Dagblaðið Vísir - DV - 15.04.2011, Blaðsíða 22
22 | Fréttir 15.–17. apríl 2011 Helgarblað
Eftirlitsaðilar á vegum Fiskistofu
heimsóttu útgerðarfélagið Saltver í
Reykjanesbæ 1. apríl síðastliðinn í
þeim tilgangi að afla gagna fyrir rann-
sókn stofnunarinnar á fyrirtækinu.
Þetta staðfestir Hrefna Gísladóttir, for-
stöðumaður fiskveiðistjórnunarsviðs
Fiskistofu, í samtali við DV. Hrefna
vildi ekki tjá sig um einstaka mál en
staðfesti þó að mál tengd Saltveri væri
til rannsóknar hjá Fiskistofu.
Heimildir DV herma að um tuttugu
manna hópur hafi farið inn í fyrirtæk-
ið, en lögreglumenn frá lögregluemb-
ættinu í Keflavík fylgdu eftirlitsaðilum
Fiskistofu. Þá herma heimildir blaðs-
ins að lagt hafi verið hald á ýmis bók-
haldsgögn fyrirtækisins sem nú eru
til skoðunar hjá Fiskistofu. Þorsteinn
Erlingsson, eigandi Saltvers, vildi ekki
tjá sig um málið þegar DV hafði sam-
band við hann.
Matsveinn vakti athygli á málinu
Samkvæmt heimildum DV bein-
ist rannsókn Fiskistofu að meintu
kvótasvindli. Eins og fram kom í DV
í janúar sakaði Þorleifur Frímann
Guðmundsson, fyrrverandi mat-
sveinn á Ósk KE-5, Saltver um skipu-
lagða og afar grófa löndun fram hjá
vigt, í bréfi sem hann sendi Fiski-
stofu. Þorsteinn Erlingsson, eigandi
Saltvers, fyrrverandi bæjarfulltrúi og
stjórnarmaður í Sparisjóði Keflavík-
ur, brást við með því að segja ásakan-
ir Þorleifs vera kjaftæði.
Starfsmaður Saltvers sem blaða-
maður ræddi við sagði að einung-
is hefði verið um almennt eftirlit að
ræða þann 1. apríl – einskonar slembi-
úrtak. Samkvæmt upplýsingum frá
Fiskistofu er hins vegar sjaldnast hald-
ið af stað í slíka vegferð nema stað-
festur grunur leiki á um misferli. Hjá
lögreglunni í Keflavík vildu menn ekki
tjá sig efnislega um málið og bentu á
Fiskistofu. Heimildir DV herma að
fleiri útgerðarfélög á Suðurnesjum
hafi undanfarið fengið slíkar heim-
sóknir frá Fiskistofu.
Mögulegar fjársektir
„Almennt séð, þá gefum við engar
upplýsingar um mál sem við erum
með í skoðun, ég get þó staðfest það
að við fórum inn í fyrirtækið,“ sagði
Hrefna Gísladóttir hjá Fiskistofu í
samtali við DV. Fiskistofa hefur heim-
ildir samkvæmt lögum til að vinna
rannsóknir sem snúa að því að bak-
reikna afurðir til afla. Það snýst um
það að reikna út hversu mikill afli þurfi
að koma inn í viðkomandi fyrirtæki til
þess að ákveðið magn afurða fari út.
Eftirlitsmenn stofnunarinnar
hafa því heimildir til að afla tiltek-
inna gagna til þess að vinna með í
tengslum við slíkar rannsóknir. Út frá
þeim gögnum er síðan metið, og stað-
reynt, hvort allt það sem fór í að vinna
afurðirnar hafi verið löglega innveg-
inn afli eða ólöglegur afli sem farið
hafi fram hjá vikt. Gera má ráð fyrir því
að Fiskistofa rannsaki nú hvort Saltver
hafi hleypt afla fram hjá vikt, en ef slíkt
þykir sannað getur fyrirtækið staðið
frammi fyrir háum fjársektum.
Landað í skjóli nætur
Þorleifur Frímann, matsveinninn
sem vakti athygli á málinu og sendi
bréf til Fiskistofu í janúar, fór fram á
það í bréfinu að stofnunin rannsak-
aði Saltver. Hann sagðist ekki geta
horft fram hjá brotunum líkt og aðr-
ir sjómenn sem hefðu staðið frammi
fyrir afarkostum; að missa vinn-
una eða þegja. Samkvæmt minnis-
blöðum sem hann hafði skráð í nóv-
embermánuði virtist skeika um að
minnsta kosti tíu tonn þann mán-
uðinn, sem hann kvaðst hafa stað-
festan grun um að hefði verið landað
fram hjá vigt.
Í bréfinu til Fiskistofu lýsti Þorleifur
því síðan því hvernig farið hefði verið
að við löndun: „Í lok róðurs þá gefur
skipstjóri upp karafjölda með sms-
skeyti og fær svo til baka frá útgerðar-
stjóra hvað eigi að setja í veiðiskýrslu.
Síðar við löndun þá er aflinn sótt-
ur með lyftara að skipshlið og ekið í
hús sem er við bryggjurótina í Njarð-
vík. Vigtin er hægra megin í húsin en
hausari vinstra megin. Afla er af ásetn-
ingi sturtað beint í hausunarvél og
ekkert fer á vigt. Þegar eftirlitsmenn
eru til staðar eða á svæðinu þá hefur
verið tekin sú ákvörðun um að landa
ekki öllum aflanum, ítrekað hefur það
komið fyrir að það er farið með nokk-
ur kör aftur í róður eða landað síðar,
eða í skjóli nætur þó ekki fyrr en Fiski-
stofa hefur yfirgefið svæðið, ekkert eft-
irlit hefur verið með hvort löndun hafi
raunverulega verið lokið.“
Vildu afsökunarbeiðni
DV hafði samband við Þorleif Frí-
mann vegna málsins sem vildi ekkert
tjá sig að svo stöddu. Í febrúar síðast-
liðnum sagðist hann í samtali við DV
hafa verið kallaður til fundar við eig-
endur Saltvers sem hefðu reynt að
þvinga hann til að biðjast afsökunar
á ummælunum og taka þau aftur. „Ég
sagði þeim bara að éta það sem úti
frýs. Þeir vildu fá mig til þess að und-
irrita afsökunarbeiðni þar sem fram
átti að koma að málflutningur minn
væri byggður á misskilningi. Þeir vildu
semja við mig um ógreidd laun og
laun á uppsagnarfresti í þrjá mánuði
gegn því að ég undirritaði afsökunar-
beiðnina. Ég sagði þeim bara að éta
það sem úti frýs. Eftir þetta blandaði
meðal annars Einar Magnússon, bæj-
arfulltrúi og eigandi Óskarinnar sem
ég var á, sér í málið. Ég gaf mig ekki og
þá var mér hótað með því að ég yrði
kærður fyrir að stela lifrarhlut sjó-
mannanna. Það reyndist vera þvætt-
ingur, sjómennirnir ætluðu ekkert að
kæra.“
„Almennt séð, þá
gefum við engar
upplýsingar um mál sem
við erum með í skoðun,
ég get þó staðfest það að
við fórum inn í fyrirtækið.
Jón Bjarki Magnússon
blaðamaður skrifar jonbjarki@dv.is
Rassía
í útgeRð
ÞoRsteins
n Útgerðarfyrirtækið Saltver er til rannsóknar hjá Fiskistofu n Sakað um
skipulagða og grófa löndun fram hjá vigt n Eigandinn tjáir sig ekki um málið
Þorsteinn Erlingsson
Þorsteinn sagði málflutning
Þorleifs vera kjaftæði á
sínum tíma, en nú tjáir hann
sig ekkert um málið.
Lín Design Laugavegi 176, gamla sjónvarpshúsið Sími 533 2220 www.lindesign.is
Mjúka fermingargjöfin
Úrval fermingargjafa á tilboði