Dagblaðið Vísir - DV - 27.06.2014, Qupperneq 42

Helgarblað 27.–30. júní 201414 Sumarhátíðir
Glæsilegir tónleikar, myndlistarsýningar, bryggjuball, kjötsúpa, árgangagangan og að sjálfsögðu bjartasta flugeldasýning landsins
F
immtánda Ljósanóttin verð-
ur haldin í Reykjanesbæ dag-
ana 4.–7. september á 20
ára afmæli bæjarins en að
venju verður mikið um dýrð-
ir. Ljósanóttin í Reykjanesbæ er ein
vinsælasta bæjarhátíð landsins en
sérstaða hennar er eflaust áherslan á
menningartengda viðburði.
Fjöldinn allur af myndlistarsýn-
ingum, glæsilegum tónleikum og
ýmsum menningartengdum uppá-
komum eru aðalsmerki Ljósanætur
sem er fjögurra daga hátíð sem hefst
á fimmtudegi með þátttöku allra
grunnskólabarna og elstu barna leik-
skólans sem koma öll saman vopnuð
litskrúðugum blöðrum og syngja inn
Ljósanóttina.
Það er svo sérlega hrífandi stund
þegar þau sleppa blöðrunum og þær
svífa þúsundum saman til himins til
tákns um það að Reykjanesbær fagn-
ar fjölbreytileikanum.
Fimmtudagskvöldið skipar
æ stærri sess
Fimmtudagskvöldið skipar svo æ
stærri sess í Ljósanóttinni, því þá
opna listsýningar um allan bæ og
verslanir bjóða upp á frábær tilboð.
Margir byrja í Duushúsunum,
menningar- og listamiðstöðinni,
þar sem margar sýningar eru opn-
aðar samtímis, þar á meðal sýning
Listasafns Reykjanesbæjar, og fikra
sig síðan upp Hafnargötuna með
viðkomu í öðru hverju húsi. Mik-
il stemning myndast í bænum og
saumaklúbbar, vinahópar og fjöl-
skyldur flykkjast á milli staða og gera
ýmiss konar kjarakaup í leiðinni.
Sýningar um allan bæ
Sú venja hefur skapast á Ljósanótt
að sá listamaður sem sýnir í sýn-
ingarsal Listasafnsins í Duushúsum
sé heimamaður eða hafi tengingar
við Reykjanesbæ. Í ár verður það
Njarðvíkingurinn og myndlistar-
maðurinn Kristín Rúnarsdóttir, fædd
1984, sem verður með einkasýn-
ingu í Listasalnum. Í Gryfjunni verð-
ur spennandi sýning á listtengdu
handverki frá Handverki og hönnun
og í Bíósalnum verður sýning á ljós-
myndum Jóns Tómassonar, fyrrum
símstöðvarstjóra og menningar-
frömuðar, í samstarfi afkomenda
Jóns og Byggðasafns Reykjanesbæj-
ar.
Í Bryggjuhúsinu, sem er elsti
hluti Duushúsanna frá 1877 og hef-
ur nýlega verið tekinn í notkun eftir
endurgerð, er einnig glæný sögusýn-
ing Byggðasafnsins, Þorpið, auk þess
sem húsið sjálft er gullmoli frá tím-
um dönsku verslunarinnar.
Bryggjuball og kjötsúpa
á föstudeginum
Á föstudeginum verður slegið upp
bryggjuballi við smábátahöfn-
ina með flottum tónlistarmönnum
og þar verður rjúkandi kjötsúpa á
boðstólum fyrir gesti og gangandi í
boði Skólamatar eins og mörg fyrri
ár.
Tónlistardagskráin er í fullum
undirbúningi þessa dagana og verð-
ur greint nánar frá henni þegar end-
anlega hefur verið gengið frá henni
en önnur dagskrá fer að taka á sig
heildarmynd eftir verslunarmanna-
helgi þar sem stór hluti hennar kem-
ur frá sjálfum íbúum Reykjanesbæj-
ar.
Árgangarnir hittast á
Hafnargötunni
Á laugardeginum hefst dagskráin
upp úr hádegi með hinni einstöku
og ómissandi árgangagöngu sem
stækkar með hverju árinu. Þar hittast
árgangarnir á Hafnargötu, hver ár-
gangur fyrir framan sitt húsnúmer, til
dæmis 1952-árgangurinn fyrir fram-
an Hafnargötu 52 og svo koll af kolli.
Yngsti árgangurinn leggur svo fyrst af
stað og gengur niður alla Hafnargötu
og svo bætast árgangarnir við koll af
kolli og þannig má sjá heila kynslóð
þramma niður að hátíðarsvæði þar
sem talið er inn í dagskrá dagsins.
Við taka alls kyns skemmtiat-
riði, sölutjöld á hverju horni og svo
ekur löng bílalest bifhjóla, fornbíla
og fleiri ökutækja niður Hafnar-
götuna með tilheyrandi drunum og
glæsileik.
Bjartasta flugeldasýning
landsins
Um kvöldið hefst metnaðarfull tón-
listardagskrá á útisviði þar sem öllu
því besta er tjaldað til, oftast með
hressilegri tengingu við tónlistararf
bítlabæjarins. Sú dagskrá er í fullum
undirbúningi og ríkir jafnan mikil
eftirvænting eftir þeirri dagskrá.
Hápunktur kvöldsins er bjartasta
flugeldasýning landsins, þegar
björgunarsveitin Suðurnes, skýtur
upp flugeldunum af brún bergsins
sem blasir við frá hátíðarsvæðinu og
flugeldarnir speglast í haffletinum.
Sunnudaginn nota gestir gjarn-
an til að klára að fara á allar sýn-
ingarnar sem þeir hafa ekki komist
yfir að skoða alla hina dagana og er
sá dagur orðinn ansi fjörugur líka,
því svo ótal margt er í boði.
Ný sýning blönduð söng
og sögu svæðisins
Þá má geta þess að hópurinn sem
staðið hefur fyrir sýningunum „Með
blik í auga I, II og III“, þar sem bland-
að hefur verið saman söng og sögu
svæðisins og landsins á tilþrifamik-
inn hátt er enn á ný kominn á fullt
við að undirbúa nýja sýningu sem
sýnd verður í Stapa í Hljómahöll
og þá er myndlistar-, tónlistar- og
allt mulig-maðurinn Guðmundur
R. Lúðvíksson líka með stóra tón-
leika í undirbúningi sem hann kall-
ar Suðurnesjasalsa og þar er hægt að
lofa fjöri.
Þá hafa Ljósanæturböll verið
haldin, meðal annars Júdasarball-
ið á Ránni, sem í huga margra er
orðið ómissandi í Ljósanæturdag-
skránni, ekki síst hjá þeim hópi sem
muna hljómsveitina Júdas, og hefur
það verið haft á orði að Júdasarböll-
in svíki engan, þótt ekki verði sama
sagt um Júdas. n atli@dv.is
Fornbílunum ekið niður Hafnargötuna Flottustu
fákar landsins aka niður Hafnargötuna á laugardeginum
en þeir vekja ávallt mikla athygli gesta hátíðarinnar. MyNd
ReykjaNeSBæR/VF
Árgangagangan Á laugar-
deginum hittast árgangarnir í
Reykjanesbæ fyrir utan „sitt“
húsnúmer og síðan er gengið
niður Hafnargötuna.
MyNd ReykjaNeSBæR/VF
Bjartasta flugeldasýning landsins
Það er björgunarsveitin Suðurnes sem sér t
il
þess að „kveikja“ á einni björtustu flugelda
-
sýningu landsins á laugardagskvöldið.
MyNd ReykjaNeSBæR/VF
Fjölmargir tónleikar Það finna
allir eitthvað við sitt hæfi á Ljósanótt í
Reykjanesbæ. MyNd ReykjaNeSBæR/VF
dagskrá fyrir alla! Konur, karla og að sjálfsögðu krakka. Hér eru ungir listamenn á stult-
um að ganga upp Hafnargötuna. MyNd ReykjaNeSBæR/VF
Hrífandi stund þegar
blöðrunum er sleppt
Grunnskólabörn í Reykjanesbæ sleppa
blöðrum við opnun Ljósanætur á fimmtu-
deginum. Það er svo sérlega hrífandi
stund þegar þau sleppa blöðrunum og
þær svífa þúsundum saman til himins til
tákns um það að Reykjanesbær fagnar
fjölbreytileikanum. MyNd ReykjaNeSBæR/VFkjötsúpan á sínum stað Starfsfólk Skólamatar í
Reykjanesbæ býður gestum Ljósanætur upp á kjötsúpu.
MyNd ReykjaNeSBæR/VF