Dagblaðið Vísir - DV - 19.09.2014, Blaðsíða 40

Helgarblað 19.–22. september 2014 Lífsstíll Dýr
V
issulega er það rétt að
kettir og hundar eru ólík
dýr, en dr. John Bradshaw,
sérfræðingur í samskipt­
um dýra og manna, segir
að kattaeigendur ætlist til of mikils
af köttunum sínum. „Ef katta­
eigendur skildu dýrin sín betur þá
sæju þeir hvaða áhrif heimtingar
okkar hafa á andlega og líkamlega
heilsu þeirra. Ólíkt hundum þá eru
kettir enn mitt á milli þess að vera
villtir og tamdir og 21. öldin fer illa í
þá. Fólk heldur að kettir séu eins og
hundar en þurfi minna umstang.“
Að sögn Bradshaws voru hund­
ar mjög félagslyndir áður en þeir
voru tamdir en fólk tamdi þá svo
það gæti fengið meira út úr sam­
bandinu. Hins vegar hefði fólk bara
viljað að kettir losuðu húsin við
mýs og rottur, sem þeir gerðu. Það
er aðeins á síðustu áratugum sem
fólk vildi fá meira frá þeim en það.
En aðalástæða streitu katta í dag er
nálægð við aðra ketti. Tvær ástæð­
ur eru fyrir þessari auknu streitu.
Fólk fær sér fleiri en einn kött á
heimili og ætlast til þess að þeir
verði vinir. Hin ástæðan er þegar
köttum er hleypt út í hverfum þar
sem margir aðrir kettir eru fyrir.
Kettir eiga erfitt með að fara eftir
lögmáli Hálsaskógar og vera vinir
annarra katta. Þótt þér líki við ná­
granna þína þýðir ekki að kettinum
líki við nágrannakettina.
Láttu kettinum líða vel
Þegar fólk flytur þarf að huga að
mörgu og það hugsar oft ekki nógu
mikið út í hvaða áhrif flutningarn­
ir muni hafa á köttinn. Eins langar
fólki að eiga fleiri en einn kött en
það þarf að huga að ýmsu þegar
kynna á annan kött á heimilinu og
þótt þeir fari sínar eigin leiðir þarf
samt sem áður að sýna þeim hvað
má og hvað ekki. Bradshaw gaf
nokkur ráð um hvernig hægt er að
gera köttum lífið bærilega.
Vasaklútar og lykt
Náðu í tvo gamla vasaklúta, nudd­
aðu öðrum á höfuðið á kettin­
um. Taktu köttinn með þér í Katt­
holt eða þangað sem þú ætlar að
fá þér annan kött og settu hann
í kattabúrið. Nuddaðu nýja kött­
inn með hinum klútnum og taktu
hann með þér heim. Þetta er ágæt­
is leið til þess að kynna kettina fyr­
ir nýrri lykt. Þetta er sambærilegt
því að skiptast á myndum fyrir blint
stefnumót.
Notaðu vatn
Ef þú vilt að kötturinn hætti að hoppa
upp á borð er best að gefa honum
nammi þegar hann er á gólfinu. Það
ætti að kenna honum að það er ekkert
varið í að vera á borðinu. Hins vegar
ef þú vilt koma í veg fyrir að köttur­
inn geri eitthvað hættulegt er gott að
sprauta á hann vatni. Það er ekki mýta
að kettir hata vatn en það mikilvæg­
asta er að kötturinn sjái ekki hvaðan
vatnið kemur, þeir verða að tengja
vatnið við það sem þeir eru að gera,
þannig að þú þarft að fela þig þegar
þú ætlar að skvetta á hann vatni.
Venja þá á nýtt heimili
Haltu þeim innandyra í þrjár vik­
ur, annars gætu þeir reynt að fara
á gamla heimilið. Kettir hafa fyrst
og fremst tengsl við heimili sitt en
eigendur eru í öðru sæti. Eftir þess­
ar vikur er gott að hleypa þeim út
stutta stund í einu og fylgstu með
honum, því ef annar köttur kemur
getur þú rekið hann í burtu. Þetta
er góð leið til þess að auka öryggis­
tilfinningu kattarins. n
Kettir stressaðir
á 21. öldinni
Dýrahegðunarfræðingur segir mannfólkið koma fram við ketti líkt og hunda
Kettlingur að leik
Köttum líður oftast best
einum. myNd shutterstocK
M
argir gæludýraeigendur
kannast við að eiga í erf­
iðleikum með að ferðast
langar leiðir með dýr­
in í bílnum. Dr. Florence
Erdmann frá Pierrefonds­dýraspít­
alanum í Bandaríkjunum er með
nokkur góð ráð sem gætu hjálpað til
við aksturinn. Hún mælir til dæm­
is með því að öll dýr séu höfð í búr­
um sem eru fest niður en ekki laus
í bílnum.
Prufuakstur
Erdmann mælir með því að fara í
nokkra bíltúra með dýrin áður en
haldið er af stað í langt ferðalag.
„Ef gæludýrið þitt er tauga óstyrkt
að eðlisfari og órólegt í bíl er best
að fara nokkrar stuttar bílferðir á
skemmtilega staði þar sem dýrið
fær notið sín. Ef um hund er að
ræða væri til dæmis tilvalið að fara
á skemmtilegt hundasvæði. Þá finn­
ur hann að bílferðin var þess virði
og er líklegri til þess að vera róleg­
ur í bílnum. Hægt og rólega er hægt
að lengja ferðirnar,“ segir Erdmann.
Bílveiki
Líkt og mannfólkið geta gæludýr
fundið fyrir bílveiki. Erdmann segir
mörg góð lyf á markaðnum við bíl­
veiki gæludýra og hægt að fá þau
hjá dýralæknum. Til þess að sjá
hvort um bílveiki sé að ræða segir
Erdmann: „Vanalega þá slefar dýr­
ið mikið og það virkar áhyggjufullt
vegna flökurleikans. Mörg dýr æla
einnig í bíl,“ segir hún.
Kvíði
Mörg dýr, sérstak­ lega
kettir og hund­
ar, finna fyrir
kvíða í bíl.
Til er
sér­
stak­
ur úði
sem inni­
heldur
ákveðna
lykt,
ferómón,
sem hefur
slakandi áhrif og eyk­
ur vellíðan dýra. „Mannfólk finnur
ekki þessa lykt og því ætti þetta ekki
að hafa neikvæð áhrif á aðra far­
þega bílsins,“ segir Edmann.“ n
Fyrirhyggja nauðsynleg
Margt þarf að hafa í huga áður en
haldið er í ferðalag með dýrin.
n Farðu nokkrar prufuferðir með dýrið n Kannaðu hvort dýrið er bílveikt
Góð ráð fyrir gæludýraeigendur á ferðalagi
Fimm
skrítnustu
dýragjafirnar
Smásalar eru farnir að átta sig
á heitri ást dýraeigenda í garð
gæludýranna. Þess vegna hafa
á síðustu árum komið á markað
ýmsar misgáfulegar vörur ætlað­
ar gæludýrum. Hér eru fimm af
þeim skrítnari.
1 Petchup Til er
sérstök „tómat­
sósa“ fyrir gælu­
dýr, svokölluð
Petchup sem er augljóslega vísun
í enskt heiti tómatsósunnar,
ketchup. Sósan á að lífga upp á
máltíðir gæludýranna á sama hátt
og tómatsósan gerir fyrir máltíðir
mannfólksins. Sósan er að
sjálfsögðu glútenlaus.
2 Grindverksgluggi Sumum hundaeigendum
þykir óbærilegt að hundurinn
geti ekki fylgst með mannlífinu í
hverfinu fyrir grindverkinu í
kringum húsið. Til
er einföld lausn
við þessu
vandamáli
– svokallaður
grindverks­
gluggi sem
hafður er í
hæfilegri hæð fyrir hundinn svo
hann missi ekki af neinu sem
gerist í hverfinu.
3 Kattahjól Margir
kannast við
hamstrahjólin
svokölluðu sem
höfð eru í
hamstrabúrum svo
hamstrarnir fái næga hreyfingu.
Að sjálfsögðu eru til sambærileg
hjól fyrir ketti enda offita katta
þekkt vandamál.
4 Beikonsápukúlur Börn elska sápukúlur. Það
gera hundar líka.
Þess vegna eru til
sápukúlur með
beikonlykt fyrir
hundana. Einnig
er hægt að fá þær
með kjúklingalykt.
5 Hundaþvottavél Þetta er ekki grín.
Það eru í alvöru til
sérstakar
þvottavélar til
þess að þvo
hunda. Þær eru
ekki sambæri­
legar venjulegum
þvottavélum svo dýraeigendur
skulu ekki setja dýrin í heimilis­
vélina.
helga dís Björgúlfsdóttir
helgadis@dv.is
Furðulegt
sjávardýr
Árið 1986 fannst óþekkt
djúpsjávar dýr undan ströndum
Ástralíu en það var aðeins nýlega
sem það var
skráð af vís­
indamönnum.
Þeir eiga hins
vegar í mestu
erfiðleikum
með að flokka
það því það
er ekki líkt neinu dýri sem fundist
hefur á jörðinni hingað til. Dýrinu
svipar til löngu útdauðra tegunda
en það er sagt vera sveppalaga.
Möguleiki er á að dýrið geti breytt
skilningi okkar á þróun dýra og
taugakerfum þeirra. Þessi fundur
sýnir líka hversu lítið mannfólkið
veit í raun um hafdjúpin.