Dagblaðið Vísir - DV - 27.06.2014, Side 19

Fréttir 19Helgarblað 27.–30. júní 2014
Gerir allt eins oG Jesús Kristur
n Kleópatra tók yfir rekstur Gunnars Majones n Systurnar segja hana hafa bjargað sér n Á hóp fylgjenda sem líkja henni við sjálfan Jesú Krist n „Allt í tengslum við þetta er mjög skrítið“
getur vel verið að hún sé voðalega
góð manneskja en forstjóri er hún
ekki,“ sagði þáverandi starfsmaður
Gunnars Majones árið 2009.
Of margir á launaskrá
Áður en Kleópatra tók við fram-
kvæmdastjórastöðunni hafði
Fannar, að sögn Helenar, fett fingur
út í það að þær systur væru með of
marga fjölskyldumeðlimi á launa-
skrá. „[...]það voru t.d. eldgamlar
kalkaðar kerlingar á níræðisaldri,
sem voru ættingjar, sem gátu ekki
lengur starfað og Fannar vildi losna
við þær en ég mátti ekki heyra það
nefnt, og það þurfti að ráða konu til
að passa þær,“ segir Helen en seg-
ir bæði Kleópötru og Fannar hafa
viljað draga úr þessum störfum.
Í bréfi sem virðist vera frá Nancy
komið, og sent var til DV, segir að
þær systur hafi lifað hátt innan
fyrirtækisins. „Sannleikurinn er
reyndar sá að við systurnar vorum
með 2 milljónir í laun á mánuði
hvor um sig, 4 milljónir á mánuði
til samans, og það fyrir mörgum
árum síðan. Síðan vorum við með
1,5 milljón í alls konar hlunnindi,
fyrir okkur báðar tvær,“ segir hún í
bréfinu. Kleópatra mun hafa reynt
að fá þær systur til að draga úr fjár-
austrinum.
„En við létum ekki segjast,
komnar í fjárhagskreppu, búnar að
hafa svona mikil laun í mörg ár, þá
er lífsstílinn orðinn þannig og ekki
auðvelt að breyta. Lífsstílinn okkar
var dýr. Það er skömm frá að segja
að Kleópatra réði ekkert við okkur
systurnar, báðar með prókúru og
gátum báðar farið á bakvið hana,“
segir hún og tekur undir með systur
sinni varðandi það að of mörg störf
hafi verið gerð fyrir ættingja þeirra.
„Það má hann Fannar Ólafsson líka
eiga að hann sá þetta og reyndi að
grípa í taumana, en það réði enginn
við mig,“ segir hún.
Vilja sjá fyrirtækið blómstra
Nancy segir að þær systur vilji sjá
hag Gunnars Majones sem mest-
an. „Kleópatra er hógvær og lítil-
lát og reyndi að benda okkur á
þetta en tókst ekki fyrr en núna ný-
lega. Hana langar til að halda nafni
Gunnars á lofti, við systurnar erum
mjög ánægðar með það og vonum
að það gangi mjög vel. Við viljum
sjá Gunnars blómstra sem nýtt fyr-
irtæki,“ segir hún.
Tala sér tungumál
Mikið hefur verið rætt um umsvif
Kleópötru. Hún hefur verið sögð
stýra hópi þar sem hún sjálf er and-
legur leiðtogi, sem kallar sig Aþenu
Mjöll. Sjálf segir hún að í kring-
um sig sé hópur sem sé samansafn
vina hennar – sem hún kallar fjöl-
skylduna sína. Meðlimum gefur
hún ný nöfn en í viðtali við Frétta-
tímann árið 2010 sagðist Kleópatra
gera það aðeins vegna þess að hún
væri svo mikill húmoristi. Helen
segir Kleópötru hafa þar að auki
búið til sérstakt tungumál fyrir
hópinn. „Kleópatra bjó til sérstakt
tungumál, sem hennar vinir tala,
það er svo fyndið að maður veltist
um af hlátri,“ segir hún.
„Það er einhvers konar dýrkun
í gangi,“ segir aðili sem þekkir afar
vel til Kleópötru. „Þær náttúrlega
bara tilbáðu hana og það var eins
og þetta væri gáfaðasta kona sem
þær höfðu kynnst,“ segir hann um
samskipti systranna við Kleópötru.
Hann telur að í hópnum, eða fjöl-
skyldunni, séu um það bil 15–20
einstaklingar. „Allt í tengslum við
þetta er mjög skrítið,“ segir annar
heimildarmaður DV. „Hún hefur
bara mjög sterk áhrif á fólk, alveg
ótrúleg, og virðist geta sannfært
það um hvað sem er og að snúast
sér á sveif.“
Fylgismenn hennar
Árið 2009 greindi Guðrún Sigur-
björnsdóttir frá því að vissulega
væri stór hópur aðdáenda í kringum
Kleópötru. „Það er alveg á hreinu að
við erum fylgismenn hennar,“ sagði
hún. „Við höfum áhuga á hennar
boðskap. Við erum stór áhugahóp-
ur um Kleópötru en við þekkjum
hana ekki neitt. Við höfum öll les-
ið bókina hennar og hún er mjög
athyglisverð. Öll erum við sammála
hennar boðskap og bókin henn-
ar er rosalega góð. Við ræðum bók-
ina hennar gjarnan yfir kaffibolla og
dáumst að boðskapnum. Stundum
lesum við upp úr bókinni því okkur
finnst Kleópatra æðisleg. Kleópatra
er mjög hreinskilin og opinská,
það hlýtur að vera að hún búi yfir
rosamiklum andlegum hæfileik-
um. Kleópatra er mjög áhugaverð
manneskja sem hefur frá mörgu
áhugaverðu að segja.“ Annar sam-
ferðamaður Kleópötru sagði að
hópurinn skilgreindi sig sem bræð-
ur og systur sem mætti reglulega á
„fjölskyldufundi“. Þáverandi með-
limir hópsins sögðu hana veita
þeim innblástur, hlýju og góð ráð.
Til hennar væri gott að leita sem
andlegs leiðtoga.
Sjálf hefur Kleópatra sagt að um
sig gangi svæsnar gróusögur sem
eigi við lítil rök að styðjast. Þær séu
sprottnar upp hjá óvildarfólki sínu
en hún hefur verið gagnrýnin á þá
sem glíma við ofvirkni, alkóhól-
isma og andleg veikindi. „Mér finnst
furðulegt að ég megi ekki segja
sannleikann um alkóhólisma og
andlega veikt fólk,“ sagði Kleópatra í
viðtali við DV árið 2009. „Mér er svo
nákvæmlega sama um umræðuna
um mig. Þjóðarsálin er svo sjúk.
Óvildarmenn mínir vilja greinilega
hefna sín á mér og það fólk er and-
lega veikt. Ég er ekki svo hégóm-
leg og vitlaus að hafa áhyggjur af
því sem aðrir segja og hvað öðrum
finnst um mig. Mér er svo nákvæm-
lega, nákvæmlega sama. Sem betur
fer er til rosalega gott fólk í kringum
mig og ég er sem betur fer mjög rík
af vinum sem ég kalla fjölskylduna
mína. Ég á fullt, fullt af vinum,“ sagði
Kleópatra í DV 2009.
Reynst þeim vel
Þær systur, Nancy og Helen, fara
fögrum orðum um Kleópötru og
lýsa henni af mikilli hlýju. Ljóst er
að í þeirra augum er hún stórmenni.
Helen er hörð á því að Kleópatra hafi
reynst þeim systrum afar vel. „Ég var
haldin brjálæðislegri ferðafíkn, fór
til 40 landa á 3 árum og þetta kost-
aði sko peninga, fór á dýrustu ferða-
mannastaðina og skemmtiferða-
skip í Karabíska-hafinu, [sic] og fór
á dýrustu veitingastaði sem til eru
og drakk dýrasta kampavínið. Ég
lifði ógeðslegu lífi og verst var það
hvað það bitnaði á Kleópötru, því
við báðum hana alltaf að halda hlíf-
skyldi [sic] yfir okkur,“ segir hún. n
„Kleó vill helst vera
ósýnileg, og helst
alltaf vera uppi í sveit í
kyrrð og ró.
„Mér er svo ná-
kvæmlega sama
um umræðuna um mig.
Vinir Kleópatra og
Gunnar Dal heitinn
voru góðir vinir.
Framhald á næstu síðu 
Til sölu verkstæðisbíll fullinnréttaður sem
verkfæra- og lagerbíll á vinnusvæði, er
með þjófavarnarkerfi, 6,5 l dísil. Ekinn
20 þ. km, sjálfskiptur, allur úr áli, uppl.
í símum 896 5511 og 892 1116.
Til sölu Honda ValKyrie Rune, ekið 3
þ. km, eitt af concept-hjólum Honda,
algjört safnaraeintak. Hlaðið aukahlutum.
Uppl. í síma 892 1116 og 892 5005.