Fréttatíminn - 20.11.2015, Síða 66

66 matur & vín Helgin 20.-22. nóvember 2015
www.odalsostar.is
Cheddar kinkar kumpánlega kolli til bróður síns
sem nefndur er eftir samnefndum bæ í Somerset
á Englandi. Vinsældir Cheddar-osts eru slíkar
að í dag er hann mest seldi ostur í heimi. Óðals
Cheddar er þéttur, kornóttur, eilítið þurr í munni en
mildur, með vott af beikon- og kryddjurtabragði
og ferskri, eilítið sýrðri ávaxtasætu í lokin.
Cheddar er skemmtilegur í matargerðina,
sérstaklega í baksturinn og á ostabakkann með
kjötmeti.
CHEDDAR
LAGLEGUR
 Útrás FimmFöldun á Framleiðslu jólabrennivíns
Selja þúsundir flaskna af
jólabrennivíni til útlanda
Fimm þúsund flöskur eru framleiddar af jólabrennivíni í ár, fimmfalt fleiri en í fyrra. Brennivínið
hefur fengið að liggja á sérrí-tunnum og Bourbon-tunnum undir styrkri stjórn Valgeirs Valgeirs-
sonar bruggmeistara. Útlendingar eru mjög spenntir fyrir þessari nýju vöru.
Þ etta var tilraunarverkefni í fyrra sem lukkaðist svona ótrúlega vel,“ segir Valgeir
Valgeirsson bruggmeistari um sér-
staka jólaútgáfu af íslensku brenni-
víni sem vakið hefur mikla
athygli utan landstein-
anna, rétt eins og hér
heima.
„V ið sendum
eina flösku á inn-
flytjendur Brenni-
víns í Bandaríkj-
unum, eina til
Kanada og aðra
til Þýskalands, og
það er skemmst frá
því að segja að við
fengum pantanir
hratt um hæl og erum
að senda jólaútgáfu
þessa árs á alla þessa
markaði í kjölfarið,“
segir Valgeir,
sem er
kannski best þekktur sem brugg-
meistari hjá Borg Brugghúsi, en
hann hefur einnig verið með putt-
ana í þróun Brennivíns undanfarin
tvö ár.
Alls eru framleiddar um fimm
þúsund flöskur af þessu jóla-
brennivíni, fimmfalt fleiri
en í fyrra, og á milli 60-
70% af þeim verða flutt-
ar út.
Sérstök jólaútgáfa
af Íslensku brennivíni hefur verið
óslitið á markaði frá árinu 2006.
Lengst af var um að ræða útgáfu
þar sem eplabragði hafði verið bætt
í hið hefðbundna Brennivín. Í fyrra
kom svo út öllu metnaðarfyllri út-
gáfa af jólabrennivíninu, tunnu-
þroskuð eins og gengur og gerist
með ýmis eðalvín. Þá hafði Brenni-
vín fengið að liggja á notuðum sérrí-
tunnum annarsvegar og Bourbon-
tunnum hinsvegar í sex mánuði í
senn, og þessu síðan blandað sam-
an í eina útgáfu. Útgáfan er mýkri
og margslungnari eftir þessa með-
ferð, þar sem það þéttist við öldrun
og tekur í sig ýmis bragðeinkenni
úr tunnunum sjálfum. Jólabrenni-
vínið seldist upp hér á landi löngu
fyrir jól í fyrra.
„Jólabrennivínið fékk frábær-
ar viðtökur í fyrra og vildum
við byggja á þeim grunni í ár.
Við erum því aftur með sérrí-
og bourbon-tunnuþroskað
Brennivín í grunninn,
en bættum svo auka-
lega við minniháttar
magni af Brenni-
víni sem við þrosk-
uðum á ónotaðri
amerískri eik.
Viðbótin gefur
örlítið heitari
viðarkeim og
bit sem bætir
þetta ennfrek-
ar að okkar
mat i,“ segir
Valgeir.
Frekari tilraunir
með íslenska brennivínið eru vænt-
anlegar á næstunni. „Í tilefni af 80
ára afmæli Brennivíns á þessu ári
höfum við haft dágott magn í þrosk-
un á notuðum Islay Whisky-tunnum
og Tequila-tunnum síðustu 12 mán-
uði svo eitthvað sé nefnt. Við förum
nú að koma því í flöskur hvað úr
hverju líka. Svo er ýmislegt fleira í
þróun sem vonandi verður eitthvað
skemmtilegt.“
Valgeir Valgeirsson, bruggmeistari í
Borg brugghúsi, hefur verið með putt-
ana í þróun Brennivíns undanfarin tvö
ár. Nú er komið í verslanir tunnuþrosk-
að jólabrennivín sem einnig er selt til
Þýskalands, Kanada og Bandaríkjanna.
Ljósmynd/Hari