Ægir - 01.04.2013, Side 41

41
Marás ehf.
Miðhraun 13 - 210 Garðabær
Sími: 555 6444 - Fax: 565 7230
www.maras.is
Allt fyrir sjávarútveginnAllt fyrir nýsmíðina
Hliðarskrúfur
Rafstöðvar og ljósavélar
Skipavélar - Bátavélar - Rafstöðvar - Ljósavélar Stjórntæki og gírar
Allar gerðir af legum
Kraftur
Ending
Sparneytni
Áreiðanleiki
Japanskir gæðamótorar - 3,5-140hö.
Sendum sjómönnum og fjölskyldum þeirra
hamingjuóskir á sjómannadaginn
verkefnum, þegar þau fást,
en nú er líka hlé á þeim.
Guðmundur segir það
synd að ríkið eigi þessi skip
og tæki skuldlaus en geti
ekki notað þau vegna niður-
skurðar. Hefur hann áhyggjur
af öryggismálum sjómanna í
þessu samhengi og að örygg-
isnetið sé stórlega skert. Ein-
ungis eitt varðskip sé úti í
senn og það geti augljóslega
ekki sinnt öllum landshlutum
á sama tíma. Hann segir önn-
ur varðskip en Þór orðin það
gömul að þau séu fljót að
skemmast ef þau liggja lengi
óhreyfð við festar.
Fluttu út vinnuhefð
Landhelgisgæslunnar
Guðmundur segir að það
sem standi upp úr á ferlinum
séu erlendu verkefnin sem
Landhelgisgæslan hefur sinnt
á undanförnum árum á sviði
landamæragæslu fyrir Fron-
tex, Landamærastofnun Evr-
ópu sem Ísland er aðili að.
„Þetta eru afar framandi
verkefni og í allt öðru um-
hverfi en ég hef átt að venj-
ast. Þau hafa í einu og öllu
snúist um björgun mannslífa
og eru þess vegna afskaplega
gefandi. Árið 2011 höfðum
við aðkomu að lífbjörgun um
500 manns. Þetta eru náttúru-
lega tölur sem við sjáum
aldrei hérna heima.“
Ægir fór til þessara verk-
efna fyrst á árinu 2010 og var
þá við strendur Senegal. Í
framhaldinu fór skipið norður
í Miðjarðarhafið á milli Spán-
ar, Alsír og Marokkó. Árið
2011 var Ægir við gæslu við
eyjuna Krít og síðan aftur á
Spánarsvæðinu þar sem hann
var líka á síðasta ári. Verk-
efnið fólst í því að bjarga
bátafólki og flóttafólki, börn-
um, fullorðnum og öldruðu
fólki sem flýr heimahagana,
yfirleitt á varasömum smá-
fleytum á hafsvæðum þar
sem allra veðra er von. Um
er að ræða gífurlega stórt haf-
svæði sem nær frá Gíbraltar í
vestri og allt austur til Líb-
anon og Ísrael. Svo að menn
skilji vegalengdirnar má
nefna að jafnlöng siglingaleið
er frá Íslandi til Gíbraltar og
frá Gíbraltar til Kýpur.
Gæslan fengið mikið lof fyrir
störf sín
„Við búum okkur undir
svona verkefni eins vel og
við getum. Við sóttum nám-
skeið sem hjálpaði mjög mik-
ið og annað er bara vinna.
Það sem stendur upp úr var
þakklæti fólksins sem við
björguðum frá bráðum
dauða,“ segir Guðmundur.
Landhelgisgæslan hefur
fengið mikið lof fyrir störf
sína á þessum vettvangi.
Áhöfnin hefur beitt allt öðr-
um vinnuaðferðum en aðrir
aðilar sem hafa komið að
björgunarstörfum á þessum
svæðum.
„Við fluttum í raun út
vinnuhefðina sem við höfum
hér við Ísland, sem er að vera
alltaf að, 24 tíma sólarhrings-
ins og þá vinna saman skip
og flugvél. Margir aðrir höfðu
bara verið í dagróðrum og
styttri ferðum og allar útgáfur
eru af því. Okkar vinnuhefð
byggist á vöktum og það er
bara unnið 24 tíma sólar-
hringsins. Þetta skilaði heil-
miklu,“ segir Guðmundur.
Hann ber sterkar tilfinn-
ingar til Landhelgisgæslunnar
og segir að það sína skoðun
að það yrði henni til góðs að
fá slík verkefni á ný, bæði
vegna tekjuöflunar og til að
nýta skipaflotann og mann-
skapinn.
S J Ó M E N N S K A N