Dagblaðið Vísir - DV - 19.12.2008, Blaðsíða 33

föstudagur 19. desember 2008 33Helgarblað
Erfiðasta ár lífs míns
Óttast þú ekkert framtíðina, sundr-
ungu, tortryggni og fátækt?
„Í dag er tortryggni og hún er
skiljanleg því við í ríkisstjórninni
höfum ekki miðlað nægum upplýs-
ingum og höfum ekki sagt nóg frá
úrræðunum sem við bjóðum upp
á. Þá á ég við aðgerðaráætlanir fyr-
ir heimilin og fyrirtækin sem eru
í gangi, tryggjum gegnsæi, sköp-
um traust. Það gerum við með betri
upplýsingum. Við erum mannleg og
erum að gera hvað við getum.“
Mun nokkuð breytast? Eru ekki bara
sömu menn að hræra í sömu pottun-
um með nýju nafni og nota sama hrá-
efnið?
„Umboðsmaður Alþingis og
fleira traust fólk mun sitja í nefnd
sem segir okkur hvað misfórst og
mun segja okkur hvað gerðist og
hvað við getum lært af þessu. Þeir
sem bera mestu ábyrgðina, eins og
forsvarsmenn fyrirtækja og banka,
verða að axla ábyrgð. Og við þurf-
um að læra af þessu. Hvaða kröfur
eiga bankaráðin að gera til starfs-
fólksins? Það þarf að vera á hreinu.
Og úrræðin verða að vera þannig
að fólk geti treyst bönkunum. Fjár-
málastarfsemin í dag er í algjöru
hökti. Og bankaráðin verða vonandi
ekki pólitísk lengi enn.“
Hvenær koma fram lög um sam-
einingu Fjármálaeftirlits og Seðla-
banka?
„Þetta er í vinnslu. Stoðkerfið og
eftirlitskerfið verður að vera þannig
að það standi fyrir því og undir því
að hér verði gegnsætt og gott fjár-
málakerfi. Við munum sameina
þessi tvö kerfi, Fjármálaeftirlitið og
Seðlabanka ef það er til þess fallið
að ná þessum markmiðum.
Börnin og kreppan
Hvernig ræðir þú við börnin þín um
kreppuna?
„Þau spyrja um ýmis mál núna.
Ég viðurkenni að það var kom-
in ákveðin firring hjá þeim eins
og þjóðfélaginu. Þau voru farin að
ganga að því sem gefnu að fá og gera
ákveðna hluti en núna eru þau byrj-
uð að spá í hvort þau geti keypt hitt
og þetta. Og þau spyrja: „Hvenær
klárast kreppan? Á morgun?“ Við
ræðum málin og maður reynir að
vera raunsær en líka að hlífa þeim
án þess þó að búa til sýndarveru-
leika fyrir þau. En aðallega þarf að
sýna hlýju og umhyggju.“
Hvernig getur alþýða manna þolað
þetta álag? Launalækkun, atvinnu-
leysi, skattahækkanir, myntkörfulán
óhagstæð, skerðing á ýmissi þjónustu,
innlagnagjöld á sjúkrahús, fasteignir
lækka í verði, bílar og íbúðir seljast
ekki, spilling blasir víða við og margir
með óhreint mjöl í pokahorninu?
„Þetta er einstaklingsbundið.
Margir hafa misst mikið og aðrir
misst mjög mikið. En við höfum lagt
ríka áherslu á að skólarnir haldi utan
um börnin okkar og að skólastarf
verði áfram eðlilegt. En það er gríð-
arlegt álag sem fer inn í allt skóla-
kerfið vegna þessa ástands. Kenn-
arar eru kannski að upplifa það að
makinn missir vinnuna. En þeir eru
samt að vinna að þvi að halda utan
um börnin. Og við höfum tekið á
þessu með myntkörfulánin. Þar eru
ýmis úrræði. Við viljum sveigja regl-
ur um námslánin að fólki sem hef-
ur misst vinnu en hefur verið með
miklar tekjur á síðasta ári. Þjóðin
mun komast í gegnum þetta en það
verður erfitt fyrir alla. Ég segi: Pass-
ið börnin. Sveitarfélögin geta þarna
skipt miklu máli. Þau standa frammi
fyrir miklum erfiðleikum en eru sem
betur fer þokkalega sett. Ég kemst
ekki yfir það hér að nefna allt sem
við erum að gera en mikilvægast er
að við munum hlúa að kjarnanum,
grunnstarfseminni í þjóðfélaginu.“
Þorgerður Katrín Gunnarsdóttir
ráðherrann, konan en umfram allt móðirin.
MYND STEFÁN KARLSSON
Framhald á
næstu opnu