Dagblaðið Vísir - DV - 27.05.2011, Blaðsíða 62

62 | Fólk 27.–29. maí 2011 Helgarblað
Andri Freyr og Baggalútur syngja um lesbískar ninjavampírur á flótta:
Draumur glysrokkarans
„Þetta lag er draumur glysrokkar-
ans,“ segir Bragi Valdimar Skúlason,
Baggalútsmaður og höfundur lagsins
Lesbískar ninjavampírur á flótta. Það
eru útvarpsmennirnir Andri Freyr
Viðarsson og Guðmundur Páls-
son sem þenja raddböndin í þessu
óvanalega lagi.
„Við erum að færa okkur í þennan
glysrokkhugarheim og þegar maður
fer að skoða texta frá þessum tíma þá
er þetta svolítið mikið leðurblökur og
konur,“ heldur Bragi áfram. „Þannig
að við reyndum að fanga þetta allt
í einu þema. Lagið er því um ein-
hvers konar vígaamasónur sem eru
um leið lesbískar og ninjavampírur.
Hinn fullkomni draumur glysrokk-
arans og svona súmmerar upp þessa
stefnu.“
Enn frá hverju eru lesbísku ninja-
vampírurnar að flýja? „Það er svona
gegnumgangandi í þessu glysrokki
að allir eru „on the run“. Við spurð-
um okkur einmitt að þessari spurn-
ingu í ferlinu. Undan hverju flýja
lesbískar ninjavampírur? En það er
einhver ónefnd ógn þarna sem steðj-
ar að þeim.“
Það er ekki á hverjum degi sem
Andri Freyr Viðarsson þenur radd-
böndin en upphaflega átti hann að
vera í bakröddum í laginu. „Síðan
gekk þetta svo vel að þetta endaði í
dúett,“ segir Andri en það var enn
einn útvarpsmaðurinn, Doddi litli,
sem benti Baggalútsmönnum á að
Andri væri með fínustu „hármetal-
rödd“. Andri hefur sínar kenningar
um það undan hverju vampírurn-
ar séu að flýja í laginu. „Það er nátt-
úrulega undan dagsljósinu og bara
almenningi almennt.“ Andri telur
einnig að þetta sé það eina í sögu
poppsins sem ekki hafi verið búið að
gera lag um áður.
asgeir@dv.is
„Þetta
er allt
þess virði“
É
g er í tökum akkúrat núna,“ segir Þor-
valdur Davíð Kristjánsson, nýútskrifað-
ur leikari frá listaháskólanum Juilliard
í New York í Bandaríkjunum, þegar DV
nær tali af honum. Hann er staddur á landinu
við tökur á kvikmyndinni Svartur á leik, sem
byggir á samnefndri skáldsögu Stefáns Mána.
Þorvaldur hefur haft í nógu að snúast und-
anfarna mánuði en hann frumsýndi óperu sem
hann samdi í samvinnu við skólafélaga sinn í
New York fyrr í mánuðinum. „Eftir að ég klára
þessa mynd ætla ég að reyna að finna góð-
an farveg fyrir óperuna. Vinur minn kemur til
landsins í júlí og við ætlum að reyna að skoða
næstu skref með hana. Annars ætla ég bara í
frí,“ segir Þorvaldur. „Það er búið að vera þvílíkt
mikið að gera en þetta er allt þess virði. Mað-
ur er kominn með gráðu og kominn með vinnu
strax eftir skóla í þessu. Það er mjög jákvætt.“
Aðspurður hvort hann ætli að reyna fyrir sér
í Bandaríkjunum segir hann: „Ég er með vega-
bréfsáritun hérna í eitt ár og ætla að reyna að
finna mér vinnu. Ég er með nokkur járn í eld-
inum. Ég er í samstarfi við stórt umboðsfyrir-
tæki í Los Angeles og flyt þangað til að
vinna með þeim í sumar. Ég byrja
svo næsta vetur væntanlega að
fara í leikprufur og þannig.“
Juilliard er einn virt-
asti listaháskóli í
heimi og er Þor-
valdur fyrsti Ís-
lendingurinn sem
útskrifast úr leik-
listardeild skólans.
Hjálpar það ekki að
vera útskrifaður úr jafn-
góðum skóla? „Jú, það
gerir það að því leyti að við
vorum með „showcase“, eins og
það kallast, bæði í New York og Los Ange-
les þar sem fólk úr þessum bransa kemur
og horfir á,“ útskýrir Þorvaldur. „Þeir koma
og horfa og svo fer maður á fundi eftir það.
Ég fór á marga fundi með góðu fólki eft-
ir þessi „showcase“. En svo gefur skólinn
þér náttúrulega góða menntun.“
Þorvaldur segir aðspurður að tökur á
Svartur á leik gangi vel og að gaman sé
að koma hingað og vinna með öllu því
góða fólki sem stendur að myndinni.
n Þorvaldur Davíð er fyrsti Íslendingurinn
sem útskrifast úr leiklistardeild Juilliard
n Er á Íslandi við tökur á Svartur á leik
n Ætlar að taka sér frí eftir mikið annríki
„Ég er í tökum
akkúrat núna.
Fyrstur Íslendinga
Útskrifaðist úr leik-
listardeild
Juilliard.
Einn sá besti
Juilliard-
listaháskólinn
er einn sá besti
í heimi.
Í fötum
af ömmu
Tónlistarmaðurinn Berndsen viðurkennir
í nýjasta tímariti Monitor að hann gangi
gjarnan í fötum af mæðrum vina sinna og
ömmu sinni. Berndsen vekur jafnan athygli
fyrir skrautlegan klæðaburð þar sem hann
kemur fram. „Ég komst í fataskáp hjá
mömmu Magga félaga míns um daginn og
hún lánaði mér fullt af einhverjum gömlum
jökkum,“ útskýrði hann fyrir blaðmanni
Monitors. „Svo bara ef ég finn eitthvað
í geymslu hjá ömmu. Ég fann einhvern
gamlan jakka þar um daginn sem ég er
alltaf í núna. Þetta er allt eitthvað gamalt
og endurnýtt.“
Í sendiherra-
partíi
Almannatengillinn Andrés Jónsson var
gestur Luis E. Arreaga, nýs sendiherra
Bandaríkjanna hér á landi, á miðvikudag.
„Ég sagðist hafa mótmælt þarna fyrir
utan fyrir nokkrum árum og sendiherrann
grínaðist með að þeir hefðu tekið mynd
af mér,“ skrifar Andrés um samskipti sín
við sendiherrann á Facebook-síðuna sína.
„Deildi því svo með mér að hann hefði
mótmælt framferði Bandaríkjastjórnar í El
Salvador fyrir utan herstöð á áttunda ára-
tugnum.“ Andrés kunni vel við sig í boðinu
og segir að Arreaga sé „indælismaður“.
Bragi Valdimar Segir titil
lagsins og textann súmmera
upp glysrokkatímabilið.
Andri Freyr Þenur raddböndin og
syngur um lesbískar ninjavampírur.