Dagblaðið Vísir - DV - 19.12.2008, Blaðsíða 58

föstudagur 19. desember 200858 Matur & vín
Ljúffeng íssósa Hvort sem þú ætlar að
bjóða upp á heimalagaðan ís eða keyptan eftir
að jólasteikin rennur ljúft niður er nauðsynlegt
að bjóða upp á ljúffenga íssósu. settu fjögur
stykki marssúkkulaði, 1/4 lítra rjóma og 100
grömm suðusúkkulaði í pott, látið malla í dá-
góða stund eða þar til hún er orðinn þykk, gætið
þess þó að fylgjast vel með henni. gott að bera
sósuna fram með salthnetum eða öðru sælgæti.
umsjón: kolbrún pálína Helgadóttir, kolbrun@dv.is
umsjón: úlfar finnbjörnsson
mynd: kristinn magnússon
heiLsteikt nautaLund
innihald:
n seglgarn
n 1 nautalund, sinalaus, u.þ.b. 1 1/2 kg
n salt og nýmalaður pipar
n 3 msk. olía
aðferð:
Vefjið seglgarni utan um nautalund og
kryddið hana með salti og pipar. brúnið
lundina á öllum hliðum í olíu á vel heitri
pönnu í 3-4 mín. eða þangað til kjötið er
orðið fallega brúnt. setjið kjötið í 180°C
heitan ofn í 10 mín. takið kjötið úr
ofninum í 10 mín. og látið standa við
stofuhita. setjið kjötið aftur inn í ofninn í
10 mín. berið lundina fram með
béarnaise-sósu og t.d. blönduðu, steiktu
grænmeti og bökuðum kartöflubátum.
Béarnaise-sósa:
n 4 eggjarauður
n 1 msk. fáfnisgras (estragon)
n 400 g smjör, bráðið
n 1 tsk. kjötkraftur
n 2 msk. béarnaise-essens
n ½ tsk. worcestershire-sósa
setjið eggjarauður í stálskál og þeytið
þær yfir volgu vatnsbaði þangað til þær
eru orðnar ljósar og léttar. bætið þá
fáfnisgrasi út í og hellið smjöri rólega
saman við í mjórri bunu, þeytið vel í á
meðan. smakkið til með kjötkrafti,
béarnaise-essens og worcestershire-
sósu.
gerðu jóLaísinn
heima fyrir
nú eru aðeins nokkrir dagar til jóla
og jólaundirbúningurinn í hámarki.
jólaísinn er nokkuð sem margir geta
ekki verið án á sjálft aðfangadags-
kvöld og er hann eitt af því sem
kjörið er að gera nokkrum dögum
fyrir jól. mikið úrval uppskrifta er í
boði og því um að gera að finna þá
sem hentar þér og þínum. Hægt er
að nálgast sérstök ísform í
búsáhaldarverslunum landsins sem
auðvelda geymslu íssins til muna.
dV tók saman nokkrar ólíkar en
gómsætar uppskriftir að jólaís.
toblerone ís
n 6 eggjarauður
n 1 dl púðursykur
n 2 pelar rjómi
n l -2 tsk. vanilla
n 100 -150 g toblerone
Aðferð:
Þeytið vel saman eggjarauður og
púðursykur.
Þeytið því næst rjómann og blandið
öllu varlega saman.
frystið í góðu formi.
Vanilluís
n 500 ml rjómi
n 5 stk. eggjarauður
n 125 g sykur
n 1 stk. vanillustöng
Aðferð:
Hrærið saman eggjarauðum og
sykri.
Hitið rjóma og vanillustangir að
suðumarki.
Hrærið rjóma saman við eggjarauð-
ur og sykur.
setjið í form og frystið.
ananasís
n 4 eggjarauður
n 2 dl sykur
n 1 msk. vanillusykur
n 1/2 l rjómi
n 1 lítil dós ananaskurl
n 200 g rjómasúkkulaði
n sítrónusafi
Aðferð:
Þeytið saman eggjarauður, sykur og
vanillusykur.
ef blandan er mjög þykk má setja
smá af ananassafanum út í.
rjóminn er þeyttur og blandað
saman við eggjahræruna.
skerið súkkulaðið í litla bita og setjið
út í blönduna ásamt ananaskurlinu.
að lokum er svo settur smá
sítrónusafi til að bragðbæta.
setjið í form og frystið.
bananaís
n 3 eggjarauður
n 1 egg
n 70 g sykur
n 5 dl rjómi
n 1-2 pakkar súkkulaðihnappar
n 1/2 tsk bananadropar
n 1 banani
Aðferð:
Þeytið vel eggjarauður, egg og
dropa. saxið niður súkkulaði og
stappið bananann. takið þeytta
rjómann og blandið saman við
þeytinguna og síðan banana og
saxað súkkulaðið. Hrærið vel saman,
setjið í skál og frystið yfir nótt. berið
fram með súkkulaðisósu.
Jólaeggjapúns - eggnog
Halldór Jónsson xxx
eggjapúns
8 skammtar (fyrir 4-6)
Hráefni:
n 4 egg (meðalstór)
n ½ bolli sykur (skipt til helminga, 1/4 b. og 1/4 b.)
n ½ bolli ljóst romm,
n ½ bolli nýmjólk
n 1 ½ bolli viskí,
n 1 bolli rjómi, (skipt í helminga, ½ b., ½ b.)
n múskat, nóg til að strá létt yfir hvert glas
aðferð:
1. aðskiljið eggjahvítur og -rauður. setjið hvíturnar í
eina skál og rauðurnar í aðra.
2. Þeytið saman rauðurnar og helminginn af
sykrinum þar til það er orðið ljóst og létt.
3. Þeytið hvíturnar þar til þær eru orðnar stífar.
bætið svo saman við hinum helmingnum af
sykrinum og þeytið saman við.
4. Hrærið rauðurnar rólega saman við hvíturnar.
5. Hrærið rommið hægt saman við (má líka nota
dökkt romm).
6. Hrærið mjólkina hægt saman við.
7. Hrærið viskíið hægt saman við.
8. Hrærið helminginn af rjómanum hægt saman við.
9. Þeytið hinn helminginn af rjómanum og blandið
honum varlega saman við (látið rjómann samlagast
blöndunni vel).
10. berist fram stofuheitt. sumum finnst betra að
bera þetta fram kalt og er það í lagi líka – bætið þá
bara í nokkrum ísmolum út í. reynið að hella
smávegis af froðunni með vökvanum í glasið. stráið
múskati létt yfir hvert glas (mæli með úr kvörn).
ef blandan þykir of sterk má þynna hana út með því
að bæta meiri mjólk eða rjóma saman við – munið
bara að hræra hægt. Þó svo að eggjapúnsið sé vel
áfengt er það mjög ljúffengt og því kjörinn drykkur
til að rífa jólapartíið í gang.
Ég skora á Júlíus Hafstein, fyrrum dagskrárstjóra í Djúpu lauginni og
núverandi rekstrarstjóra hjá Max raftækjaverslun. Hann er þekktur
fyrir sínar mögnuðu O la party- pizzur og því spennandi að sjá hvað
hann kemur með.
Matgæðingurinn
heilsteikt
nautalund
með béarnaise-sósu
Uppskriftina að þess-
ari dýrindis nauta-
lund sem Gestgjafinn
býður lesendum DV
upp á þessa vikuna
ættu allir að varðveita
vel. Rétturinn er ein-
faldur, klassískur og
bragðið klikkar
aldrei.