Dagblaðið Vísir - DV - 06.07.2012, Page 17

Fréttir 17Helgarblað 6.–8. júlí 2012
Ófyrirleitnir
viðskiptavinir
„Niðurstaðan er því sú að hér er
um að ræða löggjöf sem vafi leikur
á að standist ákvæði stjórnarskrár
og nýtist fyrst og fremst ófyrirleitn­
um og óheiðarlegum viðskipta­
vinum fjármálafyrirtækja, sem
nú þegar hafa valdið stórkostlegu
tjóni í íslensku samfélagi,“ segir
Brynjar Níelsson lögmaður í grein
sem hann skrifaði í Fréttablaðið
á fimmtudaginn um vörslusvipt­
ingar og umræðuna í kringum þær.
„ Mikill er máttur hagsmunahópa
þeirra sem telja það réttlætismál að
nýta eignir annarra án endurgjalds.
Eða er það kannski bara lýðskrum
sem ræður för?“ spyr Brynjar.
„Nýlega voru gerðar breytingar á
innheimtulögum í þeim tilgangi að
takmarka heimildir til vörslusvipt­
inga. Byggist þessi löggjöf, eins og
stundum áður, á því að hér sé um
mikið réttlætismál að ræða,“ skrifar
Brynjar í greininni.
Þar bendir hann á að í greinar­
gerðinni er vísað til þess að vörslu­
svipting fari ekki fram nema með
skriflegu samþykki umráða­
manns eignar og er því haldið
fram í þessari sömu greinargerð að
ekki sé heimilt að semja um slík­
ar þvingunaraðgerðir fyrir fram. Í
greininni segir Brynjar að það sé
með ólíkindum að löggjafinn vilji
torvelda eigendum tækjanna að
verja eignarétt sinn þegar að fólk
hefur ekki greitt af tækjunum.
Brynjar segir að erfitt sé að átta
sig á samhenginu í umfjöllun um
vörslusviptingu. „Þannig er því
haldið fram að vörslusvipting sam­
kvæmt aðfararlögum án atbeina
dómstóla sé alltaf ólögmæt, sem
vekur upp spurningar hvort þörf
sé á þessari lagasetningu yfirleitt.“
Hann bendir á að samningsbund­
inn réttur til vörslusviptinga gefi
fjármálafyrirtækinu aukið svig­
rúm til þess að fjármagna hærra
hlutfall af verðmæti undirliggjandi
eignar og veita hagstæðari vaxta­
kjör. Hann segir að mismunandi
fjármögnunar form séu ekki bara
mikilvæg fyrir þá sem eru að leita
að fjármagni, heldur einnig þá sem
eru að reyna að útvega fjármagn,
sérstaklega hjá smærri fyrirtækj­
um. Allt leiði þetta til aukinnar
samkeppni sem sé af hinu góða og
nýtist að lokum viðskiptavininum.
AKUREYRI 4627800. KRINGLAN 5680800. SMÁRALIND 5659730. LAUGAVEGUR 5629730.
Við gefum þér ódýrustu vöruna
TAKTU 3
BORGAÐU 2
ALLAR VÖRUR
Í BÚÐINNI
Í
sland er í einu af efstu sætunum
hvað lága dánartíðni varðar í
umferðinni í ríkjum Evrópu.
Þetta kemur fram í athugun
sem Umferðarstofa hefur gert
á fjölda þeirra sem látast í um­
ferðinni hér á landi borið saman við
28 önnur Evrópulönd. Þegar born­
ar eru saman tölur um meðaltals­
fjölda látinna í umferðarslysum í
29 Evrópulöndum (öllum löndum
Evrópusambandsins ásamt Íslandi
og Noregi) kemur í ljós að Ísland
er með fimmtu lægstu dánartíðni í
umferðinni.
Í tilkynningu sem Umferðar­
stofa sendi frá sér á fimmtudag
kemur fram að hér á landi létust ár­
lega að jafnaði 40,6 einstaklingar
í umferðinni á hverja milljón íbúa
á tímabilinu. Holland sýnir bestan
árangur með 37,6 einstaklinga en á
eftir þeim kemur Bretland með 38,8,
Svíþjóð með 39, Malta með 39,8 og
síðan Ísland með 40,6 eins og fyrr
sagði. Í Litháen létust 131,8 á hverja
milljón íbúa en þar er fjöldi fórnar­
lamba mestur. Athugað var meðaltal
fimm ára tímabils, 2007–2011.
„Þegar þessar tölur eru skoðaðar
nánar, kemur í ljós að banaslysum
hefur fækkað mikið í flestum Evrópu­
löndum. Ef skoðuð eru árin fimm á
undan, kemur í ljós að á tímabilinu
2002–2006 létust að meðaltali 84,4 á
hverja milljón íbúa hér á landi eða
rúmlega helmingi fleiri síðustu fimm
ár. Árangurinn er mun meiri hér á
landi en hjá flestum öðrum Evrópu­
löndum þar sem Ísland hefur færst
úr níunda sæti upp í það fimmta eins
og fyrr sagði,“ segir í tilkynningunni.
Þrátt fyrir þennan árangur eru
dauðsföll hér á landi af völdum um­
ferðarslysa ein algengasta dánar­
orsök fólks á aldrinum 16–24 ára.
n Lág dánartíðni í umferðinni á Íslandi miðað við önnur Evrópuríki
Ísland í fimmta sæti
Færri banaslys Banaslysum í umferðinni hefur fækkað í flestum Evrópulöndum síðustu 5 árin.
„Er það kannski
bara lýðskrum
sem ræður för?
Landsframleiðsla
mun aukast
Landsframleiðsla mun aukast
um 2,8 prósent á þessu ári og
2,7 prósent árið 2013. Þetta er
samkvæmt þjóðhagsspá Hag­
stofu Íslands sem gefin var út
á fimmtudag. Í frétt um spána
á vef Hagstofu Íslands kemur
fram að aukin einkaneysla og
fjárfesting muni búa að baki
hagvextinum. Samdráttur sam­
neyslu hefur stöðvast en vart sé
hægt að tala um aukningu.
Verðbólguhorfur hafa versn­
að, en launahækkanir umfram
verðlag styðja áframhaldandi
vöxt einkaneyslu. Fjárfesting
er að aukast en er áfram lítil í
sögulegu ljósi. Hagstofan gaf
síðast út þjóðhagsspá 30. mars
síðastliðinn og er ráðgert að
gefa út næstu spá í nóvember.