Öldrun - 01.05.2007, Blaðsíða 38
www.oldrun.net ÖLDRUN – 25. árg. 1. tbl. 2007
heilabilun. Í öðru lagi að athuga hvort hægt sé að greina
þá einstaklinga sem eru hvað líklegastir til að þróa heila
bilunarsjúkdóm á næstu árum með taugasálfræðilegum
prófum. Í þriðja og síðasta lagi að athuga hvaða þættir vit
ræns starfs skerðast fyrst þegar einstaklingur þróar með
sér Alzheimerssjúkdóm og þá hvaða taugasálfræðileg
próf eru næmust á byrjandi Alzheimerssjúkdóm.
Aðferð
Þátttakendur
Þátttakendur í rannsókninni skiptust í þrjá hópa: 1) ný
greinda einstaklinga með Alzheimerssjúkdóm, 2) systkini
þessara Alzheimerssjúklinga og 3) viðmiðunarhóp. Auk
systkinis átti fólk í systkinahóp að minnsta kosti einn ætt
ingja innan sex meiósuskiptinga1 sem greindur hafði verið
með Alzheimerssjúkdóm. Þátttakendur í viðmiðunarhóp
voru makar systkinanna og átti enginn þeirra fyrsta stigs
ættingja með heilabilun svo vitað væri2.
Mælitæki
Íslenskar útgáfur á erlendum taugasálfræðilegum próf
um sem vitað er að séu næm á byrjandi heilabilun voru
notaðar. Lagður var fyrir spurningalisti um heilsufar, þar
sem safnað var upplýsingum um hugsanlega þætti sem
haft gætu áhrif á frammistöðu í prófunum eins og skóla
göngu, sjúkdóma og slys. Þátttakendur voru einnig beðnir
1 Sem dæmi um skyldleika þá gætu viðkomandi átt sama langafa
og/eða langömmu
2 Fyrsta stigs ættingi er annaðhvort barn eða systkini.
um að leggja mat á eigið minni og árið 2005 var lagður fyr
ir sérstakur Spurningalisti um minnisvandkvæði (Margrét
Dóra Ragnarsdóttir og María K. Jónsdóttir, óútgefið).
Í töflu 1 má sjá þá þætti hugarstarfs sem talið er að
taugasálfræðilegu prófin sem notast var við í þessari rann
sókn séu að mæla. Sum prófanna mæla fleiri en einn þátt
hugarstarfs (Lezak ofl., 2004).
Framkvæmd
Fengið var leyfi fyrir rannsókninni hjá Persónuvernd
og Vísindasiðanefnd. Allir þátttakendur fylltu út skriflega
yfirlýsingu um samþykki. Í endurprófuninni gátu þátttak
endur valið um að fá að vita hvort um marktæka afturför
hafi verið að ræða frá fyrri prófun sex árum áður eða ekki.
Í þeim tilvikum bauð ábyrgðarlæknir rannsóknarinnar
viðkomandi að koma í frekari greiningu. Einnig var blóð
prufum safnað en hér er ekki notast við upplýsingar sem
fengust úr blóðgreiningunni.
Rannsókn á árunum 1998-2001
Í rannsókn sem spannaði árin 1998 til 2001 voru fjór
ir hópar þátttakenda prófaðir. Rannsóknarhóparnir voru
nýgreindir Alzheimerssjúklingar, systkini þessara Alz
heimerssjúklinga og svo börn Alzheimerssjúklinganna
sem voru 40 ára og eldri. Til þess að hafa samanburð við
rannsóknarhópana var viðmiðunarhópur prófaður sem
samanstóð að mestu af mökum þátttakenda í rannsókn
arhópunum, en þessi hópur mátti ekki eiga systkini eða
foreldri með þekktan heilabilunarsjúkdóm. Í dag er verið
að vinna úr niðurstöðum prófana á börnum Alzheimers
sjúklinga og einnig er verið að endurprófa hluta þeirra,
en nánari umfjöllun um þá rannsókn er hér að neðan. Árið
2001 fór fram tölfræðiúrvinnsla á hinum rannsóknarhóp
unum og viðmiðunarhópi, en rannsóknin samanstóð af
85 nýgreindum Alzheimerssjúklingum, 95 systkinum
Alzheimerssjúklinga og 68 viðmiðum. Allir þrír hóparnir
voru sambærilegir hvað varðar kyn og menntun. Alzhei
mers hópurinn var hinsvegar marktækt eldri en viðmið
unarhópurinn (sjá töflu 2).
Niðurstöður þessarar rannsóknar bentu til að systkini
Alzheimerssjúklinga sem ekki höfðu fengið greiningu
um heilabilunarsjúkdóm og höfðu ekki leitað til lækn
is vegna minnistruflana eða annarra kvilla sem almennt
tengjast heilabilun voru skertari á yrtu og óyrtu minni,
áttun og athygli, og svo prófi sem metur hugrænan hraða,
samanborið við fólk sem átti enga nákomna ættingja með
heilabilun. Einnig var frammistaða systkinahóps slakari
en viðmiðunarhóps á öðrum taugasálfræðilegum prófum
þó svo að munur væri ekki marktækur. Eigið mat á minni
þessara hópa var hinsvegar svipað. Þetta voru áhugaverð
ar niðurstöður og þá lá beinast við að athuga hvort allur
systkinahópurinn sem heild sýndi lakari frammistöðu
á þessum prófum eða hvort þetta væri einungis bundið
við ákveðna einstaklinga. Næsta skref var því að athuga
hvernig frammistaða einstaklinga í sjúklinga, systkina og
viðmiðunarhóp dreifðist á taugasálfræðilegu prófunum.
Sú athugun leiddi í ljós að um 11 systkini (tæp 12%) skor
uðu eins og Alzheimerssjúklinga hópurinn á taugasál
Áttun:
Áttun á eigin persónu, stað og stund
Yrt og óyrt minni:
Sögur, tafarlaust og seinkað minni
Kennsl sagna
Orðapör, auðveld og erfið
Rey mynd, tafarlaust og seinkað minni
Kennsl Rey myndar
Mál:
Orðaleikni
Boston nefnipróf
Athygli og hugrænn hraði:
Slóðarpróf A og B
Talnarunur
Sjónræn skynjun og úrvinnsla:
Litafletir
Ófullgerðar myndir
Rey mynd, afrit
Rökhugsun og stýring:
Líkingar
Orðaleikni
Slóðarpróf B
Taugasálfræðileg próf og skipting þeirra
á ólíka þætti hugarstarfs
Tafla 1.
Þættir hugarstarfs sem taugasálfræðileg próf
í rannsókninni mæla.