Fréttablaðið - 27.12.2014, Qupperneq 42

FÓLK|HELGIN
Bandaríska tímaritið Journal of Clinical Psychology tók í byrjun árs saman lista yfir tíu algengustu áramótaheit Bandaríkja-
manna. Listinn er byggður á rannsókn Háskólans í
Scranton. Listinn birtist á statisticprain.com
ALGENGUSTU HEITIN ERU EFTIRFARANDI
■ Að léttast
■ Að verða skipulagðari
■ Að eyða minna – spara meira
■ Að njóta lífsins til fulls
■ Að viðhalda góðum árangri í ræktinni.
■ Að læra eitthvað spennandi
■ Að hætta að reykja
■ Að hjálpa öðrum að uppfylla drauma sína
■ Að finna ástina
■ Að eyða meiri tíma með fjölskyldunni
Í greininni eru teknar saman tölur yfir þá Banda-
ríkjamenn sem strengja áramótaheit en þeir voru
45 prósent í fyrra. 38 prósent gera það hins vegar
aldrei. Einungis átta prósent segjast ná að halda
þau fullkomlega. 49 prósent ná stundum markmið-
um sínum. 24 mistekst alfarið, alltaf.
Fólk sem opinberar heit sín fyrir öðrum er tíu
sinnum líklegra til að halda þau en fólk sem setur
heit í hljóði.
Fólk á þrítugsaldri er líklegra til að halda ára-
mótaheit en þeir sem eldri eru. 39 prósent þeirra
halda sín heit en einungis 14 prósent þeirra sem
komnir eru yfir fimmtugt.
75 prósent þeirra sem strengja áramótaheit
halda þau út fyrstu vikuna. 71 prósent heldur þau
í tvær vikur. 64 prósent halda út í mánuð og 46
prósent í sex.
MIKILVÆGT AÐ OPINBERA HEITIN
10 ALGENGUSTU ÁRAMÓTAHEITIN 45 prósent Bandaríkjamann strengja áramótaheit. Flestir ætla í megrun. Fólk sem opinberar
heit sín fyrir öðrum er tíu sinnum líklegra til að halda þau en fólk sem strengir heit í hljóði.
FLESTIR ÆTLA AÐ LÉTTAST Að fara í megrun er algengasta áramótaheitið í
Bandaríkjunum.TÍMI TIL AÐ TAKA SIG Á Fólk á þrítugsaldri er líklegra til að
halda áramótaheit en þeir sem eldri eru.
ÞAÐ SAKAR EKKI AÐ REYNA Janúar hjá mörgum byrjar svona.
Fæstir halda út árið á enda. Það sakar þó ekki að reyna. Átta pró-
sent Bandaríkjamanna standa fullkomlega við áramótaheit sín.
■ GOTT Í NEYÐ
Þeir sem hyggja á ferðalag yfir helgina og fram yfir áramót ættu að
kynna sér hið bráðsniðuga 112 Iceland
app.
Snjallsímaforritið er einfalt í notkun
og hefur tvenns konar virkni. Annars
vegar er hægt að kalla á aðstoð ef um
slys eða óhapp er að ræða. Hins vegar
að skilja eftir sig „slóð“ en slíkt má
nota ef óttast er um afdrif viðkomandi
og leit þarf að fara fram.
Forritið leysir ekki af hólmi önnur
öryggistæki eins og neyðarsenda og
talstöðvar. Ekki er þörf á gagnasam-
bandi til að nota forritið. Hefðbundið
GSM-samband dugar.
Hægt er að sækja forritið fyrir Andr-
oid-síma, Windows-síma og iPhone.
112 APP Í FERÐALAGIÐ
■ SUNDLAUGAR
Gott getur verið að skella allri fjölskylduna í áramótabaðið í einu á
gamlársdag. Samkvæmt vefsíðunni sundlaugar.is eru langflestar
laugar á höfuðborgarsvæðinu opnar fram til hádegis á gamlársdag,
sumar til 11 en aðrar til 12.30.
Þeir sem vilja hressa sig við á nýársdag með góðri pottaferð geta
ekki leitað víða enda er aðeins ein laug opin á höfuðborgarsvæðinu.
Það er Laugardalslaug sem er opin frá 12 til 18. Utan höfuðborgar-
innar er aðeins Laugarvatn Fontana opið frá 11 til 21.
ÁRAMÓTASUNDIÐ