Dagblaðið Vísir - DV - 12.09.2008, Page 20

Nú verður víst að viðurkenn-ast að Svarthöfði er ekki sá glúrnasti í viðskiptum. Honum tókst að vísu að
hafna kostaboði um að kaupa hlut
í deCODE á gráa markaðnum fyrir
margt löngu en eftir það hefur hann
kannski stundum farið flatt á að beita
alltaf sömu taktík: kaupa ekki hluta-
bréf og eyða frekar fénu í eitthvað
skemmtilegt.
Kannski er það út af þessu sem Svarthöfði skilur ekki alveg þessa kaupréttar-samninga forstjóra og ann-
arra helstu stjórnenda stórfyrirtækja.
Nú hefur Svarthöfði heyrt að með
þessu sé tryggt að hagur stjórnenda
og hluthafa fari meira saman heldur
en ef stjórnendurnir eru bara launa-
menn. Og þess vegna sé sniðugt að
leyfa þeim að kaupa hlutabréf með
verulegum afslætti. Þannig græða
stjórnendur rétt eins hluthafar ef
hlutabréfin hækka í verði. En það
sem Svarthöfði skilur ekki alveg er að
ef bréfin lækka í verði tapa hluthaf-
arnir en stjórnendurnir hafa sölu-
tryggingu á bréfum sínum. Þannig
geta hluthafarnir bæði grætt og tap-
að en stjórnendurnir bara grætt og
grætt.
En eins og áður
segir er
Svarthöfði ekki sá glúrnasti í viðskipt-
um.
Baldur Guðnason var án efa fyrirtaks forstjóri hjá Eim-skipi þó ekki hafi kannski allir verið ánægðir með hans
störf. Eins og góðir og gegnir forstjórar
keypti Baldur hlutabréf í fyrirtækinu
sem hann stýrði. En þar sem hann
hætti störfum skömmu síðar kom
auðvitað ekki annað til greina en að
hann seldi. Ef Jón og Gunna hefðu
selt bréfin sín hefðu þau fengið tæpar
1.700 milljónir króna fyrir jafnmörg
bréf og forstjórinn fyrrverandi átti. En
forstjórinn var betur settur og gat selt
gamla vinnuveitanda sínum bréfin á
tæpar 2.600 milljónir króna, eða fyrir
tæpum 900 milljónum króna hærri
fjárhæð en hluthafarnir. Og í dag
hefðu Jón og Gunna fengið eitthvað
í kringum 700 milljónir króna fyrir
jafnmörg hlutabréf og forstjórinn góði
seldi.
Þetta heitir víst á góðu máli að menn hafi gulrót til að eltast við. Og gott ef götustrákarn-ir á Economist teiknuðu ekki
einhvern tíma upp mynd af forstjóra í
gervi asna að eltast við gulrót. En þeir
voru líka svo illa innrættir að þeim
fannst að það ætti kannski að gefa
mönnum
vænt spark í afturendann ef illa gengi
í rekstrinum.
En auðvitað væri rangt að gefa í skyn að menn séu bara verð-launaðir fyrir árangur, hvort sem hann er góður eða slæm-
ur, þegar þeir hætta störfum. Auðvitað
er hitt líka til í dæminu, að menn séu
allt að því verðlaunaðir fyrir árangur
hjá fyrri vinnuveitendum. Þannig fékk
Lárus Welding ansi ríflegan bónus
þegar hann skrifaði undir samning við
Glitni, var þar í flokki með heimsins
bestu knattspyrnumönnum sem fá
sumir feita bónusa fyrir að skrifa undir
samninga – og vilja raunar margir nýj-
an samning og nýjan bónus á hverju
ári. En Lárus fær sennilega bara einn
undirskriftarbónus og það vegna þess
að hann þurfti að selja bréfin sín hjá
fyrrverandi vinnuveitanda -
og þannig sennilega
verða af mikl-
um gróða.
Og fékk því
300 millj-
ónir króna
í sára-
bætur
hjá nýja
vinnu-
veitand-
anum.
Föstudagur 12. september 200820 Umræða
Bónusarnir
og vistaskiptin
svarthöfði
Jón trausti reynisson ritstJóri skrifar. Tilraunin er róttæk og það er eðlilegt að almenningur efist.
Það góða við heimsendaótta
Leiðari
Vísindamenn eiga það til að líta niður á almenning og margir þeirra hafa lýst fyrirlitningu sinni á áhyggjum
venjulegs fólks af tilrauninni með öreinda-
hraðalinn í Sviss. Fjölmiðlar eru jafnframt
gagnrýndir fyrir að vekja ótta hjá almenn-
ingi með því að segja frá baráttu þeirra sem
trúa því að tilraunin gæti mögulega fargað
jörðinni. Gagnrýnendurnir líta á almenning
sem heilalausa viðtakendur fjölmiðla.
Það sem vísindamenn trúðu um heiminn
fyrir hundrað árum er allt annað en í dag. Án
efa verður það eitthvað allt annað eftir önnur hundrað ár. Sú kenn-
ing sem liggur til grundvallar heimsfræðinni um þessar mundir er
M-kenningin, sem stundum er kölluð Matrix-kenningin. Hún er
ótrúlegri en vísindaskáldskapur. Samkvæmt henni er alheimurinn
einhvers konar himna og í honum eru ellefu víddir, ekki bara fjórar.
Sumir segja að næsta vídd sé jafnvel aðeins nokkra millimetra frá
okkur. Vísindamenn vonast til þess að við tilraunina í Sviss muni
mannkynið í fyrsta sinn upplifa að hlutar af róteind ferðist á milli
vídda. Þeir gera ráð fyrir því að svarthol geti myndast, en sam-
kvæmt ráðandi kenningum ætti það að hverfa strax og ekki valda
skaða. Tilraunin er róttæk og það er eðlilegt að almenningur efist.
Vantraust og efasemdir eru driffjöður vís-
indalegrar þekkingar og nauðsynlegar allri
framþróun, rétt eins og tilraunir.
Í tilraunum felst að útkoman er ekki fyrirfram
vituð. Væntingar um útkomuna byggjast á til-
gátum sem byggjast á kenningum sem sum-
ar hverjar eru óstaðfestar. Mikil samstaða er
meðal vísindamanna um að tilraunin í Sviss
geti ekki valdið tortímingu jarðarinnar. Þetta
er hins vegar stærra mál en svo að almenn-
ingur eigi að sitja þegjandi hjá með lokuð
augun. Þetta varðar allt mannkynið, í það
minnsta íbúa í Evrópusambandinu sem fjármagna verkefnið.
Áhyggjur af heimsendi í tengslum við svo róttækar tilraunir eru
bæði eðlilegar og hollar. Á hinn bóginn væri mjög óeðlilegt af al-
menningi að treysta vísindamönnum blindandi.
Þegar endanlega fæst staðfest, með tímans tönn, að tilraunin veldur
heiminum engri hættu kemur á daginn að afleiðingar áhyggnanna
eru betri meðvitund almennings og stóraukinn áhugi á vísinda-
starfi. Þá er óupptalin endurnýjuð virðing fyrir lífinu og samheldni
mannkyns sem sprettur upp úr umræðu um sameiginlega ógn.
Niðurstöður tilraunarinnar snerta nú ekki aðeins vísindasamfélag-
ið heldur mannkynið í heild.
spurningin
„Framtíðarbarn-
eignaþjónusta er
okkar leiðarljós.“
segir Guðlaug
Einarsdóttir,
formaður
Ljósmæðrafélags
Íslands, sem
staðið hefur í
ströngu
undanfarna daga
ásamt kollegum sínum í kjarasamn-
ingaviðræðum við íslenska ríkið.
sJáið þið ekki lJós-
ið í viðræðunum?
sandkorn
n Þess er beðið með eftirvænt-
ingu hvort Vladimir Pútín, for-
sætisráðherra Rússlands, dúkki
upp á Íslandi í fylgd rússneskra
olíugarka á næstunni. Mikil
leynd ríkir en gríðarlegur und-
irbúningur stendur yfir vegna
væntanlegrar komu rússneskra
stórmenna sem koma til að
skoða orkulindir og virkjan-
ir. Rússar eru óðum að ná fyrri
styrk sem heimsveldi fyrir tilstilli
olíunnar. Og þeir eru framsýn-
ir og vilja því fóta sig þar sem
orku framtíðarinnar er að finna.
Íslendingar eru óðum að eignast
nýja verndara í stað Kanans.
n Fréttir af hruni Eimskips og
björgunaraðgerðum Björgólfs
Guðmundssonar eru með ýms-
um brag. Fréttablaðið bend-
ir á hringekjuna á milli hinna
ýmsu félaga
tengdra
Lands-
bankanum
á meðan
Morgun-
blaðið leggur
áherslu á
„björgun-
araðgerð“
Björgólfsfeðga. Hitt dagblað
Árvakurs, 24 stundir, bendir á
Baldur Guðnason, fyrrverandi
forstjóra, sem sökudólg þess
hvernig komið er. Teiknari blaðs-
ins, Halldór Baldursson, sýnir
Eimskip með einkar ágengum
hætti sem sökkvandi skip. Það
minnir reyndar á fræga forsíðu
Helgarpóstins sáluga sem sýndi
brotið skip og fyrirsögnina: Er
Hafskip að sökkva?
n Kristinn H: Gunnarsson, al-
þingismaður frjálslyndra, er
kominn í hart við bæði Magnús
Þór Hafsteinsson varaformann
og Jón Magnússon alþingis-
mann. Fjögurra manna þing-
flokkur örflokksins er þar með
klofinn en talið er að bæði Grét-
ar Mar Jónsson alþingismað-
ur og formaðurinn, Guðjón A.
Kristjánsson, séu á bandi Krist-
ins. Það kann því að styttast í að
Jón Magnússon, sem hefur eins
og Magnús Þór einlægan áhuga
á málefnum útlendinga, færi sig
um set rétt eins og Gunnar Ör-
lygsson þingmaður áður. Hermt
er að Magnús Þór, sem andmælti
komu flóttamanna til Akraness,
hafi áhuga á formannsembætt-
inu en innan flokks telja margir
feril hans í ótímabundinni lægð.
n Fólk er fyrir löngu hætt að
kippa sér upp við það þótt
heimsfrægir komi til Íslands.
Þannig var laxabóndinn og
poppgoðið Ian Anderson úr
Jethro Tull í sumarfríi á Íslandi
nýverið án þess að fjölmiðlar
veittu því eft-
irtekt. Það er
bloggarinn
Gunnar Th.
Gunnarsson
sem vekur á
þessu athygli
og lýsir því
að popp-
stjarnan hafi
verið hin alþýðlegasta og hegðað
sér eins og hver annar túristi.
Hann brá sér meðal annars inn
í verslun og fékk sér kaffi inni á
lager með staffinu.
LyngháLs 5, 110 Reykjavík
Útgáfufélag: Útgáfufélagið Birtíngur ehf.
Stjórnarformaður: hreinn Loftsson
framkvæmdaStjóri: elín Ragnarsdóttir
ritStjórar:
jón Trausti Reynisson, jontrausti@dv.is
og Reynir Traustason, rt@dv.is
fréttaStjórar:
Brynjólfur Þór guðmundsson, brynjolfur@dv.is
og Þórarinn Þórarinsson, toti@dv.is
auglýSingaStjóri:
ásmundur helgason, asi@birtingur.is
dv á netinu: dv.is
aðaLnúmer: 512 7000, ritstjórn: 512 7010,
áskriFtarsÍmi: 512 7080, augLýsingar: 512 70 40.
Umbrot: dv. Prentvinnsla: Landsprent. Dreifing: árvakur.
dv áskilur sér rétt til að birta aðsent efni blaðsins á stafrænu
formi og í gagnabönkum án endurgjalds.
öll viðtöl blaðsins eru hljóðrituð.
„Þetta var því
heppilegt slys
að detta inn í
heim kvik-
myndanna.“
n Aníta Briem fór í sína fyrstu Hollywood-
prufu fyrir kvikmyndina Journey to the Center of
the Earth sem frumsýnd var á Íslandi í gær. - 24
stundir.
„Þetta eru draumóra-
menn með stórt egó en
samt flottir náungar.“
n Kristófer Dignus, leikstjóri nýju
sjónvarpsþáttanna Umbans sem nú eru í
undirbúningi, lýsir íslenskum umboðsmönnum
á þennan hátt. - Fréttablaðið.
„Hún bjargaði
lífi okkar.“
n Ármann Freyr Hjelm vakn-
aði við grát þriggja vikna
dóttur sinnar en það hafði þá
kviknað í þvottahúsinu. - DV
„Baldvin er hugrakk-
asti maður sem
ég þekki að
þora að vera
með mér.“
n Vala Grand Einarsdóttir um nýja
hugrakka elskhugann sinn. Hún hafði nýlega
lýst því yfir að enginn maður á Íslandi þyrði að
vera með henni. - Séð og heyrt.
„Ég hef nú ekki farið í
neina augnpokaað-
gerð en er þó
upp með mér
að fólk skyldi
halda það.“
n Hanna Birna í Séð og heyrt. .
Hún hefur geislað af slíku sjálfsöryggi sem
borgarstjóri að einhverjir töldu að hún hefði
látið fegra umgjörð haukfránna augna sinna.
bókstafLega