Dagblaðið Vísir - DV - 24.06.2014, Síða 3

Vikublað 24.–26. júní 2014 Fréttir 3
Breyta fiskvinnslu-
húsi í stúdíóíbúðir
n Auka úrval húsnæðiskosts fyrir starfsfólk Vísis sem flytur til Grindavíkur n Íbúar við breytingarnar
F
iskmarkaður Grindavík-
ur, sem er í eigu fiskvinnslu-
fyrirtækisins Vísis hf., festi í
byrjun maí kaup á tveimur
byggingum í Grindavík. Önn-
ur byggingin er fiskvinnsluhús sem
er á Hafnargötu 28. Hin byggingin er
tæplega 380 fermetra stór skemma á
Seljabót 8. Eignin á Hafnargötu var
afhent 1. júní síðastliðinn og eignin
á Seljabót var afhent 1. maí síðast-
liðinn en DV hefur afrit af afsali eign-
anna undir höndum.
Á fundi bæjarstjórnar Grinda-
víkur, sem haldinn var 14. maí síð-
astliðinn, óskaði Fiskmarkað-
ur eftir breytingu á Hafnargötu 28
í gistiheimili og samþykkti bæjar-
stjórn byggingaráformin samhljóða.
Samkvæmt heimildum DV er búið
að rífa innan úr húsinu þannig að
eftir standa aðeins útveggir. Að sögn
Péturs Hafsteins Pálssonar, fram-
kvæmdastjóra Vísis, eru í byggingu
þar litlar stúdíóíbúðir fyrir einstak-
linga og pör. „Það vantaði litlar íbúð-
ir, svona algjörlega mini-íbúðir fyrir
þann tíma ársins sem fólk er í vinnu,“
segir Pétur í samtali við DV.
Einhver hluti íbúðanna verð-
ur leigður starfsfólki Vísis og verða
íbúðirnar síðan leigðar út á sumr-
in þegar vinna liggur niðri en reikn-
að er með að þær verði á bilinu tíu
til fimmtán talsins í húsinu. Pétur
segir íbúðirnar eiga að mæta þörf-
um þeirra sem hyggjast stoppa stutt í
einu. „Þegar lá ljóst fyrir hvaða þarf-
ir fólk hafði, hvernig íbúðir fólk vildi,
þá vantaði þetta inn í. Þetta er til þess
að bæta í flóruna fyrir fólk til þess að
velja sér íbúð sem passar. Eða íveru-
stað,“ segir Pétur í samtali við DV.
Hann segir um það bil 60 manns
hafa í hyggju að flytja til Grindavík-
ur í haust, þar af um 40 manns frá
Húsavík og 20 manns frá Djúpavogi.
Enn þá er óvíst hversu margir hyggj-
ast flytjast búferlum frá Þingeyri til
Grindavíkur.
Sumir vilja fara í blokkina
Það vakti mikla athygli þegar öllu
starfsfólki Vísis á Djúpavogi og
Húsavík var boðið í kynningarferð
til Grindavíkur þar sem það fékk að
sjá nýjan vinnustað, sem og íbúðir
sem því bauðst, væri það tilbúið til
að flytja til bæjarins. Um var að ræða
íbúðir í blokk við Stamphólsveg 3 í
Grindavík, sem Vísir hf. keypti á vor-
mánuðum. Tuttugu og fimm íbúð-
ir eru í blokkinni en síðastliðin ár
hefur aðeins einn íbúi búið í blokk-
inni. Pétur segir allan gang á því hvar
fólk vill búa. „Sumir vilja vera í ver-
búðarherbergjum eins og þeir voru í
og sumir vilja fara í íbúð í blokkinni.
Nokkrir fara í íbúð úti í bæ og alla-
veganna,“ segir Pétur.
Gefur ekki upp leiguverð
Spurður hvert áætlað leiguverð á
húsnæðiskosti fólks sé segist Pétur
ekki vera kunnugur því. „Það er al-
veg örugglega búið að reikna það út
en ég er ekki alveg inni í því. Þetta
er rekið þannig að við setjum upp
hvað leigan þar má kosta og hvort að
dæmið gangi upp og það gerði það.“
Hvað skemmuna á Seljabót varð-
ar segir Pétur að þangað flytjist
löndunin. Nú standi yfir flutningar
á vinnslunni í húsið sem löndunar-
þjónustan var í og því færist löndun
í skemmuna.
Líkt og komið hefur fram tilkynnti
Vísir hf. starfsfólki sínu hinn 28. mars
síðastliðinn að fyrirtækið áformaði
að hætta fiskvinnslu á Húsavík, Þing-
eyri og Djúpavogi 1. maí og flytja alla
vinnslu til Grindavíkur. Starfsstöðv-
um var hins vegar aðeins lokað á
Húsavík en haldið opnum á Þingeyri
og Djúpavogi í eitt ár í viðbót.
„Stórkostlegustu hreppaflutn-
ingar síðari tíma“
Víðs vegar um landið hefur fólk orðið
reitt vegna málsins en hitaumræður
sköpuðust meðal annars á Alþingi
í lok apríl þegar Steingrímur J. Sig-
fússon, þingmaður Vinstri grænna,
kallaði á aðgerðir. „Við erum að
horfa fram á einhverja stórkostleg-
ustu hreppaflutninga síðari tíma,“
sagði Steingrímur. Þá sagði Gauti
Jóhannsson, sveitarstjóri Djúpa-
vogs, í Kastljósi 20. maí síðastliðinn
meginábyrgðina hvíla á stjórnvöld-
um og pólitíkinni, því það væru þau
sem hönnuðu og ákveddu það kerfi
sem útgerðinni væri gert að spila eft-
ir. Þrátt fyrir reiði og hita í umræðum
á Alþingi hefur ekki verið gripið til
neinna aðgerða þar enn þá.
Enginn hráefnisskortur á Þing-
eyri og Djúpavogi
Ljóst er að íbúar á Djúpavogi eru
mjög ósáttir við þessar breytingar
á starfsemi Vísis og brugðust þeir
strax við með ákalli til landsmanna.
Í kjölfarið var myndband frumsýnt,
sem fjallaði um stöðu bæjarins og
íbúa í ljósi lokunar fiskvinnslunn-
ar, og fór eins og eldur um sinu um
netheima og fjölmiðla. í framhaldi af
því tilkynnti Vísir hf. að ákveðið hefði
verið að fresta lokun fiskvinnslunn-
ar í Djúpavogi um eitt ár. Pétur segir
engan hráefnisskort vera á Þingeyri
og Djúpavogi og því verði vinnslu
haldið áfram á þeim stöðum fram á
næsta sumar. „Það er engin hráefn-
islokun hvorki á Þingeyri né á Djúpa-
vogi þannig að vinnslan er þar í full-
um gangi næsta árið meðan unnið er
í þessum málum,“ segir Pétur.
Starfslokasamningar gerðir
Framsýn, stéttarfélag sem nær frá
Vaðlaheiði í vestri, allt austur fyr-
ir Raufarhöfn, taldi ólöglegt að Vís-
ir beindi starfsfólki fyrirtækisins,
sem ekki hugðist flytja sig um set
til Grindavíkur, á atvinnuleysis-
bætur frá og með 1. maí í stað þess
að greiða því kjarasamningsbund-
inn uppsagnarfrest. Á fundi sem
forsvarsmenn Vísis boðuðu til með
starfsfólki hinn 23. maí síðastliðinn
kom fram að þeir ætluðu að taka
starfsfólk inn á launaskrá frá og með
1. maí og gera við það starfsloka-
samninga. n
Erla Karlsdóttir
erlak@dv.is „Sumir vilja vera
í verbúðarher-
bergjum eins og þeir
voru í og sumir vilja
fara í íbúð í blokkinni
MynD SiGtryGGur Ari
Blokkin Starfsfólk Vísis sem hyggst flytja
til Grindavíkur í haust hefur kost á því að
leigja íbúð í þessari blokk á Stamphólsvegi.
MynD SiGtryGGur Ari