Dagblaðið Vísir - DV - 15.04.2011, Blaðsíða 28
Þjóðaratkvæðagreiðslurnar um Icesave hafa orðið til þess að færa fólkinu í land-
inu beint vald. Því verður þó ekki
á móti mælt að hentistefna og
lýðskrum ræður gjarnan afstöðu
þeirra stjórnmálaafla sem láta sig
mál varða. Þannig hafði hluti Sjálf-
stæðisflokksins talið fráleitt að for-
seti Íslands beitti því valdi að vísa
málum til þjóðarinnar. Í þeirra
hópi voru jafnvel uppi raddir um
að lagaleg stoð væri ekki fyrir því
að forsetinn efndi til þjóðarat-
kvæðagreiðslu. Þessi viðhorf voru
uppi í kringum alræmd fjölmiðla-
lög sem dregin voru til baka eftir að
forsetinn tilkynnti að hann myndi
vísa þeim til þjóðarinnar. Í þá daga
voru hatrömmustu andstæðingar
forsetans þeir sem undanfarin
misseri hafa hampað honum mest
vegna Icesave og talið þjóðarat-
kvæðagreiðslur vera af hinu góða.
Og það er þarna sem hundur-
inn liggur grafinn hjá prinsipp-
lausum lýðskrumurum. Sama
fólkið og espaði forsetann með
kjassi og blíðmælgi til að vísa mál-
um tengdum Icesave til þjóðarinn-
ar leggst nú af fullum þunga gegn
því að sama þjóð fái að greiða at-
kvæði um þúsund sinnum stærra
mál, aðild að Evrópusamband-
inu. Formaður Sjálfstæðisflokks-
ins, sem sýndi þann manndóm
að taka afstöðu í Icesave-málinu á
grundvelli eigin samvisku, snýst nú
eins og vindhani í misvindi og vill
hætta við að leyfa þjóðinni að taka
afstöðu til ESB. Einstefnuheilar í
Framsóknarflokki og VG fylgja eftir
og mega ekki heyra minnst á þjóð-
arvilja. Sumir samþykktu þó innan
eigin flokks að sækja um aðild til
að leiða í ljós hvað í boði væri. En
nú kveður við þann tón að taka eigi
frá fólkinu réttinn til að úrskurða í
stórum málum. Allt í einu er fólk-
inu í landinu ekki treystandi til að
taka „rétta ákvörðun“. Þetta viðhorf
stjórnmálamanna er stórhættu-
legt. Þjóðin verður að reka slíkt fólk
úr þjónustu sinni.
Nokkur brennandi mál bíða úr-
lausnar þjóðarinnar. Þar ber hæst
fiskveiðikerfi sægreifanna, eitt
stærsta graftarkýlið í viðskipta-
sögu Íslands, sem þjóðin verður að
skera úr um. Þar á eftir er það að-
ildin að Evrópusambandinu. Í báð-
um þessum tilvikum verða mál að
fara til æðsta dómstólsins, fólksins
í landinu. Það verður að kveða nið-
ur þá lýðskrumara sem vilja af geð-
þótta handmata Íslendinga eins
og páfagauka á þeim málum sem
hún má ráða. Þjóðinni er fullkom-
lega treystandi til þess að taka stór-
ar ákvarðanir. Það undirstrika þær
þjóðaratkvæðagreiðslur sem farið
hafa fram. Kjósendur í landinu eru
komnir á bragðið. Forsetinn færði
fólkinu valdið. Það verður ekki aft-
ur snúið, hvernig svo sem vind-
hanar láta.
S
undrungarsaga vinstrimanna
á Íslandi er saga valdstjórnar
Sjálfstæðisflokksins.
Frá stofnun lýðveldis-
ins hefur Sjálfstæðisflokkurinn haft
næði í 50 ár til að móta íslenskt þjóð-
félag eftir sínu höfði. Hann spilaði
með sveimhuga vinstrimenn sem
skorti samstöðu, marksækni og það
raunsæi sem gerði jafnaðarmenn
annars staðar á Norðurlöndum að
sterku og mótandi stjórnmálaafli um
áratuga skeið.
Fastir í netinu
Í krafti stjórnlyndra klíkustjór-
nmála og frændhygli, þar sem ætt-
ir og flokksskírteini réðu meiru um
framgang mála en verðleikar og
lögmál samkeppninnar, tókst Sjálf-
stæðisflokknum að naga upp heil-
brigða innviði samfélagsins að því
marki að það féll saman á haust-
mánuðum 2008. Stefnan var sveip-
uð frjálshyggjuhugmyndum sem
gráðugir flokksgæðingar nýttu sér
til hins ýtrasta. Þessari stefnu lýsti
Hannes Hólmsteinn Gissurarson,
hugmyndafræðingur Sjálfstæðis-
flokksins, sem best heppnuðu frjáls-
hyggjutilraun veraldar í erlendum
blöðum.
Þessi prófessor, sem dæmdur
hefur verið fyrir höfundarréttarbrot,
er nú uppvís að þátttöku í misnotk-
un á almannafé. Því var blygðunara-
laust úthlutað og varið, nánast eins
og um flokkssjóði væri að ræða, til
að grafa undan starfsheiðri kollega
Hannesar sem leyfði sér að gagnrýna
vaxandi ójöfnuð síðustu árin fyrir
hrun. 13 milljónir króna fékk Hann-
es til verksins frá Árna Mathiesen þá-
verandi fjármálaráðherra árið 2007.
Árni hefur nú verið dæmdur í
Hæstarétti til að greiða umsækjanda
um dómaraembætti miskabætur.
Árni skipaði Þorstein, son Davíðs
Oddssonar, í embætti, þvert gegn
mati lögskipaðrar dómnefndar.
Annar flokksbróðir Hannesar,
Baldur Guðlaugsson, hefur verið
dæmdur í fangelsi fyrir innherjasvik.
Innherjasvikarar á sakamanna-
bekk verða nokkrir tugir áður en
yfir líkur, flestir tengdir Flokknum,
enda átti hann og rak stjórnkerfið og
mannaði það gæðingum sem þurftu
fylgdarlaun.
Það er auðvitað ömurlegt fyrir
heiðvirða hægrimenn að búa við
þennan ófögnuð brotahneigðar og
spillingar sem skaut rótum á löngum
valdatíma. Það er því hryggilegt að
flokksmenn gera engar tilraunir til
uppgjörs við þessa ógeðfelldu fortíð.
Valdið til að breyta þjóðfélaginu
Við þessar aðstæður reynir fyrsta rík-
isstjórn jafnaðar- og vinstrimanna að
sigla hjá skerjum og komast klakk-
laust í gegnum brimskafla. Í harðri
baráttu um völdin til að móta þjóð-
félagsþróunina þarf hún reglulega
að standast prófraunir og er auk þess
dæmd til að taka óvinsælar ákvarð-
anir. Hrunkvöðlarnir standa hjá og
fitna líkt og púkinn á fjósbitanum.
Einn daginn er það LÍÚ, þann næsta
forsetinn, hinn þriðja er það Hæsti-
réttur. Hljómsveitarstjórn annast
Davíð Oddsson ofan úr Hádegismó-
um. Hann, eins og Ólafur Ragnar
forseti, telur að hann sé útvalinn til
að leiða þjóðina úr ógöngum. Báðir
urðu þeir sjálfum sér og þjóðinni
til vansæmdar á útrásarárunum og
reyna í skeytingarleysi að endur-
heimta æruna.
Sundrungin sem gýs reglulega
upp á vinstrivæng íslenskra stjórn-
mála er ríkisstjórninni þó þungbær-
ust. Þar er glímt við sömu vanstill-
inguna og óraunsæið og það sem eitt
sinn þjónaði valdi Sjálfstæðisflokks-
ins svo vel. Ystavinstrið í VG hefur
aldrei vaknað til vitundar um að takt-
ur sundrungarinnar er sleginn í Há-
degismóum og að á Bessastöðum
bíður vansæmdin eftir tækifæri til að
endurreisa æruna. Í þeirri leikfléttu
eru nokkrir þeirra nytsamir sakleys-
ingjar.
Sundrungin læsir sig eins og eit-
ur um líkama VG og dregur þrek úr
flokknum. Viljinn til valdsins og þétt
grip um stjórnartaumana er forsenda
þess að geta hrundið í framkvæmd
fögrum hugsjónum. Menn verða að
vera fúsir að berjast fyrir þeim.
Með hvaða liði vilja menn berjast?
Jæja, hvað segir skáldið títt í dag? spurði konan á bensínstöðinni og brosti.
-Forsetinn hélt blaðamannafund
til að útskýra allt milli himins og jarð-
ar, svaraði ég og bætti við: -Þeir voru
með barnaperra í einni kjördeildinni í
Reykjavík, Hannes Hólmsteinn er byrj-
aður að mæta í heita pottinn í Vestur-
bæjarlauginni, Árni Þór var látinn ýta
Guðfríði Lilju úr sæti formanns þings-
flokks Vg og Guðbergur hæddist að
okkur öllum á spánskri vefsíðu.
Konan á bensínstöðinni brosti og
svo hló hún þegar ég bætti við: -Forseti
er sá sem setur okkur öll í forina. Ég er
ekki tapsár, ég er bara sár og svekktur.
Og svo útskýrði ég mál mitt enn
frekar. Ég vildi nefnilega meina að
kosningarnar um skuldina hefðu ver-
ið mesta forátturugl allra tíma. Ef ís-
lenska þjóðin er spurð að því hvort
hún vilji borga skuld eða sleppa því
að borga skuldina, mun svarið ávallt
verða í samræmi við þjóðarsál þeirr-
ar þjóðar sem frægust er fyrir það
að flýja lönd frekar en borga skatta.
Við erum að gantast með þjóð sem á
heimsmet í svindli, lydduhætti og sið-
heimsku (sem er andstaða siðvits).
Við erum að nefna hér þjóð sem trúir
því að Mammon sé meiriháttar. Þjóð
sem viðurkennir aldrei að sá ameríski
draumur sem hún dýrkar, er orðinn
að mörg hundruð ára þyrnirósarmar-
tröð. Við erum að tala um það, að obbi
þjóðarinnar er fólk sem lofar frænd-
hygli, vinavæðingu og annan nefpot-
isma (þýðing á orðinu nepotism).
-Já, hann Árni Þór er einsog hlýð-
inn og húsbóndahollur hundur, sauð-
tryggur. Og svo var hann svo heppinn
að selja á rétta augnablikinu, sagði
konan á bensínstöðinni og bætti við:
-Hvað ertu að segja ... Mætir hann
Hannes Hólmsteinn í laugina okkar?
Og eru stuttbuxnastrákarnir í Heim-
dalli ekki hoppandi af kæti yfir því að
goðið skuli vera farið að þora að sýna
sig opinberlega eftir hneisuna hérna
um árið? Hvað gerði hann eiginlega
af sér þarna í Brasilíu? Átti Davíð ekki
séfferhund áður en hann eignaðist
Hannes? spurði konan á bensínstöð-
inni og var nú nánast óðamála.
-Eitt sinn áttum við alvöru konung,
hann vildi koma okkur undan öllu oki
og öllum níðingsverkum danskra ein-
okunarsinna, sagði maður sem kom á
bensínstöðina til að fá að fara á klósett-
ið. –Núna eigum við bara hann þarna
Jörund Ragnar Grímsson, eða hvað
hann nú heitir sá ágæti maður, bætti
salernisfarinn við og missti af vísunni
sem ég leyfði konunni að heyra:
Hjá forsetanum fólskuráð
fengu út að springa,
já, stundum hefur heimska náð
að herja á Íslendinga.
28 | Umræða 15.–17. apríl 2011 Helgarblað
„Ég fer líka „all in“ á
sunnudagskvöldum,
borða hamborgara,
franskar, ís og nammi,
alveg endalaust.“
n Leikarinn Jóhannes Haukur
Jóhannesson stundar nú líkamsrækt
grimmt fyrir hlutverk sitt í Svartur á leik
en fær nammidaga á sunnudögum. – DV
„Það er langt síðan FH var
síðast í úrslitakeppni
þannig að það er mikið
hungur í mönnum og það
gleður mig.“
n FH-ingar spiluðu sinn fyrsta leik í
úrslitakeppni í átta ár á fimmtudags-
kvöldið en Einar Andri Einarsson var
spenntur fyrir leikinn. – DV
„Óskin kom frá FTT þar
sem séra Frímann [Jakob
Frímann Magnússon]
ræður ríkjum og maður
getur ekki svo auðveld-
lega sagt nei við hann.“
n Sigtryggur Baldursson tónlistar-
maður byrjaði í vikunni með nýjan
sjónvarpsþátt á ÍNN sem hann hafði ekki
áhuga á fyrst. – Fréttablaðið
„Þarf ekki mikið nammi
inn í miðju, er bara eins og
nammistöng.“
n Svona lýsti borgarfulltrúinn Þorbjörg
Helga Vigfúsdóttir lakkríspáskaegginu
frá Góu sem er besta páskaeggið í ár að
mati dómnefndar DV. – DV
Vindhanar stjórnmála
Leiðari
Bókstaflega
Reynir Traustason ritstjóri skrifar„Forsetinn færði
fólkinu valdið
Jörundur Ragnar Grímsson
Skáldið skrifar
Kristján
Hreinsson
„Við erum að tala
um það, að obbi
þjóðarinnar er fólk sem
lofar frændhygli, vina-
væðingu og annan nef-
potisma (þýðing á orðinu
nepotism).
Davíð kveður
n Miklar vangaveltur eru uppi um
brotthvarf Davíðs Oddssonar af Mogg-
anum þegar tveggja ára ráðningar-
tími er á enda.
Davíð hefur verið
útgáfunni dýr en
þúsundir áskrif-
enda hafa sagt
upp Mogganum
með gríðarlegu
tekjutapi. Það
er því ótrúlegt
að hann verði
endurráðinn. Menn spá því að hann
fari í sumarfrí og láti sig hverfa. Þetta
kann þó að verða gamla mann-
inum sársaukafullt því vangaveltur
eru uppi um að arftaki hans verði
Þorsteinn Pálsson sem Davíð felldi
á sínum tíma af formannsstóli. En
þetta er aðeins orðrómur um hina
fullkomnu hefnd.
Mamma í Orkuveitu
n Kaup Skúla Mogensen á stórum hlut
í MP Banka hafa vakið verðskuldaða
athygli. Skúli var stofnandi spútnik-
fyrirtækisins OZ
sem síðar fór
reyndar illa. Hann
fór til Kanada
og náði þar að
koma undir sig
fótunum að nýju
og eignaðist
milljarða króna.
Skúli á ekki langt
að sækja viðskiptavitið því hann er
sonur Önnu Skúladóttur, fyrrverandi
fjármálastjóra Orkuveitunnar, sem
reyndar var látin fara þaðan á dög-
unum.
Egill er dýrt djásn
n Guðmundur Ólafsson hagfræðingur
á það til að vera höggþungur þegar
það á við. Honum mislíkaði við Egil
Helgason sem bloggaði um hjarðeðli
hagfræðinga. „Loksins sýnir fjöl-
miðlamaðurinn á sér sitt rétta andlit,
maður sem aldrei hefur skilið neitt
flóknara en 5 sinnum töfluna,“ segir
Guðmundur á Facebook. Víst er að
Agli og vinnuveitanda hans, Birni
Inga Hrafnssyni, svíður þessi aðför
að heiðri Egils sem er eitt helsta og
dýrasta djásnið í bloggsöfnuði Binga
með um 300 þúsund krónur á mán-
uði fyrir að skrifa þar.
Áhrifalaus
Guðmundur
n Guðmundur Steingrímsson, þing-
maður Framsóknarflokks sem stefnir
að því að verða þriðja kynslóð leiðtoga
í flokknum, er
sagður vera
orðinn þreyttur á
áhrifaleysi sínu í
skugga Sigmundar
Davíðs Gunnlaugs-
sonar formanns
sem um síðustu
helgi hlaut rúss-
neska kosningu
sem formaður. Guðmundur var í Sam-
fylkingunni áður en hann snéri aftur
til föðurhúsanna í Framsókn. Hann
er talinn eiga mun meiri samleið með
þeim flokki en þeirri Framsókn sem
hafnar ESB. Menn eru því viðbúnir
að hann taki stökkið aftur til baka. Og
ekki er ólíklegt að Evrópusinninn Siv
Friðleifsdóttir fylgi honum.
Sandkorn
tryGGVaGötu 11, 101 reykJaVÍk
Útgáfufélag: DV ehf.
Stjórnarformaður:
Lilja Skaftadóttir
Ritstjórar:
Jón trausti reynisson, jontrausti@dv.is
og reynir traustason, rt@dv.is
Fréttastjóri:
Ingi Freyr Vilhjálmsson, ingi@dv.is
Ritstjórnarfulltrúi:
Jóhann Hauksson, johann@dv.is
Umsjón helgarblaðs:
Ingibjörg Dögg kjartansdóttir, ingibjorg@dv.is
Umsjón innblaðs:
Ásgeir Jónsson, asgeir@dv.is
DV á netinu: dv.is
Aðalnúmer: 512 7000, Ritstjórn: 512 7010,
Áskriftarsími: 512 7080, Auglýsingar: 512 7050.
Smáauglýsingar: 512 7004.
Umbrot: DV. Prentvinnsla: Landsprent. Dreifing: Árvakur.
DV áskilur sér rétt til að birta aðsent efni blaðsins
á stafrænu formi og í gagnabönkum án endurgjalds.
Öll viðtöl blaðsins eru hljóðrituð.
Kjallari
Jóhann
Hauksson
Eitrið í beinunum