Öldrun - 01.05.2007, Blaðsíða 26

2
www.oldrun.net ÖLDRUN – 25. árg. 1. tbl. 2007
Upphaf öldrunarfélagsráðgjafar
Félagsráðgjöf í þágu aldraðra á Íslandi hófst árið 1962
þegar breytingar urðu á skipulagi Skrifstofu framfærslu­
mála í Reykjavík. Starfseminni var þá skipt í tvær deild­
ir, annaðist önnur þeirra framfærslumál en hin almenna
félagsaðstoð.
Þá starfaði við skrifstofuna Margrét Steingrímsdóttir
félagsráðgjafi, en stór hluti af starfi hennar var að aðstoða
aldraða. Árið 1980 var Þórir S. Guðbergsson félagsráðgjafi
ráðinn til starfa til Ellimáladeildar til að sinna málefnum
aldraðra.
Fyrsti félagsráðgjafinn sem vann að öldrunarfélagsráð­
gjöf á sjúkrahúsum kom til starfa á öldrunarlækningadeild
Landspítalans Hátúni 10b árið 1975. Fyrsta deildin fyrir
aldraða var opnuð í B­álmu Borgarspítalans árið 1983. Þá
var ráðinn félagsráðgjafi og þar störfuðu þeir við öldrunar­
lækningadeildir til 2004. Þverfaglegt öldrunarteymi tók
til starfa á Landspítalanum við Hringbraut 1996. Eftir
stofnun Landspítala­háskólasjúkrahúss árið 2001 starfaði
teymið á LSH, Fossvogi og Hringbraut. Árið 2004 tók út­
Öldrunarfélagsráðgjafar
Jóna Eggertsdóttir
félagsráðgjafi
formaður fagdeildar félags-
ráðgjafa í öldrunarþjónustu
Soffía Egilsdóttir
félagsráðgjafi
Hrafnistu
skriftar­ og öldrunarteymi til starfa með nýjum áherslum,
en það þjónar einnig sjúklingum sem eru yngri en 67 ára.
Félagsráðgjafar hafa frá upphafi verið virkir þátttakendur
í teymisvinnu á öldrunarlækningadeildum ásamt öðrum
starfsstéttum.
Árið 1997 voru öldrunarlækningadeildirnar á Sjúkra­
húsi Reykjavíkur og í Hátúni 10b sameinaðar og starf­
semin flutt á Landakot. Nú starfa átta félagsráðgjafar á
Landspítala – háskólasjúkrahúsi við þjónustu aldraðra og
fjölskyldna þeirra.
Viðfangsefni öldrunarfélagsráðgjafa
Félagsráðgjafar koma víða að starfi í þágu aldraðra,
bæði við ráðgjöf, stjórnun og stefnumótun.
Starf félagsráðgjafans er einkum fólgið í að aðstoða
aldraða og aðstandendur þeirra við lausn ýmissa félags­
legra vandamála sem upp koma í kjölfar veikinda og
heilsubrests. Félagsráðgjafinn veitir einnig upplýsingar
og ráðgjöf um ýmis þau réttindi og þjónustu sem aldraðir
eiga rétt á.
Félagsráðgjafar hafa staðið fyrir margs konar fræðslu
eins og að undirbúa og aðlaga aldraða að starfslokum á
vegum verkalýðsfélaga og fyrirtækja. Einnig hafa þeir ver­
ið með fræðslu um ofbeldi gagnvart öldruðum. Þeir hafa
verið með stuðningshópa fyrir aðstandendur aldraðra með
minnissjúkdóma, stundum í samstarfi við aðrar fagstéttir.
Félagsráðgjafar hafa gjarnan frumkvæði að nýjum úr­
ræðum fyrir aldraða og má þar nefna stofnun dagvista og
stoðbýlis fyrir aldraða með minnissjúkdóma.
Fagdeild félagsráðgjafa í öldrunarþjónustu
Stofnfundur fagdeildar félagsráðgjafa í öldrunarþjón­
ustu innan Stéttarfélags íslenskra félagsráðgjafa var hald­
inn á Landakoti 17. nóvember 2006.
Helstu markmið fagdeildar eru:
• Að stuðla að framhaldsmenntun, símenntun og rann­
sóknum í félagsráðgjöf fyrir aldraða
• Að efla samskipti milli félagsráðgjafa í öldrunarþjón­
ustunni
• Að fylgjast með nýjungum í félagsráðgjöf aldraðra
• Að stuðla að aukinni fræðslu og forvarnarstarfi í þágu
aldraðra
• Að vera Stéttarfélagi íslenskra félagsráðgjafa til ráð­
gjafar í málefnum sem snúa að félagsráðgjöf aldraðra