Dagblaðið Vísir - DV - 30.12.2011, Qupperneq 77

Sport 77Áramótablað 30. desember 2011
Fótboltaverðlaunin 2011
n Það besta og versta úr boltanum á árinu
Flopp ársins
Fernando Torres
Það ætlaði allt um koll að keyra í
Liverpool þegar Spánverjinn var
seldur til Chelsea á 50 milljónir punda.
Lundúnaliðið keypti þó einhvern dýrasta
kött í sekknum sem um getur því Torres
hefur nákvæmlega ekkert getað og
getur varla keypt sér mark.
Komu einnig til greina
Andy Carroll
Það er að koma í ljós
að 35 milljónir punda
fyrir þennan strák var
alltof mikill peningur.
Hefur gengið afleitlega
að skora hjá Liverpool.
Diego Milito
Argentínumaðurinn fór á
kostum árið 2010 en á
þessu ári hefur hann
hreinlega ekki staðið sig
nægilega vel.
Lið ársins
Barcelona
Börsungar unnu Meistaradeildina með
tilþrifum og létu Englandsmeistara
Manchester United líta út eins og
skólastráka í úrslitaleiknum. Nú er Pep
Guardiola að breyta fótboltanum með
nýju kerfi. Barcelona er einfaldlega liðið
sem önnur lið miða sig við.
Komu einnig til greina
Landslið Wales
Undir stjórn Gary Speed fór velska
landsliðið úr 112. sæti á
heimslista FIFA upp
í það 48. Endirinn á
árinu var þó hörmu-
legur fyrir liðið vegna
fráfalls Speed.
Stoke
Elskið það eða hatið það – lið Stoke
hefur náð undraverðum árangri á árinu
2011. Með föstum varnarleik, baráttu
og löngum innköstum er
Stoke ekki bara að gera
fína hluti í úrvals-
deildinni heldur er það
komið í 32 liða úrslit
Evrópudeildarinnar.
Nýliði ársins
Neymar
Brassinn ungi er vel falinn í Santos í
heimalandinu en hann er heldur betur
að gera góða hluti þar. Santos varð bæði
Brasilíumeistari og vann Meistaradeild
Suður-Ameríku þar sem Neymar fór á
kostum. Hann verður eitthvað áfram
í Brasilíu en það þarf engum að koma
á óvart ef hann slær einhver kaupmet
þegar hann verður keyptur til Evrópu.
Komu einnig til greina
Daniel Sturridge
Á einu ári fór hann úr
því að vera ekki í
myndinni hjá Chelsea í
byrjunarliðið og kemur
til greina í landsliðið.
Það er ágætisárangur.
Mario Götze
Þýska undrabarnið var lykilmaður í
Þýskalandsmeistaraliði
Dortmund og hann hefur
hvergi slegið af á nýju
tímabili. Ein bjartasta
von fótboltans.
Peningahóra ársins
Asamoah Gyan
Ganverjinn kostaði Sunderland tólf
milljónir punda en það kom virkilega
á óvart þegar hann tók sig til í byrjun
árs og fór á lán til Al Ain í Sameinuðu
arabísku furstadæmunum. Peningarnir
í úrvalsdeildinni nægðu ekki. Gyan vildi
olíupeninga og yfirgaf bestu deild
heims.
Komu einnig til greina:
Samuel Eto’o
Kamerúninn er ekki nema
þrítugur og hafnaði mörgum
af stærstu félögum heims
til að ná sér í feitan tékka
hjá nýríka rússneska
félaginu Anzhi.
Robbie Keane
Hann nennti ekki að
standa í félaga-
skiptaveseni í Evrópu
lengur og tók því bara
bandaríska dollarann.
Stjörnuhrap ársins
Kaka
Besti leikmaður heims árið 2007.
Keyptur til Real Madrid fyrir 56 milljónir
punda árið 2009 og er því næstdýrasti
leikmaður sögunnar. Hvar ertu Kaka?
Svona í alvöru. Hvar?
Komu einnig til greina
Frank Lampard
Maðurinn sem hefur verið allt
í öllu hjá Chelsea er nú bara
kallaður „Feiti-Frank“ og
er ekki lengur fastamaður í
byrjunarliðinu.
Rio Ferdinand
Stjarna þessa flotta mið-
varðar skín ekki lengur
skært. Missir eflaust af
næsta stórmóti og þá ekk-
ert endilega vegna meiðsla.
U-beygja ársins
Carlos Tevez
Mikið svakalega getur þú verið erfiður,
Tevez. Fyrst reynir þú í allt sumar að
yfirgefa Manchester City. Næst telur
þú öllum trú um að þú ætlir að vera þar
næstu árin og svo allt í einu ertu kominn
í fýlu og vilt fara. Getur þú ákveðið þig?
Komu einnig til greina
Sir Alex Ferguson
Eftir sjö ára hlé er sá gamli
aftur farinn að tala við
breska ríkissjónvarpið. Það
var líka kominn tími til.
Mike Ashley
Eigandi Newcastle var alveg
að öðlast virðingu stuðn-
ingsmannanna aftur... en
þá breytti hann nafninu á
vellinum.
Sprelligosi ársins
Mario Balotelli
Það kemur enginn annar til greina.
Það væri hægt að skrifa bók um árið
2011 hjá Balotelli. Flugeldasýningar og
framhjáhald með glamúrfyrirrsætu svo
fátt eitt sé nefnt. Balotelli heldur blaða-
mönnum í Manchester og víðar við efnið.
Komu einnig til greina
Mario Balotelli
Fyrir að komast ekki í vesti
sem er eitthvað eftirminni-
legasta atvik ársins.
Mario Balotelli
Fyrir að keyra um Manchester-
borg um jólin og gefa pening. Og
bara allt hitt.
Leikmaður ársins
Lionel Messi
Þetta er ekkert afskaplega
flókið. Messi er sá besti í
heimi. Hann skorar mest og
alltaf í stórleikjunum. Hann vann
Spánartitilinn og Meistaradeild-
ina og verður á nýju ári valinn sá
besti þriðja árið í röð.
Komu einnig til greina
Cristiano Ronaldo
Hefur átt frábært
ár og skorar eins
og að drekka
vatn. Vinnur
samt enga titla
og lifir í skugga
Messi.
Robin van
Persie
Hefur verið óstöðv-
andi á árinu 2011.
Skorar á við Ronaldo og
Messi og heldur Arsenal á floti.
Röflari ársins
Jose Mourinho
Það er auðvitað afrek að vinna Arsene
Wenger en væl Mourinho í kringum El
Clasico-leikina í vor var engu lagi líkt.
Sakandi dómara um að halda með
Barcelona. Spilaði sig sem algjört
fórnarlamb.
Komu einnig til greina
Arsene Wenger
Hans einstaka sýn á leik
Arsenal er víðfræg. Honum
hefur ekki enn tekist að
„sjá það almennilega“ ef
Arsenal gerir eitthvað af
sér í leik.
Patrice Evra
Að undanskildu því sem gerðist í byrjun
tímabils með Luis Sua-
rez er Evra bara alltaf
eitthvað röflandi
inni á vellinum og í
fjölmiðlum.
Viðskipti ársins
Carroll út –
Demba Ba inn
Newcastle seldi Andy Carroll á 35 millj-
ónir punda í byrjun árs og leysti hann af í
sumar með því að fá Demba Ba á frjálsri
sölu. Ba skoraði sjö mörk eftir áramót
með West Ham og hefur skorað 14 til
þessa fyrir Newcastle. Hinn rándýri Andy
Carroll er búinn að skora 4 deildarmörk
fyrir Liverpool.
Komu einnig til greina
Heiðar Helguson
Það var rétt mat hjá Neil
Warnock að láta Heiðar ekki
fara í sumar þó eigendurnir
vildu það. Án hans færi liðið
í fallsæti.
Luca Modric
Eigandi Tottenham gerði vel í að neita
Chelsea um Luka Modric þó
tilboðið væru 40 milljónir
punda. Stórlið verða ekki
til ef bestu leikmennirnir
eru alltaf seldir.
Óvænta hetja ársins
Lucas Leiva
Brassinn sem ekkert gat þegar hann
kom til Liverpool varð að einum albesta
varnarsinnaða miðjumanni í ensku
úrvalsdeildinni og sérstaklega eftir
áramót og á þessu tímabili hefur hann
verið algjör lykilmaður í liði Liverpool.
Komu einnig til greina
Tom Cleverley
Varð í nokkrum
leikjum ómissandi fyrir lið
Manchester United.
Obafemi
Martins
Nígeríumaðurinn hafði lítið
gert fyrir Birmingham þegar
hann skoraði sigurmarkið í
úrslitaleik deildarbikarsins
gegn Arsenal á 89. mínútu.