Fréttatíminn - 20.11.2015, Blaðsíða 72

72 bækur Helgin 20.-22. nóvember 2015
 RitdómuR YfiR faRinn veg með BoBBY fischeR
metsölulisti eYmundsson

 BækuR vilja viRkja fRamtíðaRhöfunda íslands
Þ etta er námskeið sem við Kjartan höfum lengi verið að pæla í, eiginlega bara frá því við byrjuðum að skrifa,“
segir Snæbjörn Brynjarsson spurður um
Furðusmiðju sem hann og meðhöfundur
hans, Kjartan Yngvi Björnsson, munu halda
í janúar. „Okkur fannst bókmenntaflóran á
Íslandi dálítið einhæf og okkur langaði til
að hvetja fólk til að skrifa fleiri tegundir af
skáldskap og kynna það um leið fyrir mis-
munandi lesefni. Þegar við fórum að hugsa
þetta lengra fannst okkur einfaldast að fara
bara til framtíðarhöfunda Íslands, unglinga
eða krakka, kynntum hugmyndina og
fengum styrk frá Barnamenningarsjóði og
ákváðum að drífa bara í þessu.“
Þótt þeir Snæbjörn og Kjartan hafi
hugsað námskeiðið fyrir unglinga hafa
þeir fengið fjölda fyrirspurna frá eldra fólki
sem hefur áhuga á að mæta og Snæbjörn
segir það að sjálfsögðu velkomið á nám-
skeiðið. „Annars hafa viðbrögðin verið svo
góð að við erum að hugsa um að bæta við
aukanámskeiði fyrir þá sem eru komnir af
unglingsaldri, en hvort af því verður kemur
í ljós síðar.“
Sé rýnt í stefnuyfirlýsingu Furðusmiðj-
unnar vekur athygli að meðal þeirra bók-
menntagreina sem talað er um að fjalla um
á námskeiðinu eru ástarsögur, telja þeir
félagar ástina til furða? „Nei, ég myndi nú
ekki segja það, en ástarsagnageirinn er van-
metinn og full ástæða til að beina athygli að
honum,“ segir Snæbjörn.
Auk þeirra félaganna verða þau Hildur
Knútsdóttir, Bryndís Björgvinsdóttir og
Ævar Þór Benediktsson gestakennarar á
námskeiðinu. Snæbjörn telur að þau muni
styrkja námskeiðið mikið. „Þau eru öll að
skrifa fyrir unglinga, en mjög ólíkar bækur
og aðkoma þeirra eykur fjölbreytnina í því
sem við getum fjallað um,“ segir hann. „Ég
vil þó leggja áherslu á að okkur langar að
fjalla um bækur sem eru ekkert endilega
flokkaðar sem fagurbókmenntir, en eiga
samt rosalega stóran lesendahóp. Oft þykja
slíkar bækur formúlukenndar en þá er
gaman að skoða hver formúlan er, hver er
uppbyggingin, hvaða trikk eru notuð og svo
framvegis.“
Snæbjörn og Kjartan hafa sagt að ástæða
þess að þeir hófu að skrifa Þriggja heima
sögu hafi verið sú að þeim hafi þótt of
lítið af furðusögum á íslenskum markaði,
nú hefur það dæmi snúist við og flestar
unglingabækur eru fantasíur eða furðu-
sögur í einhverjum skilningi. „Við erum í
rauninni bara rétt að byrja hér,“ segir Snæ-
björn. „Þetta eru stærstu bókaflokkarnir í
heiminum í dag og það eru svo miklu fleiri
möguleikar í þessum geira en við höfum
séð hingað til. Sumum raunsæishöfundum
finnst meira að segja að sér vegið, hafa
þungar áhyggjur af þessari þróun og ég
viðurkenni alveg að við Kjartan erum í smá
trúboði fyrir furðusöguna. Að því sögðu
er rétt að undirstrika að við höfum mikinn
áhuga á að komast að því hvernig bækur
unglinga í dag langar til að skrifa og hvað
þeir eru að lesa. Þegar við vorum ungir var
það sem okkur langaði að lesa ekki til og
kannski gildir það sama um unglinga í dag.
Kannski finnst þeim furðusagan orðin gam-
aldags og hafa áhuga á að gera eitthvað allt
annað, ég vona það eiginlega þá halda bók-
menntirnar áfram að þróast út í það óendan-
lega. Ég er viss um að bestu bókmenntir
íslenskrar tungu eru enn óskrifaðar.“
Námskeiðin verða haldin í bókasafni
Kópavogs og Gerðubergi og skráning fer
fram á heimasíðunni furdusmidjan.com.
Friðrika Benónýsdóttir
fridrika@frettatiminn.is
Bestu bókmenntirnar óskrifaðar
Hin árvissa Bókamessa í
Bókmenntaborg verður haldin
í fimmta sinn um helgina.
Messan verður sem fyrr í Ráð-
húsi Reykjavíkur þar sem út-
gefendur sýna nýjar bækur og
boðið verður upp á fjölbreytta
bókmenntadagskrá fyrir fólk
á öllum aldri. Í boði verða
upplestrar, sögustundir, spjall
um bækur, leikir, getraunir
og óvæntar uppákomur. Þarna gefst fólki einstakt tækifæri til að kynna
sér bókaútgáfu ársins á einu bretti, ræða við útgefendur og höfunda, fá
hugmyndir að bókum í jólapakkana og skemmtilegu lesefni fyrir sig sjálft.
Húsið er opið frá klukkan 12 til 17 bæði laugardag og sunnudag. Ekkert
kostar inn og eru allir hjartanlega velkomnir.
Bókamessa í Ráðhúsinu
Mikil gróska er í útgáfu ljóðabóka þetta haustið og á
þar hver kanónan á fætur annarri stórleik. Lesendur
hafa tekið vel í þessa útgáfu og fleiri en ein og fleiri
en tvær ljóðabækur hafa selst upp og ýmist eru á
leið í endurprentun eða nýtt upplag komið á markað.
Fyrstan skal frægan telja Bubba Morthens, en bók
hans Öskraðu gat á myrkrið var sú fyrsta sem var
endurprentuð í haust. Í kjölfar hans hafa siglt Dóri
DNA, Kristín Svava og Þórdís Gísladóttir.
Síðastnefndu höfundarnir þrír eru allir gefnir út
hjá Bjarti og forleggjarinn, Guðrún Vilmundardóttir,
er að vonum sæl með sitt fólk. „Þetta hefur verið
sérlega stórt og mikið ljóðahaust en fólk virðist svo
sannarlega kunna að meta það.
Við hjá Bjarti, a.m.k, höfum engar áhyggjur af stöðu
ljóðsins,“ segir hún. „Engar.“
Ljóðið ratar til sinna
Allir Íslendingar sem komnir eru á ákveðinn aldur hafa
sína hugmynd um hvernig maður skáksnillingurinn Bobby
Fischer hafi verið, við teljum okkur vita allt um manninn.
Annað kemur þó á daginn við lestur bókar Garðars Sverr-
issonar, Yfir farinn veg með Bobby Fischer, sem komin er
út hjá Skruddu. Hér lýsir Garðar kynnum sínum af Fischer
sem hófust er sá síðarnefndi sat í varðhaldi í Japan og uxu
og döfnuðu yfir í fagra vináttu eftir að Fischer var veitt hæli
hér á landi.
Myndin sem Garðar dregur upp er af ljúfum manni, sér-
vitrum vissulega en hann er langt því frá að vera klikkaður
eða vænisjúkur einfari sem hataði fólk, eins og oft
hefur verið haldið fram. Sá Fischer sem Garðar lýsir
er viðkunnanleg manneskja, fjölfróð og bráðskörp
með áhuga og þekkingu á hinum aðskiljanlegustu
málum. Lýsingarnar á vináttu þeirra og samskipt-
um eru skrifaðar af hlýju og nærfærni og stíllinn er
fádæma flottur, áreynslulaus og áferðarfallegur og
sýnir vel færni Garðars sem rithöfundar. Lesandinn
hrífst með og heillast af þessum dálítið sérlunda
mönnum og það er sjaldgæft en velkomið að fá svo
djúpa innsýn í vináttu tveggja fullorðinna karlmanna.
Helsti galli bókarinnar er að höfundur gengur út
frá því að lesandinn þekki sögu Fischers í þaula,
eyðir ekki tíma í að útskýra stöðuna sem hann er
í og endalaus upptalning á meisturum skáklistar-
innar, einvígjum, töpum og sigrum þeirra gerir af-
skaplega lítið fyrir lesanda sem þekkir hvorki haus
né sporð á skákheiminum. Google frændi er auðvi-
tað fús til að upplýsa allt það sem lesandann fýsir að
vita um þann heim, en það slítur í sundur lesturinn
og skemmir upplifunina að þurfa sífellt að þurfa að
leita á náðir hans. Hefði verið kærkomið að fá bókarauka
sem veitti dálitla innsýn í forsöguna og skákheiminn fyrir
fáfróða lesendur.
Þrátt fyrir gloppurnar í þekkingu lesandans á bak-
grunni atburðanna sem bókin greinir frá er hún yndislest-
ur, skemmtileg og áhugaverð og manni hlýnar dálítið um
hjartarætur við að kynnast þessum körlum sem á köflum
umgangast hvor annan eins og gömul hjón, tuða og kýta en
sættast alltaf fljótt enda getur hvorugur hugsað sér að missa
hinn úr lífi sínu. Missirinn kemur þó óhjákvæmilega og
lýsingar Garðars á klúðri og vandræðaganginum í kringum
greftrun stórmeistarans eru í senn grátbroslegar og sjokk-
erandi. Það sem eftir situr að lestri loknum er þó fyrst og
fremst aðdáun á frásagnargáfu höfundarins og þakklæti
fyrir að fá að gægjast inn í lokaðan heim vináttunnar. Svei
mér ef lesturinn gerir mann ekki að dálítið betri manneskju
– að minnsta kosti um sinn. -fb
Yndislestur um vináttu karla

Yfir farinn veg
með Bobby fisc-
her
Garðar Sverrisson
Skrudda 2015
Allir ættu að finna eitthvað við sitt hæfi í
ráðhúsinu um helgina.
Meðal ljóðabóka
sem búið er að
endurprenta er
bók Kristínar
Svövu, Stormvið-
vörun.
Yrsa veltir Arnaldi
Ný spennusaga Yrsu Sigurðardóttur
rýkur beint á topp metsölulista Ey-
mundsson þessa vikuna og er toppurinn
því orðinn ansi kunnuglegur.
1 Sogið Yrsa Sigurðardóttir
2 Þýska húsið Arnaldur Indriðason
3 Stóri skjálfti Auður Jónsdóttir
4 Víga-Anders og vinir – kilja Jonas Jonasson
5 Endurkoman Ólafur Jóhann Ólafsson
6 Dagbók Kidda klaufa 7 Jeff Kinney
7 Lárus eignast systkini Edda Lára Lúðvíksdóttir
8 Nautið Stefán Máni
9 Þín eigin goðsaga Ævar Þór Benediktsson
10 Vikkala Sól Kristín Margrét Kristmannsdóttir
Listinn er
byggður
á sölu í
verslunum
Pennans-
Eymundsson
dagana
11.-17.
nóvember.
Snæbjörn og Kjartan eru höfundar þriggja bóka í Þriggja heima sögu og sú fjórða er á leiðinni. Ljósmynd/Hari
Furðusagnahöfundarnir Snæbjörn Brynjarsson og Kjartan Yngvi Björnsson gangast fyrir nám-
skeiði í furðusagnagerð eftir áramótin. Þá langar til að ná til rithöfunda framtíðarinnar og
komast að því hvernig bækur þá langar að skrifa.
Sumum
raunsæis-
höfundum
finnst meira
að segja að
sér vegið,
hafa þungar
áhyggjur
af þessari
þróun og ég
viðurkenni
alveg að
við Kjartan
erum í smá
trúboði
fyrir furðu-
söguna.
Bláu húsin Faxafeni / S. 555 7355 / www.selena.is Selena undirfataverslun
Jóla-
náttfötin
komin!
Frábært
úrval!