Dagblaðið Vísir - DV - 27.05.2011, Blaðsíða 48

48 | Lífsstíll 27.–29. maí 2011 Helgarblað
10leiðirTil að komasT í form
Þ
að vilja flestir vera í góðu lík-
amlegu formi, þá sérstaklega
á sumrin þegar fólk er létt-
klæddara. Karlmenn eru þar
engin undantekning. Það eru þó til
margar aðrar leiðir en að kaupa sér
kort í líkamsræktarstöð og hanga
inni að horfa á sjónvarpið á meðan
þú hleypur á bretti eða ferð í stig-
vél. Ferska loftið sem fæst við að gera
líkamsræktaræfingar úti við er líka
óviðjafnanlegt, sem og æfingarnar
sem geta verið talsvert fjölbreyttari.
Hér eru tíu leiðir til að komast í betra
form án þess að fara í líkamsræktar-
stöð.
RóðuR á vatni
Ef þú hefur aðgang að vatni þar sem
þú getur róið er róður góð alhliða-
æfing fyrir líkamann. Þrátt fyrir að
róður í róðrarvél sé góð æfing fyrir
líkamann jafnast hún ekki á við al-
vöru róður. Það eru kannski ekki ýkja
margir staðir á Íslandi þar sem hægt
er að stunda róður, en ef þú hefur
tækifæri til þess þá eru fáar æfingar
jafngóðar fyrir þig.
LínuskautaR
Að fara á línuskauta er góð æfing
fyrir magavöðva og fætur og tekur
einnig á nára og læri. Munurinn á
því að fara á línuskauta og fara í lík-
amsræktarstöð liggur fyrst og fremst
í ferskara lofti og skemmtilegra um-
hverfi. Annar kostur sem línuskaut-
ar hafa fram yfir hlaup er að álagið á
hnén er margfalt minna.
Jóga
Jóga hefur verið stundað í þúsund-
ir ára víðs vegar um heiminn og
er margfalt þróaðra en einhverjir
teygjutímar í líkamsræktarstöðvum.
Í góðu veðri getur þú farið út í garð
og gert nokkrar jógaæfingar og not-
ið þess um leið að anda að þér fersku
lofti. Jóga teygir og styrkir líkamann
og ættu flestir að geta fundið og lært
jógaæfingar við sitt hæfi.
ÆfingatÆki í göRðum og
sundLaugum
Íslenskar sundlaugar og garðar á
borð við Klambratún bjóða upp á
einföld – en áhrifarík – æfingatæki
fyrir alla. Tækin eru opin öllum og
geta vel komið í staðinn fyrir lóð sem
þú finnur í líkamsræktarstöðvum.
Fyrir suma gætu þessi tæki litið út
eins og leikföng fyrir börn en þau eru
tilvalin til líkamsræktar.
sund
Fá lönd státa af jafnmörgum og góð-
um sundlaugum og Ísland. Sund-
laugarnar eru ekki bara til að slaka
á í heldur er sund ein besta æfing
sem þú getur fengið. Með því að
synda nokkrar ferðir í hverfislaug-
inni getur þú hætt að gera upphíf-
ingar í líkamsræktarstöðinni. Sund-
ið hjálpar þér að byggja upp allan
líkamann en mesti ávinningurinn
af sundi er fyrir bakvöðvana.
HJóLReiðaR
Þó að hjólatæki geti hjálpað þér mik-
ið við að byggja upp vöðva í fótleggj-
unum, að brenna fitu og að komast í
form getur þú náð nákvæmlega sama
árangri með því að hjóla á venjulegu
reiðhjóli úti við. Þú færð allt ann-
að umhverfi við að hjóla um bæinn
– eða hvar sem þú vilt hjóla – en ef
þú hjólar fyrir framan sjónvarpsskjá
í líkamsræktarstöð. Þú getur líka nýtt
tímann betur með því að hjóla í vinn-
una og heim aftur og þannig komist
hjá því að þurfa að fara á sérstaka æf-
ingu.
skokk eða HLaup
Líklega einfaldasta og vinsælasta lík-
amsrækt sem fólk stundar er að fara
út að skokka eða hlaupa. Þú þarft
ekki annað en ágæta skó og þægi-
leg föt til að koma þér í gott form. Í
kringum borgina eru margar góðar
hlaupaleiðir sem bjóða upp á mis-
munandi aðstæður. Skokk og hlaup
gagnast öllum sem vilja bæta sitt lík-
amlega form, sama hvort um er að
ræða íþróttafólk eða skrifstofufólk
sem hreyfir sig lítið.
HLauptu upp stiga
Það er góð æfing að skokka upp stiga.
Þó að þú hlaupir upp styttri stiga en
kirkjutröppurnar á Akureyri færðu
góða þjálfun. Stigarnir bjóða upp á
svipaða æfingu og venjuleg hlaup
en meira reynir meira á magavöðv-
ana. Það er þó ekki ráðlagt að fara að
hlaupa upp og niður stiga þar sem
margt fólk er á ferli og því kannski
best að gera þessa æfingu snemma á
morgnana eða seint á kvöldin.
kLifuR
Það er kannski ekki á allra færi að
stunda klifur en fyrir þá sem hafa
tækifæri til er vart til betri æfing fyrir
líkamann. Klifur tekur sérstaklega á
bak-, axla- og brjóstvöðva. Ef þú hef-
ur tækifæri til að fara í fjalla- eða ís-
klifur skaltu ekki hika – viljir þú kom-
ast í gott form. Fyrir þá sem ekki hafa
reynslu af klifri eru til sérstakir klifur-
veggir sem klifurfélög á höfuðborg-
arsvæðinu bjóða upp á.
spRettiR upp bRekku
Til að byggja upp gott þol er sniðugt
að taka spretti upp brekkur. Það er þó
mikið álag á hjartað og er því kannski
ekki hentugt fyrir hjartveika eða þá
sem lítið hafa hreyft sig. Mikilvægt er
að teygja vel eftir svona æfingar. Þú
þarft ekki að finna langa brekku til
að æfingin skili tilsettum árangri en
til að fá sem mest út úr æfingunni er
um að gera að spretta úr spori upp
brekkuna nokkrum sinnum.
adalsteinn@dv.is
n Þú þarft ekki að fara í ræktina til að koma þér í form n ódýrar eða ókeypis leiðir til að byggja upp vöðva
komdu þér í form
Jóga er góð leið til þess
að komast í gott form.
www.markisur.com
Veðrið verður ekkert vandamál.
Dalbraut 3, 105 Reykjavík. Nánari upplýsingar í síma
567-7773 og 893-6337 um kvöld og helgar
Viltu skjól á veröndina?
Eigum við ekki að hætta þessari þrjósku.