Öldrun - 01.05.2007, Blaðsíða 25
2
ÖLDRUN – 25. árg. 1. tbl. 2007 www.oldrun.net
Sálfræðingar og
öldrunarþjónusta
Berglind Magnúsdóttir
sálfræðingur
Sálfræðiþjónustu LSH, Landakoti
Öldrunarsálfræði er sú grein sálfræðinnar sem snýr að
rannsóknum og skilningi á öldrun. Öldrunarsálfræðingar
starfa með heilbrigðum öldruðum sem þarfnast aðstoðar
vegna þátta sem ógna eða hafa veruleg áhrif á líf þeirra
og aðstæður og einnig með andlega sem líkamlega veik
um öldruðum einstaklingum. Sálfræðingar sem starfa við
öldrunarþjónustu hér á landi eru ekki margir, enda hvorki
mikil né löng hefð fyrir því að íslenskir sálfræðingar sér
mennti sig í öldrunarsálfræði. Geronto, gríska orðið fyrir
gamall, er það forskeyti sem notað er til að gefa til kynna
öldrunaráhersluna innan sálfræðinnar. Á dönsku er talað
um gerontopsykologi og á ensku gerontopsychology. Hér
á landi hefur forskeytið öldrunar fyrir framan sálfræðing
ur, öldrunarsálfræðingur, fest sig í sessi að nokkru leyti
þó strangt til tekið megi íslenskir sálfræðingar ekki kalla
sig öldrunarsálfræðinga, þar sem ekki er hægt að öðlast
sérfræðingsréttindi í greininni hér á landi. Sálfræðingar
sem sinna öldruðum hér á landi starfa á sjúkrahúsum,
hjúkrunarheimilum, á vegum félagsþjónustu sveitafélags
og einnig á eigin sálfræðistofu auk þess að sinna rann
sóknum, háskólakennslu og fræðslu á ýmsum vettvangi.
Skipta má starfssviði og sérmenntun þeirra sálfræðinga
sem koma að öldrunarþjónustu hér á landi í taugasálfræði
og klíníska öldrunarsálfræði. Á öldrunarsviði Landspít
alaháskólasjúkrahúss á Landakoti hefur verið ein staða
klínísks öldrunarsálfræðings frá árinu 1997 er greinar
höfundur hóf störf. Starfið þar felst í þverfaglegri vinnu
með öðrum stéttum þar sem megin áhersla er á sálfræði
meðferð, stuðningsviðtöl við aðstandendur og ráðgjöf til
starfsfólks. Auk þess má nefna greiningarvinnu, sorg
arvinnu, fjölskylduráðgjöf, handleiðslu annarra fagstétta
og vinnusálfræðileg aðkoma fyrir deildir og einingar. Notk
un hugrænnar atferlismeðferðar hefur aukist hjá þessum
aldurshópi sem og meðal annarra og hefur notkun þeirrar
meðferðar skilað góðum árangri.
Nokkuð löng hefð er fyrir taugasálfræðilegri þjónustu á
öldrunardeildum sjúkrahúsa. Á Landakoti og á Sjúkrahúsi
Reykjavíkur hefur, frá ársbyrjun 1995, verið veitt taugasál
fræðileg þjónusta og nú starfar doktor María K. Jónsdótt
ir á Landakoti í fullu starfi, einkum við taugasálfræðilega
greiningu á minnismóttökunni. Á Fjórðungssjúkrahúsinu
á Akureyri starfar doktor Þuríður J. Jónsdóttir sem sinnir
mati á öldruðum og öðrum aldurshópum.
Annar starfsvettvangur öldrunarsálfræðinga er hjúkr
unarheimili en aðeins á einu þeirra, Droplaugarstöðum, er
starfandi sálfræðingur í 20% starfi. Einn öldrunarsálfræð
ingur, Líney Úlfarsdóttir, vinnur á vegum Reykjavíkurborg
ar á Þjónustumiðstöð Laugardals og Háaleitis. Starfið felst
í verkefnastjórnun vegna félagslegrar heimaþjónustu og
annarri þjónustu fyrir aldraða í þeim bæjarhluta. Þriðji
starfsvettvangur sem öldrunarsálfræðingur starfar á er
á eigin stofu en doktor Erla Sigríður Grétarsdóttir, sem
er fyrsti íslenski doktorinn í öldrunarsálfræði, tekur þar á
móti fólki til meðferðar og greiningar.
Öldrunarsálfræði er spennandi fag sem gefur mögu
leika á ýmsum rannsóknum og sérverkefnum því fagið er
ungt hér á landi og áhugi þjóðfélagsins á öldrun fer vax
andi ár frá ári. Æskilegt væri að sjá fleiri stöður öldrunar
sálfræðinga á hjúkrunarheimilum og á heilsugæslu
stöðvum. Í nánustu framtíð sér fyrir endann á bið eftir
öldrunargeðdeild sem staðsett verður á Landakoti og mót
töku í tengslum við deildina. Fastlega má gera ráð fyrir
að næstu stöður öldrunarsálfræðinga verði innan þeirrar
starfssemi.