Dagblaðið Vísir - DV - 20.12.2013, Blaðsíða 58

Jólablað 20.–27. desember 201358 Menning
É
g sótti innblástur í myndina
á bolinn til melgresis sem er
uppáhaldsjurtin mín. Þetta er
svolítið táknrænt fyrir mig því
fyrsta alvöru starfið mitt sem
ég fékk borgað fyrir var þegar ég var
11 ára að skera melgresi í Vestur-
Skaftafellssýslu. Melgresi getur vaxið
hvar sem er, meira að segja í svört-
um sandi. Það bindur jarðveginn
þannig að það myndast ekki rof. Mér
fannst þetta táknrænt og tengjast vel
UN Women þar sem konur tengj-
ast saman til þess að hjálpa öðrum
konum um allan heim,“ segir Saga
um fiðrildabolinn sem hún hann-
aði ásamt Katrínu Maríu Káradóttur
yfir hönnuði hjá ELLU.
Mikið lagt í hönnunina
Myndin sem prýðir bolinn er kyrra-
lífs- og skuggamynd af hlutum úr
fjörunni milli Eyrarbakka og Þor-
lákshafnar. Allur kostnaður við gerð
bolsins var kostaður af styrktaraðil-
um, Landsbankanum, WOW air,
DHL og ELLU. „Það er frábært því að
þá fer allur ágóði af sölunni beint til
styrktar málefna UN Women,“ segir
Saga. Hún segir mikið hafa
verið lagt í hönnun hans.
„Við tókum okkur langan
tíma til þess að gera bol-
inn. Við vildum hafa hann
þannig að myndin væri
ekki of áberandi en falleg
og táknræn. Katrín tók sér
langan tíma í að hanna
sniðið til þess að það myndi
henta öllum konum. Hann
er ótrúlega klæðilegur og
fallegur.“
Tískuheimurinn harður
Saga er nýkomin til lands-
ins og verður hér fram
yfir áramót. Hún er bú-
sett í London og hefur verið það í
fimm ár. Hún nam tískuljósmynd-
un þar í borg og útskrifaðist þaðan
fyrir tveimur árum. Frá því hún út-
skrifaðist hefur verið nóg að gera og
verk efnin eru fjölbreytt. „Ég tek að
mér alls konar verkefni og vil ekki
einskorða mig við neitt eitt þó ég sé
kannski mest að vinna við eitthvað
tískutengt enda lærði ég það. Auð-
vitað eru verkefnin misskemmtileg,“
segir hún. Til að mynda segir hún
að skemmtilegustu verkefnin séu
oft ólaunuð. „Þannig er það í tísku-
heiminum. Þegar ég er að gera
tískuþætti þá fæ ég yfirleitt ekki
borgað fyrir þá og þarf
stundum að borga með
mér í kostnað. En svona
virkar þetta bara. Svo fæ ég
önnur verk efni sem ég fæ
borgað fyrir en eru kannski
ekki eins skemmtileg.
Maður þarf að gera þetta
visst lengi til þess að ná á
ákveðinn stað. Þetta fær-
ir manni svo stærri verk-
efni sem eru betur borguð.
Þetta er harður heimur og
það nær enginn langt nema
hafa virkilega ástríðu fyrir þessu.“
Myndaði M.I.A.
Meðal stórra verkefna sem Saga
hefur tekið að sér er meðal annars
Inspired by Iceland-herferðin, Nike
og svo myndaði hún fyrir tónlistar-
konuna M.I.A. á dögunum, svo eitt-
hvað sé nefnt. Hún segir það hafa ver-
ið ótrúlega skemmtilegt verkefni sem
átti sér langan aðdraganda. „Það var
mjög skemmtilegt verkefni. Hún hafði
fyrst samband við mig fyrir tveim-
ur árum því hún hafði séð mynd-
ir eftir mig og vildi fá mig til
að taka myndir þegar hún var
að gera Bad Girls-tónlistar-
myndbandið sitt. Það var rétt
fyrir jól, ég var komin heim
til Íslands og fargjaldið var
orðið svo dýrt að það var
ekki innan kostnaðaráætl-
unar hennar. Ég var því
ánægð að geta myndað
hana núna enda ber ég
mikla virðingu fyrir
henni. Hún er
ótrúlega flottur
listamaður.“
Uppeldið
mótaði
hana
Saga hefur
einnig kennt
ljósmyndun og segist
hafa gaman af því. „Ég
læri eiginlega mest af því sjálf enda
er ég mjög feimin og það er hollt fyrir
mig að standa og tala fyrir framan
svona margt fólk,“ segir Saga sem hef-
ur verið að kenna stundakúrsa við St.
Martins en hún hefur einnig kennt í
Ljósmyndaskóla Sissu hér heima.
Myndir Sögu hafa vakið mikla
athygli. Hennar ástríða er
ljósmyndun og það er
eitthvað ævintýra-
legt og öðruvísi
við myndirnar
hennar. Saga
ólst upp á
hinum ýmsu
stöðum úti
á landi til 15
ára aldurs og
segir mik-
ið návígi
við nátt-
úruna hafa
mótað sig. „Ég
hugsa oft um
það hversu mikil
forréttindi það eru
að hafa fengið að alast
upp í svo mikilli tengingu
við náttúruna og það hefur
mótað mig. Fólk er svo mik-
ið að týna þessu í dag – að
kunna að vera í tengslum
við náttúruna. Það þykir
mér sorglegt. Þegar ég var lítil þá
fann ég mér alltaf eitthvað að gera.
Ég ólst upp á stöðum eins og Þing-
völlum og þegar ég fór út að leika mér
þá var ég bara að leika mér úti í þjóð-
garðinum, fann ævintýri í hrauninu
og sprungunum. Að láta sér leiðast
er ekki til í mínum orðaforða. Ég veit
ekki hvað það er.“
Ástar/haturssamband við London
Þrátt fyrir að lifa og hrærast innan
tískuheimsins þá kann Saga best við
sig í rólegheitum. „Ég kem til Íslands
til þess að pústa. Það vinna allir svo
mikið úti. Ég er alltaf að vinna og það
er svo mikill hraði. Mér finnst gott að
koma heim og vera í tengslum við
náttúruna og safna kröftum áður en
ég fer aftur út. Ég er algjör „introvert“
og líður best heima í rólegheitum
með bók þótt mér finnist hitt líka
ótrúlega skemmtilegt.“
Hún segist þó ekki hugsa um að
flytja heim til Íslands á næstunni.
„Mér finnst gott að vera í London. Ég
á reyndar í svona elska/hata-sam-
bandi við London. Stundum finnst
mér hún mjög erfið þegar mað-
ur er að reyna að borga leiguna en
svo eru aðrir dagar sem mér líður
ótrúlega vel í þessari borg. Vinnu-
lega séð er þetta sú borg sem auð-
veldast er fyrir unga ljósmyndara að
koma sér á framfæri. Í París og New
York er það miklu erfiðara. Þar eru öll
gömlu, stóru og eldri nöfnin og það
er erfiðara að komast að. London er
frábær því hún er svo opin. Hún er
svo mikill miðpunktur og margir sem
koma þangað til að gera verkefni. Ég
ferðast líka mikið vegna starfsins og
fæ alls konar verkefni í gegnum fólk
sem leitar til London til að mynda.“
Hún segir það dýrmætt að fá að ferð-
ast vegna starfsins og kynnast ólíkum
menningarheimum. „Ég er alltaf
að vinna með mismunandi fólki og
fólki alls staðar að úr heiminum.
Þetta er allt dýrmæt reynsla og styrkir
tengslanetið.“ n
Plastmódel
í miklu úrvali
Tómstundahúsið er flutt að Bíldshöfða 18. S: 5870600. Finnið okkur á Facebook.
Sækir innblástur
til æsku sinnar
n Fjöldi verkefna hjá Sögu n Mikil vinna lögð í fiðrildabolinn
Viktoría Hermannsdóttir
viktoria@dv.is
Fjörugaldurinn Hér má sjá mynd Sögu sem prýðir bolinn.
Myndaði M.I.A.
Saga myndaði
rappsöngkonuna
M.I.A. á dögunum.
Nóg að gera
Það er nóg við
að vera hjá
Sögu sem er í
jólafríi núna á
Íslandi.
Fiðrildabolurinn
n Saga hannaði
fiðrildabolinn
ásamt Katrínu
Maríu Káradóttur,
yfirhönnuði ELLU,
og Elínrós Líndal,
eiganda ELLU. Allt
kaupverð fiðrildabolsins rennur óskert
í Styrktarsjóð Sameinuðu þjóðanna til
afnáms ofbeldis gegn konum. Bolurinn
fæst í ELLU og í Mýrinni í Kringlunni en
einnig er hægt að nálgast hann hjá UN
Women.