Dagblaðið Vísir - DV - 04.01.2008, Blaðsíða 22
22 FÖSTUDAGUR4. JANÚAR 2008
Helgarblað DV
'k
Guðrún Möller og eiginmað-
ur hennar Ólafur Arnason tóku ný-
lega við rekstri Snyrtiakademíunnar
í Hjallabrekku í Kópavogi. Kolbrún
Pálína Helgadóttir leit inn hjá Guð-
rúnu og fékk að sjá hvernig þessari
glæsilegu konu gengur að stýra þess-
um stóra og áhugaverða skóla.
Guðrúnu þekkja margir en hún
er ein þeirra sem hafa borið titilinn
ungfrú Island. Einnig hefur Guðrún
flogið með Qölda landsmanna á milli
landa en hún hefur starfað sem flug-
freyja til margra ára.
Eiginn atvinnurekstur
Það hafði blundað í þeim hjón-
um að skoða möguleikana á því að
fara í eiginn atvinnurekstur og var
þeim meðal annars bent á þetta til-
tekna fýrirtæki. Eftir að hafa skoðað
allar þær upplýsingar sem þau gátu
ákváðu þau að láta slag standa og
keyptu reksturinn í septembermán-
uði á síðasta ári.
Þetta er þó ekki alveg frumraun
þeirra í rekstri því íyrir nokkrum
árum ráku þau hjónin verslun. Guð-
rún segir þá reynslu hafa kennt sér
mikið. „Það er heilmikill skóli að
reka eigið fyrirtæki og ég reyni að
nýta fýrri reynslu til góða og einnig
það sem má varast," segir Guðrún.
Þar sem Guðrún hefur ekki starfað
á sambærilegum vettfangi áður lék
blaðamanni forvitni á að vita hvort
þetta hafi verið eins og hún átti von
á eða hvort fagið hefði komið henni
á óvart. „Iá, þetta hefur komið mér
á óvart að því leyti að þetta er meira
umfang og stærra í sniðum en ég
hélt. Það hafa komið gestir til mín
í Snyrtiakademíuna sem hafa ekki
starfað í snyrti-og förðunargeiranum
og eftir að ég hef farið með þá í skoð-
unarferð um fyrirtækið þá yfirleitt fæ
ég „ekki vissi ég að þetta væri svona
mikið""
Nýlega kvaddi Guðrún sitt gamla
starf sem hefur átt hug hennar allan
lengi vel, en ung að aldri hóf Guð-
rún að starfa sem flugfreyja. Þrátt
fyrir nokkur hlé sem hún hefur tek-
ið til barneigna og búsetu erlendis á
Guðrún nú 15 ára starfsferil að baki
í háloftunum. Ætíi það sé ekki erf-
itt að kveðja þennan spennandi og
skemmtilega vettvang? „Ætli maður
geti nokkurn tímann kvatt háloftin?
Það er nefnilega þannig með þetta
starf að það er eins og maður sé með
bakteríu sem ekki vill fara. Ég hef
reyndar mikinn áhuga á flugi og flug-
vélum og yfirleitt ef ég heyri í flugvél
lít ég upp til að athuga hvort ég þekki
kannski einhvern sem er þar á vappi.
Ég ber mikla virðingu fýrir flugvél-
um, þetta eru ótrúleg tæki, og því
fólki sem vinnur í og við þær. En nú
er það Snyrtiakademían sem ræður
ferðinni en ég þarf öðru hverju að
ferðast til útíanda vegna vinnunnar,
þannig mun ég áfram fá útrás fyrir
áhuga minn á flugvélum."
Alluraldur
f Snyrtiakademíunni eru nem-
endur á öllum aldri enda er mikið í
boði. „Það er hægt að fara í 14 vikna
tísku- og ljósmyndaförðunarnám,
læra allt um naglaásetningar í Na-
glaskóla Professionails, nám í snyrti-
fræði í Snyrtiskólanum og núna í
janúar hefst kennsla í Fótaaðgerða-
skólanum en þetta er í fyrsta sinn
sem fótaaðgerðaffæði er kennd á ís-
landi. Að auki erum við með ýmiss
konar námskeið tengd þessum skól-
um. Það er alltaf að aukast að hóp-
ar kvenna taki sig saman og óski eftir
sérsniðnum námskeiðum hjá okkur
í förðun og um umhirðu húðarinn-
ar svo eitthvað sé nefnt." Það verður
æ algengara að konur á öllum aldri
mennti sig eða styrki þá menntun
sem þær þegar hafa að sögn Guð-
rúnar. „Hingað koma konur á öll-
um aldri og úr öllum stigum þjóð-
félagsins. Sumar eru að breyta um
starfsvettvang, aðrar að afla sér meiri
þekkingar á sínu sviði og margar
hverjar að láta gamlan draum ræt-
ast. Við höfum einnig fengið til okk-
ar herramenn í skólana sem er hið
besta mál. Hingað eru allir velkomn-
ir," segir Guðrún. Þar sem margt ólíkt
er í boði í skólanum er vissulega mis-
jafnt eftir því í hvaða nám þú vilt skrá
þig hvaða undanfara þú þarfnast til
að komast inn í skólann. „Ef þú hef-
ur áhuga á að skrá þig í nám í Snyrti-
Guðrún Möller venti kvæði
sínu í kross þegar hún hætti
störfum sem flugfreyja og tók
við rekstri Snyrtiakademíu.
skólanum eða Fótaaðgerðaskólan-
um þarftu að vera búin með ákveðna
undanfara og eru allar upplýsing-
ar um slíkt veittar í Snyrtiakademí-
unni. Ef þú hefur áhuga á að koma
í Naglaskólann eða Förðunarskól-
ann myndi ég segja að áhugi, vilji og
metnaður væri góður grunnur. Ann-
ars bjóðum við alla áhugasama vel-
komna til okkar í Hjallabrekkuna til
að skoða aðstæður og spyrjast fyrir
um það nám sem viðkomandi hefur
áhuga á," segir Guðrún.
Mörg tækifæri
Þegar nýir einstaklingar taka við
rekstri fylgja þeim oft nýjar áhersl-
ur og ferskar hugmyndir. Er eitthvað
sérstakt sem Guðrún og Ólafur ætía
að einbeita sér að á næstunni? „Fram
undan er opnun Fótaaðgerðaskól-
ans sem er mjög spennandi. Einn-
ig erum við að skoða möguleikana á
fjölbreyttari námskeiðum og renna
styrkari stoðum undir reksturinn.
Heildverslunin Hjölur er ein ein-
ing Snyrtiakademíunnar og þar sjá-
um við mörg tækifæri til vaxtar. Það
er tiltölulega stutt síðan við komum
inn í reksturinn svo við erum ennþá
að kynna okkur starfsemina til hlít-
ar. Við erum með spennandi fram-
tíðarsýn fyrir Snyrtiakademíuna sem
við hlökkum til að takast á við." Þau
hjónin eru auðheyrilega samheldin
og ætía sér að hlúa vel að þessu nýja
verkefni sínu. Þau vinna þó ekki sam-
an á hverjum degi þrátt fyrir að vera
saman í þessu. „Við eigum fyrirtæk-
ið saman en við vinnum ekki saman.
Maðurinn minn er stjórnarformaður
fyrirtækisins en hann er í fullri vinnu
annars staðar. Ég neita því hins veg-
ar ekki að við ræðum nokkuð oft um
vinnuna á kvöldin þegar ró er komin
á heima. Sú samvinna gengur bara
ágætlega hjá okkur því við erum frek-
ar ólfk og því náum við oft að ræða
hlutina ffá ólíkum sjónarhornum."
Stór fjölskylda
Það er auðheyrt að það er meira
en nóg að gera hjá Guðrúnu og Ólafi
með nýja fyrirtækið en blaðamað-
ur veit að þau hjónin eiga stóra fjöl-
skyldu og leikur því forvitni á að vita
hvernig gengur að sameina rekstur-
inn og heimilishald. „Börnin okkar
fjögur eru á aldrinum sex til tuttugu
ára og eru þau dugleg að passa hvert
annað og hjálpast að þegar við erum
ekki heima. En allt hefst þetta með
samvinnu og skipulagningu og við
leggjum áherslu á að eyða tíma með
börnunum. Yfirleitt reynum við að
skiptast á að koma „snemma" heim.
Einnig erum við heppin að því leyti
að mamma mín kemur sterk inn,"
segir Guðrún. Þegar þau hjónin eru
ekki í vinnunni hafa þau samt sem
áður í nógu að snúast, Guðrún seg-
ist aðallega verja tíma í þvottahús-
inu eða vera á fullu á ryksugunni.
„Þegar, fjölskyldan samanstendur
af sex manneskjum, einum hundi
og tveimur kisum þarf að bretta
upp ermarnar." Einnig á fjölskyld-
an mikið af skemmtilegum áhuga-
málum sem hún gefur sér tíma til að
sinna. „Við fjölskyldan erum á kafi
í hestamennsku og höfum afskap-
lega gaman af. Það er óhætt að segja
að hestamennskan sé lífsstíll og
frábært fjölskyldusport. Stelpurn-
ar okkar eru duglegar að keppa og
hafa náð frábærum árangri aukþess
sem við förum í hestaferðir á sumr-
in. Einnig erum við hjónin í göngu-
hópi, „Gengið", og förum í fjögurra
til fimm daga fjallgöngu á hverju ári.
Mér finnst alveg dásamlegt að vera
úti í náttúrunni í öllum veðrum og
vindum í góðra vina hópi. Ferðalög
til útlanda heilla alltaf og langar mig
til að ferðast til framandi staða þeg-
ar ég verð stór," segir þessi ævintýra-
kona.
Auglýsi eftir þjálfara
Arið 1982 var Guðrún valin feg-
ursta stúlka landsins og hefur hún
starfað töluvert við fyrirstætustörf
síðan þá. Hún er þekkt fyrir rauða
hárið sitt, glæsileika og mikla út-
geislun. Nútímakonur í dag þiggja
alltaf góð ráð til að halda sér í formi,
lumar þessi glæsilega kona á nokkr-
um slíkum? „Við skulum orða það
þannig að ég lýsi hér með eftir ein-
hverjum sem treystir sér í að koma
mér í fantaform! Ég hef lítinn sem
ENGAN tíma, afsökun númer eitt,
en ég hef átt það til að byrja í hinu
og þessu en ekki náð að koma ein-
hverri líkamsrækt inn í planið und-
anfarin ár. En það er eitt af því sem
ég vil og verð að bæta úr á nýju ári.
Annars held ég að nútímakonan
verði að finna og gefa sér tíma fyr-
ir sjálfa sig. Nota svo þann dýrmæta
tíma til að gera það sem fær hana
til að líða vel því að ég er sannfærð
um að þegar konu líður vel og er
hamingjusöm þarf afskaplega lít-
ið í viðbót til að hressa upp á útlit-
ið, útgeislun hefur mjög mikið með
útlit að gera að mínu mati. Að lok-
um langar mig að deila með ykkur
einu góðu ráði, þannig er að ég frétti
einu sinni af góðri aðferð til að losa
sig við eitthvað sem angrar mann.
Maður skrifar það niður á blað, rífur
svo blaðið og hendir því! Ég á það til
að vera svolítið langrækin svo þetta
hentar mér ágætíega þegar listinn
er orðinn langur. Svo jafnast ekkert
á við það að ná sér í eina bók úr ser-
íu Rauðu ástarsagnanna af og til og
gleyma sér í ævintýralegum lýsing-
arorðum og senum. „Sólin skein á
gylltu bringuhárin", „karlmennskan
skein úr augum hans" og svo fram-
vegis," segir þessi duglega kona sem
er stútfull af útgeislun.