Dagblaðið Vísir - DV - 14.02.2014, Blaðsíða 20

20 Fréttir Erlent Helgarblað 14.–17. febrúar 2014
Bótox
gegn offitu
Vísindamenn við háskólasjúkra­
húsið í Þrándheimi í Noregi rann­
saka nú hvort bótox, sem hingað
til hefur verið þekkt sem hrukku­
lyf, gagnist í baráttunni gegn
offitu. Bard Kulseng, aðstoðar­
prófessor við krabbameins­
lækningadeild sjúkrahússins,
segir að rannsóknin snúi að því
hvort bótox hægi á meltingunni.
Sem aftur gerir það að verkum
að sjúklingar finna seinna fyrir
hungri. Langt mun líða áður en
niðurstöður fást í rannsóknina,
en gert er ráð fyrir því að hún
muni taka átta ár.
Fatnaður og aðrir aðskotahlutir hafa orðið að þremur dýrum í dýragarðinum í Stuttgart aldurtila
Vilja fá að
eyða fóstrum
Spænskar konur komu saman
í Madrid, höfuðborg Spánar, á
dögunum til að mótmæla fyrir­
huguðum lagabreytingar um
fóstur eyðingar. Til stendur að
breyta lögum sem sett voru árið
2010 en þau gera ráð fyrir að kon­
ur geti farið í fóstureyðingu af fús­
um og frjálsum vilja svo lengi sem
innan við fjórtán vikur séu liðnar
af meðgöngunni. Samkvæmt nýju
frumvarpi verður þessu breytt
þannig að konur megi aðeins fara
í fóstureyðingu ef þær hafa orðið
óléttar eftir nauðgun eða ef með­
gangan stofnar heilsu móðurinn­
ar í hættu.
Anton át úlpu og drapst
H
vítabjörn í Wilhelma­dýra­
garðinum í Stuttgart drapst
á þriðjudag eftir að hafa étið
úlpu og bakpoka sem gestur
dýragarðsins hafði hent til hans.
Starfsmenn dýragarðsins höfðu
orðið varir við að hvítabjörninn, Ant­
on að nafni, hóstaði upp efnisbútum.
Þeir gáfu honum lyf svo hann ældi.
Það gekk eftir og Anton ældi upp að
hluta því sem til var ætlast – en það
reyndist um seinan. Úlpan fór illa í
Anton og hann drapst.
Þetta er ekki í fyrsta skipti sem dýr
í garðinum drepast af völdum hluta
sem gestir henda að þeim. Þannig
drapst flóðhesturinn Egon, eftir að
hafa gleypt tennisbolta, og sæfíllinn
Charly, eftir að hafa lagt sér bangsa
til munns.
Krufning hefur leitt í ljós að
dánarorsök Antons megi rekja til
innvortis sára og bólgna, sem hlut­
ust af því sem hann át. Hann var 25
ára og átti, ef allt hefði verið eðli­
legt, einhver tíu til fimmtán ár ólifuð.
Daily Mail hefur eftir dýragarðsverði,
Andreas Woessner, að hann viti ekki
hvers vegna Anton lagði sér flíkurn­
ar til munns. „Hann reif vanalega í
sundur hluti sem féllu inn í búrið
hans. Ef til vill hefur eitthvað góm­
sætt verið í bakpokanum.“
Starfsfólk dýragarðsins ber að á
undanförnum 20 árum hafi líklega
um 200 skór, 50 brúður, ógrynni höf­
uðfata, síma og myndavéla – jafn­
vel gleraugu – lent í búri bjarnarins.
Lengi hafi gestir verið til vandræða
að þessu leyti. Starfsfólkið vissi ekki
af úlpunni og bakpokanum fyrr en
það var um seinan.
Taka má fram að aðeins eru
um tvö ár liðin frá því Knútur,
bjarnarhúnn sem bræddi hug og
hjörtu Þjóðverja árið 2011, drapst
fyrir framan 600 gesti í dýragarðin­
um í Berlín. n baldur@dv.is
Anton allur Algengt er að gestir hendi hlutum til dýranna í garðinum.
Allt á floti í Bretlandi
n Verstu flóð í manna minnum n Staðan gæti enn versnað n 1,6 milljónir heimila í hættu n Hermenn í viðbragðsstöðu
F
lóðin sem valdið hafa miklu
tjóni á suðvesturhluta Bret­
landseyja eru einhver mestu
hamfaraflóð í manna minn­
um. Miklar rigningar hafa
gengið yfir Bretlandseyjar undan­
farnar vikur sem hafa valdið því að
grunnvatnsstaða á stórum svæðum
er hærri en menn eiga að venjast.
Sem dæmi hefur grunnvatnsstaðan
í Surrey hækkað um 20 metra á
rúmum hálfum mánuði. Veður­
fræðingar hafa varað við því að
ástandið gæti varað fram á sumar
vegna óvenjulega hárrar grunn­
vatnsstöðu.
1,6 milljónir heimila í hættu
Breska jarðvísindastofnunin varaði
við því í vikunni að 1,6 milljónir
heimila á Englandi og í Wales séu
í hættu vegna flóðanna. Líkur séu
á að vatn flæði ofan í fjölmarga
kjallara, eins og raunin er þegar
orðin eins og ein af meðfylgjandi
myndum ber með sér. Þá er óttast
að mengunarslys geti orðið ef tekur
að flæða upp úr skolpræsum eins og
hætta er á.
Jarðvísindastofnunin held­
ur utan um og fylgist með 32 bor­
holum víðs vegar um Bretland, en
holurnar eru notaðar til að mæla
grunnvatnsstöðu. Níu af þeim hafa
aldrei sýnt hærri grunnvatnsstöðu
og ein hefur aldrei sýnt hærri stöðu
í þau 179 ár sem hún hefur ver­
ið notuð til mælinga. Þetta þýð­
ir einfaldlega að jörðin er kom­
in að þolmörkum og meiri úrkoma
mun aðeins þýða að flóðin verða
alvarlegri. Veðurspár gera ráð fyrir
áframhaldandi úrkomu. Á miðviku­
dag gekk óveður yfir Bretlandseyj­
ar með þeim afleiðingum að þús­
undir heimila urðu rafmagnslaus.
Það eru þó flóðin sem menn hafa
mestar áhyggjur af enda virðist fátt
benda til annars en að ástandið sem
nú er muni vara í að minnsta kosti
tvo mánuði til viðbótar.
Hermenn í viðbragðsstöðu
David Cameron, forsætisráðherra
Bretlands, heimsótti flóðasvæðin á
dögunum og lét hafa eftir sér í kjöl­
farið að breska ríkisstjórnin myndi
gera allt sem í valdi hennar stend­
ur til að létta íbúum lífið. „Ef það
þarf að eyða peningum þá verð­
ur þeim eytt. Ef herinn þarf að að­
stoða mun hann gera það,“ sagði
Cameron en 1.600 hermenn hafa
verið í viðbragðsstöðu vegna flóð­
anna. Hluti þeirra er þegar að störf­
um í suðurhluta Englands, einna
helst í Somerset og Surrey þar sem
staðan er einna verst.
Flóðavarnir efldar
Ed Miliband, leiðtogi Verkamanna­
flokksins, hefur kallað eftir því að
flóðavarnir verði efldar til að tak­
marka hugsanlegt tjón ef og þegar
flóðin endurtaka sig. Hann telur að
loftslagsbreytingar muni valda því
að meiri öfga verði vart í veðurfari
á komandi árum. „Kostnaðurinn
við að gera ekkert er miklu meiri
en kostnaðurinn við að framkvæma
og betrumbæta. Ríkisstjórnin verð­
ur að átta sig á þessu og taka þetta
alvarlega,“ segir Miliband. n
„Ef það þarf
að eyða
peningum þá
verður þeim eytt
Einar Þór Sigurðsson
einar@dv.is Skoðar aðstæður David Cameron, forsætisráðherra
Bretlands, skoðaði aðstæður í Fordgate í Somerset um síðustu
helgi. Eins og sést er allt á floti en í samfloti með Cameron var
Ian Liddell-Grainger, þingmaður breska Íhaldsflokksins.
Undrandi Það er engin furða að íbúar á flóðasv
æðunum klóri sér í kollinum vegna
ástandsins. Nigel og Jane Gray sjást hér í an
dyri húss síns í Wraysbury, en eins og sést e
r lítill
árabátur fyrir framan húsið sem þau nota t
il að komast á milli staða.
Endurskapar
snípi eftir
umskurð
Sértrúarsöfnuður sem tilbiður
geimverur stefnir á að opna
fyrstu heilsugæslustöð í Afr­
íku sem sérhæfir sig í endur­
byggja snípi kvenna sem hafa
verið afmyndaðar með umskurði.
Meðlimir safnaðarins kalla sig
Raëlista. Þeir telja að geimver­
ur hafi skapað manninn og að
tilgangur lífsins sé að njóta þess.
Söfnuðurinn hefur staðið fyrir
ýmsum umdeildum gjörningum
svo sem er þeir reyndu að klóna
mann fyrir rúmlega tíu árum. Nú
ætlar söfnuðurinn að bjóða kon­
um í Búrkína Fasó sem hafa verið
umskornar að gangast undir að­
gerð og láta endurskapa snípinn.