamann-
inn Miro Baresic sem afplánaði þar
lífstíðardóm sem hann fékk eftir
að hann, í slagtogi við félaga sinn,
myrti jugóslavneskan sendifulltrúa.
Wolfgang leit mikið upp til Baresics
og fékk aldrei nóg af frásögnum
hans af lífi hans í heimi hryðjuverka
og hernaðarátaka.
Úr ríkidæmi í örbirgð
Wolfgang ræktaði með sér mikið
hatur í garð kommúnista, sósíal-
demókrata og innflytjenda þegar
hann fullorðnaðist og dreymdi um
að auðgast. Ekki virtist líklegt að sá
draumur rættist því Wolfgang vann
sem leigubílstjóri og voru tekjur
hans því í lægri kantinum. Engu að
síður reyndi hann fyrir sér í verð-
bréfabraski og í ljós kom að hann
hafði auga fyrir markaðnum. Inn-
an skamms hafði honum tekist að
auðgast töluvert og tók upp lífsstíl
uppa. Undir lok níunda áratugarins
hafði hann fest kaup á lúxusíbúð,
sportbíl og rúsínan í pylsuendan-
um var farsími, sem á þeim tíma var
tákn um velmegun og umsvif.
En slæmar fjárfestingar drógu úr
ríkidæmi Wolfgangs og á ferðalagi í
Þýskalandi smitaðist hann af spila-
fíkn og komst í fjárhagslegt öng-
stræti. En Wolfgang vissi sem var að
bankar geymdu peninga og snéri
sér að bankaránum til að fjármagna
íburðarmikinn lífsstíl sinn. Hann
afrekaði að fremja átján bankarán
áður en yfir lauk.
Hatur á innflytjendum
Þrátt fyrir að vera sonur innflytjenda
og fá ekki sænskan ríkisborgararétt
sjálfur fyrr en 1979 virtist sem hatur
Wolfgangs á innflytjendum ætti sér
engin takmörk. Það varð til þess að
hann fór á stúfana í leit að glæpa-
mönnum í þeirra röðum með það
fyrir augum að stytta þeim aldur. En
brátt gafst hann upp í þeirri leit og
ákvað að glæpaferill þyrfti ekki að
vera skilyrði. Hann tók þá ákvörðun
að myrða innflytjendur, glæpaferill
var ekki lengur skilyrði, og bar hann
þá von í brjósti að herferð hans
dygði til að flæma þá alla úr landi.
Fyrsta fórnarlamb Wolfgangs var
David Gebremariam, innflytjandi
frá Erítreu. Þann 3. ágúst 1991 skaut
Wolfgang hann í bakið, en David
lifði tilræðið af. Vitni sögðust hafa
séð rauðan díl á baki Davids í sömu
andrá og skothvellurinn heyrðist.
Að kvöldi 21. október sama
ár skaut Wolfgang námsmann af
írönskum uppruna, Shahram Khos-
ravi, í andlitið, en eitthvað virðist
sem Wolfgang hafi verið mislagðar
hendur því Sharam lifði árásina af.
Loksins árangur
Að kvöldi 27. október 1991 skaut
Wolfgang Dimitrios Karamalegos,
heimilislausan karlmann af grískum
uppruna, tvisvar í kviðinn. Dimitrios
sagðist hafa séð rautt ljós og heyrt
skothvelli en tekist að koma sér und-
an. Hann var illa særður en lifði af.
Um miðjan dag 1. nóvember
sama ár gekk Wolfgang inn í eld-
hús á veitingastað í Stokkhólmi, en
þar vissi hann af innflytjanda. Wolf-
gang skaut hann einu sinni í höfuðið
og nokkrum sinnum í kviðinn. Líkt
og fyrri skotmörk Wolfgangs lifði
innflytjandinn, Heberson Vieira Da
Costa, tónlistarmaður frá Brasilíu,
tilræðið af og gat aukinheldur gefið
lögreglunni lýsingu á tilræðismann-
inum.
Wolfgang gafst ekki upp þrátt fyr-
ir takmarkaðan árangur og 8. nóv-
ember skaut hann íranskan náms-
mann að nafni Jimmy Ranjabar sem
lést af sárum sínum daginn eftir.
Hver veit nema Wolfgang hafi
fundist ástæða til að fagna því hann
ákvað að fara til Las Vegas í Banda-
ríkjunum og sökkva sér í fjárhættu-
spil auk þess sem hann skoðaði
Miklagljúfur. Hann hvarf um nokk-
urra mánaða skeið, en hann átti eftir
að minna á sig að nýju.
Breyttur riffill
Frá 22. janúar til 30. janúar 1992
urðu fimm fyrir árás af hálfu Wolf-
gangs. Í Uppsölum skaut hann
mann að nafni Erik Bongcam-Rud-
loff í höfuðið. Daginn eftir, um há-
bjartan dag, skaut hann þeldökk-
an strætóbílstjóra í bringuna og
um kvöldið fór hann inn í sómalsk-
an klúbb í miðborg Stokkhólms og
skaut tvo karlmenn.
Fimm dögum síðar skaut hann
Isa Aybar, innflytjanda af tyrknesk-
um uppruna sem vann í söluturni
í höfuðborginni, fjórum skotum
í höfuðið. Aybar var eðlilega al-
varlega særður en náði þó að hafa
samband við lögreglu.
Þann 30. janúar skaut Wolfgang
Hasan Zatara, palestínskan versl-
unareiganda í höfuðið með þeim
afleiðingum að hann lamaðist.
Þessi síðustu skotmörk Wolf-
gangs lifðu öll af, en að mati lög-
reglunnar var ekki um að kenna
vankunnáttu Wolfgangs. Hann
kunni með skotvopn að fara en
hafði breytt þeim, án nauðsynlegr-
ar kunnáttu, með þeim með þeim
afleiðingum að nákvæmni þeirra
fór forgörðum.
Umfang leitar sænsku lögregl-
unnar að Wolfgang átti sér aðeins
fordæmi í máli Olofs Palme, hann
átti sér nánast ekki undankomu
auðið og var handtekinn í miðju
bankaráni 12. júní 1992. Vegna þess
að hann lagði síðar hendur á lög-
fræðing sinn var hann handjárn-
aður meðan réttað var yfir honum.
Wolfgang var sakfelldur fyrir morð
og rán, en ekki reyndist unnt að
tengja hann við allar skotárásirn-
ar. Wolfgang játaði þó aðild sína að
þeim öllum árið 2000.
John Wolfgang Alexander
Ausonius var dæmdur til lífstíðar-
fangelsis og afplánar dóminn í einu
stærsta fangelsi Svíþjóðar í Kumla.
MISLUKKAÐUR
RAÐMORÐINGI
50 | Sakamál Umsjón: Kolbeinn Þorsteinsson kolbeinn@dv.is 25.–27. febrúar 2011 Helgarblað
n John Wolfgang Alexander Ausonius lagði fæð á innflytjendur í Svíþjóð n Hann var
sakfelldur fyrir morð og bankarán og gerði tilraun til raðmorða frá ágúst 1991 til janúar
1992 n Þrátt fyrir ítrekaðar tilraunir náði hann aðeins að bana einum innflytjanda„Daginn eftir, um
hábjartan dag,
skaut hann þeldökkan
strætóbílstjóra í bringuna
og um kvöldið fór hann
inn í sómalskan klúbb í
miðborg Stokkhólms og
skaut tvo karlmenn.
Lagði fæð á innflytjendur
John Wolfgang Alexander
Ausonius vildi hrekja innflytj-
endur frá Svíþjóð.