Fréttatíminn - 20.11.2015, Qupperneq 76

Gefðu íslenska tónlist
í jólagjöf
www.recordrecords.is
Fáanlegar á CD og LP
í öllum betri plötubúðum
Of Monsters and Men
Beneath The Skin
Júníus Meyvant EP
Agent Fresco
Destrier
Bókin Öll mín bestu ár kom út á dögunum og hefur hún að
geyma ljósmyndir og frásagnir úr skemmtanalífi Íslendinga á
árunum 1966 til 1979. Það var fyrrum blaðamaðurinn Stefán
Halldórsson sem tók saman ásamt myndum úr safni Kristins
Benediktssonar sem var iðinn ljósmyndari á þessum árum. Þeir
byrjuðu að vinna að þessari bók saman en eftir andlát Kristins
árið 2012 hélt Stefán áfram að vinna sig í gegnum ljósmynda-
safn hans.
Gefur góða
mynd af
tíðarandanum
K veikjan að þessari bók er sú að árið 2010 kom út ljós-myndabók eftir Sigurgeir
Sigmundsson sem heitir Popp-
korn. Hann fékk lánaðar myndir
frá Kristni heitnum fyrir þá bók,“
segir Stefán Halldórsson sem skrif-
ar texta bókarinnar.
„Þetta varð Kristni kveikjan að
því hann langaði sjálfan að gefa út
bók með þessum svokölluðu popp-
myndum. Munurinn á þessum
tveimur ljósmyndurum er sá að
Sigurgeir var meiri uppstillingar-
ljósmyndari, á meðan Kristinn var
vettvangsljósmyndari á lifandi við-
burðum. Kristinn sá að hans bók
myndi sýna aðra hlið á þessum tíma
en bók Sigurgeirs. Kristinn var á
þessum tíma í krabbameinsmeðferð
og við vorum gamlir kunningjar.
Við hittumst og ákváðum að vinda
okkur í verkið,“ segir Stefán Hall-
dórsson.
„Við komumst nú ekki af stað fyrr
en um haustið 2011 og þá lögðum
við línurnar um hvaða myndir ættu
að vera í bókinni og Kristinn hófst
handa við að skanna þessar filmur
sínar.“
Árið 2012 lést Kristinn eftir langa
baráttu við krabbamein, aðeins 63
ára að aldri. Stefán tók við safni
hans og hélt áfram að skanna filmur
úr fórum Kristins. „Ég fór í gegnum
safnið í samstarfi við dóttur Krist-
ins og afraksturinn má finna í þess-
ari bók,“ segir hann.
„Ég var að skrifa um popptónlist
í Morgunblaðinu á þessum árum
og þegar ég þurfti á ljósmyndara
að halda, sem var nú yfirleitt á
kvöldin, þá var Kristinn alltaf til í
tuskið sem ungur maður. Hann var
líka alltaf með vélina tiltæka svo
hann tók mikinn fjölda ljósmynda á
öllum sviðum. Hann var í eðli sínu
frásagnarmaður og fyrir vikið þá er
bókin þannig upp sett að í stað þess
að hafa fáar stórar myndir þá höfð-
um við fleiri í mörgum stærðum,“
segir Stefán. „Fyrir vikið gefur bók-
in fjölbreyttari mynd af tíðarandan-
um sem var í gangi á þessum tíma.
Yfirleitt var aldrei pláss í blöðun-
um nema fyrir tvær til þrjár myndir.
Kristinn tók þó alltaf mun meira og
var alltaf að leita að góðum augna-
blikum. Ég skrifa textann í bókinni
og reyndi að nota sem mest af þeim
texta sem ég hafði skrifað í Morg-
unblaðinu á sínum tíma, sem pass-
aði við ljósmyndirnar. Þetta er því
sameiginleg upplifun okkar á hverj-
um stað,“ segir hann. „Í bókinni eru
rúmlega 1000 ljósmyndir sem er í
rauninni bara tíund af myndunum
í safni Kristins,“ segir hann. „Ég
skannaði á milli tólf og fjórtán þús-
und myndir í safninu. Auðvitað eru
margar myndir af sama hlutnum og
slíkt, en safnið er gríðarlegt.
Ein hugmynd er að koma þessum
hugverkum á vefinn en auðvitað er
mikil vinna sem fylgir slíkri fram-
kvæmd. Það má segja að bókin sé
nokkurskonar vörulisti. Það er mik-
ill fjöldi mynda af þeim viðburðum
sem eru sýndir í bókinni og þetta
verkefni gæti átt ágætis framhalds-
líf ef manni sýnist svo,“ segir Stefán
Halldórsson.
Hægt er að panta bókina á síð-
unni www.ollminbestuar.is
Hannes Friðbjarnarson
hannes@frettatiminn.is
Hjónin Rúnar Júlíusson og María Baldursdóttir prýða forsíðu bókarinnar.
Árni Johnsen, með hrafn á öxlinni, í
Húsafelli árið 1970
Keppendur í fegurðarsamkeppni Íslands árið 1971
1915 til 2015
í Norræna húsinu
Fimmtán til fimmtán er yfirskrift tón-
leika í 15:15 tónleikasyrpunni í Norræna
húsinu sunnudaginn 22. nóvember
klukkan 15:15.
Flytjendur á tónleikunum eru
Sigurður Halldórsson sem leikur á selló
og Liwen Huang sem leikur á píanó.
Árið 1915 var gjöfult ár í tónlistar-
sögunni. Sérstaklega voru mörg verk
samin sem mörkuðu tímamót á sviði
einleiks- og kammertónlistar fyrir selló.
Það ár samdi Kodály einleikssónötuna
fyrir selló. Sónatan var fyrsta verkið
fyrir einleiksselló í næstum 200 ár sem
öðlaðist sess á tónleikaefnisskrám og
jafnframt upphafið að ríkulegum arfi
tuttugustu aldar tónlistar fyrir selló með
allri þeirri þróun á ýmis konar óhefð-
bundinni tækni og sífellt nýrri nálgun við
hljóðfærið sem er þó í eðli sínu fundið
upp og hannað á barokktímanum.
Sama ár skrifaði Debussy sónötu fyrir
selló og píanó. Verkið var gríðarlega
framsækið, og er ekkert svo langt síðan
það var flokkað með nútímatónlist
víðast hvar í tónlistarháskólum. Það
má kannski segja að með þessum tón-
leikum sé gerð tilraun til að skila þessum
verkum endanlega úr þeim flokki yfir í
„períódu“ flokkinn.
Auk fyrrnefndra verka verður frum-
flutt á tónleikunum verkið Tatsachen
eftir Ragnheiði Erlu Björnsdóttur. Hún
stundar nám í tónsmíðum við Listahá-
skólann hjá Hróðmari I Sigurbjörnssyni
og mun útskrifast með BA gráðu næsta
vor. Verkið er skrifað sérstaklega fyrir
þessa tónleika þannig að efnisskráin hafi
að geyma ferskt innlegg úr samtím-
anum. -hf
 TónleiKar 15–15
76 menning Helgin 20.-22. nóvember 2015