Dagblaðið Vísir - DV - 14.02.2014, Blaðsíða 45

Helgarblað 14.–17. febrúar 2014 Lífsstíll 37
B
eth Whaanga er fjögurra
barna þriggja barna
móðir frá Brisbane. Hún
birti á dögunum mynd-
ir af sér á Facebook-síðu
sinni sem hafa bæði vakið aðdá-
un og valdið fjaðrafoki. Á einni
myndinni er hún í rauðum kjól og
á myndinni stendur: „Veistu hvað
er undir þessum rauða kjól?“ Á
næstu myndi er hún nakin og sýn-
ir líkama sinn eins og hann er eft-
ir fjölmargar krabbameinsmeð-
ferðir. Hún er með ör eftir aðgerðir
og það vantar á hana geirvörturn-
ar eftir brjóstauppbygginguna.
Hún sat fyrir á myndinni til þess
að vekja athygli á baráttunni gegn
brjóstakrabbameini.
Yfir 100 manns eyddu henni út
Á myndinni er hún þó bara að
sýna líkama konu sem hefur geng-
ið í gegnum tvöfalt brjóstnám og
brjóstauppbyggingu. Beth ákvað
að setja myndirnar inn á Face-
book-síðu sína þar sem hún taldi
sig ekki hafa neitt til að skammast
sín fyrir. Svona liti líkami hennar
út og það væri í lagi að sýna það.
En það voru ekki allir Facebook-
vinir hennar sammála því. Yfir 100
manns eyddu henni út af vinalista
sínum af því þeim ofbauð myndin.
Þegar hún birti myndirnar
skrifaði hún undir: „Myndirnar
eiga ekki að vera kynþokkafullar á
nokkurn hátt. Tilgangur þeirra er
að vekja athygli á brjóstakrabba-
meini. Ef þessar myndir særa
blygðunarkennd þína, feldu þær
þá úr fréttaveitunni þinni.“ Það
gerðu yfir 100 vinir hennar. „Á
hverjum degi göngum við fram-
hjá fólki. Þessir einstaklingar líta
venjulega út en undir fötunum
er oft annað að sjá,“ skrifaði hún
einnig og vill með þessum hætti
minna fólk á að vera á varðbergi
fyrir brjóstakrabbameini og láta
athuga sig reglulega.
Lét fjarlægja bæði brjóstin
Beth var greind með brjóstakrabba-
mein á 32 ára afmæli sínu í fyrra
og læknarnir fundu einnig út að
hún væri með svokallað BRCA2
gen. Það veldur mun meiri líkum
á brjóstakrabbameini hjá konum
og því ákvað hún að láta taka bæði
brjóstin af til þess að koma í veg
fyrir að veikjast meira. Eftir að-
gerðina sem hún fór í í nóvember
neitaði hún að fela líkama sinn.
Svona væri hún og hún hefði ekk-
ert að fela. Hún ákvað því með vin-
konu sinni, Nadiu Masot, að sitja
fyrir á myndum til þess að sýna
konum að það væri ekkert óeðli-
legt við það að vera með ör á lík-
amanum. Á myndina skrifaði hún
fyrir hvað hvert ör stæði. Þannig
vill hún gera sitt í baráttunni gegn
brjóstakrabbameini. n
Lífsreynslusaga vikunnar „Ég mátti ekki loka að mér “
Vekur athygli á krabbameini
Beraði líkamann, alsettan örum, og missti fjölmarga Facebook-vini í kjölfarið
Viktoría Hermannsdóttir
viktoria@dv.is
Hvað er undir kjólnum? Beth er hér í
rauðum kjól og spyr hvort fólk viti hvað sé a
ð
sjá undir kjólnum.
Ekkert að fela Beth
vill ekki þurfa að fela
líkama sinn.
Ollu fjaðrafoki Ekki voru allir á eitt sáttir
við myndirnar, Beth missti yfir 100 vini á
Facebook sem tóku myndbirtinguna nærri
sér.
M
amma mín og pabbi skildu
þegar ég var lítil. Ég var
í litlum samskiptum við
pabba minn en einstaka
sinnum fór ég til hans. Pabbi vissi
lítið hvað hann gat gert með mér
þegar ég var hjá honum en við
fórum oft í heimsókn til æskuvin-
ar pabba. Þar var nokkuð eðlilegt
fjölskyldulíf og líklega hefur pabbi
sóst í að fara þangað í heimsókn
þegar ég var hjá honum þar sem
hans venjulega líf var ekkert sér-
lega fjölskylduvænt. Svo átti vinur
pabba líka son sem var þremur
árum eldri en ég og þeim þótti góð
hugmynd að við gætum leikið okk-
ur saman meðan þeir röbbuðu um
heima og geima. Ekkert óeðlilegt
við það.
Tumi átti stórt og flott herbergi
með mikið af flottum leikföngum
í. Við náðum vel saman og lékum
okkur mikið. Fyrst um sinn hlakk-
aði ég alltaf til heimsóknanna til
Tuma en það átti eftir að breytast.
Í eitt skiptið sem ég kom í heim-
sókn til Tuma fórum við inn í her-
bergi til hans eins og við gerðum
yfirleitt. Tumi spurði mig hvort ég
vildi koma í læknisleik. Ég var til í
það og hann læsti herberginu. Ég
man ég var ekki sátt við að hann
hefði læst herberginu en sagði ekki
neitt, ég var ekki með lykil að her-
berginu mínu og mátti yfirleitt ekki
loka að mér þegar ég var að leika
með vinum mínum heima. Ég hafði
farið í læknisleiki með vinkonum
mínum og það var ekkert athuga-
vert við það. Við lékum læknisleik
og ekkert merkilegt gerðist.
Næst þegar við komum í heim-
sókn vildi Tumi aftur fara í læknis-
leik. Nú varð leikurinn hins vegar
öðruvísi en áður og mér fannst
hann óþægilegur. Í leiknum var
farið út í það að snerta staði sem ég
vissi að enginn mætti snerta á mér
því að mamma hafði sagt mér að
þetta væru mínir einkastaðir. n
Þetta er hluti af lífsreynslusögu sem
birtist í heild sinni inn á dv.is. Vilt þú
deila með okkur þinni lífsreynslusögu?
Sendu póst á lifsreynslan@dv.is.
Læknisleikurinn gekk of langt
Heimur
Hendrikku
Má tala um maka sinn sem fylgi-
hlut? Persónulega finnst mér ekk-
ert að því, en kannski er það bara
vegna þess að ég er með sterka
sjálfsmynd og finnst það ekkert
rispa egóið mitt.
Í raun erum við bæði konur og
karlar fylgihlutur hvers annars.
Jú, við fylgjum hvort öðru í gegn-
um súrt og sætt og þá er víst eins
gott að vanda valið vel. Við verð-
um að passa vel hvort annað í
hvaða aðstæðum sem kunna að
koma upp.
Fylgihlutur sem passar ekki
vel við mann mun ekki endast
lengi. Þessi klisja að maki manns
eigi að vera fyrst og fremst besti
vinur manns er alls engin klisja.
Manneskjan sem þú ætlar að
ganga með í gegnum líf þitt þarf
að vera þér hliðholl og ekki vera
í keppni við þig um eitt né neitt.
Hún þarf að virða þig númer eitt,
tvö og tíu!
Karlmaður sem gortar sig af
kynþokka spúsu sinnar við vini
sína, er að öllum líkindum með
pínulítið typpi og lágvaxinn (í eig-
in huga).
Það sem ég meina er að karl-
menn sem eru með lágt sjálfsmat,
geta varla náð sér í konu sem er
sjálfstæð og drífandi. Sama gild-
ir líka um konur sem eru stöðugt
að túpera á sér hárið og ganga á
hælum heima hjá sér til að líta
nú sem allra best út fyrir fyrir-
vinnuna sem skaffar svo vel.
Það skiptir sumar konur miklu
máli á karlinn skaffi vel. Hvað er
það eiginlega? Konur sem telja
sig ekki geta staðið á eigin fótum
ættu að leita sér aðstoðar fag-
fólks. Ef þú gefur þig út fyrir að
vera bara sæt kona sem gengur
um í hælum í hálku og snjó, þá
muntu líklegast enda undir karli
með sem er lágvaxinn fyrir miðju.
Ég verð samt að viðurkenna
að mér finnst það pínu sexí þegar
kona er konan í sambandinu og
öfugt. Konur eiga ekki að þurfa að
skipta um dekk eða bora í veggi.
Það er karlmannsverk í mínum
huga. Samt finnst mér ekkert
að því að sjá karlmann þrífa og
pússa heima fyrir. Kannski gerir
það mig að kvenrembu?
Lífið er of stutt fyrir fylgihluti
sem passa illa. Veldu þér fylgihlut
sem passar við allt!
Karlar með
lítil typpi
Sítrónur fyrir
húð og hár
Sítrónusafi hefur lengi verið not-
aður bæði á húð og hár. Sítrónur
eru ríkar af sítrónusýru sem hafa
góð áhrif á bólur og rauða bletti á
húðinni auk þess sem C-vítamín
sítrónanna lýsir upp húðina og
gefur henni fallega ljóma. Mælt
er með því að drekka glas af vatni
með sítrónusafa á hverjum morgni
og einnig að bera sítrónusafa beint
á húðina, sér í lagi á bólur og önn-
ur sýkt svæði, og hafa yfir nótt. Það
opnar svitaholur og minnkar fíla-
pensla auk þess sem safinn drep-
ur sýkla. Þá virkar sítrónusafi vel
til að lýsa hár. Gott er að blanda
sítrónusafa saman við vatn og setja
í hár og hársvörð, því auk þess að
lýsa hárið hefur blandan góð áhrif
á hárvöxt og minnkar flösu.