Dagblaðið Vísir - DV - 15.04.2011, Síða 8

8 | Fréttir 15.–17. apríl 2011 Helgarblað
L A U G A V E G I 1 7 8
Sími: 568 9955 - www.tk. is
Opið: mánud-föstud.12-18 - laugard.12-16 - sunnud. LOKAÐ
Einnig mikið úrval af
fermingargjöfum
Erum flutt að
Laugavegi 178
(næsta húsi við frægustu bensínstöð landsins)
BRÚÐKAUPSGJAFIR
20 teg. Söfnunarstell
20 teg. Söfnunarhnífapör
20 teg. Söfnunarglös
iittala vörur - hitaföt o.fl.
„Ég er á sterkum verkjalyfjum vegna
verkja, en ég kemst ekki til tann-
læknis því ég hef ekki efni á því,“
segir Tinna Gunnarsdóttir Gígja, 26
ára kona, sem er með ónýtar tennur
og bíður eftir að geta fengið falskan
góm þrátt fyrir ungan aldur.
Hent út af biðstofu
„Ég hef alltaf verið með lélegan gler-
ung. Ég held að það sé bara ætt-
gengt. Mamma fékk falskar tennur
um tvítugt og öll systkyni hennar
líka.“ Tennur Tinnu hafa alltaf verið
lélegar að hennar sögn en þrátt fyrir
það hefur hún ekki verið undir sér-
stöku eftirliti hjá tannlækni. Í dag
eru tennurnar ónýtar og eru fram-
tennurnar við það að detta úr í efri
gómi. Ástandið hefur farið versandi
undanfarin ár og er farið að hafa
áhrif á andlega líðan hennar. „Ég
forðast það helst að brosa framan
í fólk og það þýðir til dæmis ekkert
fyrir mig að sækja um vinnu við af-
greiðslustörf eftir að tennurnar fóru
að hrynja úr mér. Síðast þegar ég fór
til tannlæknis var mér hent út vegna
þess að ég gat ekki staðgreitt. Það var
fyrir tveimur árum. Ég hef ekki haft
efni á að fara síðan og ég hef ekki
áhuga á að láta niðurlægja mig aft-
ur einhvers staðar fyrir framan fulla
biðstofu af fólki,“ segir hún.
Borðar fjótandi fæði
Tinna bætir við að slæm tannheilsa
hennar taki ekki síður toll af líkam-
legri heilsu því hún á erfitt með að
borða fasta fæðu. Hún viðurkennir
að líklega hefði hún getað hugsað
betur um tennurnar á sér og seg-
ir tilhugsunina um að þurfa að fá
flaskar tennur ekki góða „Ég borða
voðalega mikið súpur, súrmjólk,
skyr og svoleiðis, en ég sakna þess
voðalega mikið að geta fengið mér
brjóstsykur.“ Hún segist helst sjá
eftir að hafa ekki farið oftar til tann-
læknis áður en hún varð sextán
ára því þá var kostnaðurinn niður-
greiddur af ríkinu. „Mér finnst alveg
hrikalega dýrt að fara til tannlækn-
is og ég skil ekki hvers vegna það er
álitið að tennurnar séu ekki hluti af
líkamanum. Tannpína er ekki bara
tannpína. Tannskemmdir geta jafn-
vel leitt til dauða. Þetta hefur einn-
ig áhrif á meltinguna vegna þess að
ég get ekki tuggið almennilega það
sem ég borða. Ríkir greiðir niður
kostnað varðandi allt annað þeg-
ar kemur að heilsu, af hverju ekki
tannheilsu?“
Brosað framan í heiminn
Í dag bíður Tinna þess að komast á
örorkubætur vegna veikinda og von-
ast þá til að gera farið til tannlæknis
því öryrkjar fái niðurgreiddan tann-
læknakostað að einhverju leyti. Hún
segir að of seint sé að reyna að gera
við tennurnar og það eina í stöðunni
fyrir hana sé að fá gervitennur. Án
niðurgreiðslu kosti falskar tennur
„einhverja hundrað þúsund kalla,“
sögn Tinnu. Hún segir geta tekið
einhvern tíma að komast á örorku og
á meðan, forðast hún að vera mikið
meðal fólks. „Það væri fínt að geta
verið meðal fólks og brosað án þess
að vera með höndina fyrir munnin-
um; brosað framan í heiminn,“ segir
hún og hlær.
n Með ónýtar tennur en hefur ekki efni á að fara til tannlæknis n Var hent út af
tannlæknastofu því hún gat ekki staðgreitt n Ekki góð tilhugsun að fá falskar
„Forðast að brosa“
Hanna Ólafsdóttir
blaðamaður skrifar hanna@dv.is
„Það þýðir til dæm-
is ekkert fyrir mig
að sækja um vinnur við
afgreiðslustörf eftir að
tennurnar fóru að hrynja
úr mér.
Rústir Tinna Gunnars-
dóttir Gígja segist ekki
skilja hvers vegna tann-
læknakostnaður sé ekki
niðurgreiddur eins og
önnur læknisþjónusta.
MYND SIGTRYGGUR ARI
Hvað er hægt að gera til að fyrirbyggja gler-
ungseyðingu? Það er margt sem getur skemmt
tennur – og jafnvel þó þær séu burstaðar
daglega þá getur glerungurinn eyðst. En hér
eru nokkur fyrirbyggjandi ráð frá Landlækni:
n Takmarka neyslu súrra drykkja og
matvæla og neyta þeirra eingöngu á
matmálstímum.
n Ljúka við súra drykkinn á stuttum
tíma, frekar en að vera að dreypa á
honum í langan tíma.
n Skola munninn vel með vatni eftir að
hafa fengið sér eitthvað súrt.
n Bursta ekki tennurnar strax eftir
súran mat eða drykk því hætta er á að
burstaður sé burt tannvefur sem er við-
kvæmur eftir sýruna.
n Nota alltaf tannbursta með mjúkum
hárum og tannkrem með litlum eða
engum slípiefnum.
n Drekka frekar vatn eða mjólk í stað
súrra drykkja.
Tannvernd snýst fyrst og fremst um:
n Góða tannhirðu
n Notkun flúors
n Reglulegt eftirlit tannlæknis
n Hollar neysluvenjur
Tannhirða
Hraðakstur út um alla borg:
63 prósent
óku of hratt
Brot fjörutíu ökumanna voru mynd-
uð í Dalsmára í Kópavogi á fimmtu-
dag. Fylgst var með ökutækjum sem
var ekið Dalsmára í vesturátt, við
Lækjarsmára. Á einni klukkustund,
fyrir hádegi, fóru sextíu ökutæki
þessa akstursleið og því ók meiri-
hluti ökumanna, eða sextíu og þrjú
prósent, of hratt eða yfir afskipta-
hraða.
Meðalhraði hinna brotlegu
var fjörutíu og sjö km/klst en þarna
er hámarkshraði 30 kílómetrar á
klukkustund. Tólf óku á fimmtíu
kílómetra hraða á klukkustund eða
meira en sá sem hraðast ók mældist
á sextíu og átta kílómetra hraða á
klukkustund. 
Þess má geta að lögreglan hefur
verið við hraðamælingar á þessum
stað nokkrum sinnum áður og þá
hefur brotahlutfallið jafnan verið
hátt, eða á milli 38 og 72 prósent.
Þá voru brot tuttugu og fjög-
ura ökumanna mynduð á Garða-
flöt í Garðabæ í gær. Fylgst var með
ökutækjum sem var ekið Garðaflöt
í vesturátt, við Smáraflöt. Á einni
klukkustund, eftir hádegi, fóru fjöru-
tíu ökutæki þessa akstursleið og því
ók meirihluti ökumanna, eða sextíu
prósent, of hratt eða yfir afskipta-
hraða, rétt eins og í Dalsmára. Með-
alhraði hinna brotlegu var fjörutíu
og sjö kílómetrar á klukkustund en
þarna er hámarkshraði 30 kíló-
metrar á klukkustund. Átta óku á 50
kílómetra hraða á klukkustund eða
hraðar en sá sem hraðast ók mældist
á 56 kílómetra hraða á klukkustund.
Þess má geta að lögreglan hefur
verið við hraðamælingar á þessum
stað nokkrum sinnum áður og þá
hefur brotahlutfallið jafnan verið
hátt, eða 41 til 66 prósent, og meðal-
hraði hinna brotlegu hefur líka
verið í hærri kantinum, eða 47 til
48 kílómetrar á klukkustund. Þetta
kemur fram á vef lögreglunnar sem
hefur haft í nógu að snúast síðustu
daga við að sekta ökumenn sem aka
ógætilega.
Hjartadeild Landspítala fékk góða gjöf:
Gáfu hjartarita og sjónvörp
Hjartadeild Landspítala háskóla-
sjúkrahúss við Hringbraut fékk góða
gjöf á þriðjudaginn. Hjartaheill, sam-
tök hjartasjúklinga, aðstandend-
ur þeirra og áhugafólk um heilbrigt
hjarta, gáfu hjartadeildinni hjartarita
ásamt fylgihlutum, átta sjónvarps-
tæki og innanstokksmuni í aðstand-
endaherbergi Hjartadeildar 14 E og
G.
„Á sama tíma óskar Hjartaheill að
gifta og hamingja megi fylgja þessum
tækjum ásamt hjartans óskum um að
notkun búnaðarins skili farsælum og
blessunarríkum árangri,“ segir í til-
kynningu frá samtökunum.
Þar segir líka að staðreyndin sé sú
að í fjárlögum sé yfirleitt of lítið fjár-
magn ætlað til tækjakaupa í íslenska
heilbirgðiskerfinu. Einstaklingar og
samtök þeirra hafa oft brugðist við
því með margvíslegum stuðningi,
ekki síst fjárframlögum til tækja-
kaupa, og eiga ríkan þátt í því að ís-
lenska heilbrigðiskerfið er jafn gott
og árangursmælingar benda til.
Hjartaheill eru samtök hjarta-
sjúklinga, aðstandendur þeirra og
áhugafólk um heilbrigt hjarta sem
vilja stuðla að betri heilsu og bættum
lífsgæðum í íslensku samfélagi. Um
leið er lögð áhersla á framfarir í for-
vörnum, fræðslu og meðferð hjarta-
sjúkdóma. Þá stendur Hjartaheill
vörð um hagsmuni og réttindi hjarta-
sjúklinga og starfar faglega og af heil-
um hug fyrir skjólstæðinga sína.
baldur@dv.is
Góð gjöf Bylgja Kjærnested deildarstjóri (t.v.) tók við gjöfinni.