Dagblaðið Vísir - DV - 15.04.2011, Blaðsíða 20

20 | Fréttir 15.–17. apríl 2011 Helgarblað
Ný og endurskoðuð dýraverndar-
lög eru væntanleg í þessum mánuði
þar sem tekið verður sérstaklega á
kynferðisbrotum gegn dýrum. Dýra-
verndarsamband Íslands hafði frum-
kvæði að því að koma þeim málaflokki
inn í endurskoðunarnefnd dýravernd-
arlaga. Sambandið vill fá bann við
kynferðislegri misnotkun dýra lögfest,
líkt og gert hefur verið í um 80 lönd-
um í heiminum að sögn Ólafs R. Dýr-
mundssonar, formanns Dýraverndar-
sambands Íslands. Það er líka ástæða
fyrir því að menn vilja breyta dýra-
verndarlögum. Þar er hvergi með
beinum hætti fjallað um kynferðisbrot
gegn þeim þó kveðið sé þar á um í 2.
grein laganna að skylt sé að fara vel
með öll dýr. Óheimilt sé að hrekkja
dýr eða meiða og að forðast skuli að
ofbjóða kröftum þeirra og þoli.
Þörf umræða
Ólafur hefur kynnt sér þessi mál
töluvert undanfarin þrjú ár, meðal
annars sem forseti Norræna dýra-
verndarráðsins, og hann segir um-
fjöllun skorta um málaflokkinn hér á
landi en umræðan um kynferðisbrot
gegn dýrum kemur reglulega upp í
nágrannaþjóðum okkar. Þá sérstak-
lega Danmörku.
„Þessi mál hafa ekki verið könn-
uð hér á landi en vitað er um einstök
dæmi. Hér hefur lítið verið fjallað um
þetta og mun minna en í nágranna-
löndunum,“ segir Ólafur sem bind-
ur vonir við að tekið verði á þessu í
endur skoðuðum lögum.
Í byrjun vikunnar sýndi danska
sjónvarpsstöðin TV2 umdeildan þátt
þar sem sjónvarpsmaðurinn Niels
Christian Meyer fjallað um kynlíf
manna með dýrum þar í landi. Þar
er slíkt athæfi ekki bannað með lög-
um og vitað um sérstök „dýravænd-
ishús“ þar sem kúnnar hvaðanæva
úr Evrópu greiða fyrir aðgang að dýr-
um. Á þessu vildi Meyers vekja at-
hygli og knýja á um að þessu verði
breytt. Í þættinum var meðal annars
sýnt þegar karlmaður stundaði kynlíf
með geit. Þrátt fyrir að málaflokkur-
inn veki mikinn óhug þá hafa tillögur
um að banna athæfi sem þetta alfar-
ið í Danmörku iðulega verið felldar á
þingi.
Ekki skráð sérstaklega
hjá lögreglu
DV spurðist fyrir hjá embætti ríkis-
lögreglustjóra um hvort kynferðis-
brot gegn dýrum væru algeng hér á
landi. Fengust þau svör að þar sem
lögin fjalli ekki með beinum hætti
um kynferðisbrot gegn dýrum séu
slík tilfelli ekki skráð sérstaklega.
Skráning lögreglu byggir á lagagrein-
um og því var ekki hægt að finna nein
skráð brot er vörðuðu fyrirspurn DV,
um kynferðisbrot gegn dýrum.
Hægt að ákæra
í núverandi lögum
Þó að í dýraverndarlögum sé ekki
kveðið beinlínis á um kynferðisbrot
gegn dýrum þá þýðir það ekki að
menn geti komist upp með slíkt hér
á landi ef þeir verða uppvísir að því.
Í október 2004 kom upp mál í
Þorlákshöfn sem þáverandi formað-
ur Dýraverndarsambands Íslands,
Sigríður Ásgeirsdóttir, rifjaði upp í
grein í september 2006. Hestaeig-
andi kærði þá meintan dýraníðing
fyrir innbrot í hesthús sitt og fyrir að
áreita hrossin þar kynferðislega. Lög-
reglan tók málið föstum tökum og
var það rannsakað bæði sem innbrot
og sem brot á ofangreindum lögum
um dýravernd.
Málið fékk í raun sömu málsmeð-
ferð og ef um nauðgun hefði verið
að ræða. Sýni og lífsýni voru tekin af
meintum geranda og hrossunum og
þau send til útlanda til DNA-grein-
ingar. Niðurstöðurnar þóttu hins veg-
ar ekki nógu afgerandi til að verkn-
aðurinn þætti tvímælalaus. Það er
því ekki svo að þó ekki séu í lögum
nein bein ákvæði um kynferðisbrot
gegn dýrum að ekki sé hægt að sækja
menn til saka á grundvelli fyrirliggj-
andi laga. Sönnunarbyrðin er þó rík.
Íslenskir hestar
á „dýravændishúsi“
Umræða um þessi mál kom upp
haustið 2006 hér á landi eftir umfjöll-
un danska dagblaðsins 24timer þar
sem blaðamaður villti á sér heimildir
til að afhjúpa umfangsmikil viðskipti
sem varða kynlíf með dýrum í Dan-
mörku. Komst hann að því að fólk frá
Norðurlöndunum, Þýskalandi og víð-
ar gerði sér sérstaka ferð til Danmerk-
ur til að heimsækja staði sem bjóða
upp á slíka þjónustu. Ástæða þess að
málið vakti athygli hér á landi var að
í greininni kom fram að á einu slíku
„dýravændishúsi“ á Norður-Jótlandi
væru tveir íslenskir hestar. Þriggja
vetra foli sem kallaður var Max og
eldri hryssa. Eigandinn hafði þá átt
folann Max í þrjá mánuði og höfðu 26
kúnnar keypt sér aðgang að íslenska
folanum.
Samkvæmt upplýsingum sem DV
fékk hjá íslenska landbúnaðarráðu-
neytinu, sem meðal annars hefur
skipað nefndir til að kynna og mark-
aðssetja íslenska hestinn á erlendri
grund, er hvorki auðvelt né hreinlega
mögulegt að halda utan um hvað
verður um hestana eftir að þeir hafa
verið seldir úr landi.
Sigurður Mikael Jónsson
blaðamaður skrifar mikael@dv.is
kynferðisleg mis-
notkun bönnuð
n Endurskoðuð dýraverndarlög væntanleg n Verður tekið sérstaklega á kyn-
ferðisbrotum n Dýraverndarsambandið vill festa bann við misnotkun dýra í
lög n Vitað um einstök dæmi dýraníðs þó lögreglan skrái þau ekki sérstaklega
Níðst á hestum Árið 2004 kom upp mál þar sem maður var grunaður um að hafa brotist
inn í hesthús og misnotað hross kynferðislega. Sá var kærður fyrir brot á lögum um dýra-
vernd þó þar sé ekki kveðið sérstaklega á um kynferðisbrot. Hann var á endanum sýknaður.
MyND REutERs/tENgist EfNi fRéttaR Ekki MEð bEiNuM Hætti.