Dagblaðið Vísir - DV - 19.12.2008, Blaðsíða 62

föstudagur 19. desember 200862 Sakamál
Morðingi eða fórnarlaMb? mál bandarísku móður-
innar susan smith vakti heimsathygli á sínum tíma. Hún var dæmd til lífstíðar-
fangelsisvistar, árið 1995, fyrir að myrða syni sína. upphaf málsins má rekja til
október 1994 þegar hún tilkynnti lögreglu að bifreið hennar hefði verið rænt og
að synir hennar hefðu verið í bifreiðinni. társtokkin kom susan fram í sjónvarpi
og bað þess að drengjunum yrði skilað heilum á húfi. en ekki voru öll kurl komin til
grafar og í ljós koma að susan átti meiri hlut að máli en nokkurn gat grunað.
RaðmoRðingi í FlóRída
Aileen Wuornos var bandarískur raðmorðingi sem myrti sjö karlmenn í Flórída frá 1989 til 1990. Hún hélt
því fram að morðin hefði hún framið í sjálfsvörn til að verjast nauðgun. Útskýringar Aileen Wuornos voru
ekki teknar gildar fyrir rétti. Hún var önnur konan sem tekin hefur verið af lífi í sögu Flórída.
Aileen Wuornos fæddist 1956 í
Michigan í Bandaríkjunum og það
væri vægt til orða tekið að segja að
hún hefði átt slæma æsku. Sumir
telja að það eina góða í lífi henn-
ar hafi verið að hún kynntist aldrei
líffræðilegum föður sínum. Diane
Wuornos, móðir Aileen, giftist Leo
Dale Pittman, föður hennar, aðeins
fimmtán ára og varð barnshafandi
tvisvar, Aileen var yngra barnið og
kom í heiminn nokkrum mánuð-
um eftir að Diane sagði skilið við
föður hennar. Faðir Aileen gekk
ekki alveg heill til skógar andlega
og var fær um að beita miklu of-
beldi.
En hlutverk einstæðrar móður
reyndist Diane um megn og árið
1960 yfirgaf hún börn sín, Keith og
Aileen, sem síðan voru ættleidd af
móðurforeldrum sínum, Lauri og
Britta Wuornos. Það kom snemma
í ljós að erfitt yrði að tjónka við Ai-
leen og grunnt var á uppreisn gegn
Lauri, sem drakk stíft og beitti
miklum aga.
Systkinunum hafði verið talin
trú um að Lauri og Britta væru líf-
fræðilegir foreldrar þeirra og þegar
þau komust að hinu rétta í málinu
gerðu þau uppreisn.
Barsmíðar og barneign
Aileen fékk oft og tíðum að finna
fyrir belti afa síns og var gjarna lát-
in liggja á kviðnum á rúmi sínu.
Þessar aðfarir voru ekki til að draga
úr þvermóðsku hennar. Hún varð
virk kynferðislega mjög snemma
og sagði að hún hefði notið kynlífs
með bróður sínum ung að árum,
þótt það hafi aldrei fengist stað-
fest.
Fjórtán ára að aldri varð Aileen
barnshafandi og var send á heimili
fyrir ógiftar mæður. Hún eignaðist
dreng sem varð þess láns aðnjót-
andi að verða ekki alinn upp hjá
henni.
Britta, amma Aileen, dó 1971,
og að sögn dóttur Brittu varð álag-
ið vegna Aileen og Keiths; skróp í
skólanum, óléttu og margs fleira,
Brittu um megn og hún hafði snú-
ið sér að flöskunni meira en góðu
hófi gegndi.
Röð misheppnaðra
sambanda
Á næstu árum gerðist ýmislegt í lífi
Aileen sem markaði framtíðina.
Keith dó úr krabbameini og Lauri
framdi sjálfsmorð og Aileen tók
stefnuna á Flórída.
Aileen hitti Lewis Fell, tæplega
sjötugan formann snekkjuklúbbs.
Fell varð ástfangin af Aileen og
þegar þau gengu í það heilaga 1976
taldi hún sig himin höndum hafa
tekið. En hún var villt og sjálfseyð-
ingarhvöt hennar kom í veg fyr-
ir að hún gerði sér grein fyrir því
hve gott hún gæti haft það. Um það
tveimur mánuðum eftir giftinguna
gerði Fell sér grein fyrir mistökun-
um og lét ógilda hjónabandið.
Við tók áratugur misheppnaðra
sambanda, vændis, falsana, þjófn-
aða og vopnaðra rána. Aileen var
orðin flak, andlega og líkamlega,
vegna drykkju, eiturlyfjaneyslu og
lífsstíls sem einkenndist af sjálfs-
eyðingarhvöt.
En þá hitti Aileen hina tuttugu
og fjögurra ára Ty Moore í klúbbi
fyrir samkynhneygða í Daytona
1986.
Fyrsta líkið finnst
Um skeið var tiltöluleg ládeyða í
lífi Aileen. Ty elskaði Aileen og yf-
irgaf hana ekki og sagði upp starfi
sínu sem hótelþerna. Aileen sá
fyrir þeim með vændi, en hún var
ekki hátt metin og ekki jókst virði
hennar á götunni eftir því sem tím-
inn leið.
En Ty yfirgaf hana ekki og sam-
an fóru þær af einu mótelinu á
annað, en á endanum varð ljóst að
breytinga var þörf.
Rafmagnsviðgerðamannin-
um Richard Mallory fannst sop-
inn góður. Hann var þekktur fyrir
að loka verkstæði sínu fyrirvara-
laust og hverfa á drykkjutúr. Það
kom því engum á óvart þegar hann
hvarf desember 1989. En þegar bif-
reið hans fannst mannlaus nokkr-
um dögum síðar varð ljóst að ekki
var allt með felldu.
Þrettán dögum síðar fannst
lík Mallorys, vafið inn í gólfteppi.
Hann hafði verið skotinn þrívegis
með 22 kalibera byssu. Mánuðum
síðar hafði rannsókn lögreglunn-
ar engan árangur borið og málið
kólnaði.
Fleiri fórnarlömb
Hálfu ári síðar, 1. júní 1990, fannst
annað karlmannslík í skóglendi
í Citus-sýslu í Flórída. Sjö dög-
um síðar voru kennsl borin á líkið
og var um að ræða David Spears.
Spears hafði horfið 19. maí á leið
sinni til Orland. Hann hafði verið
skotinn nikkrum sinnum með 22
kalíbera byssu, og við líkið fannst
notaður smokkur.
Um sama leyti fannst lík þrjátíu
mílum sunnar, í Pasco-sýslu. Líkið
var svo illa farið að ekki varð unnt
að bera kennsl á það, en við krufn-
ingu fundust níu 22 kalíbera kúlur
í líkinu. Síðar kom í ljós að um var
að ræða Charles Carskaddon.
Lögreglumaðurinn sem stjórn-
aði rannsókninni hafði heyrt af
málinu í Citrus-sýslu og sá að mál-
in áttu margt sameiginlegt. Hann
setti sig því í samband við lögregl-
una þar.
Blóðblettir í bifreið
Í byrjun júlí 1990 sat Rhonda Baily
á veröndinni sinni og sá þegar bif-
reið sem kom eftir veginum vegin-
um, rennur til og hafnar utan veg-
ar. Út úr honum stíga tvær konur.
Sú brúnhærða sagði ekki mikið, en
hin ljóshærða bölvaði og ragnaði
líkt og hún fengi borgað fyrir það.
Sú ljóshærða taldi Baily á að
hafa ekki samband við lögregluna,
því faðir hennar búi skammt frá.
Konurnar settust aftur i bílinn og
komust upp á veginn, en skömmu
síðar gaf hann upp öndina og kon-
urnar héldu áfram för sinni fót-
gangandi.
Lögreglustjórinn í Maríon-sýslu
fann síðar bílinn og við rannsókn
kom í ljós að blóðblettir sem fund-
ust í honum voru úr Peter Siems
sem hafði horfið 7. júní. Lík hans
fannst aldrei.
Lýsing á konunum tveimur var
send til lögregluyfirvalda um gerv-
öll Bandaríkin.
Grunur fellur á konurnar
Enn áttu eftir að finnast þrjú karl-
mannslík og allt benti til að um
sama morðingja væri að ræða.
Lík Troys Burress fannst 4. ág-
úst, en hann hafði horfið í lok
júlí. Dick Humpreys hvarf ellefta
september og lík hans fannst degi
síðar. Hann hafði verið skotinn
sex sinnum. Nítjánda nóvember
fannst lík Walters Gino og rann-
sókn leiddi í ljós að hann hafði
látist innan við sólarhring áður.
Lögreglunni varð ljóst að kon-
urnar sem Baily hafði séð af ver-
önd sinni voru viðriðnar málið
og viðamikil leit hófst. Ekki leið
á löngu áður en vísbendingarn-
ar fóru að hlaðast upp og um
miðjan desember hafði lögregl-
an fengið nokkrar ábendingar
um sömu tvær konurnar og nöfn
þeirra.
Aileen handtekin
9. janúar 1991 var Aileen hand-
tekin á bar í Volusia-sýslu, og
næsta dag hafði lögreglan upp á
Ty Moore. Moore samþykkti að fá
Aileen til að játa gegn því að njóta
friðhelgi. Farið var með Moore
á mótel í Flórída. Undir vökul-
um augum lögreglunnar hringdi
hún fjölda símatala til Wuornos
og grátbað hana að hreinsa nafn
hennar. Þremur dögum síðar ját-
aði Wuornos á sig morðin og hélt
því fram að mennirnir hefðu reynt
að nauðga henni og hún drepið þá
í sjálfsvörn.
Aileen Wuornos var sakfelld
fyrir sex morð, hún var ekki ákærð
fyrir morðið á Peter Siems því lík
hans hafði aldrei fundist. Þrátt
fyrir að í ljós hafi komið að Ri-
chard Mallory hefði frá 1958 feng-
ið meðferð vegna árásar sem hann
hafði framið með þeim ásetningi
að nauðga konu, neitaði dómari
við réttarhöldin að leyfa það sem
sönnunargögn sem hugsanlega
hefðu getað stutt fullyrðingar Ai-
leen.
Aileen Wuornos var tekin af lífi
með banvænni sprautu 9. október
2002.
umsjón: kolbeinn þorsteinsson, kolbeinn@dv.is
HPI Savage XL
fjarstýrður
bensín
torfærutrukkur, sá stærsti og
öflugasti til þessa.
Nethyl 2, sími 587-0600, www.tomstundahusid.is
SAVAGE XL
Nýkominn
H
ild
ur
H
lín
Jó
ns
dó
tt
ir
/ h
ild
ur
@
dv
.is
Líkið var svo illa farið að ekki varð unnt að
bera kennsl á það, en við krufningu fundust
níu 22 kalíbera kúlur í líkinu. Síðar kom í ljós að
um var að ræða Charles Carskaddon.
Aileen Wuornos tekin af
lífi fyrir raðmorð í flórída.