Dagblaðið Vísir - DV - 27.06.2014, Side 41

Helgarblað 27.–30. júní 2014 Sumarhátíðir 13
Filsur og heimsmet á
Fiskideginum mikla
n Baka 100 fermetra af fiskipitsu n Þorskur notaður í pylsur eða filsur
H
ér verður vonandi sett nýtt
heimsmet,“ segir Júlíus Júl-
íusson, betur þekktur sem
Júlli, en hann er fram-
kvæmdastjóri Fiskidagsins
mikla á Dalvík. Heimsmetið er ekk-
ert slor, baka á heimsins stærstu pitsu
í glænýjum og umhverfisvænum ofni
Promens. „Í heildina verða bakaðir
100 fermetrar af pitsu, á milli klukk-
an 11 og 17 á Fiskideginum sjálfum.
Hver pitsa er um 140 tommur, en þær
hafa verið 120 tommur hingað til. Svo
pitsan verður stærri í ár,“ segir Júlli.
Tilefnið er afmælishátíð Promens,
sem er eitt stærsta fyrirtækið í bæn-
um og hefur alltaf tekið þátt í hátíðar-
höldunum.
Stjörnur Dalvíkur koma fram
Í fyrra hélt Samherji upp á 30 ára af-
mæli sitt með Freddie Mercury-tón-
leikum, þar sem skærustu stjörnur
Dalvíkur komu fram. Í ár er stefnt að
því að halda aðra tónleika með öðru
þema. „Þetta tókst svo vel, þannig
að nú í ár verður sett upp sýning
sem er sambland af
Freddie Mercury, Meat
Loaf, Bee Gees, Elvis
og Eurovision. Fremst-
ir í flokki fara Friðrik
Ómar, Eyþór Ingi og
Matti Matt auk Snorra
Eldjárn sem var í Ísland
Got Talent. Auk þeirra
verða Selma, Eiríkur
Hauksson, Regína Ósk
og fleiri með á tónleik-
unum,“ segir Júlli.
Íbúafjöldi marg-
faldaður
Árið 2009 náði há-
tíðin ákveðnu hámarki með tilliti til
gestafjölda og síðan þá hefur gest-
um aðeins fækkað en aðsóknin hef-
ur haldist nokkuð stöðug. Sumir íbú-
ar Dalvíkur voru ekki mjög hrifnir af
því hversu stór hátíðin var orðin en
Júlli segir að þær raddir heyrist ekki
lengur. „Það var haldinn íbúafundur
þar sem við fórum yfir málin og síð-
an þá hafa allir verið með og fullur
vilji bæjarbúa til að vera með þessa
hátíð.“ Í fyrra komu um 30 þúsund
gestir á hátíðina, en Júlli segir erfitt að
áætla hversu margir munu koma þar
sem ekki er selt inn á hátíðina. „Við
höfum ekkert í höndunum en við
sjáum engin merki um að einhverj-
ar breytingar verði. Síðustu fimm
ár gistu um 11 til 14 þúsund gestir í
bænum,“ segir Júlli.
Filsur en ekki pylsur
Fiskipitsan og fiskborgarar hafa sleg-
ið í gegn á síðustu hátíðum og eru
nú orðnir fastir liðir hjá gestum sem
koma á hverju ári. Nú verður brydd-
að upp á nýjung því búnar verða til
fiskipylsur, svokallaðar „filsur“ sem
kokkar veitingastaðar-
ins Friðriks V. munu sjá
um að útbúa í samstarfi
við Kjarnafæði. „Í filsun-
um er beikon og hágæða
hráefni, þorskhnakkar
og fleira. Með þessu má
fá sérstaka sósu og svo
borðar fólk hana eina og
sér eða í brauði,“ segir
Júlli. Það sama gildir um
filsurnar og fiskborgar-
ana, þeir verða aðeins í
boði yfir hátíðina en ekki
er loku fyrir það skotið að þær fari í
sölu á almennum markaði.
Lokar Friðriki V. yfir helgina
„Okkur langar svolítið í þetta reyk-
bragð og þess vegna setjum við
beikon í pylsurnar,“ segir Friðrik V.
Karlsson, eigandi Friðriks V. „Ef þetta
lukkast þá verður þetta einn af föst-
um liðum á Fiskideginum, eins og
pitsan og hamborgararnir. Svo er það
opið að þetta fari í framleiðslu, margt
sem hefur verið prófað á þessum degi
hefur endað sem almenn vara eins og
Grímur kokkur í Eyjum hefur sannað.
Ég horfi samt ekkert á þetta þannig,
ég vil bara vera með á þessum degi og
ég lokaði veitingastaðnum í fyrra til
að fara norður og geri það aftur núna.
Í ár verð ég með humarsúpu líka,
þetta er eitthvað sem ég vil alls ekki
missa af,“ segir Friðrik V.
Viðburðarík dagskrá
Alla vikuna á undan Fiskideginum
er mikið um að vera en sjálf hátíðar-
höldin hefjast á föstudagskvöldinu
þegar heimamenn framreiða fiski-
súpur í görðum sínum og leyfa gest-
um og gangandi að smakka. Daginn
eftir hefst svo veislan á hafnar-
bakkanum þar sem skemmtikraft-
ar koma fram allan daginn og gestir
geta smakkað á hinum ýmsu sjávar-
afurðum. Einnig er hægt að kynna
sér starfsemi sjávarútvegsfyrirtækja
á svæðinu, sjómennsku almennt
og fleira í þeim dúr. Um kvöldið
verða síðan stórtónleikar og hátíðar-
höldunum lýkur svo með stórri flug-
eldasýningu. n
rognvaldur@dv.is
Ætla að setja
heimsmet Í
heildina verða
100 fermetrar
af pitsu bakaðir.
MynD HeLgi Steinar
Vel heppnaðir tónleikar Queen Tribute-tónleikarnir þóttust takast svo vel að í ár er stefnt að því að halda svipaða tónleika, en þá verða lög eftir fleiri listamenn flutt. MynD HeLgi Steinar
Flugeldasýningin
MynD HeLgi Steinar
Ævintýra-
heimur
Bíldalíu
Bæjarfélagið Vesturbyggð
mun umbreytast um helgina
og verða að ævintýralandinu
Bíldalíu. Þetta er gert í
tengslum við gufupönk
eða „steampunk“-hátíð
sem haldin er um helgina á
svæðinu.
Um er að ræða
gufupönk-hátíðina sem
haldin er á Íslandi, en lík-
lega mun heimsbyggð-
in verða vör við gufupönk
í auknum mæli á kom-
andi árum þótt eflaust séu
margir sem ekki þekkja það.
Gufupönk, eða steamp-
unk, er kennt við gufuöldina
seint á 19. öld og fram
undir fyrri heimsstyrjöld.
Gufupönk er ævintýraheim-
ur gufualdar, draumar og
framtíðarspár rithöfunda
og vísindamanna Viktoríu-
tímans. Gufupönk er orðið
gríðarlega vinsælt í Evrópu
og Bandaríkjunum sem
þema í hlutverkaleikjum, í
kvikmyndum, tölvuleikjum
og tísku.
Gufupönk er afturhvarf
til framtíðar þar sem klass-
ísk fagurfræði nítjándu ald-
ar er notuð með nútíma-
tækni.
Um er að ræða stóran
hlutverkaleik eða ævin-
týri – risastórt leikhús þar
sem þátttakendur eru í
senn persónur, leikendur
og áhorfendur. Vesturbyggð
verður þar með stærsta
leikhús í heimi og hátíðar-
höldin fara fram á Bíldudal
við Arnarfjörð. Búist er við
því að á hátíðina komi þar
að auki forsprakkar þessar-
ar stefnu frá ýmsum þjóð-
löndum.
„Bíldalía er ævintýraland
við endimörk heimsins,
nánar tiltekið vestast á Vest-
fjörðum. Þar hefur tíminn
nánast staðið í stað frá því
um aldamótin 1900 þegar
uppgangur var þar mestur,“
segir Ingimar Oddsson, en
hugmyndin er hugarfóstur
hans. Hann fékk viðskipta-
áætlun fyrir hátíðina í verð-
laun í Nýsköpunarkeppni
Vestfjarða sem haldin er
á vegum fjórðungsþings
Vestfjarða og atvinnuþró-
unarfélags Vestfjarða.
„Þetta er eins og
myndskreyting við ævin-
týrasögu eftir Jules Verne,“
segir Ingimar. Þeir sem ætla
að kíkja á Bíldalíu mæta
strax landamærastöðvum
þar sem ferðalangarnir fá
sérstakt vegabréf sem inni-
heldur jafnframt upplýs-
ingar um landið og hátíð-
ina. Vegabréfið virkar líka á
þann hátt að ferðalangar fá
stimpil í passann þegar þeir
heimsækja staði sem aug-
lýstir eru í vegabréfinu.
n Þjóðhátíð fyrir alla fjölskylduna í 140 ár n Fjallabræður opinbera hverjir syngja með þeim