Dagblaðið Vísir - DV - 11.01.2013, Blaðsíða 4

S
lökkviliðið á höfuðborgar­
svæðinu greiddi niður
618 milljóna króna lán hjá
lánasjóði sveitarfélaga í
lok árs 2012. Fjármunirnir
komu frá eigendum slökkviliðsins
á höfuðborgarsvæðinu, þeim
sveitarfélögum sem reka slökkvi­
liðið en það eru Reykjavík, Kópa­
vogur, Hafnarfjörður, Garða­
bær, Mosfellsbær, Seltjarnarnes
og Álftanes. Þetta segir Jón Viðar
Matthíasson slökkviliðsstjóri að­
spurður um skuldastöðu félagsins.
Skuldir slökkviliðsins námu
rúmum milljarði króna í árs­
lok 2011 og voru eignir félagsins
þá metnar á rúmlega 1.320 millj­
ónir króna. Eiginfjárhlutfall fé­
lagsins var þá 22 prósent en til
samanburðar má nefna að eigin­
fjárhlutfall Orkuveitu Reykjavíkur
var 21 prósent á sama tíma.
Ástæðan fyrir þessari skuldastöðu
slökkviliðsins er að fasteignafélag
þess, SHS­fasteignir, er skuldsett
vegna framkvæmdalána sem tekin
voru á árunum fyrir hrun hjá Lána­
sjóði sveitarfélaga og Glitni, nú Ís­
landsbanka. Lánin voru tekin til að
fjármagna byggingu á slökkvistöð
að Skútahrauni 6 og vegna við­
byggingar við slökkvistöðina í
Skógarhlíð
Lán í erlendum myntum
Jón Viðar segir að bæði lánið hjá
Lánasjóði sveitarfélaga og Glitnis­
lánið hafi verið í erlendum mynt­
um og að það skýri meðal annars
hækkun þeirra. Þá segir hann skil­
málar lánsins við lánasjóðinn hafi
breyst til hins verra fyrir slökkvi­
liðið.
Þegar Jón er spurður að því
hvort æskilegt sé að eiginfjárstaða
slökkviliðsins sé svona lág segir
hann að svo sé ekki. „Nei, við vor­
um með lán frá Lánasjóði sveitar­
félaga. Síðan breytast skilmálarn­
ir á því láni og vaxtaálagið hækkar.
Þá er ákveðið að fara þá leið að
leita til eigenda félagsins eftir fjár­
magni til að greiða niður það lán.
[…] Menn velja þá leið að greiða
lánið til að bæta eiginfjárstöðu fé­
lagsins í leiðinni.“ Jón Viðar seg­
ir að einnig hafi komið til tals að
stofna til skulda til að greiða niður
lánið en að hin leiðin hafi orðið
ofan á.
Þetta var gert í lok árs í fyrra
og er slökkviliðið skuldlaust við
Lánasjóð sveitarfélaga í kjölfarið.
Eftir standa hins vegar lán við Ís­
landsbanka sem einnig eru í er­
lendum myntum. Jón Viðar seg­
ir að verið sé skoða hvort þessi
lán slökkviliðsins séu lögleg eða
ólögleg. Lána­ og eiginfjárstaða
slökkviliðsins hefur því batnað
töluvert frá því í lok árs 2011 þar
sem skuldir félagsins hafa lækk­
að um meira en helming og eign­
irnar eru ennþá þær sömu. „Þetta
inngrip eigenda gerir það að verk­
um að fasteignafélagið er komið á
réttan kjöl.“
Stóðu við skuldbindingar sínar
Jón Viðar segir að þessi staða fast­
eignafélagsins hafi hins vegar
aldrei gert það að verkum að til­
vist þess hafi verið í hættu. Hann
segir að slökkviliðið hafi staðið við
allar skuldbindingar sínar áður en
uppgreiðslan á láninu átti sér stað.
„Við stóðum við allar okkar skuld­
bindingar og höfum alltaf gert en
það sem gerði stöðuna tvísýna var
þessi vaxtahækkun sem við stóðum
frammi fyrir,“ segir Jón Viðar.
Eiginfjárstaða slökkviliðsins
ætti því að vera komin upp í meira
50 prósent, miðað við uppgreiðsl­
una á láninu hjá lánasjóðnum. n
4 Fréttir 11.–13. janúar 2013 Helgarblað
Skattbyrði hér í meðallagi
n Skattar lægstir á Íslandi af Norðurlöndunum
Í
sland er í 16. sæti í samanburði
á skattbyrði meðal 30 ESB­ og
EFTA­þjóða samkvæmt nýju yfir­
liti Eurostat, tölfræðistofnun­
ar Evrópusambandsins. Í saman­
burðinum er tekið mið af tekjuskatti,
virðisaukaskatti og launatengdum
gjöldum og litið til þess hve hátt hlut­
fall vergrar landsframleiðslu ríkið
tekur til sín í formi skatta í hverju
landi.
Ísland er einnig í 16 sæti ef EFTA­
þjóðirnar, Noregur, Ísland og Sviss
eru tekin með. Íslenska ríkið tekur til
sín 35,9 prósent landsframleiðslunn­
ar í formi skatta, en það er álíka mikið
og gert er í Portúgal og á Kýpur. Þetta
er í góðu samræmi við tölulegar sam­
anburðarupplýsingar sem Norður­
landaráð birti nýverið. Þar kemur
fram að skattbyrði á Norðurlöndum
hafi verið minnst á Íslandi árið 2011.
Hin Norðurlöndin eru ofar á list­
anum en Ísland. Auk landanna tíu
eru líka ofar á blaði Lúxemborg,
Bretland, Slóvenía, Ungverjaland
og Portúgal. Danir hafa vermt efsta
sætið mörg undanfarin ár og hefur
skattbyrði sem hlutfall af vergri lands­
framleiðslu farið þar yfir 50 prósent.
Að jafnaði er skattheimtan sem hlut­
fall af landsframleiðslu um 40 pró­
sent í löndunum 30 og er Ísland því
talsvert undir meðaltalinu. Að jafnaði
eru skattar sem hlutfall af landsfram­
leiðslu lægstir í austanverðri Evrópu
eins og taflan gefur til kynna. n
Tveir teknir
með kíló af
kókaíni
Karlmaður um fertugt situr nú í
gæsluvarðhaldi eftir að lögreglan
handtók hann á Keflavíkurflugvelli
þann 30. desember. Maðurinn var
að koma frá Kaupmannahöfn og
reyndist hann vera með 600 grömm
af kókaíni innvortis. Maðurinn,
sem er frá Senegal, var úrskurðaður
í gæsluvarðhald en sá úrskurður
rennur úr gildi í dag, föstudag.
Í tilkynningu frá lögreglunni á
Suðurnesjum kemur fram að ekki
hafi fleiri verið handteknir vegna
málsins sem er enn í rannsókn.
Þá sætir rúmlega fertugur Rússi
nú farbanni. Hann var stöðvað­
ur við hefðbundið eftirlit tollgæslu
í Flugstöð Leifs Eiríkssonar vegna
gruns um að hann væri með fíkni­
efni í fórum sínum. Við leit á hon­
um fundust 300 grömm af kókaíni.
Maðurinn var að koma frá París
þegar hann var handtekinn. Lög­
reglan á Suðurnesjum hefur haft
málið til rannsóknar og hafa nokkrir
aðilar hafa verið yfirheyrðir, en
enginn handtekinn vegna hugsan­
legrar aðildar.
Lögreglan minnir á fíkniefna­
símann 800­5005. Í hann má
hringja nafnlaust til að koma á
framfæri upplýsingum um fíkni­
efnamál.
Stálu peningum
af ferðamanni
Erlendur ferðamaður óskaði eftir
aðstoð lögreglu skömmu eftir
miðnætti aðfaranótt fimmtudags.
Maðurinn sagði að tveir menn
hefðu komið að honum og stolið
af honum peningum og greiðslu­
korti fyrr um daginn. Í tilkynn­
ingu frá lögreglu kemur fram að
maðurinn hafi ákveðið að þiggja
gistingu í fangageymslu lögreglu
þar sem hann hafði ekki efni á
annarri gistingu – enda peninga­
laus með öllu.
Þá stöðvaði lögregla ræktun
fíkniefna á tveimur stöðum í
Hafnarfirði á miðvikudagskvöld og
var einn maður handtekinn. Málið
telst upplýst.
Í 16. sæti Ríkið tekur til sín 35,9 pró-
sent landsframleiðslunnar á Íslandi.
n Eiginfjárstaðan var komin niður í 22 prósent í lok árs 2011
Staðan batnar Slökkvilið höfuðborgarsvæðisins var með eiginfjárstöðu upp á 22 prósent í lok árs 2011 en með uppgreiðslu á 618 milljóna
króna láni hefur staðan batnað umtalsvert. Slökkviliðsmenn sjást hér við skyldustörf í Reykjavík um sumarið 2011.
Slökkviliðið greiddi
618 milljóna lán
Ingi Freyr Vilhjálmsson
fréttastjóri skrifar ingi@dv.is
Eiginfjárstaða félaga í eigu
Reykjavíkurborgar í lok árs 2011:
Aflvaki hf
Malbikunarstöðin Höfði hf
Skíðasvæði höfuðborgarsvæðisins
Faxaflóahafnir sf
Bílastæðasjóður Reykjavíkur
Sorpa bs
Strætó bs
Slökkvilið höfuðborgarsvæðisins bs
Orkuveita Reykjavíkur
Íþrótta- og sýningahöllin hf
Jörundur ehf
Félagsbúðstaðir hf
n Eiginfjárstaðan var komin niður í 22 prósent í lok árs 2011
0% 10% 20% 30% 40% 50% 60% 70% 80% 90% 100%