Dagblaðið Vísir - DV - 19.09.2014, Blaðsíða 42

Helgarblað 19.–22. september 201442 Sport
E
itthvað þarf undan að
láta á sunnudag þegar
tvö sigurstranglegustu lið
ensku úrvalsdeildarinnar,
Manchester City og
Chelsea, mætast á Etihad-vellin-
um í Manchester. Flestir búast við
því að þessi tvö lið verði í sérflokki í
vetur og muni berjast um meistara-
titilinn allt til loka tímabils. Chelsea
hefur farið hamförum í fyrstu leikj-
um tímabilsins og er eina liðið í
deildinni sem er með fullt hús stiga,
12 stig eftir 4 umferðir. Manchester
City hefur farið rólegar af stað og
situr í 5. sætinu með 7 stig.
City unnið fimm af sex
Leikir City og Chelsea hafa í gegn-
um tíðina verið hnífjafnir. Í síðustu
tíu innbyrðis leikjum þessara liða
hefur City unnið fimm, Chelsea
fjóra og aðeins einn hefur endað
með jafntefli. City hefur unnið
fimm af síðustu sex leikjum liðanna
á Etihad en eini tapleikurinn kom
einmitt þann 3. febrúar í fyrra þegar
Chelsea vann magnaðan 1–0 sigur.
Liðin mættust svo tæpum hálfum
mánuði síðar, 15. febrúar, í enska
bikarnum og þá fór City með sigur
af hólmi, 2–0, á Etihad.
Ekki ávísun á titil
Þó að flest bendi til þess að Chelsea
verði Englandsmeistari er allt of
snemmt að spá fyrir um það eins og
dæmin sýna. Á síðustu tíu árum hef-
ur toppliðið í ensku úrvalsdeildinni
eftir fjórar umferðir aðeins tvisvar
orðið Englandsmeistari. Í fyrra var
Arsenal á toppnum eftir fjórar um-
ferðir en City varð meistari, árið
2012 var Chelsea á toppnum en
Manchester United varð meistari
og árið þar á undan var Manchester
United á toppnum en nágrannar
þeirra í City urðu meistarar.
Taplausu liðin mætast
Það eru fleiri frábærir leikir á dag-
skránni um helgina en leikur
Manchester City og Chelsea þó að
aðrir leikir falli vissulega í skugg-
ann. Á laugardag tekur spútniklið
deildarinnar til þessa, Aston Villa,
á móti Arsenal. Villa gerði góða ferð
á Anfield um liðna helgi og lagði
Liverpool, 1–0, á meðan Arsenal
gerði jafntefli gegn Manchester
City á heimavelli. Villa er í 2. sæti
deildarinnar með 10 stig en Arsenal
er í 7. sætinu með 6 stig. Bæði lið eru
taplaus í deildinni ásamt Chelsea.
United heimsækir nýliða
Síðdegis á laugardag heimsækir
Liverpool West Ham í athyglis-
verðum leik. West Ham er með
fjögur stig en Liverpool með sex
stig. Daniel Sturridge verður ekki
með Liverpool vegna meiðsla og
eru það slæmar fréttir fyrir Brend-
an Rodgers og félaga. Manchester
United, sem fór hamförum gegn
QPR um liðna helgi, heimsækir ný-
liða Leicester í hádeginu á sunnu-
dag. Leicester hefur spilað ágæt-
lega í upphafi móts og er með 5 stig
í 12. sætinu. Manchester United
er einnig með 5 stig en í 9. sætinu
vegna betri markatölu. n
Vissir þú …
… að Abel Hernandez, leikmaður Hull,
varð á mánudag ellefti Úrúgvæinn til að
skora í úrvalsdeildinni.
… að Everton hefur skorað næstflest
mörkin (9) í úrvalsdeildinni til þessa en
fengið á sig flest (10).
… að Manchester United
hefur haldið boltanum
best allra liða í úrvals-
deildinni í vetur (62%
að meðaltali). Í fyrra
var liðið í 8. sæti hvað
þetta varðar.
… að Juan Mata hefur skorað 8 mörk í
síðustu 10 úrvalsdeildarleikjum sínum
með United.
… að Angel Di Maria varð á
sunnudag 31 Argentínu-
maðurinn til að skora í
úrvalsdeildinni.
… að Diego Costa hefur
skorað sjö mörk úr tíu skotum
á markið það sem af er tímabili.
… að Cesc Fabregas er fyrsti leikmaður-
inn í sögu úrvalsdeildarinnar sem nær að
leggja upp mark í sex leikjum í röð.
… að Arsenal hefur
fengið á sig fjögur
skallamörk það sem
af er tímabili, flest
allra liða.
… að Jesus Navas lagði upp mark á úti-
velli um helgina í fyrsta sinn síðan hann
gekk í raðir Manchester City.
Taktískur sigur Mourinho
Aron Elís Þrándarson, leikmað-
ur Víkings og einn besti leikmaður
Pepsi-deildarinnar, tippar á
leiki helgarinnar að þessu sinni.
Aron er harður stuðningsmaður
Liverpool og býst við sigri sinna
manna gegn West Ham. Hann á
þó ekki von á mörgum mörkum í
leikjum helgarinnar.
Laugardagur:
QPR – Stoke 0–1
„Ég held að Stoke eigi eftir að vinna þetta,
1–0. QPR er búið að vera mjög slakt það
sem af er tímabili. Ég á ekki von á öðru en
að þeir fari beint niður í vor.“
Swansea – Southampton 1–0
„Southampton hefur verið sterkt og komið
á óvart en ég held að Swansea vinni þetta
1–0. Ætli Gylfi Þór leggi ekki upp sigur-
markið með eitraðri hornspyrnu á kollinn á
Ashley Williams.“
Newcastle – Hull 0–0
„Newcastle hefur verið í basli og þarf að þétta
vörnina. Ég á von á að þeir geri það í þessum
leik og þetta verði steindautt jafntefli. Þeir
hafa fengið á sig of mörg mörk og ná í einn
punkt þarna. Þeir gætu orðið í erfiðleikum í
vetur og verða trúlega í botnbaráttunni.“
Aston Villa – Arsenal 1–1
„Ég held að Villa nái jafntefli á móti Arsenal.
Aston Villa-liðið er búið að vera þrusugott en
auðvitað getur þetta verið blaðra sem á eftir
að springa. Andreas Weimann skorar fyrir
Villa en Koscielny skorar fyrir Arsenal eftir
hornspyrnu og bjargar einu stigi.“
Burnley – Sunderland 2–0
„Ég held að Burnley vinni þarna sinn fyrsta
sigur í deildinni og geri það nokkuð sann-
færandi. Þeir liggja mikið til baka en eru
samt hættulegir í skyndisóknum. Ég held
að mörkin komi eftir tvær hraðar sóknir.“
West Ham – Liverpool 0–1
„Ég er Liverpool-maður og get ekki annað
en spáð þeim sigri. West Ham er samt alltaf
sterkt á heimavelli. Ég ætla að segja að
Liverpool vinni nauman sigur og Liverpool
eigi eftir að verða heppið. Steven Gerrard
skorar sigurmarkið úr víti.“
Sunnudagur:
Tottenham – WBA 2–0
„WBA er búið að vera með allt niður um sig
í fyrstu leikjunum og ég held að Totten-
ham vinni nokkuð þægilegan sigur, 2–0.
Adebayor skorar bæði. Tottenham er
búið að vera mjög gott heilt yfir, fyrir utan
Livepool leikinn.“
Leicester – Man. United 0–1
„Ég held að United vinni þennan leik 1–0. Ég
held að Leicester muni múra fyrir markið og
United muni eiga í erfiðleikum með að opna
vörnina. En United nær að pota inn einu í
seinni hálfleik og ætli það verði ekki Wayne
Rooney sem skorar markið eftir fast leikatriði.“

Man. City – Chelsea 0–1
„Þetta er risaleikur. Chelsea er búið að vera
rosalega gott og City er með mjög góðan
mannskap. Ég held að Chelsea vinni þetta.
Mourinho kann þetta og ég held að Hazard
muni skora eftir skyndisókn. Þetta verður
sama uppskrift og í fyrra þegar Chelsea
vann 1–0 á Etihad.“

Everton – Crystal Palace 3–1
„Ég held að Everton vinni þægilegan sigur.
Lukaku skorar tvö og Steven Naismith eitt.
Crystal Palace nær sárabótarmarki seint í
leiknum sem mun ekki skipta neinu máli.“
Einar Þór Sigurðsson
einar@dv.is
Bestu liðin
mætast í
Manchester
n City með ágætt tak á Chelsea á heimavelli n Spútnikliðið mætir Arsenal
Barátta Það má búast
við því að hart verði tekist á
þegar Manchester City tekur á
móti Chelsea á laugardag.