Dagblaðið Vísir - DV - 19.09.2014, Blaðsíða 8

8 Fréttir Helgarblað 19.–22. september 2014
Hugo Boss söluaðilar:
Reykjavík:
Gilbert úrsmiður Laugavegi 62 s: 551-4100
Gullúrið–úra og skartgripaverslunv Mjódd s: 587-4100
Úra- og skartgripaverslun Heide Glæsibæ s: 581-3665
Meba Kringlunni s: 553-1199
Meba - Rhodium Smáralind s: 555-7711
Hafnarfjörður
Úr & Gull Firði-Miðbæ Hafnarfjarðar s: 565-4666
Keflavík:
Georg V. Hannah, úrsmiður Hafnargötu 49 s: 421-5757
Selfoss:
Karl R. Guðmundsson, úrsmiður Austurvegi 11 s: 482-1433
Akureyri:
Halldór Ólafsson úrsmiður Glerártorgi s: 462-2509
Akranes:
Guðmundur B. Hannah, úrsmiður Suðurgötu 65 s: 431-1458
Egilsstaðir:
Klassík Selási 1 s:471-1886
Úra- o skartgripaversl n
Heide Glæsibæ - s: 581 36 5
Félag Bjarna græddi
rúmar 164 milljónir
n Á rúmlega þriggja milljarða eignir n Hlutabréfaeignin tvöfaldaðist
F
járfestingarfélag Bjarna Ár­
mannssonar, Sjávarsýn ehf.,
hagnaðist um rúmlega 164
milljónir króna í fyrra. Þetta
kemur fram í ársreikningi fé­
lagsins fyrir 2013 sem skilað var til
ársreikningaskrár ríkisskattstjóra.
Í ársreikningnum kemur vel fram
hversu sterkefnaður Bjarni er en
eigin fjárstaða félagsins – eignir mín­
us skuldir – er jákvæð um nærri 2,4
milljarða króna.
Sjávarsýn ehf. er sennilega þekkt­
ast fyrir að vera félagið sem hélt
utan um hlutabréfaeign Bjarna Ár­
mannssonar í Glitni á árunum fyrir
hrunið. Bjarni hætti sem kunnugt er
sem bankastjóri Glitnis í apríl 2007 –
þegar hlutabréfaverð á Íslandi var í
hæstu hæðum – og seldi þá hlutabréf
sín í bankanum með milljarða hagn­
aði. Bréfin voru keypt af Bjarna á yfir­
verði og var það hluti af samkomu­
lagi hans við nýja stjórn Glitnis um
starfslok en fjárfestingafélagið FL
Group hafði þá yfirtekið bankann
ásamt meðfjárfestum. Bjarni endur­
greiddi skilanefnd Glitnis síðar yfir­
verðið sem hann fékk fyrir hluta­
bréfin og fékk hann því einungis
markaðsverð fyrir þau.
Í dag er Sjávarsýn það félag
Bjarna sem heldur utan um fjár­
festingar hans í íslenskum fyrirtækj­
um eins og Gasfélaginu, Kælitækni,
tölvufyrirtækinu Securstore á Akra­
nesi og eignarhaldsfélaginu Actuar
sem það á ásamt Keili, Íslenskum
aðalverktökum og Þróunarfélagi
Keflavíkurflugvallar.
Á 700 milljónir í félögum
Félag Bjarna á eignir upp á nærri 3,3
milljarða króna en á móti eru skuld­
ir upp á nærri 936 milljónir króna.
Af eignunum mynda skuldabréf og
aðrar langtímakröfur nærri 2,3 millj­
arða króna en eignarhlutir í fyrir­
tækjum eru tæplega 700 milljónir.
Hlutabréfaeign fyrirtækisins nærri
tvöfaldaðist á milli áranna 2012 og
2013, fór úr rúmlega 360 milljónum
upp í tæplega 700 milljónir. Bjarni
hefur aukið nokkuð umsvif sín í ís­
lensku atvinnulífi á liðnum árum eft­
ir að hafa haldið frekar að sér hönd­
um strax í kjölfar hrunsins. Bjarni bjó
meðal annars í Noregi um tíma en
hann flutti þangað eftir að hafa hætt
hjá Glitni og eftir að REI­verkefnið
rann út í sandinn síðla árs 2007.
Rann inn í Sjávarsýn
Eitt af félögum Bjarna sem komst í
fréttirnar eftir hrunið, Imagine In­
vestments, rann inn í Sjávarsýn árið
2011. DV greindi frá því árið 2009
að Imagine Investments hefði kom­
ist að samkomulagi við skilanefnd
Glitnis um afskrift á rúmlega 800
milljóna króna skuld við bankann.
Bjarni greiddi nokkra tugi milljóna
– hann vildi ekki segja nákvæmlega
hversu mikið – upp í skuldina en fékk
eftirstöðvarnar afskrifaðar. Imagine
Investments hafði fjárfest í norska
fasteignafélaginu Glitnir Property
Holding fyrir um milljarð þar sem
hann lagði fram rúmlega 350 millj­
ónir í eiginfjárframlag en fékk af­
ganginn lánaðan.
Greitt upp í skuld
Bjarni tapaði svo eiginfjárfram­
lagi sínu en eftir stóð skuldin við
Glitni sem gera þurfti upp, greiða
eða afskrifa, með einhverjum hætti.
Lendingin varð því sú að Glitnir tók
bréfin í fasteignafélaginu og afskrif­
aði stærstan hluta skuldar félags­
ins við bankann eftir að Bjarni hafði
greitt nokkra tugi milljóna, sem hann
hefði sjálfsagt ekki nauðsynlega
þurft að greiða, upp í skuldina. Þegar
Bjarni var spurður af hverju hann
hefði ekki bara greitt alla skuldina
þar sem hann væri sannarlega
borgunarmaður fyrir henni, meðal
annars í ljósi sterkrar stöðu Sjávar­
sýnar, sagði hann að slíkt hefði ver­
ið „óábyrg“ meðferð á fjármunum:
„Enda væri það náttúrulega bara
óábyrg meðferð á fé af minni hálfu
að gera það. Er það ekki?“
Tveimur árum síðar rann þetta
félag sem Glitnir afskrifaði hjá inn í
Sjávarsýn sem stendur afskaplega vel
í dag eins og ársreikningur þess fyrir
2013 sýnir. n
„Enda væri það
náttúrulega bara
óábyrg meðferð á fé af
minni hálfu að gera það.
Ingi Freyr Vilhjálmsson
ingi@dv.is
Sterkefnaður
Eiginfjárstaða félagsins
er jákvæð um nærri 2,4
milljarða króna.
Stendur í hótelrekstri
Hreiðar Már Sigurðsson, fyrrver-
andi forstjóri Kaupþings, hefur
haslað sér völl í hótelrekstri eftir
hrunið 2008. Meðal annars í ION
Hotel á Nesjavöllum.
63 milljóna tap á hóteli Hreiðars Más
Kaupþingsforstjórinn haslaði sér völl í ferðamannageiranum
R
úmlega 63 milljóna króna tap
varð af rekstri ION Luxury
Adventure Hotel, sem meðal
annars er í eigu eignarhalds­
félags Hreiðars Más Sigurðssonar,
í fyrra. Hótelið, sem er á Nesjavöll­
um, hét áður Hótel Hengill en eft­
ir að Hreiðar Már og meðfjárfest­
ar hans keyptu það hafa farið fram
miklar framkvæmdir við bygginguna
og henni gerbreytt í fínni gististað
sem markaðssettur hefur verið sem
lúxus hótel. Á þriðjudaginn greindi
DV frá því að yfirmenn á Landspítal­
anum hefðu dvalið á hótelinu nýlega
í þrjá daga vegna ráðstefnuhalds. DV
greindi frá kaupum Hreiðars Más á
hótelinu í október 2011 en það var
áður í eigu Orkuveitu Reykjavíkur.
Salan á hótelinu tengdist nokkuð
umfangsmikilli eignasölu Orkuveitu
Reykjavíkur á þeim tíma. Hreiðar
Már var þá einn af fjárfestunum sem
kom að eigninni eftir að hún skipti
um hendur og átti meðal annars í
samningaviðræðum við fyrrverandi
hótelhaldarann um möguleg kaup á
öðrum eignum á staðnum. Þrátt fyr­
ir að hótelið á Nesjavöllum hafi verið
vel markaðssett og fái talsverða um­
fjöllun í fjölmiðlum þá var samt tap á
rekstrinum í fyrra. Slíkt er að vísu alls
ekki skrítið þar sem um var að ræða
fyrsta rekstrarár þess. Eiginfjárstað­
an er neikvæð eins og er, en einungis
um rúmar 9 milljónir króna. n
ingi@dv.is
Fríhöfnin tapaði
25 milljónum
Fríhöfnin í Flugstöð Leifs Eiríks­
sonar tapaði 25,4 milljónum króna,
fyrir afskriftir, vexti og skatta á fyrri
helmingi ársins. Þetta kemur fram
í tilkynningu um afkomu félagsins.
Fram kemur að á sama tímabili í
fyrra hafi félagið hagnast um 39
milljónir. Í tilkynningunni segir
að rekstrarkostnaður hafi hækkað
um 28 prósent fyrstu sex mánuði
ársins en þar muni mestu um hús­
næðiskostnað, sem hafi hækkað
um 30,4 prósent á milli ára.
Þrátt fyrir þetta segir í upp­
hafi tilkynningarinnar að rekstur­
inn hafi gengið vel á fyrri helm­
ingi ársins og að reksturinn sé í
samræmi við áætlanir. Tekjur Frí­
hafnarinnar námu tæpum fjórum
milljörðum króna á tímabilinu,
sem er 14,5 prósenta hækkun frá
fyrra ári. Hjá Fríhöfninni vinna 145
starfsmenn en þeir voru 129 í upp­
hafi árs.
Æfðu viðbrögð
við olíueldi
Slökkviliðsmenn á Keflavíkur­
flugvelli eru í stöðugri þjálfun
en nú á dögunum æfðu þeir við­
brögð við olíueldi.
Með á æfingunni voru slökkvi­
liðsmenn á Akureyrarflugvelli
en þeir hafa æft með slökkvi­
liðsmönnum á Keflavíkurflugvelli
undanfarna daga.
Þeir hafa meðal annars
æft reykköfun og að sprauta á
„fuglinn“ eins og hann er kallað­
ur af slökkviliðsmönnum en það
er flugvélarlíkan sem er á æfinga­
svæði slökkviliðsins á Keflavíkur­
flugvelli.