Dagblaðið Vísir - DV - 30.12.2011, Side 64

64 30. desember 2011 Áramótablað
Sakamál 400 fórnarlömb Reyndar var Luis Alfredo Garavito frá Kólumbíu sakfelldur árið 1999 fyrir „aðeins“ 138 morð, en talið var að hann hefði að minnsta kosti 400 mannslíf á samviskunni. Fórnarlömb Garavitos, sem fékk viðurnefnið „Skepnan“, voru flest götubörn. Garavito var dæmdur til 1.853 ára fangelsisvistar, en í reynd var eingöngu hægt að halda honum í fangelsi í 30 ár og síðar var dómurinn styttur í 22 ár vegna þess hve hann var samvinnufús. U m s j ó n : K o l b e i n n Þ o r s t e i n s s o n k o l b e i n n @ d v . i s
Á
köldu og hráslaga-
legu rigningarkvöldi
17. febrúar 1970 svar-
aði herlögreglan í Fort
Bragg, í Norður-Kar-
ólínu í Bandaríkjunum, neyð-
arkalli frá Jeffrey MacDonald
herlækni. Þegar herlögreglu-
mennirnir komu á heim-
ili MacDonalds mætti þeim
óhugnanleg sjón. Colette, eig-
inkona Jeffreys, hafði verið
myrt með hroðalegum hætti og
sömu sögu var að segja af dætr-
um hjónanna, Kimberley, fimm
ára, og Kristen, tveggja ára.
Sjálfur var Jeffrey svo illa hald-
inn að Kenneth Mica, einn her-
lögreglumannanna brá á það
ráð að beita munn við munn-
aðferðinni á hann.
Áverkar á Colette bentu til
þess að hún hefði verið barin
harkalega og ítrekað og einnig
stungin með oddhvössu áhaldi,
sem seinna kom í ljós að var
ísexi. Sömu sögu var að segja af
dætrunum.
Jeffrey MacDonald var með
áverka á höfði, skurði og mar-
bletti á öxlum, bringu og víð-
ar um líkamann. Hann hafði
verið stunginn í bringuna og
annað lunga hans hafði fallið
saman. Þegar hann fékk rænu
sagðist hann hafa verið sofandi
í sófanum þegar hann vaknaði
við öskur eiginkonunnar og
eldri dótturinnar. Hann hefði
séð þrjá menn sem réðust á
hann í sófanum – einn svartan
íklæddan hermannafötum og
tvo hvíta. Einn var með hafna-
boltakylfu eða eitthvert álíka
áhald, einn var með eggvopn.
Að baki þeim sá Jeffrey glitta í
ljóshærða konu með tuskuleg-
an hatt. „Sýra er æði, drepum
svínin,“ sagði konan.
Spjótin beinast að Jeffrey
Reyndar varð það svo að Mica
minntist þess að hafa séð konu
sem svaraði til lýsingar Jeffreys.
Mica hafði séð hana standandi
í rigningunni á götu ekki fjarri
heimili Jeffreys þegar hann
var á leiðinni þangað. En þeg-
ar Mica upplýsti yfirmenn sína
um það fannst honum sem
hann væri hundsaður og þeir
einbeittu sér eingöngu að vitn-
isburði Jeffreys.
Jeffrey var á sjúkrahúsi
vegna áverka sinna til 25. febrú-
ar en þá var hann viðstaddur út-
för eiginkonu sinnar og dætra.
En því fór fjarri að rannsak-
endur á vegum hersins væru
búnir að missa áhugann á Jeff-
rey því hann var kallaður til
yfirheyrslu 6. apríl. Yfirheyrsl-
an var ítarleg og niðurstað-
an var sú að áverkar Jeffreys
hefðu verið skeinur og hann
hefði sjálfur veitt sér áverkana.
Einnig voru bornar brigður
á frásögn Jeffreys af atburða-
rás kvöldsins örlagaríka, hún
sögð uppspuni frá rótum og
ætlað að slá ryki í augu þeirra
sem fóru með rannsókn máls-
ins; Jeffrey hefði í reynd sjálfur
myrt eiginkonu sína og tvær
dætur.
Herinn kærði Jeffrey
MacDonald fyrir morð á fjöl-
skyldu sinni 1. maí, en fimm
mánuðum síðar ákvað Warren
Rock ofursti að fallið yrði frá
kærunum.
Grunur fellur á Jeffrey
Jeffrey fékk lausn frá hern-
um með fullum sóma í des-
ember, flutti til Long Beach
í Kaliforníu og hóf störf á St.
Mary-heilsugæslustöðinni.
Þegar Jeffrey flutti til Kaliforníu
runnu tvær grímur á foreldra
Colette, Mildred og Freddie
Kassab, sem höfðu ávallt talið
Jeffrey saklausan af morðun-
um, því skömmu áður en Jeff-
rey flutti til Kaliforníu hringdi
hann í Freddie og fullyrti að
hann hefði haft upp á og banað
einum þeirra sem hefðu myrt
fjölskyldu hans.
Í kjölfar símtalsins settu
tengdaforeldrar Jeffreys sig í
samband við rannsóknarlög-
regluna með það fyrir augum
að koma lögum yfir hann.
En kerfið var of þungt í vöf-
um að mati foreldra Colette
og í apríl 1974 höfðuðu þeir
einkamál. Í ágúst hófust rétt-
arhöld yfir Jeffrey sem afsal-
aði sér réttindum sínum og var
fyrsta vitnið sem leitt var fram.
Til að gera langa sögu stutta
kom Jeffrey fyrir dóminn í ann-
að skipti í janúar 1975. Þremur
dögum síðar var hann kærður
fyrir þrjú morð, handtekinn og
kastað í grjótið. Hann var leyst-
ur úr haldi eftir að vinum og
vinnufélögum tókst að safna
100.000 dölum sem lagðir voru
fram sem trygging.
Næstu árin þvældist mál
Jeffreys um völundarhús laga
og réttar; hann barðist fyrir
frelsi sínu og aðrir börðust fyrir
því að hann yrði settur bak við
lás og slá.
Völundarhús laga og réttar
Í janúar var öllum ákærum á
hendur Jeffrey vísað frá eftir að
kröfu hans um að réttarhöldin
færu fram sem fyrst var hafn-
að. Tveimur árum síðar var úr-
skurðinum snúið af hæstarétti
sem sagði að krafan um tafar-
laus réttarhöld hefði verið rétt-
mæt og því yrði að rétta í mál-
inu.
Í júlí 1979 hófust réttarhöld
yfir Jeffrey MacDonald vegna
morðanna á Colette og dætr-
unum og mánuði síðar var Jeff-
rey sakfelldur og sendur í alrík-
isfangelsi.
Í júlí 1980 felldi sérstakur
áfrýjunardómstóll niður all-
ar ákærur á hendur Jeffrey og
byggði úrskurð sinn á því að
honum hefði áður verið neitað
um tafarlaus réttarhöld.
Jeffrey MacDonald snéri
aftur til vinnu sinnar á St.
Mary-heilsugæslustöðinni og
í mars 1982 trúlofaðist hann
samstarfskonu sinni þar. En
trúlofunin varð skammlíf því í
sama mánuði snéri hæstiréttur
úrskurði áfrýjunardómstólsins
frá 1980 og Jeffrey var sendur í
grjótið aftur.
Jeffrey MacDonald átti kost
á reynslulausn í mars 1991 en
sótti ekki um hana einfaldlega
vegna þess að hann neitaði að
viðurkenna sök á morðunum
á Colette, Kimberley og Krist-
en.
Hann situr enn í fangelsi,
neitar enn sök og á næst kost
á reynslulausn árið 2020.
Hliðarsnúningur
Rithöfundi að nafni Joe
McGinnis og Jeffrey varð vel
til vina og með þeim tókst
samkomulag um að Joe skrif-
aði sögu Jeffreys. Joe fékk sök-
um samkomulagsins aðgang
að öllum gögnum verjanda
hans. Vorið 1984 kom út bókin
Fatal Vision og seldist grimmt
og kannski ekki að undra því
Jeffrey birtist lesendum bók-
arinnar sem óður fíkill sem
myrti fjölskyldu sína.
Jeffrey höfðaði mál á hend-
ur Joe og náðust sættir án þess
að málið færi fyrir dóm.
Joe McGinnis greiddi Jeff-
rey 325.000 Bandaríkjadali,
en Jeffrey reið ekki feitum
hesti frá málinu því foreldrar
Colette kærðu Jeffrey vegna
sáttarinnar; Kassab-hjónin
fengu 80.000 Bandaríkjadali,
móðir Jeffreys fékk 93.000
dali og lögfræðingar Jeffreys
fengu 104.000 dali – eftir-
stöðvarnar, 48.000, runnu til
Jeffreys.
C
esar Barone er það
sem flestir teldu vera
lélegan pappír. Barone
er á dauðadeild í Ore-
gon en hann var sakfelld-
ur fyrir að nauðga þremur
konum og myrða þær síðan.
Reyndar fékk hann 89 ára
fangelsisdóm fyrir fjórða
morðið.
Í apríl 1991 féll fyrsta
þekkta fórnarlambið fyrir
hendi Barone þegar hann,
þá um tvítugt, nauðgaði
Margaret Schmidt, 61 árs
gamalli, á heimili hennar
og kyrkti hana í kjölfarið.
Síðan leið hálft ár áður
en Barone lét til skarar
skríða á ný. Í október 1992
varð ljósmóðirin Martha
Bryant á vegi Barone. Hann
lét kúlunum rigna á bifreið
hennar þegar hún var á leið
heim frá vinnu og var hún
illa særð. Barone lét ekki
þar við sitja heldur mis-
þyrmdi henni kynferðis-
lega, dró hana síðan út úr
bifreiðinni og banaði henni
með einu skoti í höfuðið.
Í desember sama ár lenti
Chantee Woodman í klón-
um á Barone. Chantee, sem
var 23 ára, sætti barsmíðum
og kynferðislegu ofbeldi
af hálfu Barone sem síðan
skaut hana í höfuðið og
losaði sig við lík hennar við
vegkant skammt frá Port-
land í Oregon.
Cesar Barone virtist
kominn á bragðið því í
janúar 1993 réðst hann á
Betty Williams, 51 árs konu
í Portland, á heimili henn-
ar. Á meðan Barone mis-
þyrmdi henni kynferðislega
fékk Betty hjartaáfall sem
dró hana til dauða og fékk
hann áðurnefndan 89 ára
dóm fyrir dauða Betty. Fyrir
morðin á hinum þremur
konunum fékk hann dauða-
dóm.
Cesar Barone lá reyndar
einnig undir grun um að
hafa nauðgað og myrt 71
árs nágrannakonu sína.
Hann hafði verið dæmdur
til tveggja ára vistar á ung-
lingaheimili fyrir að hafa
ráðist á hana einhverju
áður. Yfirvöld í Oregon
höfðu Barone grunaðan
um að hafa gengið illilega
í skrokk á ömmu sinni um
svipað leyti, en hann var
sýknaður af því.
Ljóst er að það er grunnt
á ofbeldinu hjá Cesar
Barone því hann réðst á
kvenkyns fangavörð eftir að
hann var kominn á bak við
lás og slá.
Dauðadómur og
89 árum betur
Lagðist á fullorðnar konur
„Einnig voru
bornar brigður
á frásögn Jeffreys af
atburðarás kvöldsins
örlagaríka, hún var
sögð uppspuni frá
rótum og ætlað að
slá ryki í augu þeirra
sem fóru með rann-
sókn málsins.
n Læknirinn Jeffrey MacDonald fannst illa haldinn á heimili sínu árið 1970 n Fjölskylda
hans hafði verið myrt n Grunur beindist fljótlega að Jeffrey sem hélt fram sakleysi sínu
LÆKNIR Á BAK
VIÐ LÁS OG SLÁ
Jeffrey MacDonald
Hefur aldrei játað sig
sekan og því aldrei
fengið reynslulausn.