Fréttatíminn - 20.11.2015, Qupperneq 33

AFMÆLISDAGAR
45 ÁRA GJÖF FRÁ
FYLGIR EF KEYPT ER
FYRIR MEIRA EN 5.000 KR
Laugavegi 178 - Sími 568 9955
Sama kennitala frá upphafi
19. OG 20. NÓVEMBER
Swarovski
-15%
Postulínslampar
10-20% afsláttur
Tarína m/hitara & ausu
frá kr.11.595
Sósuskál m/hitara & ausu
kr.7.995
Hnífaparatöskur f/12
m/fylgihlutum frá kr.24.995
-15 %
Söfnunarstell
-15%
Söfnunarhnífapör
-15%
Söfnunarglös
-20%
Enjoy hitaföt
-20%
Borgarbollar
-15%
Lukkutröll - postulín, verð frá kr.4.850
að skrá sig í háskólann sem hann
var í Róm til að stunda nám í. Hún
kynntist líka syni mafíuforingja frá
Reggio Calabria sem var samferða
henni í skólanum, seldi honum
ritgerðir og teikningar. Eitt sinn
bauð hann henni heim með sér í
páskafrí til að launa henni greið-
ann. Þar mætti henni allt annar
heimur, lyftan í sex hæða húsi fjöl-
skyldunnar var sundurskotin og
lífverðir á hverju strái, en hún seg-
ist ekki hafa áttað sig á því hvílíkt
hættusvæði þetta var. Að hlusta
á hana segja frá þessum tíma í
lífi sínu er eins og að detta inn í
ítalska bíómynd og hún segist sjálf
oft upplifa þennan tíma þannig.
Eftir útskrift fór hún heim til Ís-
lands og vann þar í tvö ár en ástin
togaði í hana og hún flutti út aftur
til að giftast ítalska greifanum, en
fyrst ætluðu þau að prófa að búa
saman í eitt ár. Þá fór að syrta í
álinn. „Það var skelfilegur tími.
Ég mátti ekki vinna úti, átti bara
að vera fín og sæt og til staðar ef
einhver úr fjölskyldunni þarfnaðist
aðstoðar. Hann fylgdist með öllu
sem ég gerði, meira að segja þegar
ég var búin að ákveða að fara og
fór í heimilistækjaverslun til að
fá stóra kassa til að pakka í var
hringt í hann úr búðinni og hann
látinn vita að ég væri að undirbúa
flótta. Hann kom heim úr vinnunni
og hló að þeirri fávisku minni að
ég skyldi halda að ég slyppi. Ég
var eiginlega bara fangi og ég fæ
enn martraðir á nóttunni þar sem
ég endurupplifi þetta augnablik.“
„Þetta er maðurinn minn“
Á endanum tókst Rut þó að sleppa
og kom alkomin heim til Íslands
árið 1997. Fór fyrst að vinna á fast-
eignasölu en var fljótlega komin á
stofu innanhússarkitektsins Guð-
bjargar Magnúsdóttur og fékk
þar gott veganesti. Stuttu seinna
opnaði hún eigin stofu og hefur
síðan með elju og vinnusemi smátt
og smátt orðið einn af vinsælustu
innanhússarkitektum lands-
ins. Þótt hún væri hvekkt eftir
ástarævintýrið á Ítalíu hafði hún
þó engan veginn útilokað það að
eignast mann og dag einn í rækt-
inni birtist maðurinn í lífi hennar
ljóslifandi. „Ég bara sé þennan
huggulega mann, hálfhaltrandi þó
og dapran á svipinn og ég vissi það
um leið: þetta er maðurinn minn!
Þennan mann þarf ég að hugsa vel
um og gera kátan! Ég hélt í fyrstu
að hann væri eitthvað fatlaður en
komst seinna að því að hann var
bara tognaður eftir íþróttaslys, en
hann var nýskilinn og það skýrði
líklega hversu dapur mér fannst
hann vera.
Ég vissi ekkert hvernig ég ætti
að nálgast hann, hélt áfram að
mæta í ræktina á sama tíma, dró
meira að segja systur mína með
mér til að sýna henni hann. Það
endaði með því að ég elti hann
þegar hann kom úr ræktinni og
tók niður bílnúmerið hans. Komst
þá að því að hann heitir Kristinn
Arnarson og var í bókaútgáfu. Ég
fór því til hans í vinnuna undir því
yfirskyni að kaupa bók. Þar sem
hann gat ekki skipt stóra peninga-
seðlinum sem ég var með varð úr
að við hittumst saman á Grænum
kosti í hádeginu nokkru seinna til
að fá okkur að borða og gera upp
bókarkaupin. Ég vandaði mig svo
ofboðslega til að klúðra þessu nú
ekki að ég sendi honum stöðugt
þau skilaboð að ég hefði engan
áhuga á honum og hann var þá
heldur ekkert að ganga á eftir mér.
Það endaði með því að ég hringdi
í hann og spurði hvort hann vildi
horfa með mér á bíómynd, fór til
hans með myndina og við horfðum
saman. Strax og myndin var búin
kvaddi ég og fór út í bíl, en ég gat
ekki farið. Bankaði aftur og spurði
hvort ég mætti vera aðeins lengur
og síðan hef ég ekki farið frá hon-
um. Við eigum saman dótturina
Brynju, sem er 13 ára og algjörlega
dásamleg, og hann á yndisleg og
vel gerð tvö börn frá fyrra hjóna-
bandi sem bjuggu hjá okkur aðra
hverja viku þegar þau voru yngri.
Ég næ stundum ekki utan um það
hvað ég hef verið óskaplega heppin
í lífinu, það er eins og það sé ein-
hver verndarengill yfir mér.“
Óskaplega ánægð með bókina
Rut er frábær sögumaður, við
erum nánast búnar að tala frá
okkur vit og rænu og upphafleg
ástæða fyrir viðtalinu hefur næst-
um gleymst, en hún var sú að nú
hefur útgáfan Crymogea gefið
Framhald á næstu opnu
Með einkadótturinni,
Brynju. „Ég næ stundum
ekki utan um það hvað
ég hef verið óskaplega
heppin í lífinu, það er
eins og það sé einhver
verndarengill yfir mér.“
Ljósmyndir/Hari
viðtal 33 Helgin 20.-22. nóvember 2015