Dagblaðið Vísir - DV - 19.09.2014, Blaðsíða 28

Helgarblað 19.–22. september 201428 Fólk Viðtal
É
g fer aldrei aftur á hjól. Nú ræð-
ur konan. Hún hafði beðið mig
um morguninn að fara ekki á
hjólinu því hún hefði slæma til-
finningu. Ég svaraði því að það
væri ekki eins og ég væri að fara detta,
enda hafði ég aldrei lent í neinu,“ segir
fjölmiðlamaðurinn Sigurjón Magnús
Egilsson sem lenti í vélhjólaslysi fyrir
rúmum hálfum mánuði.
Lunga féll saman
Sigurjón ætlaði að skreppa heim
í hádeginu. Þegar hann kom að
hringtorginu hjá Korputorgi féll
hann af hjólinu með þeim afleiðing-
um að annað herðablað og fimm rif-
bein brotnuðu auk þess sem annað
lungað féll saman. „Ég var búinn
að slá eitthvað af hraðanum og var
kannski á 60. Þá var bara eins og fót-
unum væri kippt undan mér. Ég bara
steinlá. Það er eitthvað að malbikinu
þarna, einhver hálka,“ segir Sigurjón
sem lá á sjúkrahúsi í tíu daga.
Hann man lítið atburðarásina eft-
ir slysið. „Þeir settu strax í mig dren
til að reyna að hreinsa blóð og ann-
að sem var við lungað, sem var tals-
vert fallið saman. Ég var með morfín
beint í mænu í marga daga og þurfti
súrefni til að geta andað. Annars fór
ágætlega um mig á sjúkrahúsinu.
Ég var mikið lyfjaður fyrst en sá
margt undarlegt þarna inni, þegar
ég var sjálfur kominn til sæmilegrar
meðvitundar, sem stórmerkilegt var
að verða vitni að. Eins og hvað sjúk-
lingar sem komu af gjörgæslu eft-
ir erfiðar skurðaðgerðir brögguð-
ust hratt. Sjúklingar sem rétt rymdi
úr eftir aðgerð buðu góðan daginn
daginn eftir og voru jafnvel komnir
á ról á þriðja degi. Það er svo margt
fallegt að gerast þarna; kraftaverk í
hverju rúmi. Fyrir forvitinn mann
var þetta ákveðið upplifelsi.“
Grét þegar mamma kom
Sigurjón fékk að upplifa á eigin
skinni hið margumtalaða ástand á
Landspítalanum. „Heilt yfir var gott
að vera þarna og fólkið er gott en áður
en ég fór heim fékk ég skoðunarferð
og fékk þá að sjá á bak við tjöldin,
það sem sjúklingar og gestir sjá ekki.
Ef Landspítalinn væri togari fengi
hann ekki haffærisskírteini. Þetta er
barn síns tíma og löngu sprungið.“
Þetta er ekki í fyrsta skiptið sem
Sigurjón slasast alvarlega. Þegar
hann var 14 ára varð hann undir
dráttarvél með þeim afleiðingum
að báðir fætur hans brotnuðu. „Ég
gleymi aldrei ferðinni til Reykjavík-
ur. Árið var 1968 en þá var verið að
undirbúa Hellisheiðina fyrir mal-
bik svo hristingurinn yfir heiðina var
mikill. Þetta var erfitt ferðalag en ég
beit á jaxlinn en þegar mamma kom
á sjúkrahúsið hágrét ég.
Núna var ég fyrst fluttur á bráða-
móttöku á Borgarspítalanum en
var svo færður yfir á Hringbrautina.
Í sjúkrabílnum á milli fékk ég að
heyra að því miður væri malbikið
fyrir utan spítalann óslétt svo ég yrði
að búa mig undir hristing. Það sýnir
ástandið; að sjúkrabílarnir þurfi að
hossast yfir óslétt malbik fyrir utan
sjúkrahúsið með stórslasað fólk
innan borðs.“
Ótrúlegur bati
Sigurjón hefur séð um útvarpsþátt-
inn Sprengisand í sex ár og er auk
þess nýráðinn fréttaritstjóri 365
miðla. Stuttu eftir að hafa útskrifast
af sjúkrahúsinu var hann farinn að
láta sjá sig á ritstjórninni. „Ég var ný-
búinn að ráða mig í krefjandi vinnu
og núna snýst líf mitt um að finna
jafnvægi í þessu andlega og líkam-
lega. Það var mér erfitt að vera ekki
í vinnunni. Þegar ég var kominn
sæmilega til sjálfs míns á sjúkrahús-
inu leitaði hugurinn mikið í vinnuna
en ég var það máttlaus og sætti mig
við það. En eftir að ég var orðinn ról-
fær eirði ég mér ekki heima allan
daginn og mæti nú á fundi og skrifa
leiðara. Ég get ekki setið eða stað-
ið heilan dag en vonandi verð ég að
einhverju gagni.“
Hann segir tímasetninguna hafa
verið slæma en er ekki að velta sér
upp úr slíku. „Af því að ég datt finnst
mér ég hafa sloppið vel. Ég dróst
ekki eftir malbikinu, allir útlimir eru
heilir og ég fékk ekki höfuðhögg.
Það sést mikið á hjálminum en höf-
uðið slapp og innvortismeiðsl munu
jafna sig. Batinn er hreint ótrúlegur.
Ég er lánsamur,“ segir hann og bætir
við að hann hafi aðeins fundið fyrir
væntumþykju þegar hann mætti
aftur í vinnu.
Alkóhólismi fjölskyldu-
sjúkdómurinn
Sigurjón fæddist í janúar 1954 og
fagnaði því sextugsafmæli sínu í
byrjun árs. Hann bjó fyrstu árin í
„Ég
Fjölmiðlamaðurinn Sigurjón Magnús Egilsson
slasaðist alvarlega þegar hann féll af vélhjóli á dögunum en
er staðráðinn í að ná bata. Indíana Ása Hreinsdóttir ræddi við
Sigurjón um heilsuna, ástina, stöðuna á fjölmiðlunum, erfiða
æsku og alkóhólismann sem markað hefur líf hans.
Indíana Ása Hreinsdóttir
indiana@dv.is
brást
he i“