Dagblaðið Vísir - DV - 15.04.2011, Síða 25

Fréttir | 25Helgarblað 15.–17. apríl 2011
Undirheimarnir eins og
himnaríki eftir eineltið
væri maðurinn, ég gæti gert allt. Fíkni­
efnin voru mín leið frá þunglyndinu.
En ég áttaði mig ekki á því að þau
leiddu mig sífellt lengra eftir veginum
til glötunar.“
„Ég var tíkin hans“
Hann kynntist stúlku á stefnumóta­
vefnum einkamál.is og elti hana til
Reykjavíkur. Þar bjó hann með vin­
konu sinni sem hafði kynnst þekkt­
um manni úr undirheimunum á AA­
fundum. Vinátta tókst með þeim
Arnari Frey, sem bar óttablandna
virðingu fyrir þessum manni og fylgdi
honum eftir í einu og öllu. „Ég var
alltaf til staðar fyrir hann og hann gat
hringt hvenær sem var sólarhringsins
og beðið mig um að sækja sig. Ég var
tíkin hans. Ég keyrði hann út um allt
og tók þátt í því sem hann var að gera
og í staðinn dældi hann í mig dópi.
Við vorum góðir vinir, eins og
skrýtið og það hljómar þá sagðist
hann vera mannþekkjari og sagði að
ég væri traustsins verður. Svo hann
treysti mér fyrir öllu sem hann var að
hugsa og gera.“
Tók þátt í handrukkunum
Það var ekki alltaf fallegt. Arnar Freyr
fór til dæmis með honum að inn­
heimta skuldir með ofbeldi. „Ég tók
ekki beint þátt í því, en ég var þarna
og því samsekur. Einu sinni bað hann
mig reyndar að stoppa mann sem
lagði á flótta, svo ég elti hann uppi og
barði hann í magann með járnröri svo
hann færi ekki lengra.
Í annað skipti fór ég með honum
til manns sem skuldaði pening. Fjöl­
skyldan var heima svo ég fór með
konu hans og börn inn í herbergi og
stóð þar yfir þeim með hafnabolta­
kylfu og hótaði þeim barsmíðum ef
þau væru ekki kyrr. Þetta var sex ára
strákur og ellefu ára stelpa. Hann
hágrét en hún var aðeins skárri.
Þetta var eins og martröð sem ég
gat ekki vaknað upp af. Síðan hef ég
reynt að gleyma þessari minningu,
ýta henni frá mér, en þetta fylgir mér
alltaf, er einhvers staðar í huga mín­
um.“
Á meðan Arnar Freyr stóð yfir
þeim var hreinsað út úr íbúðinni.
Flat skjár, heimabíó og sófi voru á
meðal góssins. Þetta var sett í þar til
gerða geymslu, selt aftur eða nýtt.
„Stundum hirti ég smáhluti, fartölvu
eða eitthvað þess háttar, sem ég svo
seldi þegar mig vantaði pening.“
Valdamikill með byssuna
Innbrot og ofbeldi voru reglulega á
dagskrá næstu vikurnar. Fíkniefni
komu líka mikið við sögu, þar sem
þeir voru báðir í bullandi neyslu,
auk þess sem maðurinn seldi fíkni­
efni og Arnar Freyr hjálpaði honum
ekki aðeins að græja það til fyrir sölu
heldur geymdi það einnig á heimili
sínu. Þar geymdi hann einnig vopn,
byssu sem maðurinn átti. „Ég sótti
hana upp á Akranes. Á leiðinni heim
prófaði ég að skjóta úr henni og
upplifði mig sem valdamesta mann
á Íslandi. Þetta var í senn hættulegt
og spennandi, töff og óþægilegt.
En ég segi það ekki, oft langaði
mig að segja eitthvað, en ég hefði
aldrei gert það. Þá hefði ég komið
sjálfum mér í hættu. Þetta var ekki
maður sem ég vildi eiga að óvini.
Ég man til dæmis eftir því þegar
einn skuldarinn hjólaði í hann og
var tekinn í bakaríið fyrir vikið. Ég
horfði upp á það þegar honum var
troðið með hausinn í gegnum skáp­
hurð þar sem hann lá fastur og var
síðan barinn til óbóta. Mér leið ekk­
ert vel með það.“
Fríðindin fylgdu
Eitt kvöldið fóru þeir félagar út
að borða saman og þar lýsti Arn­
ar Freyr því yfir að hann vildi ekki
vera tíkin hans lengur. „Ég vildi eiga
minn sess í þessu og vera með fyr­
ir alvöru. Hann tók því vel og upp
frá því sendi hann mér alltaf SMS
ef ég varð að svara símanum. Ann­
ars gat ég sleppt því ef ég vildi. Mér
fannst náttúrulega hundleiðinlegt
að þurfa alltaf að vera til taks all­
an sólarhringinn en fram að þessu
þorði ég aldrei að andmæla. Ég sá
hvers hann var megnugur og eftir á
að hyggja held ég að það hafi verið
allt í lagi að vera hræddur við hann.
Hann var mjög vel tengdur.
Oft lá ég andvaka og spurði sjálf­
an mig hvern djöfulinn ég væri að
gera. Ég vissi að þetta var rangt en
ég hafði ekki dug til þess að rífa mig
upp úr þessu. Ég hafði það líka mjög
gott og fékk fullt af fríðindum út á
þetta.“
Lifði eins og kóngur
Hann tekur dæmi af því þegar þeir
félagarnir gengu inn í íþróttavöru­
verslun þar sem þeir gátu valið sér
það sem þeir vildu sér að kostnað­
arlausu. Verslunarstjórinn skuldaði
peninga. Þeir lifðu eins og kóngar.
Þegar Arnar Freyr átti afmæli
var hann eitthvað blankur svo vinur
hans gaf honum 50 þúsund krónur
og sagði honum að fara út að borða.
Í eitt skiptið gaf hann honum 200
grömm af hreinu amfetamíni.
Fyrir eina rukkun fékk hann
kannski 150 þúsund kall. „Það var
ágætt fyrir eitt kvöld. Auðvitað fór
það samt eftir því hversu háa upp­
hæð við vorum að innheimta. Einu
sinni fór ég í mjög stóra rukkun, upp
á 1,8 milljónir. Þá tók félagi minn
hálfa milljón frá fyrir mig og lagði inn
á sjóð sem ég átti upp á að hlaupa ef
á þyrfti að halda. Ég hafði fínt upp úr
þessu og forðaðist að hugsa um það
sem ég var að gera, hellti mig fullan
eða tók meira í nefið. Ég gerði allt til
þess að þurfa ekki að pæla í því og var
ekkert að spara peningana.“
Eins og himnaríki
Strákarnir djömmuðu út í eitt og
neyttu fíkniefna nánast daglega.
„Sjálfsöryggið var í hámarki og ég var
svo hátt uppi að ég hafði ekki áhyggj­
ur af neinu. Óttalaus reyndi ég við
hvaða stelpu sem var, svo lengi sem
mig langaði í hana. Enda var nóg af
píum í kringum okkur og ég sýndi
mig með því að blæða peningum og
fíkniefnum. Síðan svaf ég hjá þeim.
Kynlíf var stór partur af þessum lífs­
stíl og mér leið eins og ég væri kóng­
ur, brjálæðislega vel. Eftir eineltis­
ógeðið og þunglyndið sem fylgdi í
kjölfarið var þetta eins og himnaríki.
Þær vissu alveg í hvaða félags­
skap þær voru og sváfu stundum
hjá okkur til þess að fá sitt, þó að
það væri sjaldan sagt með berum
orðum. Þetta var oft mjög sóðalegt.
Það er skelfilegt hvað það er til mik­
ið af svona stelpum. Ef ég eignast
einhvern tímann stelpu verður sett
á hana GPS­tæki. En þetta var ekki
skemmtilegt líf til lengdar. Ég missti
bæði fjölskylduna mína og vini frá
mér.“
Áttaði sig eftir fráfall ömmu
Eftir nokkurra mánaða sukk sneri
Arnar Freyr aftur heim til Akureyrar,
gjörsamlega búinn að fá nóg. „Ég var
búinn að misbjóða fjölskyldu minni
verulega og valda henni áhyggjum.
En það var ekki fyrr en amma mín
lést fjórum dögum fyrir jól að ég átt­
aði mig. Ég kom til hennar tveimur
dögum áður en hún lést og lofaði að
koma aftur daginn eftir en sveik það
því ég var á fylleríi. Daginn eftir var
hún farin og ég sat eftir með bilað
samviskubit sem ég hef aldrei jafnað
mig á.“
Arnar Freyr sá hvert líf hans
stefndi og ákvað að taka sig á. Í kjöl­
farið eignaðist hann góða vini sem
nota ekki áfengi eða vímuefni. Þeir
þekkja sögu hans og hafa reynst
honum vel. „Ég fann að ég gat treyst
þeim og verið öruggur í kringum þá.
Þannig að ég valdi þá fram yfir neysl­
una. Þeirra vinátta var mín meðferð
og mér líður rosalega vel í dag.“
Þakklátur fyrir eineltið
Það var þó ekkert auðvelt að snúa
við blaðinu. Þar sem Arnar Freyr er
á sakaskrá hefur það reynst honum
erfitt að fá vinnu. „Ég tek það þó allt­
af fram að það geti enginn sýnt hvað
í honum býr nema hann fái tækifæri
til þess. Og nú var ég að fá svar frá
bænum þar sem ég fæ vinnu í sum­
ar. Það er æðislegt.
Ég á líka kærustu sem ég er mjög
hrifinn af og við eigum tvo hunda
saman. Hún veit hvaðan ég kem og
hvað ég hef gert en dæmir mig ekki.
Þannig að nú langar mig til þess að
leggja spilin á borðið og segja allan
sannleikann um mig. Það er kominn
tími til að hreinsa til í lífi mínu.“
Þrátt fyrir allt er hann þakklátur
fyrir eineltið. „Ef ég hefði ekki verið
lagður í einelti, ef ég hefði ekki þurft
að ganga þennan veg, þá væri ég ekki
sá sem ég er í dag. Jú, ég hef gert mis­
tök og ég hef verið vondur við fólk en
ég hef reynt að nota þá reynslu til
góðs og læra af henni. Og ég vona að
saga mín hjálpi einhverjum.“
„Fjölskyldan var
heima svo ég fór
með konu hans og börn inn
í herbergi og stóð þar yfir
þeim með hafnaboltakylfu
og hótaði þeim barsmíð-
um ef þau væru ekki kyrr.
Þetta var sex ára strákur
og ellefu ára stelpa.
Arnar Freyr Hermannsson
Lenti í grófu ofbeldi, varð þung-
lyndur og leitaði lausna í fíkniefnum
en leiddist út í afbrot. mynd HEiðA.is
Það sem þú þarft að vita um einelti
Hvaða áhrif getur einelti haft?
1. Þjáningar sem geta fylgt þolandanum ævilangt
2. Brengluð sjálfsmynd og lítið sjálfstraust
3. Slakur námsárangur, einbeitingarskortur og eirðarleysi
4. Einmanaleiki, minnimáttarkennd og tortryggni
5. Depurð, áhugaleysi, skapstyggð
6. Athafnir í von um viðurkenningu og inngöngu í hópinn
7. Innibyrgð reiði
8. Ofbeldisfull hegðun gagnvart öðrum
9. Félagsleg útilokun og einangrun
10. Heilsufarsleg vandamál
11. Stress, kvíði og þunglyndi
12. Svefntruflanir og þyngdarsveiflur
13. Félagsfælni
14. Sektarkennd og vonleysi
15. Sjálfsvígshugsanir, sjálfsvígstilraunir og sjálfsvíg
Hvað er til ráða?
1. Segðu frá
2. Segðu að þetta sér rangt
3. Leitaðu þér aðstoðar
Foreldri þolanda:
1. Spjallaðu við barnið við hversdagslegar athafnir svo barnið
upplifi það ekki sem yfirheyrslu
2. Spurðu hvað barnið gerði í skólanum, hvað því fannst skemmtilegt og leiðinlegt, við
hvern það lék, hvort það hefði viljað gera eitthvað annað eða leika við aðra og hvort það
hlakki til að fara í skólann
3. Hlustaðu á barnið og láttu það vita að þú sért til staðar
4. Trúðu barninu og vertu vinur þess
5. Þakkaðu barninu fyrir ef það trúir þér fyrir vandræðum sínum
6. Taktu það alvarlega, sýndu samúð eða skilning
7. Hafðu samband við skólann
8. Fylgstu með aðgerðum skólans gegn einelti
9. Settu fram staðreyndir í málinu án þess að vera ásakandi
Foreldri geranda:
1. Ekki fyllast vantrú, það er líklegt að barnið neiti
2. Hlustaðu á það sem skólinn hefur að segja og taktu það alvarlega
3. Fylgdu leiðbeiningum
4. Reyndu að vinna með fagfólki að viðeigandi lausn
5. Farðu í gegnum málið með barninu