Dagblaðið Vísir - DV - 30.12.2011, Síða 4
E
ignarhaldsfélag sem stofn-
að var utan um vatnsverk-
smiðju Kanadamannsins
Ottos Spork á Rifi á Snæ-
fellsnesi hefur verið tekið til
gjaldþrotaskipta. Fyrirtækið heitir
Iceland Glacier Products ehf. og var
stofnað árið 2007. Þetta kemur fram
í Lögbirtingablaðinu. Skiptastjóri er
Sigurður I. Halldórsson. Fyrirtækið
ætlaði að flytja út íslenskt vatn með
svipuðum hætti og Jón Ólafsson ger-
ir í verksmiðju sinni í Ölfusi.
Fyrirtækið gerði samning við
Snæfellsbæ árið 2007 um að það
fengi aðgang að vatnsuppsprettum
undir Snæfellsjökli til 95 ára. Í kjöl-
farið hófust framkvæmdir við 7.000
fermetra verksmiðjuhús við Kól-
umbusarbryggju á Rifi sem aldrei var
fullklárað. Samningi Snæfellsbæj-
ar við fyrirtæki Sporks var rift í fyrra
vegna þess að fyrirtæki hans hafði
ekki staðið við ákvæði hans.
Samkvæmt ársreikningi félagsins
tapaði það tæplega 120 milljónum
króna árið 2009 og nærri 300 millj-
ónum króna árið 2008. Eignir félags-
ins voru metnar á rúman milljarð
króna í ársreikningi fyrir 2009, þar af
var verksmiðjuhúsið metið á rúmar
700 milljónir króna. Skuldir félagsins
námu rúmum 300 milljónum króna
og voru að mestu við hluthafa félags-
ins.
Í eigu aflandssjóða
Hluthafar þessa íslenska eignar-
haldsfélags eru fimm fjárfestingar-
sjóðir sem staðsettir eru í skatta-
skjólum víðs vegar um heiminn.
Meðal annars er um að ræða sjóðina
Opportunities Fund í Kanada, vog-
unarsjóðinn Hybrid 2 Hedge Fund
og Global Water Fund á Cayman-eyj-
um, Riambel í Lúxemborg og Hermi-
tage í Sviss.
Mikil leynd hefur hvílt yfir þessu
dularfulla verkefni Ottos Spork á Ís-
landi og hefur íslenskum fjölmiðl-
um reynst erfitt að ná í hann frá því
greint var frá þessari fjárfestingu
hans. Enginn íslenskur fjölmiðill
hefur náð tali af Spork svo vitað sé.
Hann var þó skráður til heimilis hér
á landi, nánar tiltekið í Mosfellsbæ.
Inn í umræðuna um vatnsfyrirtæki
Ottos Spork á liðnum árum spilaði
umræða um rannsóknir kanadískra
eftirlitsaðila á meintum efnahags-
brotum hans, meðal annars fjársvik-
um.
Rannsóknin teygði sig til
Íslands
Sú rannsókn teygði anga sína meðal
annars til Íslands, líkt og greint var
frá í DV í mars 2009, en þá staðfesti
Kristinn Jónasson, bæjarstjóri í Snæ-
fellsbæ, að kanadíska fjármálaeftir-
litið hefði haft samband við hann
vegna rannsóknarinnar á viðskipt-
um Ottos Spork. Snæfellsbær lagði
meðal annars fimm kílómetra leiðslu
að verksmiðjusvæðinu á Rifi sem átti
að flytja vatnið til átöppunar í verk-
smiðju Sporks og greiddi fyrirtækið
108 milljónir króna í gatnagerðar-
gjöld. Samvinna bæjarins við Spork
var því nokkuð náin.
Í viðtali við Vísi í nóvember 2008
sagði Kristinn að ekki stæði til annað
hjá eigendum verksmiðjunnar. „Ég
held ég geti sagt með vissu að þeg-
ar þeir gerðu sínar áætlanir þá stóð
gengisvísitalan í 115 en er nú í vel yfir
200 stigum. Þeir eru að koma með
fjármagn inn í landið og því er það
mjög hagstætt fyrir þá að halda hratt
áfram.“ Framkvæmdin fór þó út um
þúfur á endanum.
Snæfellsbær hefur hins vegar
gert 62 ára samning við annan aðila,
breska fjárfestingarsjóðinn Moon-
raker, um átöppun á vatni á Rifi. Það
fyrirtæki mun reisa aðra vatnsverk-
smiðju á Rifi, þar sem ekki samdist
um kaup á húsi Iceland Glacier Pro-
ducts, og mun Snæfellsbær eignast
10 prósenta hlut í íslensku eignar-
haldsfélagi sem stofnað verður utan
um reksturinn.
Eignuðust hlut í aflandsfélagi
Samningur Snæfellsbæjar við fyrir-
tæki Sporks þótti nokkurt hneyksli
þegar málið komst upp árið 2009. Í
samningi bæjarins við félagið kom
meðal annars fram að Snæfellsbær
eignaðist milljón hluti í eignarhalds-
félaginu Iceland Glacier Products
S.A sem skráð var í Lúxemborg þeg-
ar bæjarstjórnin samþykkti einka-
réttarsamninginn á vatnslindunum
til næstu níutíu og fimm ára. Krist-
inn Jónasson skrifaði undir þennan
samning ásamt Otto Spork.
Þetta félag sem Snæfellsbær eign-
aðist hlut í með samningnum var til
rannsóknar hjá yfirvöldum í Kanada
vegna meintra efnahagsbrota Ottos
Spork. Um það bil 240 fjárfestar þar
í landi voru ósáttir við Spork vegna
þess að þeir höfðu lagt fé inn í þetta
félag hans sem þeir töpuðu. Yfirvöld
í Kanada frystu eignir þessa sjóðs og
unnu að því að reyna að komast yfir
eignir sem honum tengdust, meðal
annars í Lúxemborg, á Cayman-eyj-
um og á Íslandi.
4 Fréttir 30. desember 2011 Áramótablað
Rannsóknin leiddi að Felli
n Sérstakur saksóknari skoðar viðskipti Giftar með Kaupþingsbréf
M
álefni Fjárfestingarfélagsins
Fells sem stýrt var af Kaup-
félagi Skagfirðinga hafa kom-
ið til skoðunar hjá embætti
sérstaks saksóknara vegna rannsókna
embættisins á hlutabréfakaupum
Fjárfestingarfélagsins Giftar í Kaup-
þingi, samkvæmt heimildum DV.
Embætti sérstaks saksóknara hefur
rannsakað meinta markaðsmisnotkun
Kaupþings með hlutabréf í bankanum
sjálfum. Gift var einn af þeim aðilum
sem keypti hlutabréf í bankanum af
Kaupþingi fyrir hrunið.
Líkt og DV hefur greint frá var
hlutafé Fjárfestingarfélagsins Fells
aukið um rúmlega 11 milljarða króna
árið 2006. Félagið var dótturfélag Gift-
ar, félags sem stofnað var með eign-
um Samvinnutrygginga árið 2007,
og Kaupfélags Skagfirðinga. Þess-
ir fjármunir hurfu svo út úr félaginu í
flóknum viðskiptasnúningum og lentu
að hluta að minnsta kosti inni í Kaup-
félagi Skagfirðinga. Á sama tíma og
þetta gerðist afskrifaði eitt af dóttur-
félögum Giftar 5,4 milljarða króna
kröfu sem félagið átti án þess að útskýrt
væri af hverju í ársreikningi félagsins.
Sigurjón Rúnar Rafnsson hefur ekki
svarað skilaboðum DV um að hringja
í blaðið en hann var stjórnarmaður
Fells. Þá neitar fyrrverandi stjórnarfor-
maður Giftar, Guðsteinn Einarsson, að
upplýsa af hverju hlutafé Fells var auk-
ið, hvaðan peningarnir komu og hvert
þeir fóru. Engin svör liggja því fyrir
um hvaðan þessir peningar komu eða
hvert þeir fóru.
Staðan er því sú að málefni Fells
hafa komið upp á yfirborðið hjá sér-
stökum saksóknara sem hluti af rann-
sókn embættisins á markaðsmisnotk-
un innan íslenska bankakerfisins. DV
hefur ekki heimildir fyrir því hvort og
þá hvernig embætti sérstaks saksókn-
ara muni rannsaka málefni Fells nán-
ar. ingi@dv.is
„Þeir eru að koma
með fjármagn inn í
landið og því er það mjög
hagstætt fyrir þá að
halda hratt áfram.
n Dularfullt fyrirtæki Ottos Spork tekið til gjaldþrotaskipta n Í eigu vogunarsjóða í skatta-
skjólum n Snæfellsbær seldi Spork vatnsréttindi til 95 ára og eignaðist hlut í fyrirtæki hans
VatnsVerksmiðja
sporks gjaldþrota
Ingi Freyr Vilhjálmsson
fréttastjóri skrifar ingi@dv.is
Orðið gjaldþrota Ásbjörn Óttarsson,
Kristinn Jónasson, Otto Spork, Ólafur Ragnar
Grímsson og eiginkona Ottos og Sverrir
Pálmarsson, talsmaður fyrirtækisins, sjást
hér á verksmiðjusvæðinu árið 2009.
Peningarnir hurfu með fléttum
Árið 2006 var hlutafé Fjárfestingarfélagsins
Fells aukið um rúma 11 milljarða króna.
Fastur í
dýru stæði
Lesandi DV hafði samband við
blaðið og sagði farir sínar ekki
sléttar. Hann var á Vesturgötunni í
Reykjavík en var svo óheppinn að
bíllinn hans sat fastur í snjóskafli.
Hann hafði lagt bílnum í gjaldskylt
stæði og var því í nokkrum vanda.
Hann sagðist hafa haft samband
við Reykjavíkurborg til að spyrjast
fyrir um þetta en fékk þau svör að
allir bílar sem ekki er greitt fyrir í
stæði fái sektarmiða venju sam-
kvæmt. „Ég hringdi í Bílastæða-
sjóð Reykjavíkur og ræddi við yfir-
mann þar á bæ sem sýndi málinu
alls engan skilning og tjáði mér að
allir sem eru fastir í bílastæðum
sínum í miðbænum í dag og greiða
ekki fyrir hverja einustu mínútu
verði sektaðir,“ sagði hann og var
afar ósáttur.
Milljón of
lág laun
„Ég segi oft að ég sé sá bankamað-
ur á Íslandi sem er með lægst laun
fyrir unna stund. Því það að vera
bankastjóri Landsbankans er tals-
vert mikil vinna,“ sagði Steinþór
Pálsson, bankastjóri Landsbank-
ans, í viðtalsþættinum Klinkið á
Vísi. Steinþór er til að mynda að-
eins með einn þriðja af launum
bankastjóra Arion banka á mán-
uði. Hann sagðist sjálfur hafa ver-
ið með mun hærri laun hjá Acta-
vis áður en hann tók við stöðu
bankastjóra hjá ríkisbankanum.
Hann sagðist hafa trúað því að
launin myndu hækka í lok árs 2010
en staðan sé sú að Landsbankinn
heyri nú einn banka undir kjara-
ráð. „Þetta er mjög óeðlilegt. Þetta
er skrýtið að ríkið fer fram og skap-
ar sér einhverja sérstöðu, að það sé
ekki sama lagaumhverfi fyrir alla
viðskiptabankana,“ sagði Steinþór
sem sagðist vera með rúma milljón
á mánuði, þegar allt væri talið. „Ég
held að það séu of lág laun.“
Skeifan 3j | Sími 553 8282 | www.heilsudrekinn.is
TILBOÐ
Hugræn teygjuleikfimi
ásamt heilsumeðferð
Hópa- og einkatímar
• opnar orkuflæði
• slökun
• losar um spennu og kvíða
• dregur úr verkjum
• styrkir líkamann
• jafnvægi fyrir líkama og sál
• o.fl.
Leiðbeinandi: Qing
TAI CHI
INNIFALIÐ