Dagblaðið Vísir - DV - 11.01.2013, Blaðsíða 29

Viðtal 29 Helgarblað 11.–13. janúar 2013
hefur unnið með fjölda þekktra lista-
manna, þar á meðal Backstreet Boys.
Eins fæ ég regluleg „castings“
fyrir alls konar verkefni og oft hef
ég ekki tíma fyrir þetta allt. Ég lék
til að mynda í franskri bíómynd, í
auglýsingu, tónlistarmyndbandi
og í myndinni með Stiller. Lífið er
skemmtilegt, þótt það geti verið
erfitt. En ég kaus mér þessa stefnu í
lífinu og kaus að vera ekki í vinnu og
fá fasta summu í hverjum mánuði.
Ég valdi mér þetta form fyrir mark-
mið sem getur gefið mér þúsundfalt
til baka.
Mér finnst bara gaman að vakna
inn í daginn, sama hvort ég á mikið
af peningum eða lítið. Ég er á minni
braut og það gerir mig hamingju-
sama. Lífið snýst ekki bara um að
þræla sér út fyrir peninga.“
Systir Rósu er tónlistarkonan Vé-
dís Vantída en þær systur spiluðu
saman á dögunum þegar Rósa var
stödd hér á landi yfir jólin. „Védís er
æðislegur lagahöfundur og tónlistar-
manneskja. Við höfum unnið mikið
saman og ég væri til í að geta unnið
meira með henni. Íslendingar eru
heppnir að hafa hana heima.“
Batinn er kraftaverk
Hún segir villta lífernið hafa haft
mikil áhrif á sig og að hún sé enn að
vinna úr afleiðingunum. „Ég hef yfir-
stigið mikinn andlegan sársauka í líf-
inu og farið ofboðslega illa með mig,
andlega, líkamlega og tilfinninga-
lega. Þótt ég hafi verið vond við fólk
hef ég komið mun verr fram við sjálfa
mig. Það hefur verið algjört krafta-
verk að fá að upplifa þennan bata;
ég snéri lífi mínu við frá algjörri eyði-
leggingu. Það er bara ótrúlegt að mér
hafi tekist það.“
Hún segir það ekki skipta sig máli
hvað aðrir halda um hana. „En mér
þykir vænt um fólk. Líka það sem ég
þekki ekki og það sem talar illa um
mig. Ég tek ekki persónulega því nei-
kvæða sem aðrir segja um mig því ég
veit að þeir sem tala illa um fólk og af
hatri líður ekki vel.
Sjálf hef ég talað illa um fólk og
hatað, þegar mér leið sem verst.
Það var vont að ganga um reið
og full af hatri gagnvart fólki sem
misnotaði mig, bæði kynferðislega
og tilfinningalega, í æsku og þegar ég
varð eldri. Ég var uppfull af réttlátri
reiði um tíma gagnvart vinum og fjöl-
skyldu en hef lært að fyrirgefa, bæði
sjálfri mér og fólkinu í kringum mig.
Ég varð að læra að fyrirgefa því
mér leið svo illa. Ég gat varla átt sam-
skipti nema missa stjórn á skapinu.
Ég var komin á þann punkt að ég
hugsaði: annaðhvort breytist þú eða
deyrð. Það var bara þannig. Reiðin
er svo hættuleg fyrir fólk eins og mig.
Þá langar mig að gera eitthvað eyði-
leggjandi, þá kemur fíknihegðunin
fram. Mér verður skítsama um allt
og allir geta átt sig. Ég ætla bara að
gera eitthvað sem skemmir mig. Ég
má það ekki því það er það sama og
að deyja.
Ég er með ofnæmi fyrir hugbreyt-
andi efnum, hvort sem það er áfengi
eða dóp. Slíkt þýðir geðveiki, stofn-
anavist eða dauði.“
Hún segist þó hafa þurft að læra
á fyrirgefninguna. „Að fyrirgefa er
ekki það sama og að treysta. Áður
átti ég það til að fyrirgefa og hleypa
fólki aftur inn og brenndi mig svo.
Núna er ég búin að læra að traust er
áunnið.“
Nóg af vanlíðan
Líf Rósu hefur verið sannkallaður
rússíbani. Hún hefur lifað hratt og
prófað margt þrátt fyrir að vera rétt
skriðin yfir þrítugt. Aðspurð um
framtíðina segist hún varla hugsa
um morgundaginn. „Að lifa í degin-
um í dag er nógu mikið álag,“ seg-
ir hún brosandi en bætir við að hún
vilji einfaldlega verða hamingjusöm.
„Hver vill það ekki? Ég bara nenni
ekki að líða illa. Nenni því svo engan
veginn. Er komin með nóg af vanlíð-
an.
Ég hef farið í gegnum svo mikinn
andlegan sársauka og skammast
mín ekkert fyrir það. Leynd og
skömm gerjast og verður að krabba-
meini. Ég á mér engin leyndarmál
og er frjáls. Ég er hér og ég er sigur-
vegari því ég hef sigrað geðveiki og
dauða.“
Í dag hefur Rósu tekist að fanga
hamingjuna. „Ég er á þeim stað í líf-
inu að dagurinn í dag er besti dagur-
inn. Ég vil aldrei vera í gær, dagur-
inn í dag er besta gjöfin sem ég hef
fengið. Ég sé engin takmörk fyr-
ir því hversu mikið ég get vaxið og
farið í lífinu. Ég er bara spennt og
geri mitt besta í því sem mig langar
að gera. Mig langar að lifa og hrær-
ast í skemmtanaiðnaðinum og læt
hjartað í allt sem ég geri.“ n
„Ef fólk vill kalla
mig lesbíu þá er
mér alveg sama. Ég er
ekki með kynfærum,
ég er með manneskjum.
Spotlight Rósa og vinir hennar á djamminu á Spotlight.
Vinir Páll Óskar og Rósa
bjuggu saman um tíma.
Myndin birtist á sínum tíma í
Séð og heyrt.
Nýtt líf Rósa hefur gjörbreytt lífsstíl sínum.
Hún hætti að drekka fyrir tíu árum, borðar
ekki kjöt, fisk, eða dýraafurðir og einbeitir sér
að andlegum málefnum. myNd Sigtryggur ari