Dagblaðið Vísir - DV - 30.12.2011, Side 8

8 Fréttir 30. desember 2011 Áramótablað
J
ón Bjarnason, sjávarútvegs- og
landbúnaðarráðherra, og Árni
Páll Árnason, efnahags- og við-
skiptaráðherra, hverfa líklega
úr ríkistjórn nú um áramótin.
Stjórnarflokkarnir tveir Samfylkingin
og VG hafa boðað til þingflokksfunda
á föstudag þar sem tillögur að upp-
stokkun í ríkisstjórn verða kynntar. Þá
hefur Samfylkingin boðað til flokks-
stjórnarfundar að kvöldi föstudags
en lög flokksins kveða á um að bera
þurfi breytingar á starfandi ríkisstjórn
undir flokksstjórn með sama hætti og
gert er við ríkisstjórnarmyndun en þó
aðeins ef breyting verður á ráðherra-
skipan flokksins.
Fréttastofa RÚV greindi frá því að
fundað hefði verið í stjórnarráðinu
í gær vegna breytinganna en Dagur
B. Eggertsson varaformaður Sam-
fylkingarinnar fundaði með Jóhönnu
Sigurðardóttur, forsætisráðherra og
formanni Samfylkingarinnar, ásamt
fleiri í Samfylkingunni. Oddvitar rík-
isstjórnarinnar fengu fyrir nokkrum
vikum umboð til að gera smávægi-
legar breytingar á ríkisstjórninni auk
þess sem flokksstjórnarfundur Sam-
fylkingarinnar samþykkti á sínum
tíma samstarfssamning flokkanna
þar sem kveðið er á um breytingar
á skipan ráðherra. Endanleg niður-
staða um uppstokkun mun ekki liggja
fyrir fyrr en að loknum þingflokks-
fundum.
Steingrímur í nýtt ráðuneyti
Sjávarútvegs- og landbúnaðarráðu-
neytið, iðnaðarráðuneytið ásamt
efnahags- og viðskiptaráðuneytinu
verða sameinuð í eitt atvinnuráðu-
neyti. Samkvæmt upplýsingum DV
kemur til greina að Steingrímur J.
Sigfússon, fjármálaráðherra og for-
maður VG, taki við því ráðuneyti en
fjármálaráðuneytið færist til Sam-
fylkingarinnar. Breytingar á fiskveiði-
stjórnunarkerfinu og aðgerðir í efna-
hagslífinu verða á forsendum hins
nýja ráðuneytis. Ráðuneytið verður
því þungamiðjan í aðgerðum ríkis-
stjórnarinnar þar til kosið verður árið
2013. Það þykir senda skýr skilaboð
um hve mikla áherslu ríkisstjórn-
in leggur á að ná í gegn breytingu á
kvótakerfinu og atvinnuuppbygg-
ingu.
Samfylkingin fær fjármálaráðu-
neytið
Sé rétt að Steingrímur færi sig úr fjár-
málaráðuneytinu þykir líklegt að fjár-
málaráðuneytið fari til Samfylking-
arinnar. Innan Samfylkingarinnar
er ríkur vilji til að nýtt atvinnuráðu-
neyti fari til flokksins en innan VG
mun ekki vera vilji til þess. Ekkert
fæst staðfest um hver gæti tekið við
fjármálaráðuneytinu gangi þetta eft-
ir. Oddný Harðardóttir, þingflokksfor-
maður Samfylkingarinnar, var nefnd
sem mögulegur kandídat. Seint á
fimmtudagskvöld hafði Oddný sjálf
ekki heyrt af slíkum hugmyndum.
Jóhanna og Steingrímur halda til-
lögunum mjög nærri sér en ná-
kvæmt innihald þeirra var ekki kynnt
á fundi lykilfólks í Samfylkingunni
sem haldinn var í stjórnarráðshús-
inu á fimmtudag. Á þeim fundi kom
fram að Jóhanna hygðist ræða við alla
þingmenn flokksins í gærkvöldi.
Viðræður við Hreyfinguna í
strand
Hreyfingin mun upphaflega hafa
lýst sig reiðubúna til að styðja stjórn-
ina gegn því að lýðræðismál líkt og
stjórnarskrá og persónukjör gengju í
gegn. Áður höfðu allavega þrír stjórn-
arliðar nálgast þingmenn Hreyfingar-
innar og óskað upplýsinga um helstu
áherslur þeirra. Á fundum þing-
manna Hreyfingarinnar með oddvit-
um ríkisstjórnarinnar mun Þór Saari
hafa lagt fram tillögur í skuldavanda
heimilanna sem sóttu uppruna sinn
til Hagsmunasamtaka heimilanna
og haldið þeim til streitu en hvorki
forsætisráherra né fjármálaráðherra
voru tilbúnir að ganga að hugmynd-
unum. Hlé hefur verið gert á viðræð-
unum en ekki er víst hvort þeim sé al-
gjörlega lokið.
Flóknara mál með Ástu
Ragnheiði
Áhugi er meðal Samfylkingarinnar
og VG að skipta út Ástu Ragnheiði Jó-
hannesdóttur, forseta Alþingis. Hún
er sögð ekki njóta trausts stjórnarliða,
hvorki innan VG né Samfylkingar-
innar. Þingmenn Hreyfingarinnar eru
sagðir sama sinnis og hafa raunar tjáð
þá skoðun sína opinberlega. Málið
er þó flóknara þar sem lýsa þarf van-
trausti á forseta þingsins og krefjast
þess að nýr verði kosinn. Stjórnarlið-
ar sem DV ræddi við og lýstu óánægju
með Ástu Ragnheiði sögðust vona að
hún segði sjálf af sér svo spara mætti
þinginu og henni þá niðurlægingu
að þurfa að lýsa vantrausti á forseta
þingsins.
Tímasetning Össurar vekur
athygli
„Það mun reynast flokki eins og Sam-
fylkingunni […] mjög erfitt að fara
í gegnum næstu kosningar nema
flokkurinn hafi náð að endurnýja sig,
bæði forystuna og ekki síður hug-
myndir sínar,“ segir Össur Skarphéð-
insson utanríkisráðherra í viðtali við
áramótablað Viðskiptablaðsins. Þá
hefur blaðið eftir Össuri að Jóhanna
Sigurðardóttir, forsætisráðherra og
núverandi formaður Samfylkingar-
innar, hafi þurft að taka á sig marg-
ar hrinur áhlaupa og taka erfiðar
ákvarðanir. Það hafi staðið á henni öll
spjót en hún hafi siglt í gegnum verk-
ið með miklum sóma eins og Össur
orðar það. Hins vegar sé þörf á því að
endurnýja bæði forystu flokksins sem
og hugmyndafræði hans.
Tímasetning ummælanna vekja
athygli enda birt aðeins tveimur dög-
um fyrir ríkisráðsfund og í miðju erf-
iðra samningaviðræðna um hróker-
ingar í ríkisstjórn sem stendur og
fellur með eins atkvæðis meirihluta.
Sjálfur er Össur ekki talinn í nokk-
urri hættu á að missa ráðherrastólinn
en viðmælendur DV kunnugir Sam-
fylkingunni sögðu augljóst að Össur
skynjaði háværa kröfu innan flokks-
ins um algjöra endurnýjun flokks-
forystunnar. Össur vilji með ummæl-
unum tryggja að endurnýjunarkrafan
nái ekki alla leið til hans, þótt aðrir fái
ef til vill að fjúka fyrir næstu kosning-
ar.
Tveir ráðherrar
hverfa á braut
n Samfylkingin gæti fengið fjármálaráðuneytið n Hlé hefur verið gert á viðræðum við Hreyfinguna
Þögul Steingrímur og Jóhanna láta sjálf ekkert uppi um fyrirhugaðar breytingar á ríkisstjórn.
n „Það eru engar viðræður við mig um þessi mál,“ sagði Siv Friðleifsdóttir,
þingmaður Framsóknarflokksins, aðspurð hvort hún hafi átt í viðræðum við
forystufólk ríkisstjórnarinnar líkt og þingmenn Hreyfingarinnar. „Það hafa
ekki farið fram neinar viðræður milli mín og ríkisstjórnarinnar en ég get ekki
útilokað að slíkar viðræður muni fara fram. Ég og við sem að nýja framboðinu
stöndum höfum okkar málefnaáherslur ef kæmi til að ég ætti á þingi að veita
ríkisstjórninni hlutleysi eða jafnvel stuðning þá myndum við leggja þau málefni
á borðið og sjá hvort samhljómur sé um þau,“ segir Guðmundur Steingrímsson
þingmaður utan flokka.
Hvorki Siv né Guðmundur í formlegum viðræðum
n „Ég get alveg séð þetta fyrir
mér enda er þetta í samræmi við
stjórnarsáttmála að því leyti að
stefna átti að því að stofna atvinnu-
vega- og nýsköpunarráðuneyti með
sameiningu sjávarútvegs- og land-
búnaðarráðneytis ásamt iðnaðar-
ráðuneytinu. Þá var hins vegar ekki
gert ráð fyrir að efnahagsráðuneytið
færi inn í þetta nýja ráðuneyti. Ég
hefði ekki reiknað með að Stein-
grímur myndi færa sig. Þetta er
mjög mikil breyting ef af verður en
hugsanlega yfirlýsing um að verið
sé að leggja meiri áherslu á þessa
málaflokka en hingað til hefur verið
gert,“ segir Silja Bára Ómarsdóttir,
aðjúnkt við Stjórnmálafræðideild
Háskóla Íslands.
Róttæk breyting
ef af verður
n „Mér finnst sérstakt og það
kemur á óvart ef rétt er að VG gefi
frá sér fjármálaráðuneytið. Sé þetta
niðurstaðan þá virðist sem Sam-
fylkingin sé að styrkja stöðu sína.
Auðvitað myndi það vekja athygli
ef VG lætur fjármálaráðuneytið af
hendi. Hins vegar er athyglisvert ef
VG ætlar sér að fara með iðnaðar-
ráðuneytið og þar með orkumálin.
Ég er ekki viss um að það hjálpi
atvinnuuppbyggingu í landinu,“
segir Baldur Þórhallsson, prófessor í
stjórnmálafræði við Háskóla Íslands.
Verða að
koma Jóni frá
Út í kuldann Jón Bjarnason verður látinn
fjúka.
Ekki lengur í ríkisstjórn Árni Páll
Árnason hverfur úr ríkisstjórn.
Atli Þór Fanndal
blaðamaður skrifar atli@dv.is
www.xena.is
Mikið úrval af barnaskóm
Opið virka daga 11-18
laugardag 11-16
Grensásvegur 8 og Nýbýlavegur 12 - Sími 517 2040
BARNASTÍGVÉL
St. 22-35
Verð 7.995
St. 22-40
Verð 7.995