Són - 01.01.2007, Page 29

ÁTTA LJÓÐ 29
Þú leitar hjá öðrum
eftir eldi,
sem úrkula verður
á einu kveldi.
Því annars reynsla
er einskis virði
þann dag er þú stendur
fyrir dregnu sverði.
Það eitt sem þú átt
er ygglir sig svarta
veran með ljáinn
er ljósið í hjarta.
Gylltur hani
Löngu dauður og luktur eigin skel,
lifði ég sem keisarans hani: tómur,
í Miklagarði gall minn hvelli hljómur,
gulli sleginn ég rembdist og sperrti stél.
Þar til mig draumur vakti um veislunátt,
varð að ösku hamur, mig fór að dreyma:
Ég stend við dyr og húsið sefur, – heima –
mitt hjartað bernska slær í mildri sátt.
Inn um gætt ég mæni, máninn skín,
mamma og pabbi, – slitið viðargólf,
þú varst svo lengi? kemur kennd án orða.
Sorgin hrærði handan þungt sinn kólf
er hjartað sökk og hvarf mér draumsins sýn.
Ég gól á ný með gylltan keisarans borða.
Nú er minn hugur kyr
Nú er minn hugur kyr
og öldur dauðar.
Ernirnir koma heim
með klærnar rauðar.