Dagblaðið Vísir - DV - 20.12.2013, Blaðsíða 14

14 Fréttir Jólablað 20.–27. desember 2013
w w w. j a r n p ry d i . i s - i n g i@j a r n p ry d i . i s
Valið var hjá stjórn RÚV
P
áll Magnússon, fyrrverandi
útvarpsstjóri RÚV, sagði starfi
sínu lausu hjá RÚV eftir að
fengist hafði lögfræðilegt mat
á því hvort hægt væri að ráða hann
aftur í starfið. Samkvæmt lögfræði­
lega matinu gat stjórn RÚV í raun
og veru ákveðið hvor leiðin yrði far­
in; hvort Páll yrði endurráðinn með
nýjum samningi eða starf útvarps­
stjóra auglýst.
Úr varð að ákveðið var af
meirihluta stjórnarinnar að aug­
lýsa starf Páls laust til umsóknar. Páll
túlkaði þessa ákvörðun sem svo í yfir­
lýsingu að hann nyti ekki trausts hjá
stjórn RÚV. Þessi túlkun Páls er ekki
alveg nákvæm í ljósi þeirra laga sem
gilda um RÚV. Í lögunum kemur
skýrt fram að útvarpsstjóri megi ekki
starfa lengur en í tvö fimm ára tímabil
sem æðsti yfirmaður stofnunarinnar.
Páll hefur nú gegnt starfinu í átta ár
og má segja að það hefði farið gegn
anda laganna að ráða hann aftur til
fimm ára en þá myndi hann sitja í alls
þrettán ár í starfinu.
Heimild er hins vegar í lögum um
RÚV að endurráða útvarpsstjóra einu
sinni til fimm ára í senn. Með því að
endurráða Pál ekki nýtti stjórn RÚV
sér ekki þetta endurráðningarákvæði
og kom þannig í veg fyrir að farið yrði
gegn anda laganna með því að Páll
gegndi starfinu í 13 ár. Þannig má
segja að ákvörðunin um að auglýsa
starfið brjóti ekki með neinum hætti
gegn anda laganna en hins vegar
hefði endurráðning á Páli gert það.
Stjórn RÚV fundaði klukkan fjög­
ur á fimmtudaginn og er líklegt að á
þeim fundi hafi verið rætt um starfs­
lok Páls. Eins og er vantar nokkur
hugsanlega púsl inn í myndina af
starfslokunum, til að mynda hvort
eitthvað hafi leitt til þess, umfram
lögin um RÚV, að ákveðið var að
endurráða Pál ekki til fimm ára. n
ingi@dv.is
Nýr samningur við Pál hefði farið gegn anda laganna
Valið hjá stjórn Samkvæmt lögfræðiá-
liti sem unnið var fyrir stjórn RÚV gat hún
sjálf ákveðið hvort hún vildi endurráða Pál
Magnússon eða ekki. Mynd Sigtryggur Ari
Frídagar og vænir
bónusar í pakkanum
n Rio Tinto Alcan gefur 170 þúsund króna kaupauka n Borgarstarfsmenn fá ekkert
H
já flestum fyrirtækjum tíðk­
ast að færa starfsmönnum
jólagjöf síðustu vikuna fyrir
jól, en þær eru jafn mis­
jafnar og þær eru margar.
Ekki öll fyrirtæki gefa þó jólagjafir
og dæmi eru um að starfsmenn
fái í staðinn vænan jólabónus.
Blaðamaður DV hafði samband
við nokkra af stærstu vinnustöð­
um landsins og spurðist fyrir um
jólagjafir til starfsmanna þetta árið.
Matarkörfur vinsælar
Líkt og undanfarin ár virðist sem
matargjafir séu með vinsælli starfs­
mannagjöfum þetta árið. Sú er alla­
vega raunin hjá fyrirtækjum á borð
við Húsasmiðjuna, Norðurál, Sjóvá
og Icelandair.
„Hér fékk fólk kassa með góð­
gæti; hamborgarhrygg og reyktum
lax og einhverjum sósum og sult­
um. Þetta er eitthvað sem allir geta
notað,“ segir upplýsingafulltrúi
hjá Icelandair. Arion banki gefur
starfsmönnum einnig matarkörfu.
„Gjöfin hjá okkur er sú sama og
undanfarin ár. Það er karfa með mat
og einhverju litlu, nettu til heimilis­
ins. Og svo fær starfsfólk líka gjafa­
kort Arion banka,“ segir Haraldur
Guðni Eiðsson, forstöðumaður
samskiptasviðs bankans. Haraldur
var sjálfur ekki búinn að ná í sína
körfu þegar blaðamaður náði tali
af honum og gat því ekki sagt til um
nákvæmt innihald hennar en sagði
að í henni væri ávallt eitthvað kjöt
og meðlæti.
Íslensk hönnun
Nokkur fyrirtæki gefa
starfsmönnum sínum muni frá ís­
lenskum hönnuðum.
„Háskólinn í Reykjavík gefur sín­
um starfsmönnum sitt lítið af hverju
í poka. Í honum er stór „thermo“
kaffi­ eða tebolli frá Sveinbjörgu
ásamt viskastykki eftir sama hönnuð
sem er mjög praktískt. Svo keyptum
við súkkulaðistykki frá ABC Barna­
hjálp, sem var sett í pokann líka,
ásamt þrjú þúsund króna gjafakorti
í Nóatúni fyrir jólamatinn,“ segir Ýr
Gunnlaugsdóttir í samtali við DV,
en hún sá um jólagjafir HR til starfs­
manna. Spurð hvort þetta sé svipað
og verið hefur undanfarin ár segir
Ýr svo ekki vera.
„Við erum svolítið að breyta til.
Síðustu tvö ár var matarpakki en
þessi gjöf höfðar kannski til fleiri.“
Íslensk hönnun var einnig í jóla­
pakka starfsmanna Alcoa Fjarðaáls.
„Við erum með matarkörfu og
smá auka glaðning með. Við höfum
oft reynt að vera með íslenska
hönnun eða eitthvað svoleiðis og í
ár skiptum við til dæmis
við Laufabrauðssetur
Íslands svo það
fylgir glaðningur
frá þeim með
matarkörfunni,“ segir
upplýsingafulltrúi
fyrir tækisins.
Landsbankinn gaf
starfsfólki sínu hanska
frá 66°Norður og auk
þess 35 þúsund króna
gjafabréf frá versluninni.
Engar jólagjafir
„Það eru engar jólagjaf­
ir gefnar af Reykjavíkur­
borg. Þær voru afnumdar
árið 2008,“ segir Bjarni
Brynjólfsson, upplýs­
ingastjóri borgarinnar.
Svipaða sögu er að segja
hjá Hafnarfjarðarbæ sem
ekki gefur jólagjafir í ár
en samkvæmt Guðfinnu
B. Kristjánsdóttur, upplýs­
ingafulltrúa Garðabæjar, fær
starfsfólk bæjarskrifstofunnar frí í
jólagjöf.
„Hér hjá okkur gefur bæjarstjór­
inn okkur á bæjarskrifstofunni tvo
auka frídaga og síðan er það bara
undir forstöðumanni hverrar stofn­
unar komið hvað hann gerir fyrir
sitt starfsfólk.“
Svipaða sögu
er að segja af Rio
Tinto Alcan sem
hefur ekki gefið
jólagjafir undanfarin ár,
en samkvæmt Ólafi Teiti Guðna­
syni, framkvæmdastjóra sam­
skiptasviðs fyrirtækisins, fær starfs­
fólk í staðinn 170 þúsunda króna
jólabónus, sem er talsvert hærra en
gengur og gerist hjá flestum fyrir­
tækjum.
Veglegri gjöf í ár
„Við gefum öllu starfsfólkinu okk­
ar, 1.500 manns, safndiskinn með
Páli Óskari, fimm þúsund króna
gjafabréf í Krónunni og svo styrkj­
um við ABC Barnahjálp með því
að gefa hverjum starfsmanni eitt
súkkulaðistykki frá þeim sem gefur
fimm bágstöddum börnum mál­
tíð. Þannig að þetta er margþættur
pakki,“ segir Guðríður Hjördís
Baldursdóttir, starfsþróunarstjóri
BYKO. Hún segir meiri verð­
mæti í gjöfinni sem starfs­
menn fyrirtækisins fá þetta
árið en verið hefur.
„Við erum að gefa veg­
legri gjöf núna en síðustu
ár. En markmið okkar er að
styrkja alltaf íslenskt tón­
listarfólk þannig að síðast­
liðin þrjú ár erum við búin
að gefa íslenska tónlist og
gjafakort.“
Starfsmenn HB Granda
fá bankagjafakort en sam­
kvæmt upplýsingum frá skrifstofu
fyrirtækisins er þetta í annað skipti
sem slíkt er gefið. Sá sem blaða­
maður ræddi við vildi ekki greina
frá upphæð gjafakortsins en bætti
þó við að fleira hefði leynst í pakk­
anum.
„Við gáfum líka fiskikrydd og
viskastykki með mynd af fiski. Það
er bara svona til að fylgja með svo
að starfsfólk fái einhvern lítinn
pakka.“ n
Hörn Heiðarsdóttir
horn@dv.is „Það eru engar jólagjafir gefnar
af Reykjavíkurborg. Þær
voru afnumdar árið 2008.
Jólagjöf Jólagjafir
til starfsmanna eru
afar misjafnar eftir
fyrirtækjum, en al-
gengt er að fyrirtæki
gefi matarkörfur.
Súkkulaði til styrktar ABC Sum
fyrirtæki styrkja góð málefni með
kaupum á jólagjöfum starfsmanna.
thermo-bolli Starfs-
menn Háskólans í Reykjavík
fengu bolla og viskastykki
frá Sveinbjörgu í jólagjöf.