Dagblaðið Vísir - DV - 14.02.2014, Blaðsíða 18

Vikublað 14.–17. febrúar 201418 Fréttir
E
inni af hverjum þremur
konum hefur verið – eða verð­
ur – nauðgað eða hún beitt
annars konar kynbundnu
ofbeldi einhvern tíma á
lífsleiðinni. Miðað við mannfjölda í
heiminum öllum er það einn millj­
arður kvenna. Víða um heim er slíkt
ofbeldi félagslega viðurkennt – jafn­
vel löglegt – og skömmin talin vera
fórnarlambanna. Slík viðhorf vald­
efla gerendur, en draga mátt úr
þolendum sem aftur heldur víta­
hringnum gangandi.
Dansmótmæli
Í dag, föstudag, hyggst hópur fólks
spyrna við fótum og senda ofbeldis­
mönnum allra landa, og þeim
viðhorfum og lögum sem þeir skáka
í skjóli, skilaboð um að þessi hegðun
verði ekki liðin. UN Women á Íslandi
hefur boðað til fundar í Hörpu. Mót­
mælin verða ekki með klassísku sniði
– hvorki hnefasteytingar né ræðu­
höld verða á dagskrá – heldur diskó­
tek. Mótmælin, sem einnig voru
haldin í fyrra og vöktu þá stormandi
lukku, verða hins vegar ekki bara á
Íslandi heldur í 207 löndum. Stefnt
er að því að milljarður manna rísi
upp fyrir alla þá sem hafa orðið fyr­
ir barðinu á kynbundnu ofbeldi og
dansi með þeim gegn óréttlætinu.
Árangur
Á síðasta ári mættu 2.100 manns í
Hörpu og dönsuðu, en í ár vonast
samtökin eftir enn betri mætingu;
stefnan er sett á 3.000 manns. Hanna
Eiríksdóttir er herferðarstýra hjá Un
Women og segir margt hafa áunnist
í baráttunni gegn kynbundnu of­
beldi. „Í fyrra urðu miklar framfarir
í jafnréttismálum um allan heim. Ég
get nefnt Indland sem dæmi. Eftir
hrottalega hópnauðgun í Nýju­Delí
í lok árs 2012 og fjöldamótmæli voru
gerðar róttækar breytingar á allri lög­
gjöf er varðar kynferðisofbeldi, til
styrkingar á réttarvernd þolenda. Þá
var dómurum og lögreglumönnum
veitt fræðsla um umfang og alvar­
leika kynbundins ofbeldis, og ýms­
ar fleiri réttarbætur gerðar, til dæm­
is er varða læknisskoðun þolenda,“
segir Hanna og bætir við að fund­
ir eins og sá sem haldinn verður í
dag, föstudag, geti haft raunveruleg
áhrif á ástand mála. Slíkur þrýstingur
hafi oft skilað árangri. „Sádiarabíska
þingið samþykkti sem dæmi tíma­
mótalöggjöf fyrir skemmstu sem ger­
ir ofbeldi gegn konum innan veggja
heimilis og á vinnustöðum ólög­
legt. Löggjöfin varð að veruleika eftir
þrýsting frjálsra félagasamtaka sem
notuðu áhrifamiklar auglýsingar til
þess að vekja athygli á slíku ofbeldi.“
Enginn aðgangseyrir er að diskótek­
inu í Hörpu, frekar en á sams konar
viðburði annars staðar í heiminum,
en starfsmenn UN Women verða á
vappi um salinn til að skrá þá sem
vilja í systralag samtakanna. Með­
limir systralagsins greiða mánaðar­
lega upphæð að eigin vali sem renn­
ur í sjóð helgaðan baráttunni gegn
kynbundnu ofbeldi og fyrir valdefl­
ingu kvenna og stúlkna um víða ver­
öld. n
n Baráttudans í Hörpu og um allan heim n Kynbundnu ofbeldi mótmælt
Baldur Eiríksson
baldure@dv.is
Stuð Vigdís Finnbogadóttir dansaði eins
og enginn væri morgundagurinn í fyrra. Hún
mun að líkindum endurtaka leikinn í ár, enda
ein helsta talskona UN Women á Íslandi.
Austur-Kongó
Ísland
Berlín
New York
Milljarður rís
gegn ofbeldi
„Í fyrra urðu
miklar framfarir
í jafnréttismálum um
allan heim