Dagblaðið Vísir - DV - 12.04.2013, Page 16

S
egja má að Árni Páll Árna­
son hafi síst tekið við öfunds­
verðu hlutverki sem formað­
ur Samfylkingarinnar í byrjun
febrúar. Flokkurinn náði inn
20 þingmönnum í kosningunum
2009 og hlaut flest atkvæði allra flokka
eða nærri 30 prósent. Þegar Árni Páll
tók við sem formaður mældist fylgi
flokksins hins vegar 16 prósent. Í
könnun Þjóðarpúls Capacent Gallup
í byrjun apríl mældist flokkurinn síð­
an með 15 prósenta fylgi en í könnun
sem Capacent gerði og kynnt var í gær
mælist flokkurinn nú með 12,6 pró­
senta fylgi, sem er það minnsta frá
stofnun hans árið 2000.
Þannig virðast formannsskiptin
ekki hafa orðið til þess að auka fylgi
flokksins og sem dæmi má taka að
margir höfðu á orði að ef Árni Páll yrði
formaður myndi hann draga mikið
af fylgi til Samfylkingarinnar frá Sjálf­
stæðisflokknum. Sú hefur ekki orðið
raunin og hefur Framsóknarflokk­
urinn frekar verið að taka þaðan fylgi.
Þá lýstu margir yfir óánægju með
niðurstöðuna í stjórnarskrármálinu
en erfitt hefur reynst fyrir Árna Pál að
að verja þá leið sem var farin.
Unir glaður dómi kjósenda
„Það hefur litla þýðingu að lesa í skoð­
anakannanir frá einum tíma til annars
og mér finnst að stjórnmálamenn
eigi ekki að vera uppteknir af þeim.
Það er hlutverk stjórnmálaflokka að
greina frá því hver stefna þeirra er og
hvernig þeir vilja koma henni í fram­
kvæmd. Fólk getur þá tekið upplýsta
ákvörðun út frá því. Ég uni glaður
þeim dómi sem þjóðin kveður upp,“
segir Árni Páll Árnason aðspurður
hvort það fylgi sem flokkurinn mælist
nú með sé viðunandi að hans mati.
Þá sé einnig athyglisvert að fyrir um
tveimur mánuðum hafi allir verið að
spyrja hvort hann vildi mynda ríkis­
stjórn með Sjálfstæðisflokknum en
nú hafi sú spurning snögglega snúist
yfir á mögulegt samstarf með Fram­
sóknarflokknum. Ekkert sé í hendi í
þessum málum fyrr en búið sé að telja
upp úr kjörkössunum.
Hann áréttar að Samfylkingin sé
kjölfestuflokkur í íslenskum stjórn­
málum. Flokkurinn hafi bæði skýra
stefnu um atvinnu og velferð og hafi
sýnt getu til að koma þeirri stefnu í
framkvæmd á erfiðum tímum. „Hann
er eini flokkurinn sem hefur skýra
stefnu um það hvernig við komumst
út úr hinum efnahagslega óstöðug­
leika,“ bætir hann við. Þegar Árni Páll
er spurður hvaða mál séu efst á baugi
hjá honum persónulega segir hann að
mestu skipti að tryggja íslensku launa­
fólki sama rétt og fólk búi við víðast
hvar annars staðar í þeim löndum
sem við berum okkar saman við. Þar
skipti nýr gjaldmiðill höfuðmáli.
Vill skattleggja auðlindir og
fjármagn
Nú í vikunni benti Jón Steinsson hag­
fræðingur á það á bloggi sínu að
munurinn á stjórnmálaflokkunum
þegar kæmi að ríkisfjármálum snérist
um hvaðan skattarnir koma. „Munur­
inn á flokkunum þegar kemur að ríkis­
fjármálum snýst nánast alfarið um
það hvaðan skattarnir eiga að koma.
Framsókn og Sjálfstæðisflokkurinn
vilja skattleggja fólk. Stjórnarflokk­
arnir vilja í auknum mæli færa skatt­
lagningu af fólki og yfir á fjármagn og
auðlindir. Ef Framsókn og Sjálfstæðis­
flokkurinn verða kosnir í stjórn í vor
eru líkur til þess að þeir lækki verulega
veiðigjaldið, skatta á fyrirtæki og fjár­
magnstekjur og hátekjuskatta,“ sagði
Jón á bloggi sínu. Aðspurður segist
Árni Páll sammála þessari greiningu
Jóns. „Ég skil ekki það viðhorf að það
sé í lagi að skattleggja almenning en
það megi ekki skattleggja auðlindir.
Það verður einhver að borga skatta.
Við viljum fara varlega í skattlagn­
ingu og ekki hækka skatta frekar,“ segir
hann.
Hann tekur hins vegar undir að
vissulega hafi ríkisstjórnin reynt að
koma mörgum málum í gegn og það
hafi verið vonbrigði að ná ekki að
klára stjórnarskrármálið. „Auðvitað
voru það vonbrigði fyrir marga að við
skyldum ekki ná nýrri stjórnarskrá í
gegn. Það er hins vegar ekki við Sam­
fylkinguna að sakast. Að frumkvæði
okkar var þvingað í gegn breytingar­
ákvæði í lok þingsins. Ef það hefði ekki
verið gert væri þetta ekki kosningamál
núna. Þá væru allir komnir með af­
sökun fyrir því að setja stjórnarskrána
aftast á forgangsröðina því það kæmi
ekki til þess að ákveða neitt varðandi
hana fyrr en í lok næsta kjörtímabils,“
segir hann.
Telur tímaáætlun um aðild að
ESB raunhæfa
Alþingi samþykkti þingsályktun um
að óska eftir aðildarviðræðum við
Evrópusambandið sumarið 2009.
Í kosningabaráttunni þá um vorið
töluðu margir um að Ísland fengi að
greiða atkvæði um aðildarsamning
fljótlega. Aðildarviðræðurnar hafa
hins vegar dregist á langinn og því gæt­
ir vissra efasemda hjá mörgum kjós­
endum og þá sérstaklega hvað varðar
hvenær fyrst verði raunhæft fyrir Ís­
lendinga að taka upp evru. Árni Páll
segir hins vegar ekki erfitt að setja fram
raunhæfa tímaáætlun um hvenær
möguleg aðild geti átt sér stað. Erf­
iðara sé hins vegar að segja nákvæm­
lega til um hvenær Íslandi uppfylli þau
skilyrði sem landið þarf að gera sam­
kvæmt Maastricht­skilyrðunum til
þess að fá að taka upp evru.
„Skoðanakannanir sýna að mikill
meirihluti þjóðarinnar vill klára að­
ildarviðræður við Evrópusambandið
og vill fá að sjá samninginn. Ef við
fáum ríkisstjórn eftir komandi kosn­
ingar sem vill klára aðildarviðræðurn­
ar og ef ekkert tefur aðildarsamninga
þá eigum við að geta fengið niður­
stöðu á rétt rúmu ári. Þá er hægt að
leggja samning í dóm þjóðarinnar,“
segir hann.
Um leið og Íslendingar samþykktu
að ganga í ESB, sem gæti orðið í árslok
2014 þá væri strax hægt að leggja meiri
kraft í afnám gjaldeyrishafta. Þá væri
hægt að komast strax í ERM­II sam­
starfið á árinu 2015. „Það veltur auð­
vitað allt á því hvernig okkur gengur
að laga okkur að stöðugleika hvenær
við getum tekið upp evru. Við þurfum
að temja okkur agaðra viðhorf til hag­
stjórnar. Því fyrr sem við náum þessu
því betra. Einnig má benda á að Dan­
mörk hefur aldrei farið lengra en inn
í ERM­II. Það er athyglisvert að hafa
það í huga. Óútskýrður vaxtamunur
milli Íslands og annarra landa mun
því fljótt byrja að minnka þegar þessi
vegferð hefst,“ segir hann.
Þegar Árni Páll er spurður hvar
hann sjái stöðu Íslands fyrir sér eftir
fjögur ár segir hann að það sé draum­
ur sinn að þá verði búið að ná tökum
á verðbólgu og gengisóstöðugleika.
„Þar af leiðandi fari vegur þekkingar­
fyrirtækja vaxandi. Kaupmáttur raun­
verulega að aukast á forsendum
alvöru vaxtar í atvinnulífinu en ekki
vegna bóluáhrifa eða skuldsetningar.
Vaxtakjör fari lækkandi og fyrirtæki
og heimili njóti þess í afkomu og dag­
legu lífi. Til þess að þetta gerist verð­
um við að setja efnahagslegan stöð­
ugleika í öndvegi og feta leiðina að
inngöngu í Evrópusambandið og að
upptöku evru. Þá værum við líka búin
að ná verulegum árangri í afnámi
gjaldeyris hafta,“ segir hann.
Telur kosningaloforðin hófleg
Samfylkingin hélt blaðamannafund
á miðvikudaginn þar sem flokkurinn
kynnti helstu stefnumál sín. Má þar
nefna nýtt og einfaldara almanna­
tryggingakerfi, byggingu 350 nýrra
hjúkrunarrýma, nýjan og betri
Landspítala, öruggari leigumarkað,
nýjar húsnæðisbætur, 2.000 nýjar
leiguíbúðir í samstarfi við sveitarfélög
og búseturéttarfélög svo nokkuð sé
nefnt. Það tók flokkinn síðan einungis
einn dag að uppfylla fyrsta loforðið
en í gær var tilkynnt um undirritun
samnings á milli Tannlæknafélags
Íslands og Sjúkratrygginga Íslands
vegna tannlækninga fyrir börn. Síðasti
samningur á milli þessara aðila rann
út fyrir 15 árum, árið 1998.
Árni Páll telur að kosningaloforð
Samfylkingarinnar séu nokkuð hóf­
leg. Hins vegar má nefna að nýr Land­
spítali er talinn geta kostað allt að 85
milljarða króna. Þá vill flokkurinn
einnig gera meira varðandi lækkun
íbúðaskulda hjá fólki. „Það voru hópar
RAUNHÆF ÁÆTLUN
UM AÐILD AÐ ESB
n Árni Páll segist una dómi kjósenda n Fylgi Samfylkingar aldrei minna n Aðild að ESB árið 2015
Annas Sigmundsson
blaðamaður skrifar as@dv.is „Ég skil ekki
það viðhorf
að það sé í lagi
að skattleggja
almenning en að
það megi ekki
skattleggja auð-
lindir
Í ESB 2015 Árni Páll segir kann-
anir sýna að meirihluti þjóðar-
innar vilji klára aðildar viðræður
og raunhæft sé að ganga þar inn
2015. Mynd: Eyþór ÁrnaSon
16 Viðtal 12.–14. apríl 2013 Helgarblað