Dagblaðið Vísir - DV - 19.09.2014, Blaðsíða 2

2 Fréttir Helgarblað 19.–22. september 2014
Enn hjá saksóknara
Miklar annir hjá embættinu tefja málaafgreiðslu
M
ál fimm pilta sem kærðir
voru fyrir hópnauðgun í vor
er hjá ríkissaksóknara og
hefur lögregla lokið rann­
sókn sinni. Málið vakti mikla athygli á
vormánuðum. Ung stúlka kærði pilt­
ana fimm, sem eru á aldrinum 17–
19 ára, til lögreglunnar í byrjun maí.
Stúlkan er sjálf sextán ára. Stúlkan
kærði nauðgunina til lögreglunnar
og í kærunni kom fram að hún hefði
orðið fyrir árásinni í samkvæmi í
Breiðholti fyrstu helgina í maí.
Á meðal sönnunargagna í mál­
inu er myndbandsupptaka af nauðg­
uninni sem tekin var upp á síma
eins piltanna. Stúlkan kom upptök­
unni sjálf til lögreglunnar, en fyrir
liggur að myndbandið hafði farið í
dreifingu á meðal ungmenna.
Piltarnir voru færðir í
gæsluvarðhald þann sjöunda maí,
sama dag og stúlkan kærði, en voru
látnir lausir þann 20. maí. Lög­
regla hafði krafist gæsluvarðhalds
vegna almannahagsmuna, en ekki
rannsóknarhagsmuna. Piltarn­
ir segja stúlkuna hafa haft samfar­
ir við þá með sínu samþykki, en
piltunum ber annars ekki saman
um málavexti. Fjölmörg vitni voru
yfirheyrð í tengslum við rannsókn
lögreglunnar.
Málið er hjá ríkissaksóknara og
var sent þangað í byrjun júní. Al­
mennt er miðað við að mál séu af­
greidd hjá ríkissaksóknara á þrjátíu
dögum, en vegna mikilla anna hjá
embættinu hefur ekki verið hægt að
fylgja þeim viðmiðum. Málastaðan
er erfið samkvæmt upplýsingum
frá ríkissaksóknara og því hefur um
langt skeið ekki verið hægt að fylgja
þessari reglu. n
astasigrun@dv.is
Óafgreitt Stúlkan kærði nauðgunina í maí
og ríkissaksóknari fékk málið í byrjun júlí.
Enn hefur saksóknari ekki tekið afstöðu til
þess hvort gefin verði út ákæra. Mynd úr safni
Mun færri
vændismál
Lögreglan á höfuðborgarsvæð­
inu hefur rannsakað mun færri
vændismál það sem af er þessu
ári en á sama tímabili í fyrra. Í
fyrra voru málin 81 en í ár eru
þau aðeins átta. Lögregla telur að
munurinn liggi í sérstöku átaki
gegn skipulagðri glæpastarfsemi
sem ráðist var í fyrra.
Í fyrra voru skipulögð glæpa­
samtök sérstaklega undir eftirliti
lögreglunnar og mansal þar að
auki. Það var því mikið eftirlit
með sölu og kaupum á vændi
og mansali. Óvíst er hvort þessu
aukna eftirliti verði fram haldið,
en embætti lögreglunnar á höf­
uðborgarsvæðinu fær talsvert
minna fjármagn í ár en í fyrra,
eða níutíu milljónum lægra fram­
lag á fjárlögum.
Máttu ekki
landa á Íslandi
Grænlensku skipi var meinað að
landa á Íslandi norsk­íslenskri
síld sem veidd var í grænlenskri
lögsögu. Þetta kemur fram í til­
kynningu frá Atvinnuvega­ og ný­
sköpunarráðuneytinu.
Synjunin byggir á þeirri af­
stöðu ráðuneytisins að þeir sem
ekki eru aðilar að strandríkja­
samningi um veiðar úr norsk­ís­
lenska síldarstofninum fá ekki að
landa hér á landi. Fram kemur að
Grænlendingum hafi verið gerð
grein fyrir þessari afstöðu og því
ætti málið ekki að koma á óvart.
„Tilgangurinn með banninu er að
standa vörð um norsk­íslenska
síldarstofninn, sem hefur átt
mjög í vök að verjast undanfarin
ár vegna lítillar nýliðunar og verja
þannig íslenska hagsmuni.“
Vissu ekki um
brot níðingsins
n Sigurbjörn mætir ekki á forsýninguna n Engir kynferðislegir undirtónar
É
g held að enginn hafi vitað af
þessu, ekki einu sinni hans
nánustu vinir hér. Þetta er ekki
beint eitthvað sem þú byrjar að
tala um að fyrra bragði,“ segir
Erik Nyström, forsvarsmaður leikfé­
lagsins sem er að setja upp leiksýn­
ingu eftir dæmdan íslenskan barna­
níðing, Sigurbjörn Sævar Grétarsson,
í samtali við DV. Erik segir að Sigur­
björn fái ekki að mæta á forsýningu
leikritsins og verði haldið frá börnun­
um. Í þriðjudagsblaði DV var greint
frá því að unglingaleikhópurinn Al­
verna í Borlänge í Svíþjóð myndi
setja upp leikritið Álfurinn og leyni­
hellirinn í október en leikritið var
skrifað af Sigurbirni. Í Svíþjóð notar
Sigurbjörn dagsdaglega nafnið Björn
Maron Grétarsson.
forsvarsmaður miður sín
Þegar blaðamaður DV hafði fyrst
samband við Erik á miðvikudag var
ljóst að hann hafði nýlega verið upp­
lýstur um sakaferil Sigurbjörns. Af
orðum hans að dæma hefur honum
borist fjöldi ábendinga eftir að mál­
ið kom fyrst upp. Hann var miður sín
vegna málsins og ítrekaði við blaða­
mann að Sigurbjörn hefði ekki kom­
ið nálægt börnunum. „Ég held ég
viti hvers vegna þú ert að hringja.
Ég vissi ekkert um þetta. Hann skrif­
aði handritið og það er það eina sem
hann hefur gert. Hann hefur ekki tek­
ið nokkurn þátt í starfi barnanna. Ég
held ég hafi sjálfur aðeins hitt hann
einu sinni,“ segir Erik.
Kunningi sigurbjörns
mælti með honum
Spurður um hvernig það hafi komið
til að unglingaleikhópurinn setti upp
leikrit eftir Sigurbjörn segist Erik ekki
vera fyllilega viss um það. „Ég held
að einhver hafi þekkt hann. Sá sagði
að félagi sinn hefði skrifað handrit og
við tókum bara vel í að setja það upp.
Þannig var það. Kunningi hans vissi
ekkert um dóm hans og sögu. Þetta
er líka ekki eitthvað sem við hefðum
ekki getað kannað fyrirfram,“ seg­
ir Erik. Á vefsíðu héraðsblaðsins DT
í Svíþjóð má sjá að Sigurbjörn hefur
komið sér vel fyrir í Borlänge. Af frétt­
um að dæma virðist hann fyrst og
fremst hafa starfað í veitingabrans­
anum. Árið 2011 birtist frétt á þeim
vef þar sem sagt er frá að Sigurbjörn
hafi opnað nýjan bar í Borlänge, Gold
Club.
foreldrafundur vegna málsins
Fyrst er blaðamaður ræddi við Erik
sagði hann alls kostar óvíst hvort
verkið Álfurinn og leynihellirinn yrði
nokkurn tímann sett á svið. Eftir að
stjórnendur leikhópsins fréttu af fortíð
Sigurbjörns hafi þeir orðið tvístígandi
um hvort æskilegt væri að börnin leiki
verk sem sprottið er úr huga barnaníð­
ings. „Við urðum að tilkynna foreldr­
um barnanna um þetta. Það verður
foreldrafundur nú í kvöld [miðviku­
dag, innsk. blm.] og við ætlum að leyfa
foreldrunum að ákveða hvort leikritið
verður sett á svið,“ segir Erik.
Kæmi niður á börnunum
Daginn eftir foreldrafundinn seg­
ir Erik að ákveðið hafi verið að setja
verkið á fjalir. „Foreldrarnir ákváðu
að það myndi bara koma niður á
börnunum ef við hættum við. For­
eldrarnir höfðu fyrst áhyggjur en
þegar við útskýrðum fyrir þeim
hvernig í pottinn væri búið þá ró­
uðust þeir. Þau eru búin að æfa leik­
ritið frá því í janúar og yrðu leið ef
við hættum við. Fyrir börnunum er
hann bara nafn á pappír. Honum
verður þakkað fyrir en hann fær ekki
að koma nálægt,“ segir Erik.
Spurður um söguþráð leikrits­
ins segist Erik ekkert vita um hann.
„Ég vil láta það koma mér á óvart. Ég
vil samt taka það fram að ef leikritið
hefði kynferðislega undirtóna hefð­
um við hætt við.“
sækir í drengi
Sigurbjörn var í lok árs 2004 dæmd­
ur í fjögurra ára fangelsi fyrir að hafa
brotið gegn fimm drengjum sem
voru á aldrinum tólf til fjórtán ára.
Hann sótti mikið í störf með ung­
mennum og starfaði meðal ann­
ar sem húsvörður grunnskólans á
Patreksfirði, umsjónarmaður fé­
lagsmiðstöðvarinnar og sturtuvörð­
ur í leikfimihúsi bæjarins. Það var í
krafti þessara starfa sem Sigurbjörn
gat brotið á drengjunum og í því ljósi
er sérstaklega varhugavert að hann
sé fara inn á það svið á ný í nýju
landi. Brot Sigurbjörns voru gróf,
hann hafði hann munnmök við fleiri
en einn dreng, fróaði sumum og tók
nektarmyndir af þeim. Við húsleit
hjá Sigurbirni fundust klámfengn­
ar myndir af fórnarlömbum hans á
tölvu. n
Hjálmar friðriksson
hjalmar@dv.is
Opnaði bar
Mynda af vef DT.se
við frétt frá árinu
2009, stuttu eftir
að Sigurbjörn lauk
afplánun, um að
nýtt diskótek yrði
opnað í miðbæ
Borlänge.
„Ég vil samt taka
það fram að ef
leikritið hefði kynferðis-
lega undirtóna hefðum
við hætt við.
16. september 2014
6 Fréttir
Vikublað 16.–18. september 2014
Barnaníðingur
setur upp barnaleikrit
L
augardaginn 25. október
mun unglingaleikhópurinn
Alverna – álfarnir – frum-
sýna leikritið Alven och den
hemliga grottan – Álfurinn
og leynihellirinn - í Borlänge í Sví-
þjóð. Samkvæmt auglýsingu sem
birtist nýverið í fréttablaði ABF
- Fræðslusambands alþýðunnar
– er höfundur leikritsins Björn
Maron Grétarsson. Það er dulnefni
Sigur björns Sævars Grétarssonar,
en hann var árið 2004 dæmdur í
fjögurra ára fangelsi fyrir kynferð-
isbrot gegn fimm piltum sem voru
á aldrinum tólf til fjórtán ára á Pat-
reksfirði. Brot hans gegn drengj-
unum voru sérlega gróf en Sigur-
björn sótti mikið í ungmennastarf
á Patreksfirði. Hann lauk afplán-
un árið 2008 og virðist hafa flutt til
Svíþjóðar, skipt um nafn, en sækir
enn í vinnu með börnum. Leiksýn-
ingin er skipulögð af Borlängedeild
Fræðslusambands alþýðunnar og
ungliðadeildar sænska alþýðusam-
bandsins. Í auglýsingu vegna verks-
ins kemur ekki fram hver leikstýrir
verkinu en Sigurbjörn er búsettur í
Borlänge. Verkið er sett upp í For-
um Kvarnsveden.
Sótti í ungmennastörf
Sigurbjörn sinnti ýmsum ábyrgðar-
störfum gagnvart unglingum á Pat-
reksfirði þar sem brot hans áttu
sér stað fyrir rúmlega tíu árum og
sótti hann bersýnilega í störf með
ungmennum. Hann starfaði með-
al annars hjá lögreglunni, sinnti
forvarnarstarfi, var húsvörður
grunnskólans, hafði umsjón með
félagsmiðstöðinni og var sturtu-
vörður í leikfimihúsinu. Brot hans
gegn drengjunum áttu sér stað á
árunum 2002 til 2003. Hann var
ákærður fyrir brot gegn sjö drengj-
um en aðeins sakfelldur fyrir brot
gegn fimm drengjum. Í dómn-
um gegn Sigurbirni kemur fram
að hann hafi misnotað aðstöðu
sína sem umsjónarmaður félags-
miðstöðvarinnar og á kerfisbund-
inn hátt gert drengina móttækilega
fyrir kynmökum. Hann var sagð-
ur hafa sýnt skýran og einbeittan
brotavilja.
Barnaklám á tölvu
Samkvæmt fréttaflutningi þegar brot
Sigurbjarnar komu fyrst upp mun
kynferðislegt ofbeldi hans gagnvart
drengjunum hafa falist í sjálfsfróun
og sýningu klámfenginna mynda.
Sterkur grunur var um grófari brot.
Við húsleit hjá Sigurbirni fundust
klámfengnar myndir af fórnarlömb-
um hans á tölvu. Brot Sigurbjarnar
komu í ljós er tveir skólapiltar slóg-
ust á skólalóð. Ætlaði Sigurbjörn sem
húsvörður að færa annan drengj-
anna inn í skólann. Eldri bróðir
drengsins hrópaði þá að hann mætti
alls ekki fara með Sigurbirni. Að-
stoðarskólastjóri varð vitni að þessu
og spurðist fyrir um hvernig stæði á
þessu. Í kjölfarið sagði drengurinn
foreldrum sínum frá brotum Sigur-
bjarnar gegn honum.
Kerfisbundið áreiti
Aðferð Sigurbjörns við að tæla
drengina snerist líkt og fyrr segir um
að gera þá kerfisbundið móttæki-
lega fyrir kynmökum. Samkvæmt
dómi sýndi hann einum drengjanna
klámmyndir af ungum dregnum og
fullorðnu fólki. Hann var auk þessa
dæmdur fyrir að mynda kynfæri eins
drengjanna auk þess sem hann fróaði
honum. Einnig hafði hann munn-
mök við fleiri en einn dreng. Vörn
Sigurbjörns á hegðun sinni snerist að
miklu leyti um að hann hafi skaddast
á heila í slysi, en að hans sögn réðust
unglingar á hann.
Fór út eftir afplánun á
Litla-Hrauni
Stuttu eftir að Sigurbjörn losnaði úr
fangelsi kom hann sér fyrir í blokk
og varð talsverður kurr meðal ná-
granna hans. „Þá kemur eflaust
upp í huga ykkar hvort ég geti ekki
flutt. Ég hef velt því fyrir mér og
er að athuga þau mál. Ég er samt
hvergi velkominn og er þetta því
mjög erfitt. Ég verð samt ekki mikið
í þessari íbúð, er að fara erlend-
is á næstunni,“ skrifaði Sigurbjörn
í bréfi til nágranna sinna í upphafi
árs 2008. Svo virðist sem Svíþjóð
hafi orðið fyrir valinu. n
Forum Kvarnsveden Hér verður sýn-
ingin Álfurinn og leynihellirinn frumsýnd 25.
október næstkomandi.
Dæmdur barnaníðingur Sigurbjörn Sævar var árið 2004 dæmdur í fjögurra ára fangelsi fyrir
ítrekuð brot gegn drengjum. Hann kemur nú að uppsetningu á leikverki ungmenna í Svíþj
óð.
Ungmenni í Borlänge sýna Álfurinn og leynihellirinn eftir Patreksfjarðarníðinginn
Hjálmar Friðriksson
hjalmar@dv.is „Ég er samt hvergi vel-
kominn og er þetta
því mjög erfitt
17 ára á 144
kílómetra hraða
Sjö ökumenn voru kærðir fyrir
of hraðan akstur í umdæmi lög-
reglunnar á Suðurnesjum um
helgina. Þetta kemur fram í til-
kynningu frá lögreglunni. Sá sem
hraðast ók mældist á 144 kíló-
metra hraða á Reykjanesbraut þar
sem hámarkshraði er 90 kílómetr-
ar á klukkustund. Ökumaður bíls-
ins var sautján ára piltur sem ját-
aði brot sitt. Ökumannsins bíður
130 þúsunda króna fjársekt, svipt-
ing ökuleyfis í einn mánuð og þrír
refsipunktar í ökuferilsskrá.
Rugluðust á
bensíngjöf
og bremsu
Óku á þrjár bifreiðar
Skemmdir urðu á þremur bifreið-
um í Keflavík á sunnudag eftir að
ökumaður einnar bifreiðarinnar
steig á bensíngjöf í stað bremsu.
Ökumaðurinn ætlaði að stöðva
bifreiðina við biðskyldumerki en
steig þá óvart á bensígjöfina með
þeim afleiðingum að bifreið hans
snerist í hálfhring, fór yfir vegg og
hafnaði á kyrrstæðum bifreiðum
sem þar hafði verið lagt í bíla-
stæði.
Talsvert tjón varð á bifreiðun-
um og þurfti kranabíl til að fjar-
lægja tvær þeirra af vettvangi.
Á mánudagsmorgun varð svo
annað óhapp með sama hætti
þegar ökumaður var að leggja bif-
reið sinni í stæði og steig á bens-
íngjöfina í stað bremsunnar með
þeim afleiðingum að hann ók á
aðra bifreið.
Ákvörðunin verði endurskoðuð
Landsbankinn lokar útibúi sínu í Sandgerði
B
æjarstjórn Sandgerðisbæjar
skorar á Steinþór Pálsson,
bankastjóra Landsbankans,
og bankaráð að endurskoða
tafarlaust þá ákvörðun sína að loka
útibúi Landsbankans í bæjarfélaginu
þann 11. október næstkomandi.
Bæjaryfirvöld funduðu með Stein-
þóri á mánudag þar sem áskorunin
var lögð fram.
Til stendur að hluti starfsmanna
fari frá Sandgerði í útibú bankans í
Reykjanesbæ.
Að auki mun bakvinnslan sem
verið hefur í Reykjanesbæ flutt í
Mjóddina og býðst starfsmönnum
úr Reykjanesbæ vinna þar. Þjónustu-
verið á Selfossi hefur svo verið lagt
niður og verða þjónustuver nú starf-
rækt í Reykjavík og á Akureyri.
Þetta er fjórða útibúið sem
Landsbankinn lokar á Reykjanesi.
Áður hafði Landsbankinn lokað úti-
búi sínu í Njarðvík, í Vogum á Vatns-
leysuströnd, í Garði og nú sveitar-
félaginu Sandgerði.
„Landsbankinn ætti að hafa burði
til að starfrækja bankaútibú í rúm-
lega 1.600 manna samfélagi og bjóða
bæði íbúum og fyrirtækjum þjón-
ustu í nærsamfélaginu. Þannig stæði
banki í ríkiseigu undir samfélagsleg-
um skyldum og ábyrgð,“ segir í frétta-
tilkynningu frá Sandgerðisbæ sem
kveðst harma ákvörðun Landsbank-
ans um að loka útibúinu í bænum.
Þá segir einnig að bæjarstjórn
Sandgerðisbæjar muni gera það sem
í hennar valdi stendur til að reyna að
tryggja Sandgerðingum bankaþjón-
ustu í heimabyggð. n
atli@dv.is
Bankastjórinn tók við áskoruninni
Steinþór Pálsson, bankastjóri Landsbank-
ans, tók við áskoruninni. Það var Ólafur Þór
Ólafsson, forseti bæjarstjórnar, sem afhenti
hana. MynD SanDgerDi.iS
Hugo Boss söluaðilar:
Reykjavík:
Gilbert úrsmiður Laugavegi 62 s: 551-4100
Gullúrið–úra og skartgripaverslunv Mjódd s: 587-4100
Úra- og skartgripaverslun Heide Glæsibæ s: 581-3665
Meba Kringlunni s: 553-1199
Meba - Rhodium Smáralind s: 555-7711
Hafnarfjörður
Úr & Gull Firði-Miðbæ Hafnarfjarðar s: 565-4666
Keflavík:
Georg V. Hannah, úrsmiður Hafnargötu 49 s: 421-5757
Selfoss:
Karl R. Guðmundsson, úrsmiður Austurvegi 11 s: 482-1433
Akureyri:
Halldór Ólafsson úrsmiður Glerártorgi s: 462-2509
Akranes:
Guðmundur B. Hannah, úrsmiður Suðurgötu 65 s: 431-1458
Egilsstaðir:
Klassík Selási 1 s:471-1886
Úra- o skartgripaversl n
Heide Glæsibæ - s: 581 36 5