Dagblaðið Vísir - DV - 15.04.2011, Blaðsíða 18
18 | Fréttir 15.–17. apríl 2011 Helgarblað
Börnin okkar, samtök foreldra leikskólabarna í Reykjavík:
Borgin á að forgangsraða
Börnin okkar, samtök foreldra leik-
skólabarna í Reykjavík, fagna því að í
sex tilfellum hafi verið fallið frá sam-
einingum leikskóla og að einni sam-
einingu leik- og grunnskóla hafi ver-
ið frestað.
Í fréttatilkynningu sem samtökin
sendu frá sér segir: „Það eru hins-
vegar mikil vonbrigði að ekki sé fall-
ið frá öllum sameiningum og að ekki
sé gætt jafnræðis milli hverfa en að-
eins sumstaðar er boðið upp á sam-
ráð um hagræðingu.“ Fram kemur
að sameina eigi tuttugu og fjóra leik-
skóla og þar með sé að engu farið
eftir umsögnum foreldraráða, sem
hafi hafnað nær öllum sameiningum
en hafi jafnframt óskað eftir því að
koma á virku samráði í stað samein-
inga. „Foreldraráð hafa lögbundin
rétt á umsögn um meiriháttar breyt-
ingar og ekki hefur verið gerð grein
fyrir hvernig taka á tillit til umsagna
þeirra eins og Mennta- og menning-
armálaráðuneytið gerði tillögu um.
Nú á bæði að sameina og fara í
enn frekari niðurskurð á mennta-
kerfinu á næsta ári með samráð for-
eldra og nærumhverfis að leiðarljósi.
Börnin okkar harma þessa misbeit-
ingu á vilja foreldra til samráðs, for-
eldrar óskuðu eftir samráði í staðinn
fyrir sameiningar,“ segir í tilkynning-
unni. Nú eigi hins vegar að bæði að
sameina og biðja foreldra og nærum-
hverfið að koma með tillögur að enn
frekari hagræðingu. „Verður eitthvað
eftir til að skera niður?“ er spurt.
hanna@dv.is
Vonbrigði Börnin okkar, samtök foreldra
leikskólabarna í Reykjavík, fagna því að fallið
hefur verið frá sex sameiningum leikskóla.
„Íslandsbanki getur ekki sagt við
mig að hann sé að bíða eftir nýjum
dómum eða úrskurðum í von um að
það lagi stöðu bankans,“ segir Þórir
Brynjúlfsson flugmaður. Hann ætl-
ar að stefna bankanum fyrir að tefja
uppgjör á láni eftir að Hæstiréttur
dæmdi gengistryggð lán bankanna
ólögleg í fyrra. „Eftir helgina fer ég
einu sinni enn í bankann og síð-
an stefni ég honum. Ég vil fá viður-
kenndan rétt minn á endurgreiðslu
bankans í samræmi við upphafleg-
an dóm Hæstaréttar og á þeim tíma-
punkti sem ég bað um að lán mitt
yrði leiðrétt í samræmi við dóminn.
Ég bauð bankanum upp á að hann
leiðrétti höfuðstólinn eftir að dóm-
ur hafði gengið. Ég bauðst líka til að
greiða upp lánið á forsendum dóms-
ins. Dómurinn tók út gengistrygg-
inguna og dæmdi hana ólögmæta
eins og allir muna. Ég fæ þau svör að
Íslandsbanki sé að bíða eftir nýjum
dómum. Þeir hafa engan rétt til að
gera neitt slíkt. Varð það ekki réttur
minn að fá að greiða upp lánið eins
og ég bað um og á þeim tíma sem ég
fór fram á slíkt? Eitt atriði samnings-
ins var dæmt ólöglegt og ég vildi fá
að gera lánið upp á þeim grundvelli,“
segir Þórir.
Einhliða breytingar
Málavextir eru þeir að í síðasta mán-
uði tilkynnti Íslandsbanki Þóri um
„einhliða breytingar“ á samningi um
kaupleigu frá 2006. Í bréfi bankans
er vísað til þriggja dóma Hæstaréttar
um gengistryggð lán frá síðasta ári.
Þórir svaraði bankanum með
bréfi til Birnu Einarsdóttur banka-
stjóra, Ingvars Sigurðssonar, fram-
kvæmdastjóra Fjármögnunar
Íslandsbanka, og Tómasar Sigurðs-
sonar, forstöðumanns lögfræðisviðs
bankans.
Í bréfinu áréttar Þórir að samn-
ingar séu ekki einhliða heldur bygg-
ist á samþykki aðila beggja vegna
borðs. Í ljós hafi komið að samning-
urinn frá 2006 hafi reynst ólöglegur
að einu leyti; ólöglegt hafi verið að
gengistryggja hann. Þórir vísar síðan
til ákvæða laga um samningsgerð,
en þar segir að „… víkja megi samn-
ingi til hliðar í heild eða að hluta, eða
breyta, ef það yrði talið ósanngjarnt
eða andstætt góðri viðskiptavenju
að bera hann fyrir sig,“ eins og segir
orðrétt. Í lögunum er einnig kveðið á
um að túlka beri neytanda í hag um
öll vafaatriði samnings.
Í ljósi þessa óskaði Þórir eftir
því að fá höfuðstól lánsins endur-
reiknaðan og að bankinn sendi nýja
greiðsluseðla í samræmi við slíkan
útreikning á grundvelli Hæstaréttar-
dómsins.
Fer alla leið ef með þarf
Í öðru lagi óskaði Þórir eftir því að
fá að greiða upp eftirstöðvar láns-
ins á sömu forsendum eins og áður
segir. Þessar kröfur lét Þórir einnig
reikna fyrir sig og voru útreikning-
arnir sendir bankanum. Þeir tóku til
niðurfellingar gengistryggingar, of-
metins höfuðstóls, samningsvaxta
og ofgreiddra vaxta. Allt þetta lét
hann senda bankanum með lögleg-
um hætti með stefnuvotti.
Þórir hefur staðið í málarekstri
vegna lánsins síðan. Hann stendur
fast á því að dómari verði að dæma
eftir þeim lögum sem í gildi voru
þegar krafan um leiðréttingar var
gerð; það sé vitanlega sjálfgefið. „Að
gefa í skyn að beðið sé eftir hagstæð-
ari niðurstöðu fyrir bankann er mjög
alvarlegt mál í réttarríki að því gefnu
að það sé til staðar á Íslandi. Undir-
ritaður ætlar að reyna á rétt sinn til
þess að fá að greiða lán sitt upp mið-
að við gildandi rétt í ágúst 2010.“
Þórir er staðráðinn í því, verði Ís-
landsbanki ekki við kröfum hans, að
láta reyna á rétt sinn fyrir íslensk-
um dómstólum og síðar fyrir EFTA-
dómstólnum og jafnvel mannrétt-
indadómstóli Evrópu ef þörf krefur.
„Ég samþykki ekki neinar einhliða
breytingar eins og bankinn orðar
það. Nú senda þeir greiðsluseðla á
sínum forsendum. Ætla þeir að taka
eignir af fólki ef það samþykkir ekki
þessar einhliða breytingar sínar?“
Bankinn neitar
Með bréfi dagsettu 2. september
2010 hafnaði Íslandsbanki kröfu
Þóris um að fá að greiða upp lánið.
„Að svo búnu máli fellst bankinn
ekki á kröfu þína um uppgreiðslu
eftirstöðva á kaupleigusamningi
samkvæmt þeim forsendum sem
koma fram í áskorun þinni.“
Bankinn vísar þessu næst til þess
að endurútreikningar standi yfir á
kaupleigusamningum í samræmi
við niðurstöðu Hæstaréttar og dóma
Héraðsdóms Reykjavíkur þar sem
viðurkennd var krafa um að með-
alvextir Seðlabanka Íslands skyldu
gilda. „Þann 6. september n.k. verð-
ur tekið fyrir í Hæstarétti mál sem
snýr að vaxtaþætti bílalána og kaup-
leigusamninga í erlendri mynt. Nið-
urstaða Hæstaréttar mun hafa áhrif
á endurútreikningana og því er ekki
hægt að ljúka við þá fyrr en dóms-
niðurstaða liggur fyrir síðar í sama
mánuði,“ segir orðrétt í bréfi frá lög-
fræðideild Íslandsbanka.
Um þetta stendur deilan. Dómur
féll um ólögmæti gengistryggingar-
þáttar láns. Þórir krafðist endurút-
reiknings og þess að fá að greiða upp
lánið á grundvelli dóms Hæstaréttar.
Hann telur að uppgreiðslan verði að
vera í samræmi við lög og rétt í þeim
tímapunkti sem hann fór fram á að
greiða upp lánið.
n Fær ekki að greiða upp gengistryggt lán
á forsendum hæstaréttardóms n Ég stefni
bankanum, segir Þórir Brynjúlfsson flug-
maður n Segist fá bréf frá bankanum um
einhliða útreikninga n Ætlar með málið til
EFTA-dómstólsins eða mannréttindadóm-
stóls Evrópu ef þörf krefur„Ég bauðst líka til
að greiða upp lán-
ið á forsendum dómsins.
Jóhann Hauksson
blaðamaður skrifar johannh@dv.is
Fær ekki að greiða
upp gengistryggt lán
Stefnir bankanum sjálfur Þórir Brynj-
úlfsson flugstjóri bauðst til að greiða upp
gengistryggt lán eftir að Hæstiréttur dæmdi
það ólöglegt. Það hefur hann ekki fengið.
Einhliða útreikningur Þórir segir
Íslandsbanka fara á svig við lög í tilraunum
til að verja hag sinn. mynd róBErT rEyniSSon
Larry King í Hörpu
Bandaríski sjónvarpsmaðurinn Larry
King, sem stjórnaði meðal annars
viðtalsþætti á sjónvarpsstöðinni
CNN í aldarfjórðung, er væntanlegur
hingað til lands í september og mun
halda fyrirlestur um feril sinn.
King mun tala í Hörpu föstudag-
inn 23. september, að því er kemur
fram í tilkynningu frá Guðbjarti Finn-
björnssyni, sem stendur fyrir komu
Kings hingað til lands. Viðmælendur
Larrys King í gegnum tíðina skipta
þúsundum og hefur hann meðal
annars tekið viðtöl við alla helstu
þjóðarleiðtoga heims, alla forseta
Bandaríkjanna síðustu áratugi,
Charles Manson, Lady GaGa og svo
mætti lengi telja.