Dagblaðið Vísir - DV - 15.06.2011, Qupperneq 6

6 | Fréttir 15.–19. júní 2011 Helgarblað
Breiðutangi ehf., eignarhaldsfélag
sem var í eigu Finns Sveinbjörns­
sonar, hefur verið tekið til gjald­
þrotaskipta. Héraðsdómur Reykja­
ness úrskurðaði um þetta 5. maí
síðastliðinn. Breiðutangi skuldaði
Sparisjóði Keflavíkur 103 milljónir í
september 2008 samkvæmt skýrslu
Fjármálaeftirlitsins um starfsemi
sjóðsins. Breiðutangi var eitt af fjöl­
mörgum eignarhaldsfélögum
starfsmanna Sparisjóðabank­
ans, síðar Icebank, um eign
þeirra í bankanum. Félagið hélt
utan um eignarhlut Finns Svein­
björnssonar í bankanum
en hann gegndi stöðu
bankastjóra Icebank.
Í skýrslu rannsókn­
arnefndar Alþingis
kemur fram að Finn­
ur skuldaði Sparisjóðabankanum
631 milljón í gegnum félögin Breiðu­
tanga og Græna grósku ehf. og öðr­
um fjármálastofnunum 862 milljónir
í gegnum sömu félög.
Finnur seldi félagið þegar hon­
um var sagt upp störfum sem banka­
stjóra Icebank í lok árs 2007. Hann
staðfesti í samtali við DV í mars 2009
að félagið hefði fengið 850 millj­
óna króna kúlulán frá ýmsum fjár­
málastofnunum til hlutabréfa­
kaupa. Þegar hann seldi félagið var
tæplega 16 milljóna króna skuld
vegna vaxtakostnaðar skilin eftir
inni í félaginu. Það var félagið Græn
gróska ehf. sem tók yfir Breiðutanga
en Græn gróska er í eigu Salt Invest­
ments. Salt Investments er félag í
eigu Róberts Wessman. Breiðutangi
var eitt af fjölmörgum eignarhalds­
félögum fyrrverandi starfsmanna
Icebank sem var tekið yfir af Grænni
grósku á sínum tíma. gudni@dv.is
Stórskulduga félagið Breiðutangi tekið til gjaldþrotaskipta:
Félag Finns gjaldþrota
Félagið gjaldþrota Eignarhaldsfélag
sem áður var í eigu Finns Sveinbjörnssonar
hefur verið tekið til gjaldþrotaskipta.
Keypti félagið Græn gróska
ehf. sem er í eigu Róberts
Wessman í gegnum Salt
Investments keypti Breiðu­
tanga ehf. sem nú hefur verið
tekið til gjaldþrotaskipta.
Einstaklingarnir sem skemmdu
hlið og skilti Umhverfisstofnunar
við Dyrhólaey eiga von á að vera
kærðir til lögreglu vegna athæfis­
ins. Ólafur Arnar Jónsson, deildar­
stjóri náttúruverndar hjá Umhverf­
isstofnun, segir stofnunina einnig
munu kæra mennina fyrir að fara
inn á eyna þrátt fyrir að stofnun­
in hefði sett bann við ferðum um
svæðið. Mennirnir sem rifu niður
hlið sem lokaði svæðinu eru ósáttir
við bann stofnunarinnar og ákváðu
að fara þessa leið við að mótmæla
banninu frekar en að kæra úr­
skurðinn til umhverfisráðuneytis­
ins.
Gátu fengið ákvörðuninni
hnekkt
„Þessi ákvörðun okkar um að loka
eynni er alltaf kæranleg. Þú getur
alltaf kært ákvörðun okkar til ráð­
herra,“ segir Ólafur Arnar. „Ráð­
herrann hefði þá bara úrskurðað
um það hvort það hafi verið eðlilega
að þessu staðið eða ekki. Þeir höfðu
þetta í hendi sér, að fara með málið
áfram og kæra þessa niðurstöðu en
gerðu það ekki.“ Ólafur bendir á að
ákvörðunin hafi aldrei verið kærð.
Hópurinn sem eyðilagt hefur skilti
og hlið Umhverfisstofnunar hefur
því ákveðið að fara óhefðbundn­
ar leiðir við að mótmæla ákvörðun
stofnunarinnar.
Fyrrverandi lögreglumaður
í hópnum
Einn aðila sem tók þátt í aðgerðun­
um þar sem skilti og hlið stofnunar­
innar voru skemmd er Reynir Ragn­
arsson, fyrrverandi lögreglumaður.
Hann óttast ekki viðbrögð Umhverf­
isstofnunar og segist ætla að halda
áfram uppteknum hætti. „Við höld­
um þessu áfram þangað til við verð­
um dregin til baka í járnum, eða
hvað sem verður gert,“ sagði hann
í samtali við DV á mánudag vegna
málsins. „Ég held að það séu um
níutíu prósent íbúanna sem eru á
móti þessari lokun,“ sagði hann enn
fremur. „En við höldum þessum að­
gerðum áfram, við erum svo mörg
að við skiptum þessu bara á okkur.“
Engir eftirmálar af
handalögmálum
Þegar Reynir og félagar hans létu
til skarar skríða á mánudag, þeg­
ar þeir opnuðu meðal annars hlið
stofnunarinnar sem lokaði eynni,
kom til handalögmála á milli ein­
hverra úr hópnum og starfsmanna
stofnunarinnar. Engir eftirmálar
verða af því máli en Ólafur Arn­
ar segir að um minniháttar atvik
hafi verið að ræða. „Þetta voru svo
sem engin handalögmál þannig,
honum var bara ýtt til hliðar þeg­
ar hann var að sinna sínu starfi.
Mönnum var orðið mjög heitt í
hamsi og hann steig þá bara til
hliðar starfsmaðurinn,“ segir Ólaf­
ur Arnar. „Þetta voru engin átök
þannig, honum var bara ýtt til hlið­
ar, hann sá í hvað stefndi og steig
til hliðar.“
DyrhólaeyjarDeilan
vinDur upp á sig
n Tóku málin í eigin hendur frekar en að kæra ákvörðun Umhverfisstofnunar n Eiga sjálf-
ir von á kæru vegna skemmdarverka, þjófnaðar og brota gegn ákvörðun stofnunarinnar„Þú getur alltaf
kært ákvörðun
okkar til ráðherra.
Deilur um Dyrhólaey Hatrammar
deilur hafa verið undanfarið vegna
lokunar Umhverfisstofnunar fyrir umferð
almennings um Dyrhólaey.
Mynd Ragnar Th. Sigurðsson
Tófur á ferð
í Dyrhólaey
„Þarna voru tvö hlaupadýr skotin á
eyjunni í morgun og ég held að það
segi bara meira en flest annað hvað
er þarna á ferð­
inni,“ sagði Ás­
geir Magnússon,
sveitarstjóri Mýr­
dalshrepp, en
tvær tófur voru
skotnar á Dyr­
hólaey á þriðju­
dagsmorgun.
Ásgeir sagði það
staðfesta grun fuglafræðings um að
varpi í Dyrhólaey stafi helst hætta af
vargi en ekki fólki. DV greindi frá því
á miðvikudag að aðkoman að æða­
varpinu hefði ekki verið falleg er ábú­
endur vitjuðu hreiðra. Var þá talið að
menn hefðu farið þar um og rústað
hreiðrum og tætt dún.
Stöðusektir fyrir
rúma milljón
Mikið var um stöðubrot í Reykjavík
um síðustu helgi og hafði lögreglan
afskipti af tæplega tvö hundruð og
þrjátíu ökutækj­
um vegna þessa,
aðallega í Laugar­
dalnum en líka
annars staðar í
borginni. Þetta
kemur fram í til­
kynningu frá lög­
reglu. Sem fyrr
hvetur lögreglan
ökumenn til að leggja löglega, til að
þeir komist hjá útgjöldum en nú er
5.000 króna sekt vegna stöðubrots en
gjaldið rennur í Bílastæðasjóð. Þess
má geta að á sama tíma og bílum var
ítrekað lagt ólöglega í Laugardalnum
um helgina var mikið af ónotuðum
bílastæðum á svæðinu, meðal annars
við Laugardalsvöllinn. Samtals nema
sektirnar 1,15 milljónum króna.
Sex ára drengur
féll af hestbaki
Sex ára drengur slasaðist er hann
féll af hesti í Hrunamannahreppi á
mánudag. Hestur sem hann var á
mun hafa tryllst og drengurinn fallið
af baki en festist í ístaðinu og dróst
spölkorn með hestinum. Drengur­
inn var fluttur með sjúkrabifreið á
slysadeild Landspítala. Óttast var að
hann hefði hlotið innvortis meiðsli.
Þá féll ungur maður af torfæruhjóli í
Gnúpverjahreppi aðfaranótt síðast­
liðins laugardags. Hann var fluttur
á slysadeild Landspítala. Grunur
leikur á að maðurinn hafi verið und­
ir áhrifum áfengis en hann var ekki
með hjálm né annan hlífðarbúnað.
Lögreglan á Selfossi greinir frá þessu
í dagbók sinni.
Útgáfa DV
DV kemur ekki út á þjóðhátíðardag­
inn 17. júní. Næsta tölublað kemur
út mánudaginn 20. júní.
m.dv.is
Lestu fréttir DV í farsíman
um þínum!
Aðalsteinn Kjartansson
blaðamaður skrifar adalsteinn@dv.is