Dagblaðið Vísir - DV - 27.05.2011, Qupperneq 6

6 | Fréttir 27.–29. maí 2011 Helgarblað
Sveitastjórn Ölfuss hefur borist bréf
frá hæstaréttalögmanni þar sem þess
er krafist að fyrirtækinu KNH verði
greiddar um fimm milljónir króna
fyrir framkvæmdir við heimreið að
vatnsverksmiðju Jóns Ólafssonar,
Icelandic Water Holdings. Ólafur Áki
Ragnarsson, fyrrverandi bæjarstjóri
í Ölfusi, viðurkennir í samtali við DV
að hafa farið fram á að sveitarfélagið
borgaði fyrir gerð heimreiðarinnar.
Sveitarstjórnarmenn sem DV hefur
talað við segjast ekki hafa haft vitn­
eskju um málið fyrr en bréf lögfræð­
ingsins barst. Þá líta margir þeirra
þannig á að bæjarstjórinn fyrrver­
andi hafi með þessu farið langt út fyrir
heimildir sínar.
DV fjallaði um það í síðustu viku að
Jóni Ólafssyni, eiganda Icelandic Wat­
er Holdings, hefði verið stefnt vegna
tæplega 420 milljóna króna sjálfskuld­
arábyrgðar sem hann gekkst í vegna
láns til eignarhaldsfélagsins Jervi­
stone Limited sem skráð er á Bresku
Jómfrúaeyjum. Landsbankinn stefn­
ir Jóni í málinu og krefur hann um
endurgreiðslu á láninu sem hann er í
ábyrgð fyrir.
Reikningur á sveitarfélag
Í bréfi frá lögmanni KNH ehf. kemur
fram að reikningurinn, upp á næst­
um fimm milljónir króna, sé vegna
malbikunar heimreiðar að vatnsverk­
smiðju Icelandic Water Holdings.
Fram kemur í bréfinu að Ólafur Áki
hafi hringt í KNH og beðið um verk­
ið þar sem hann væri staddur hjá Jóni
Ólafssyni. Þá á Ólafur Áki, fyrrverandi
bæjarstjóri, að hafa sagt ekkert því til
fyrirstöðu að byrja og að KNH ætti að
vera í sambandi við Jón um frekari
útfærslu á verkinu, en reikningurinn
ætti að fara á sveitarfélagið.
„Ég hringdi í KNH og spurði þá
hvers vegna þeir hefðu ekki tekið
þessa heimreið rétt eins og þær í ná­
grenninu. Þeir sögðust ekkert hafa
vitað um að þeir ættu að gera það svo
ég bað þá um það. Svo frétti ég ekk­
ert meira af þessu máli fyrr en sveitar­
félaginu barst reikningur upp á tæp­
ar fimm milljónir,“ segir Ólafur Áki.
Hann segir sveitarfélagið hafa borgað
fyrir malbikun heimreiða í nágrenn­
inu og nefnir bæina Breiðabólsstað
og Litlaland sem dæmi. Þá segir hann
kostnaðinn aldrei hafa verið neitt í lík­
ingu við fimm milljónir, yfirleitt hafi
slíkt kostað á bilinu 150 – 400 þúsund,
og því sé ljóst að sveitarfélagið muni
ekki greiða svo háa upphæð fyrir mal­
bikun heimreiðar.
Einkafyrirtæki í verkið
„Það eina sem ég get staðfest í málinu
er að KNH vann verk við að leggja
bundið slitlag upp að vatnsverksmiðj­
unni í Ölfusi og við erum bara með það
mál í samningaferli við sveitarfélagið
Ölfus,“ segir Eiríkur Finnur Greips­
son, starfsmaður KNH, um málið. Að­
spurður um hvort einhver ágreiningur
hafi komið upp í tengslum við kostn­
að á verkinu segir hann: „Auðvitað fer
það ekki til lögmanns nema einhver
ágreiningur hafi verið um málið en ég
vona bara að það náist sátt um lausn.“
Ólafur Áki segir í samtali við DV
að lengi vel hafi verið gert ráð fyrir
því í fjárhagsáætlun að ákveðið fjár­
magn fari í malbikun heimreiða. Þá
hafi aldrei verið tiltekið sérstaklega í
fjárlagagerð hvaða heimreiðar yrðu
teknar fyrir í hvert skipti. „Vegagerðin
stjórnaði því alltaf svolítið hvaða
heimreiðar væri farið í hverju sinni,“
segir hann. Aðspurður um hvers
vegna Vegagerðin hafi kosið að mal­
bika ekki heimreiðina að fyrirtæki
Jóns Ólafssonar segir Ólafur Áki: „Ég
veit ekki endilega hvers vegna þeir
slepptu því, ég spurði þá aldrei að því.“
Enginn skriflegur samningur
Á fundi bæjarráðs Ölfuss fimmtudag­
inn 10. febrúar 2011 var lagt fram bréf
Lögsýnar ehf. varðandi innheimtu á
reikningi frá KNH hf. Á fundinum var
samhljóða samþykkt að fela bæjar­
stjóra að vinna áfram í málinu í sam­
ráði við lögfræðing bæjarins. Á fund­
inum óskaði Kristín Magnúsdóttir
eftir upplýsingum um allt það sem
hefur verið greitt úr sveitarsjóði vegna
byggingar vatnsverksmiðju Icelandic
Water Holdings að Hlíðarenda.
Ólafur Áki segir Icelandic Water
Holdings ekki hafa verið eina fyrir­
tækið sem sveitarfélagið hafi borgað
malbikun á heimreið fyrir. „Á öllum
þessum stöðum eru fyrirtæki, Breiða­
bólstaður er fyrirtæki sem rekur heim­
ili fyrir fatlaða og Litlaland er fyrirtæki
sem rekur hestaþjálfun. Eftir stóð Jón
Ólafsson með minnstu heimreiðina,
það var bara sanngirnismál að hann
fengi sína heimreið eins og allir aðrir.“
Ólafur Áki segir engan skriflegan
samning hafa verið gerðan við KNH
þegar samið var um verkið, samning­
urinn hafi verið munnlegur eins og
vanalegt sé í þessum efnum.
„Lítill bútur“
Aðspurður hvort ekki hefði verið betra
að gera skriflegan samning til þess
að fyrirbyggja slíkan misskilning seg­
ir Ólafur: „Þetta eru nú svo lítilfjörleg
mál og stjórnsýslan yrði nú mjög hæg
ef við færum í að gera það allt saman.“
Aðspurður hvort það sé ekki eðlilegt
að einkafyrirtæki eins og KNH rukki
meira fyrir verkið en Vegagerðin seg­
ir Ólafur svo ekki vera. „Sko, þetta var
svo lítill bútur, það eru bara ákveðin
einingarverð í gangi og það er enginn
milljónamunur á þeim.“ Hann viður­
kennir þó að hann hafi ekki séð hvert
verðið var áður en hann bað KNH um
að vinna verkið. „Ég sá ekki einingar­
verðið en ég veit að það eru ekki marg­
ar krónur í milli á einingarverði, þetta
ræðst á olíu yfirleitt.“
Ólafur Áki segir að menn hafi unn­
ið að því hörðum höndum að laða til
sín fyrirtæki og svo þegar fyrirtækið
hafi risið hafi aldrei ríkt meiri deilur.
Hann segir fyrirtækið hafa skapað 22
störf og samkvæmt því hefði kannski
verið réttast að gefa Jóni Ólafs lóðina,
eða eins og ónefndur bæjarfulltrúi í
Vestmannaeyjum á að hafa sagt við
Ólaf Áka: „Við hefðum gefið honum
lóðina, hefði hann komið til okkar.“
n Fyrrverandi bæjarstjóri Ölfuss lét malbika heimreið að vatnsverksmiðju á
kostnað sveitarfélags n Reikningur upp á um fimm milljónir króna frá Jóni
Lofuðu að greiða
fyrir malbik Jóns
„Eftir stóð Jón
Ólafsson með
minnstu heimreiðina, það
var bara sanngirnismál
að hann fengi sína heim-
reið eins og allir aðrir.
Jón Bjarki Magnússon
blaðamaður skrifar jonbjarki@dv.is
Sanngirnismál Vegagerðin malbikaði ekki
heimreið að vatnsverksmiðju Jóns Ólafssonar.
Ólafur Áki, fyrrverandi bæjarstjóri, taldi mal-
bikun „sanngirnismál“.
Minnsta heimreiðin Jón Ólafsson
var með minnstu heimreiðina að sögn
fyrrverandi bæjarstjóra. KNH hefur sent
sveitarstjórn reikning upp á um fimm millj-
ónir króna fyrir malbikun heimreiðarinnar.
Mynd SigtRygguR aRi
Lionsklúbbur eflir
fíkniefnadeild
Lionsklúbburinn Eir hefur fært
fíkniefnadeild lögreglunnar á
höfuðborgarsvæðinu 400 þúsund
krónur að gjöf samkvæmt tilkynn­
ingu frá lögreglunni. Lögreglan
segir að peningunum verði varið
til kaupa á tækjum og búnaði fyrir
deildina. Lionsklúbburinn Eir
hefur um langt árabil sýnt lögregl­
unni einstaka velvild og hefur lengi
styrkt baráttu hennar gegn fíkni­
efnum með rausnarlegum hætti.
dagforeldrum
fjölgar í Reykjavík
Dagforeldrum í Reykjavík hefur
fjölgað um þrjátíu frá áramótum og
eru þeir nú rösklega 200 að störfum.
Markvisst átak til að fjölga dagfor­
eldrum hófst í lok síðasta árs og lauk
stór hópur réttindanámi í byrjun
ársins, eða 35 manns. Tæplega 900
börn dvelja um þessar mundir hjá
dagforeldrum í Reykjavík. Frá þessu
er greint á vef Reykjavíkurborgar.
Í fjárhagsáætlun borgarinnar fyrir
árið er gert ráð fyrir 180 milljónum
króna til að mæta aukinni þörf fyrir
dagforeldra vegna stórra fæðingar­
árganga 2009 og 2010, en fyrirséð er
að um 1.000 börn verði að jafnaði
hjá dagforeldrum á þessu ári.
Á vef borgarinnar segir að ver­
ið sé að auðvelda dagforeldrum
að starfa saman í húsnæði í eigu
Reykjavíkurborgar og verður það
auglýst til leigu í sumar.
Vinjettuhátíð í
Viðeyjarstofu
Á sunnudaginn verður haldin sér­
stök Vinjettuhátíð í Viðeyjarstofu. Há­
tíðin hefst klukkan 14.30 og stendur
til 16.30. Vinjettuhöfundurinn Ár­
mann Reynisson les upp úr verkum
sínum ásamt félögum hans í Leikhúsi
listamanna sem hafa komið fram á
skemmtikvöldum í Þjóðleikhúskjall­
aranum. Þau eru Ingibjörg Magna­
dóttir, Snorri Ásmundsson, Ásdís Sif
Gunnarsdóttir, Ragnar Kjartansson,
Rakel Mcmahon, Símon Birgisson,
Saga Sigurðardóttir, Ragnar Ísleifur
Bragason og Margrét Bjarnadóttir.
Auk þeirra koma fram listahjónin
Hulda Vilhjálmsdóttir og Valgarður
Bragason. Tónlistarflutningur er í
höndum Kríu Brekkan.