Dagblaðið Vísir - DV - 24.08.2012, Qupperneq 8

Þú getur kosið um stjórnarskrá
n Utankjörfundaratkvæðagreiðsla hefst um helgina
K
jörseðillinn fyrir þjóðarat­
kvæðagreiðslu um tillög­
ur stjórnlagaráðs að nýrri
stjórnarskrá var birtur á
netinu á fimmtudag. Atkvæða­
greiðsla utan kjörfundar hefst á
laugardaginn en sjálf hefst at­
kvæðagreiðslan þann 20. október.
Á kjörseðlinum, sem hér er
birtur, eru sex spurningar en kjós­
andi þarf ekki að svara þeim öll­
um. Í fyrstu spurningu er ein­
faldlega spurt hvort þú viljir að
tillögur stjórnlagaráðs verði lagð­
ar til grundvallar nýrri stjórnar­
skrá. Við þeirri spurningu, eins og
hinum fimm, eru aðeins tveir val­
möguleikar; já eða nei.
Önnur spurningin lýtur að
því hvort náttúruauðlindir sem
ekki eru í einkaeigu verði lýstar
þjóðareign. Í næstu spurningu er
spurt hvort þú viljir að í stjórnar­
skrá sé ákvæði um þjóðkirkju á Ís­
landi. Fjórða spurningin lýtur að
persónukjöri í alþingiskosningum,
sú fimmta að jöfnu vægi atkvæða
alls staðar á landinu. Í síðustu
spurningunni er spurt hvort þú
viljir að í stjórnarskrá verði ákvæði
sem kveði á um að tiltekinn hluti
kosningabærra manna geti krafist
þess að mál verði send í þjóðar­
atkvæðagreiðslu.
„Atkvæðagreiðslan fer fram á
sömu kjörstöðum og notast er við
í almennum kosningum. Skömmu
fyrir atkvæðagreiðsluna mun
hvert sveitarfélag auglýsa með
venjulegum hætti hvar kjörstað­
ir verði, hvenær kjörfundur hefj­
ist og hvenær honum verði slitið
á kjördag, hvernig skipt
verði í kjördeildir, o.fl.
Kjósendur eru beðnir að
kynna sér vel þær upp­
lýsingar,“ segir á vefn­
um kosning.is, þar sem
einnig má sjá kjörseð­
ilinn.
baldur@dv.is
8 Fréttir 24.–26. ágúst 2012 Helgarblað
R
annsóknin er ekki alveg
búin en býsna langt kom­
in,“ segir Ólafur Þór Hauks­
son, sérstakur saksóknari,
um rannsókn á fjárdrætti
starfsmanns Sjálfstæðisflokksins af
fé íhaldsflokka Norðurlandaráðs.
Páll Heimisson, alþjóðafulltrúi Sjálf­
stæðisflokksins, er grunaður um að
hafa dregið sér 15 til 20 milljónir af
fé íhaldsflokkanna á Norðurlöndum.
Ólafur segir málið að mörgu leyti
flókið og því hafi það tafist. „Þetta eru
mörg tilvik. Þá er það í raun þannig
að hverja og eina færslu ber að skoða
sem hugsanlegt og meint brot.“
Valhöll ber ábyrgð
Framkvæmdastjórn íhaldsflokkahóps
Norðurlandaráðs var fram til ársloka
2010 í höndum Íslendinga. Bjarni
Benediktsson, formaður Sjálfstæð­
isflokksins, fór með stjórn hópsins á
þeim tíma en alþjóðaritari flokksins
var starfsmaður ráðsins. Íhaldsflokk­
arnir, ólíkt öðrum samstarfshópum
Norðurlandaráðs, hafa ekki stofnað
lögaðila í kringum reksturinn. Ábyrgð
og fé er því hýst hjá þeim flokki
sem fer með stjórn hópasamstarfs­
ins hverju sinni. Yfirmaður Páls var
því Jónmundur Guðmarsson, fram­
kvæmdastjóri Sjálfstæðisflokksins.
Hann vildi þó ekki gangast við ábyrgð
á málinu þegar DV ræddi við hann
vegna þess í desember síðastliðnum
þrátt fyrir að fé íhaldshópsins hefði
verið geymt á reikningi Sjálfstæðis­
flokksins, sem einnig sá um bókhald
og launagreiðslur.
Bara gjaldkeraþjónusta
„Við lítum þannig á að hann hafi ver­
ið starfsmaður íhaldshópsins. Það er
bara okkar afstaða,“ sagði Jónmund­
ur aðspurður hvort fréttatilkynn­
ing flokksins sem sagði Pál aðeins
hafa haft aðsetur í Valhöll hefði verið
sannleikanum samkvæm.
Jónmundur sagði að bankareikn­
ingar, þar sem fjármunir íhalds­
grúppunnar voru geymdir, hefðu
verið á ábyrgð Páls og flokkahóps­
ins sjálfs en að Sjálfstæðisflokk­
urinn hefði einungis séð um gjald­
keraþjónustu. „Sjálfstæðisflokkurinn
sá um að greiða reikninga og ann­
að samkvæmt ósk starfsmannsins,“
sagði Jónmundur. Þetta er á skjön
við upplýsingar DV innan úr flokka­
hópi íhaldsmanna en þar er litið svo
á að málið sé Sjálfstæðisflokksins.
Fé íhaldsflokkanna hafi verið á vakt
sjálfstæðismanna en komi íhalds­
flokkunum ekki við að öðru leyti.
Finnar tóku við framkvæmda­
stjórn hópsins í ársbyrjun 2011 en
málið komst upp í mars í fyrra. Þá­
verandi framkvæmdastjóri hóps­
ins, Maria­Elena Cowell sem tók við
framkvæmdastjórn hópsins eftir yf­
irfærslu formennsku til Finna, sagði
á sínum tíma við fréttastofu RÚV að
hún skildi ekki hvernig fjárdráttur­
inn ætti að hafa farið fram því fram­
kvæmdastjórinn hefði almennt ekki
beinan aðgang að reikningum hóps­
ins og þyrfti að bera öll fjárútlát und­
ir yfirboðara sína. Páll er grunaður
um skjalafals til fegrunar á fjárútlát­
um hans.
Reglunum breytt
Málið hefur dregið dilk á eftir sér en
eftirlitsnefnd Norðurlandaráðs, sem
Bjarni á sjálfur sæti í, hefur nokkrum
sinnum fjallað um málið. Innan
ráðsins er litið svo á að málið komi
ráðinu ekki sérstaklega við. Peningun­
um hafi raunar verið stolið frá íhalds­
flokkunum en ekki Norðurlandaráði.
Hins vegar hefur málið vak­
ið athygli á nauðsyn þess að settar
séu reglur um meðhöndlun á fé frá
ráðinu enda ætlunin að styrktarfé
ráðsins fari í starfsemi þess en ekki
einkaneyslu starfsmanna. Það mun
hafa komið þingmönnum Norður­
landaráðs nokkuð á óvart hvernig
staðið er að rekstri á starfsemi sam­
starfsvettvangs íhaldsflokka innan
ráðsins en ólíkt flokkahópum græn­
ingja og sósíalista, jafnaðarmanna og
miðjuflokka er enginn sérstakur lög­
aðili eða félag um starfsemina.
Formaður eftirlitsnefndar Norð­
urlandaráðs, Sonja Mandt þingkona
norska verkamannaflokksins, seg­
ir nefndina funda í september og
þá verði nýju reglurnar ræddar og
væntanlega ákvarðaðar. Hún sagði
fjársvikamálið hér á landi verða haft
í huga þegar reglurnar verða settar
saman. „Við þurfum reglur. Það voru
engar reglur um þessi mál. Eftirlits­
nefndin hefur komist að þeirri niður­
stöðu að við verðum að setja reglur
um fjárútlát sem þessi.“
Valhallar-
fjársVik enn
Í rannsÓkn
n Bjarni Benediktsson bar ábyrgð og er í eftirlitsnefnd
„Það voru
engar reglur
um þessi mál
Atli Þór Fanndal
blaðamaður skrifar atli@dv.is
Bara bókhaldsþjónusta Jónmundur
Guðmarsson, framkvæmdastjóri Sjálf-
stæðisflokksins, segir flokkinn hafa veitt
bókhaldsþjónustu og greitt reikninga en
telur ábyrgð ekki fylgja þjónustunni.
Setja reglur Sonja Mandt, formaður
eftirlitsnefndar Norðurlandaráðs, segir
reglum um styrki ráðsins til flokkahópa
verða breytt á næstunni.
Dró sér fé Páll Heimisson er grunaður
um að hafa dregið sér 15 til 20 milljónir af
fjárstyrk Norðurlandaráðs sem Sjálfstæðis-
flokkurinn hafði umsýslu með.
Firra sig
ábyrgð Bjarni
Benediktsson fór
með formennsku
flokkahóps
íhaldsmanna
þegar fjár-
drátturinn átti
sér stað.
Kjörseðillinn Opnað
verður fyrir kosningu
utan kjörfundar á
laugardag.
Dagur gegn kyn-
bundnu ofbeldi
UN Women á Íslandi stendur
fyrir Appelsínugula deginum í
annað sinn nú á laugardag. Með
framtakinu er fólk hvatt til að
taka táknræna afstöðu til mikil­
vægi þess að uppræta kynbund­
ið ofbeldi. Að þessu sinni munu
verslunareigendur á Laugar­
veginum taka þátt í átakinu og
skreyta búðargluggana með app­
elsínugulu. Að því er fram kem­
ur í tilkynningu verður áhersla
lögð á stöðu kvenna í Afganistan,
þar sem ungar stúlkur eru til
að mynda seldar í hjónabönd. Í
Afganistan látast 18 þúsund kon­
ur árlega við fæðingu barna vegna
skertu aðgengi að læknisþjón­
ustu, skorti á nauðsynlegum lyfj­
um og einnig vegna þess að þær
hafa ekki líkamlegan þroska til að
ganga með og fæða barn.
Dögun gagnrýnir
skattahækkanir
Félagsfundur Dögunar vekur
athygli á að frekari skattahækk­
anir og niðurskurður muni ekki
leysa skuldavanda ríkissjóðs.
Þegar litið er á heildarsamhengi
hlutanna er ljóst að slíkar að­
gerðir og aðrar sambærilegar
smáskammtalækningar duga
skammt við að ráða bót á rekstr­
arvanda ríkisins. Þetta kemur
fram í ályktun frá Dögun.
„Félagsfundur Dögunar
ályktar að skuldastaða ríkis­
sjóðs sé ósjálfbær, vaxtakostn­
aður of mikill og grípa þurfi til
annarra ráða en niðurskurðar,
skattahækkana og lántöku til að
koma á jafnvægi í ríkisfjármál­
um. Til að ráðast á vandann er
nauðsynlegt að stöðva frekari
skuldasöfnun og hefja tafarlaust
endursamningaferli við lána­
drottna ríkissjóðs um höfuðstól
og vexti skulda svo afborgan­
ir ógni ekki velferð þjóðarinnar,
frekar en orðið er.“
Stálu sjötíu
tjökkum
Lögreglan á Suðurnesjum
rannsakar nú þjófnað á níu
steypumótum og sjötíu tjökkum
sem stolið var í Grindavík fyrr í
sumar.
Mótunum og tjökkun­
um hafði verið komið fyrir til
geymslu á lóð. Þegar til átti að
taka fannst hvorki tangur né tet­
ur af þeim. Þeir sem kunna að
hafa upplýsingar um málið eru
beðnir að hafa samband við lög­
reglu í síma 420–1800.