Dagblaðið Vísir - DV - 15.06.2011, Blaðsíða 20
20 | Erlent 15.–19. júní 2011 Helgarblað
45 prósenta
atvinnuleysi
á Gaza
Atvinnuleysi á Gaza-svæðinu mæld-
ist 45,2 prósent seinni hluta 2010,
samkvæmt skýrslu frá Sameinuðu
þjóðunum. Er þetta meðal allra
hæsta hlutfalls atvinnuleysis sem
mælst hefur. Þó er þetta örlítil fram-
för frá árinu áður en þá mældist at-
vinnuleysi 45,7 prósent. Einkarekst-
ur hefur orðið sérstaklega illa úti en
nánast allur útflutningur hefur verið
bannaður. Þá eru tveir af hverjum
þremur íbúum Gaza flóttamenn og
hefur atvinnuleysið bitnað harðast
á þeim.
Gaza er sem fyrr í herkví Ísraela
sem hertu tök sín enn frekar eftir að
Hamas-samtökin náðu völdum þar
árið 2007. Hamas-samtökin hafa þó
ekki átt í örðugleikum með að út-
vega vinnu en opinberum störfum
hefur fjölgað um fimmtung.
Greenpeace víkur
frá Grænlandi
Greenpeace-samtökin hafa dregið
tvö skip til baka frá Grænlandi en
þau voru notuð sem höfuðstöðvar
aðgerðasinna sem reyndu að stöðva
olíuleit við Grænland. Þrátt fyrir það
segja samtökin að baráttan haldi
áfram. „Hún gerir það, óháð hve
marga lögfræðinga Cairn ræður til
að valta yfir okkur,“ sagði talsmaður
Greenpeace, Mads Flarup Christen-
sen, en nýlega voru 18 aðgerðasinn-
ar á vegum samtakanna handtekn-
ir vegna aðgerða gegn olíuborpalli
skoska fyrirtækisins Cairns. Chris-
tensen segir óvíst hvort aðgerðum
við Grænland verði haldið áfram en
baráttunni ljúki þó ekki.
Móðir gefur
dóttur leg
56 ára bresk kona hefur ákveðið að
gefa 25 ára dóttur sinni leg. Dóttirin
er með svokallað Mayer Rokitansky
Kuster Hauser-heilkenni (MRKH).
Hún fæddist án legs en það kom
ekki í ljós fyrr en hún komst á kyn-
þroskaaldur. Talið er að ein af
hverjum 5.000 konum þjáist af heil-
kenninu
Legígræðsla hefur einu sinni
áður verið framkvæmd en það var
gert í Sádi-Arabíu árið 2000. Það leg
þurfti þó að fjarlægja eftir 99 daga.
Læknavísindunum hefur fleygt
fram síðan þá og telur læknateymi
í Gautaborg sig nú geta framkvæmt
aðgerðina.
Gangi aðgerðin eftir mun dóttirin
hugsanlega geta alið fóstur í sama
móðurkviði og hún sjálf lá í.
Silvio Berlusconi, forsætisráðherra
Ítalíu, beið mikinn pólitískan ósig-
ur þegar Ítalir höfnuðu þremur
stórum málum í þjóðaratkvæða-
greiðslu þrátt fyrir að hafa eytt tæp-
um 50 milljörðum króna í áróð-
ur. Lögin sem Ítalir höfnuðu kveða
á um friðhelgi stjórnmálamanna,
einkavæðingu vatns og endurreisn
kjarnorkuvera. Þessi ósigur kem-
ur einungis tveimur vikum eftir að
flokkur Berlusconis galt afhroð í
sveitastjórnarkosningum á Ítalíu,
meðal annars í Mílanó, heimaborg
Berlusconis. Þrátt fyrir mikinn áróð-
ur Berlusconis sem miðaði að því
að draga úr kjörsókn var kjörsókn
57 prósent en 50 prósent þátttöku
þurfti til að atkvæðagreiðslurnar
yrðu gildar og yfir 90 prósent þeirra
sem kusu höfnuðu áformum Berlus-
conis. Voru tölvupóstur og vefsíður á
borð við Facebook og Twitter nýtt til
að fá fólk á kjörstað.
Hafna friðhelgi
Ítalska þjóðin kom í veg fyrir að
Berlusconi yrði friðhelgur gagnvart
ákærum en fjögur mál hafa verið
höfðuð gegn hinum skrautlega for-
sætisráðherra. Berlusconi hefur
verið ákærður fyrir að hafa borgað
stúlku undir lögaldri fyrir að hafa
samræði við sig en réttarhöld standa
yfir honum núna og getur Berlus-
coni átt yfir höfði sér allt að þriggja
ára fangelsi. Hins vegar þykir ólíklegt
að hann muni þurfa að sitja á bak við
lás og slá vegna aldurs en Berlusconi
er 74 ára. Þá hefur Berlusconi einnig
verið ákærður fyrir fjárdrátt, mútu-
greiðslur til lögfræðing síns fyrir að
bera ljúgvitni og svo fyrir skattsvik
í tengslum við sölu á sjónvarpsrétt-
indum.
Berlusconi kom í gegn lögum
árið 2008 sem gerði hann friðhelg-
an gagnvart ákærum en á þeim tíma
stóð til að höfða tvö mál gegn hon-
um fyrir spillingu. Lögin voru hins
vegar úrskurðuð ógild í janúar af
ítölskum dómstólum. Berlusconi
neitar öllum ásökunum og segir sig
vera skotmark dómara sem knúnir
eru af pólitískum hvötum.
Berlusconi hefur samþykkt að
mæta fyrir rétt þegar hann er ekki
að sinna mikilvægum erindum en
hann hefur sleppt því að mæta þegar
kalla átti hann til vitnis, meðal ann-
ars vegna fundar við Benjamin Net-
anyahu, forsætisráðherra Ísraels.
Reynt að koma í veg fyrir
atkvæðagreiðslu
Þá var kjarnorkuáformum Berlus-
conis hafnað á afgerandi hátt en
tæplega 95 prósent kjósenda höfn-
uðu þeim. Starfsemi kjarnorkuvera
á Ítalíu var lögð niður eftir kjarn-
orkuslysið í Tsjernobyl, 1986. Stuðn-
ingsmenn kjarnorkuvera héldu því
fram að rafmagnsreikningar myndu
lækka og Ítalía yrði sjálfstæðara í
orkumálum. Fukushima-slysið hafði
þó sín áhrif en jarðskjálftahætta
er mikil á Ítalíu. Kjarnorkuslysið í
Fukushima kom einmitt í kjölfar
jarðskjálfta.
Berlusconi reyndi að forðast að
kjarnorkuáformin færu í þjóðar-
atkvæðagreiðslu með því að láta
þingið samþykkja á síðustu stundu
tillögu um að fresta meðferð frum-
varpsins. Berlusconi sagði það vit-
urlega ákvörðun að koma þannig í
veg fyrir að ítalska þjóðin samþykkti
bann við kjarnorkuverum og hindr-
aði þannig áform ríkisstjórnarinn-
ar til margra ára. Hæstiréttur Ítalíu
úrskurðaði hins vegar að atkvæða-
greiðslan myndi fara fram þrátt fyr-
ir þessa samþykkt þingsins og gerði
þau áform Berlusconis að engu.
Í kjölfar ósigursins sagði Berlus-
coni að skilaboð ítölsku þjóðarinn-
ar væru skýr og stjórnvöld myndu
bregðast við samkvæmt því. Þá lýsti
hann því yfir að snúið yrði að áform-
um um endurnýjanlega orkugjafa.
Ítalía fylgir þar með fordæmi Þýska-
lands með því að hafna notkun
kjarnorkuvera en Þjóðverjar ákváðu
að loka sínum kjarnorkuverum í
kjölfar Fukushima-slyssins
Facebook og Twitter gegn
fjölmiðlaveldi Berlusconis
Yfirvöld eyddu um 300 milljón-
um evra eða tæpum 50 milljörðum
króna í áróður til að hvetja fólk til
að kjósa ekki. Kosningaþátttaka þarf
að vera yfir 50 prósent til að kosn-
ingar séu gildar á Ítalíu. Þá ákvað
ríkisrekna sjónvarpsstöðin RAI að
fjalla ekki um kosningarnar og halda
þannig almenningi óupplýstum.
Eins og kunnugt er ræður Berlusconi
yfir flestum fjölmiðlum landsins og
er því hægt um vik að ná til fólks.
Andstæðingar Berlusconis not-
uðu hins vegar vefsíður á borð við
Facebook, Twitter og ýmsar blogg-
síður til að hvetja fólk til að mæta
á kjörstað og kjósa gegn áformum
hans. Þá voru tölvupóstur og sms-
skilaboð vel nýtt til að koma upplýs-
ingum á framfæri.
Fulltrúar kaþólsku kirkjunnar
blönduðu sér einnig í baráttuna og
nýttu sér netmiðla. Erkibiskupar
mættu ekki einungis á kjörstað held-
ur tjáðu sig opinberlega um kosn-
ingarnar. Þá tjáði páfi sig örlítið og
sagði ófarirnar í Japan og áhættuna
af kjarnorkuverkum krefjast nýrra
lifnaðarhátta sem virtu umhverfið
og vernduðu sköpun Guðs. Að sama
skapi tjáðu fulltrúa Vatikansins sig
líka um vatnstillögurnar og sögðu
vatnið vera mannréttindi ekki við-
fangsefni markaðsafla.
Berlusconi þraukar enn
Foringi stjórnar andstöðunnar hef-
ur kallað eftir afsögn Berlusconis
í kjölfar þessa ósigurs. Ljóst er að
pólitísk staða hans hefur versnað
mjög í kjölfar kosninganna. Flokk-
ur hans hefur nauman meirihluta
á þingi. Þá stóðst hann naumlega
vantrauststillögu í síðasta mánuði.
Berlusconi hefur heldur ekki sama
umræðuvald á Ítalíu og áður vegna
aukinna áhrifa samskiptasíða á net-
inu. Þá hefur hann verið harkalega
gagnrýndur fyrir slæma efnahags-
stjórn en Giulio Tremonti fjármála-
ráðherra þakkaði fyrir að efnahagur
landsins væri ekki enn verri. Með-
al annars líkti pistlahöfundur The
Economist efnahagsvandanum við
langvarandi sjúkdóm sem „nagaði
lífsþróttinn burt“.
50 milljarða
áróðursherferð
dugði ekki til
n Ítalir hafna kjarnorkuáformum, friðhelgi stjórnmálamanna og einkavæð-
ingu vatns n Facebook og Twitter notuð í miklum mæli til að fá fólk á kjörstað
Björn Reynir Halldórsson
blaðamaður skrifar bjornreynir@dv.is
„Hins vegar þykir
ólíklegt að hann
muni þurfa að sitja á bak
við lás og slá vegna ald-
urs en Berlusconi er 74
ára.
Fagnað í Róm Íbúar fögnuðu niðurstöðum á götum úti.
Silvio Berlusconi Forsætis-
ráðherrann beið pólitískan
ósigur auk þess sem friðhelgi
stjórnmálamanna var hafnað.